វិទ្យាស្ថានគរុកោសល្យកំពង់ចាម - Kampong Cham Teacher Education College

20/08/2026

🎉 អបអរសាទរការបញ្ចប់ការសិក្សាដោយជោគជ័យ!
គណៈគ្រប់គ្រង និងលោកគ្រូ-អ្នកគ្រូ សូមចូលរួមអបអរសាទរយ៉ាងកក់ក្តៅចំពោះ គរុសិស្សកម្រិតបឋមសិក្សា (១២+២) ជំនាន់ទី៤០ ដែលបានបញ្ចប់វគ្គបណ្ដុះបណ្ដាលប្រកបដោយផ្លែផ្កា។
ក្នុងរយៈពេល ២ ឆ្នាំកន្លងមកនេះ លោកគ្រូ-អ្នកគ្រូពិតជាមានមោទនភាព និងសូមកោតសរសើរដោយស្មោះ ចំពោះការខិតខំប្រឹងប្រែង តស៊ូរៀនសូត្រ ព្រមទាំងការចូលរួមយ៉ាងសកម្មក្នុងកិច្ចការសាលា និងសកម្មភាពសង្គមរបស់ប្អូនៗទាំងអស់គ្នា។
សូមជូនពរប្អូនៗឱ្យមានសុខភាពល្អ សំណាងល្អ និងទទួលបានជោគជ័យត្រចះត្រចង់ក្នុងអាជីពជាគ្រូបង្រៀន ដើម្បីរួមចំណែកកសាង និងអភិវឌ្ឍទំពាំងស្នងឫស្សីរបស់កម្ពុជាឱ្យកាន់តែរឹងមាំ។ 🇰🇭✨

06/08/2026

[ កសាងសមត្ថភាព ដើម្បីលើកកម្ពស់គុណភាពអប់រំ! 🎓✨ ] នាថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ គ្រូឧទ្ទេសនៃវិទ្យាស្ថានគរុកោសល្យកំពង់ចាមបានចូលរួមយ៉ាងសកម្មនៅក្នុងវគ្គបណ្តុះបណ្តាលស្តីពី «វិធីសាស្ត្របង្រៀនតាមបែបជប៉ុន នៅកម្រិតបឋមសិក្សា» (Teaching method based on Japanese-style in elementary school) ដែលសម្របសម្រួលដោយលោកបណ្ឌិត Katsumi Nakai មកពី Kyoto Women's University នៃប្រទេសជប៉ុន ដើម្បីស្រូបយកចំណេះដឹង បច្ចេកទេសបង្រៀនថ្មីៗ និងបទពិសោធន៍ជាក់ស្តែងក្នុងការអភិវឌ្ឍសមត្ថភាពសិស្ស សម្រាប់យកមក​កែច្នៃ​អនុវត្ត​ និងចែករំលែកបន្តដល់គរុសិស្ស ក្នុងគោលបំណងរួមចំណែកលើកកម្ពស់គុណភាព និងប្រសិទ្ធភាពនៃការអប់រំនៅកម្ពុជាឱ្យកាន់តែប្រសើរឡើង។

04/08/2026

ឧបមាថា អ្នកត្រូវបង្កើតសំណួរពហុជ្រើសរើសចំនួន ១០០ សំណួរក្នុង Google Forms តើអ្នកត្រូវចំណាយពេលប៉ុន្មានដើម្បីវាយបញ្ចូលសំណួរដោយផ្ទាល់?
វីដេអូខាងក្រោមនេះ នឹងបង្ហាញអ្នកពីវិធីសាស្ត្រដែលយើងអាចបំប្លែងទិន្នន័យពី Google Sheets ទៅជា Google Forms ដើម្បីបង្កើតសំណួរជាច្រើនបានយ៉ាងលឿន និងមានភាពត្រឹមត្រូវខ្ពស់។
វិធីអនុវត្តមាន ៤ ជំហាន អ្នកអាច Pause វីដេអូដើម្បីអនុវត្តតាមជំហាននីមួយៗ។ សូមយកចិត្តទុកដាក់ទស្សនាវីដេអូខ្លីនេះ ដើម្បីចំណេញពេលវេលាច្រើនក្នុងកិច្ចការងាររបស់អ្នក!​ សូម​ស្កេន​ QR កូដ​នៅ​លេី​វីដេអូ​ដេីម្បី​ចូល​ទៅកាន់​គេហទំព័រ​បង្កើត​កូដ។ បេី​អ្នក​ធ្វើ​បាន​ជោគជ័យ​សូម​ comment ឱ្យ​យើង​ខ្ញុំ​ដឹង​ផង។ សូម​អរគុណ​!

