Viðskiptalögfræði á Bifröst

Home
Iceland
Borgarnes
Viðskiptalögfræði á Bifröst

BS í viðskiptalögfræði er kennd í staðnámi og blönduðu námi við Háskólann á Bifröst. Námið er verkefnamiðað og kennt er í sjö vikna lotum.

Grunnnám til BS gráðu í viðskiptalögfræði er sett saman úr greinum á sviði lögfræði og viðskiptafræði. Námið á sér fyrirmynd víða í nágrannalöndum okkar þar sem slík blanda lögfræði og viðskiptafræði er vel þekkt og vinsælt nám. Náminu er ætlað að veita hagnýtan og fræðilegan undirbúning að fjölbreyttum sérfræðings- og stjórnunarstörfum og lögð er áhersla á að nemendur öðlist haldgóða þekkingu á v

iðfangsefnum beggja fræðasviða. Mikil áhersla er lögð á námsvirkni nemenda og raunhæfa verkefnavinnu og hefur námið á Bifröst sannað gildi sitt. Lögfræðisvið Háskólans á Bifröst hefur starfað síðan 2001 og var Bifröst fyrstur háskóla utan Háskóla Íslands til að bjóða uppá lögfræðinám á Íslandi. Nemendur okkar starfa á hinum ýmsu sviðum að lokinni útskrift og eru brautryðjendur. Til dæmis var nemandi frá Bifröst fyrsti dómarinn við íslenskan dómstól sem ekki er útskrifaður frá Háskóla Íslands. Að auki voru nemendur frá Bifröst fyrstir utan Háskóla Íslands til að hljóta réttindi til að starfa sem héraðs- og hæstaréttarlögmenn. Alþjóðleg tenging

Námið er einnig með alþjóðlega tengingu. Lögfræðisvið skólans tekur þátt í LawWithoutWalls sem er samstarfsverkefni margra af virtustu lagadeildum í heimi eins og Harvard, Stanford og University of Miami. Lögfræðisviðið leggur áherslu á nýsköpun í allri kennslu. Nemendur eru virkjaðir til skapandi hugsunar á sviði lögfræði og leitað er svara við því hvernig lögfræðingar geta nýtt tækninýjungar í störfum sínum til að fjölga tækifærum á atvinnumarkaði. Að loknu námi

Nám í viðskiptalögfræði opnar dyr að fjölbreyttum starfsmöguleikum. Útskrifaðir nemendur frá Bifröst reka m.a. eigin lögmannstofur, starfa á alþjóðavettvangi, t.d. hjá EFTA, í bönkum eða hjá hinum ýmsu ráðuneytum. Námið er því góður undirbúningur fyrir nemendur til hinna ýmsu starfa en einnig gerir það nemendum kleift að skapa sér sín eigin tækifæri. Lögð er rík áhersla hagnýta tengingu námsins, á starfsþjálfun nemenda og kjósa margir nemendur að fara í starfsnám sem tengist áhugasviði þeirra. Nám á Bifröst

Verkefnavinna er stór þáttur námsmats og vinna nemendur að verkefnum jafnt og þétt í hverri námslotu. Verkefni vega yfirleitt yfir 40% af lokaeinkunn. Þannig tileinka nemendur sér námsefnið jafnt og þétt og öðlast hæfni í að vinna vel undir álagi.

Í öllu námi á Bifröst er lögð rík áhersla á að nemendur geti annars vegar unnið sjálfstætt að úrlausn krefjandi verkefna og hins vegar unnið í hópi samnemenda að rannsóknum og úrlausn stærri verkefna, kynnt þau og lagt í dóm kennara og samnemenda. Lögð er áhersla á gagnrýna hugsun og hagnýta tengingu við raunhæf verkefni sem eru fleiri og umfangsmeiri en almennt gerist við háskóla hér á landi. Sérstaða í kennsluháttum Bifrastar felst meðal annars í svokölluðum misserisverkefnum sem unnin eru í 4-6 manna hópum. Nemendur eiga að vinna tvö slík verkefni í náminu og fer vinnan fram á sumarönn, verkefnin eru að lokum varin fyrir dómnefnd tveggja kennara ásamt hópi nemenda. Námið fer fram í lotubundinni kennslu. Þannig leggja kennarar inn hljóðfyrirlestra tvisvar í viku til að miðla kennsluefni til nemenda. Nemendur á Bifröst fá þannig tækifæri til að lesa og fara yfir innlagnarefnið tímanlega til að undirbúa sig fyrir verkefna- og umræðutíma með kennara sem eru einu sinni í viku. Gert er ráð fyrir að nemendur taki virkan þátt í samræðum í verkefna- og umræðutímum.

29/01/2018

Lögfræðingar frá Bifröst eru í fjölbreyttum störfum á vinnumarkaði. Hér má sjá áhugavert viðtal Kastljóss við Matthildi Sveinsdóttur sem starfar hjá Neytendastofu.

Klippa: Ábyrgðartryggingar bifreiða

05/10/2017

Opnað hefur verið fyrir umsóknir fyrir LawWithoutWalls 2018!
Það verður spennandi að sjá hvaða nemendur lagadeildar Háskólans á Bifröst taka þátt í ár.

22/05/2017

Eitt af aðalsmerkjum BA og BS náms við Háskólann á Bifröst eru misserisverkefni sem nemendur vinna að í hópum. Áhersla er lögð á að tengja verkefnin við raunverulegar áskoranir atvinnulífs og samfélags.

