05/06/2026
🌍 Fulltrúar Rannsóknaseturs um norðurslóðir sóttu í síðustu viku UArctic Congress 2026 í Færeyjum, stærstu ráðstefnu sem haldin hefur verið í Færeyjum til þessa, með þátttöku yfir 1.400 gesta víðs vegar að úr heiminum.
Ráðstefnan er haldin af Háskóla norðurslóða (UArctic), sem er alþjóðlegt tengslanet háskóla, rannsóknastofnana og annarra aðila sem starfa að málefnum norðurslóða. Yfirskrift ráðstefnunnar í ár var Health of People and Oceans in the Arctic.
Á ráðstefnunni kynntu fulltrúar rannsóknasetursins ásamt samstarfsaðilum verkefnið „Sterkari staða norðurslóðarannsókna á Íslandi“, sem unnið er í samstarfi við Háskólann á Akureyri, Norðurslóðanet Íslands og Rannís. Markmið verkefnisins er að efla samtal, samráð og samstarf innan íslenska rannsóknasamfélagsins um málefni norðurslóða.
Í kynningunni voru dregnar fram helstu niðurstöður þeirra þriggja vinnustofa sem haldnar hafa verið á vegum verkefnisins og fjallað um stöðu og framtíð norðurslóðarannsókna á Íslandi samanborið við önnur ríki á svæðinu.
Nánari upplýsingar um verkefnið má finna hér:
https://ams.hi.is/is/projects/adlogun-ad-loftslagsbreytingum-og-samfelagsleg-seigla-a-nordurslodum/
Háskólinn á Akureyri, Norðurslóðanet Íslands / Icelandic Arctic Cooperation Network, RANNÍS