28/07/2026

28/07/2026

23/07/2026

សូមអញ្ជើញរីករាយទស្សនា «របាំកុលាបភ្នំពេញ» ដែលសម្ដែងដោយគរុសិស្សបឋមសិក្សា ១២+២ ជំនាន់ទី ៤០ ក្នុងពិធីអបអរសាទរការបញ្ចប់វគ្គសិក្សា។​ ថ្ងៃអាទិត្យ ៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកក្កដា ឆ្នាំ២០២៦

16/07/2026

ថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកក្កដា ឆ្នាំ២០២៦
កិច្ច​ប្រជុំ​ណែនាំ​បទប្បញ្ញត្តិ​ស្តី​ពី​ការ​ប្រឡង​បញ្ចប់​វគ្គ​បណ្ដុះ​បណ្ដាល​គ្រូ​បង្រៀន​បឋមសិក្សា​ ១២+២​ ជំនាន់​ទី​៤០ ។
សម័យប្រឡង÷ ថ្ងៃទី១៧-១៨ ខែកក្កដា ឆ្នាំ២០២៦ នៅ #វិទ្យាស្ថានគរុកោសល្យកំពង់ចាម អតីតសាលាគរុកោសល្យនិងវិក្រឹតការខេត្តកំពង់ចាម

02/07/2026

ថ្ងៃទី២ ខែកក្កដា ឆ្នាំ២០២៦ សកម្មភាពប្រជុំ ៖
-ត្រៀមប្រឡងបញ្ចប់វគ្គបណ្ដុះបណ្ដាល ១២+២ នៅថ្ងៃទី១៧ ខែកក្កដា ឆ្នាំ២០២៦
-ត្រៀមសម្រាប់ការចុះវាយតម្លៃលើការបង្រៀន BA+1 របស់នាយកដ្ឋានកិច្ចការបណ្តុះបណ្ដាល
-ការដាក់ពិន្ទុកម្មសិក្សាគរុកោសល្យ BA+1
-កំណត់ពេលការស្រាវជ្រាវប្រតិបត្តិរបស់ BA+1

16/06/2026

សិក្ខាសាលាស្តីពី"ការអភិវឌ្ឍសម្ភារបង្រៀនតាម Blended learning "ចាប់ពីថ្ងៃទី ១៦-១៨ ខែមិថុនា ឆ្នាំ២០២៦។ នៅវិទ្យាស្ថានគរុកោសល្យកំពង់ចាម
1-គោលបំណង៖
-ដើម្បីពង្រឹងការយល់ដឹងឱ្យកាន់តែស៊ីជម្រៅអំពីគោលគំនិតមូលដ្ឋាននៃ Blended learning
-ដើម្បីរៀបចំរចនាសម្ព័ន្ធនិងផលិតកញ្ចប់សម្ភារបង្រៀនតាBlended learning សម្រាប់មេរៀនមួយផ្អែកលើមុខជំនាញរបស់អ្នកចូលរួម
2-លទ្ធផល
-កិច្ចតែងការបង្រៀន
-Video
-សំណួរវាយតម្លៃ
-កិច្ចការផ្ទះ

11/06/2026

ថ្ងៃទី១១ ខែមិថុនា ឆ្នាំ២០២៦ សកម្មភាពប្រជុំ ៖
-កម្មវិធីសិក្សាគរុសិស្ស ១២+២
-កំណត់កាលបរិច្ឆេទធ្វើតេស្តចុងឆ្នាំគរុសិស្ស ១២+២
-ការបោះពុម្ពសៀវភៅស្រាវជ្រាវប្រតិបត្តិគរុសិស្ស ១២+២
-កំណត់ការវាយតម្លៃស្រាវជ្រាវប្រតិបត្តិ និងកម្មសិក្សាគរុកោសល្យ BA+1
-បទបង្ហាញរចនាសម្ព័ន្ធវិទ្យាស្ថានគរុកោសល្យខេត្តកំពង់ចាម