16/05/2017

Metaðsókn er í meistaranám í Háskólann á Bifröst fyrir næsta haust en umsóknir voru um 75% fleiri en á sama tíma á síðasta ári. Gera má ráð fyrir því að vel á annað hundrað meistaranema hefji nám við Háskólann á Bifröst í haust og verði langstærsti hópurinn sem hafið hefur meistaranám á Bifröst.

Metaðsókn er í meistaranám í Háskólann á Bifröst fyrir næsta haust. En umsóknir í meistaranámið voru um 75% fleiri en á sama tíma á síðasta ári. Formlegum umsóknafresti lauk 15. maí en umsóknir eru áfram að berast skólanum og farið verður yfir þær allar.

15/05/2017

Umsóknarfrestur í meistaranám við Háskólann á Bifröst er til og með 15. maí. Í boði er framsækið nám í viðskipta- lögfræði- og félagsvísindadeild. Háskólinn á Bifröst er í fararbroddi í fjarnámi, allt meistaranám er kennt í fjarnámi og þannig geta nemendur stundað námið með vinnu á eigin hraða. Kynntu þér málið á www.bifrost.is.

14/05/2017

„Mikil eftirspurn er eftir öflugum lögfræðingum sem skilja og þekkja þarfir atvinnulífsins. Í viðskiptalögfræði er megináhersla lögð á kjarnagreinar lögfræðinnar en jafnframt þær greinar viðskiptafræðinnar sem tengjast rekstri og fjármálum,“ segir Unnar Steinn Bjarndal hæstaréttarlögmaður og forseti lagadeildar Háskólans á Bifröst.
Allt meistaranám við Háskólann á Bifröst er kennt í fjarnámi og er umsóknarfrestur til 15. maí. Kynntu þér málið á www.bifrost.is.

Hagnýtt nám opið öllum þeim sem lokið hafa grunnháskólagráðu.

09/05/2017

Útskrifaða Bifrestinga frá lagadeild er að finna í ólíkum og spennandi störfum í þjóðfélaginu. Hanna Björg Konráðsdóttir starfar sem lögfræðingur hjá Orkustofnun og sérhæfir sig í orkumálarétti.
MBL, meistaranám í viðskiptalögfræði, er eina nám sinnar tegundar á Íslandi. Um er að ræða hagnýtt og krefjandi nám opið öllum þeim sem lokið hafa grunn háskólagráðu. Umsóknarfrestur í meistaranám er til 15. maí.

05/05/2017

Háskólinn á Bifröst er þátttakandi í alþjóðlegu samstarfsverkefni lagadeilda, LawWithoutWalls, og hefur nemendum okkar m.a. verið hrósað fyrir að vera vandvirkir og fljótir að tileinka sér ný vinnubrögð. Þessi endurgjöf hefur staðfest að kennsluaðferðir okkar séu árangursríkar og að nemendur okkar búi að þeim breiða grunni sem námið veitir þeim.“ Helga Kristín Auðunsdóttir, lektor við lagadeild og doktorsnemi við Fordham háskóla.
Umsóknarfrestur í meistaranám í viðskiptalögfræði, MBL, er til 15. maí. Námið er kennt í fjarnámi og er því hentugt með vinnu.

01/02/2017

Helga Kristín Auðunsdóttir, doktorsnemi í lögfræði við Fordham háskóla í New York, og lektor við lagadeild Háskólans á Bifröst, segir í viðtali við Kastljós að mikil umræða sé innan fræðasamfélagsins um að nú reyni á lögfræðinga, þegar að forsetinn lætur til sín taka með afgerandi og umdeildum hætti.

Það eru ellefu dagar frá því að Donald Trump tók við sem forseti Bandaríkjanna - og það hefur gustað um hann í embætti. Helga Kristín Auðunsdóttir doktorsnemi í lögfræði við Fordham háskóla í New York segir að það sé mikil umræða innan fræðasamfélagsins um að nú reyni á lögfræðinga, þegar að forseti...

11/01/2017

Lagadeild Háskólans á Bifröst hefur undanfarin ár tekið þátt í Law Without Walls sem er samstarfsverkefni margra virtustu lagadeilda í heimi eins og Harvard, Stanford University og University of Miami. Að þessi sinni er það laganeminn Hallgrímur Tómasson sem tekur þátt í verkefninu fyrir hönd lagadeildar háskólans.

Lagadeild Háskólans á Bifröst hefur undanfarin ár tekið þátt í Law Without Walls, sem er samstarfsverkefni margra virtustu lagadeilda í heimi, eins og Harvard, Stanford University og University of Miami. Að þessi sinni er það laganeminn Hallgrímur Tómasson sem tekur þátt í verkefninu fyrir hönd hásk...

14/12/2016

MBL nám við lagadeild Háskólans á Bifröst.

13/12/2016

MBL (Master in Business Law) hefst í janúar 2017 við lagadeild Háskólans á Bifröst. Námið er kennt í fjarnámi og hentar ekki síður þeim sem lokið hafa grunngráðu úr öðrum fræðigreinum en lögfræði.

Address

Borgarnes
311

Telephone

+3544333000

Website

http://www.bifrost.is/namid/logfraedisvid

Alerts

Be the first to know and let us send you an email when Viðskiptalögfræði á Bifröst posts news and promotions. Your email address will not be used for any other purpose, and you can unsubscribe at any time.

Contact The University

Send a message to Viðskiptalögfræði á Bifröst:

Want your university to be the top-listed University in Borgarnes?