សាលាគរុកោសល្យ និងវិក្រឹតការខេត្តកំពង់ចាម

17/09/2026

ក្នុងដំណើរការបណ្ដុះបណ្ដាលគ្រូ ការស្រាវជ្រាវប្រតិបត្តិ (Action Research) គឺជាស្ពានចម្លងដ៏រឹងមាំរវាងទ្រឹស្ដីគរុកោសល្យ និងការអនុវត្តជាក់ស្ដែង។

និយាយឱ្យសាមញ្ញ ការស្រាវជ្រាវប្រតិបត្តិ គឺជាដំណើរការសិក្សាស្រាវជ្រាវបែបវិទ្យាសាស្ត្រជាក់ស្ដែង និងជាប្រព័ន្ធ ដែលធ្វើឡើងដោយគ្រូបង្រៀនខ្លួនឯងផ្ទាល់ ក្នុងគោលបំណងស្វែងយល់ឱ្យស៊ីជម្រៅពីបញ្ហាប្រឈមក្នុងថ្នាក់រៀន រៀបចំយុទ្ធសាស្ត្រដោះស្រាយ និងវាយតម្លៃលទ្ធផលដើម្បីកែលម្អគុណភាពនៃការបង្រៀន និងការរៀនឱ្យកាន់តែប្រសើរឡើងជាបន្តបន្ទាប់។

វាមិនត្រឹមតែជួយឱ្យយើងរកឃើញឫសគល់នៃបញ្ហាសិក្សារបស់សិស្សប៉ុណ្ណោះទេ ប៉ុន្តែវាជួយបណ្ដុះផ្នត់គំនិតមិនបន្ទោសសិស្ស តែងាកមកពិនិត្យ និងកែច្នៃបច្ចេកទេសបង្រៀនរបស់ខ្លួនឯងវិញជានិច្ច។ ការបង្រៀនល្អ មិនមែនកើតឡើងដោយចៃដន្យទេ តែវាជាលទ្ធផលនៃការសង្កេត ស្វែងយល់ និងកែលម្អជាប្រចាំ។

#ការអប់រំ #ការស្រាវជ្រាវប្រតិបត្តិ #គរុកោសល្យ #អភិវឌ្ឍន៍វិជ្ជាជីវៈគ្រូបង្រៀន

15/09/2026

តើអ្វីជា Micro-teaching?​
Micro-teaching (ការបង្រៀនខ្នាតតូច) គឺជាវិធីសាស្ត្របណ្តុះបណ្តាលដ៏មានប្រសិទ្ធភាពមួយ ដែលអនុញ្ញាតឱ្យគ្រូថ្មីបានហាត់សមបង្រៀនក្នុងទ្រង់ទ្រាយតូច មុននឹងឈជើងទៅបង្រៀនសិស្សពិតប្រាកដក្នុងថ្នាក់រៀន។
លក្ខណៈពិសេសៗ៖
* រយៈពេលខ្លី៖ ប្រើពេលត្រឹម ៥ ទៅ ១៥នាទី ប៉ុណ្ណោះក្នុងមួយវគ្គ។
* ក្រុមតូច៖ បង្រៀនទៅកាន់មិត្តភក្តិរួមថ្នាក់ ឬសិស្សចំនួនតិចតួច (ប្រហែល ៥ ទៅ ១០ នាក់)។
* ផ្តោតលើជំនាញជាក់លាក់៖ ជ្រើសរើសយកតែបច្ចេកទេសណាមួយមកអនុវត្ត ដូចជាជំនាញសួរសំណួរ ការពន្យល់ ឬការប្រើប្រាស់សម្ភារឧបទេស។
* ការផ្ដល់មតិស្ថាបនា៖ មានការថតវីដេអូទុក ដើម្បីយកមកវិភាគ និងកែលម្អចំណុចខ្វះខាតជាមួយគ្រូឧទ្ទេស។
អត្ថប្រយោជន៍ចម្បង៖
* 📉 កាត់បន្ថយភាពភ័យខ្លាច និងភាពតានតឹងពេលឈរមុខថ្នាក់។
* 💪 ពង្រឹងទំនុកចិត្ត និងភាពក្លាហានក្នុងការបង្រៀន។
* 🎯 កែលម្អចំណុចខ្វះខាត បានរហ័សនិងចំគោលដៅ។
* 🔄 ជំរុញការឆ្លុះបញ្ចាំង ដើម្បីអភិវឌ្ឍវិជ្ជាជីវៈខ្លួនឯងជាប្រចាំ។
💡 តើអ្នកគិតថាវិធីសាស្ត្រ Micro-teaching នេះអាចជួយឱ្យការបង្រៀនកាន់តែមានប្រសិទ្ធភាពកម្រិតណាដែរ? សូមចែករំលែកមតិរបស់អ្នកនៅខាងក្រោម!

31/08/2026

#ក្រដាសប្រាក់១កាក់ជំនាន់ដើម

(ខាងមុខខាងក្រោយនៃលុយ១កាក់សមយ័មុន)

ឆ្នាំដែលបោះពុម្ព/កំណត់លើក្រដាសប្រាក់៖ 1979។

ឆ្នាំដែលដាក់ឱ្យប្រើប្រាស់ជាផ្លូវការ៖ 1980 ជាក់ស្តែងនៅថ្ងៃទី 20

ខែមីនា ឆ្នាំ 1980 ធនាគារកម្ពុជាបានចេញប្រាក់រៀលទ្បើងវិញ ។

#រូបភាព #ក្រដាសប្រាក់ពីដើម

23/08/2026

20/08/2026

🎉 អបអរសាទរការបញ្ចប់ការសិក្សាដោយជោគជ័យ!
គណៈគ្រប់គ្រង និងលោកគ្រូ-អ្នកគ្រូ សូមចូលរួមអបអរសាទរយ៉ាងកក់ក្តៅចំពោះ គរុសិស្សកម្រិតបឋមសិក្សា (១២+២) ជំនាន់ទី៤០ ដែលបានបញ្ចប់វគ្គបណ្ដុះបណ្ដាលប្រកបដោយផ្លែផ្កា។
ក្នុងរយៈពេល ២ ឆ្នាំកន្លងមកនេះ លោកគ្រូ-អ្នកគ្រូពិតជាមានមោទនភាព និងសូមកោតសរសើរដោយស្មោះ ចំពោះការខិតខំប្រឹងប្រែង តស៊ូរៀនសូត្រ ព្រមទាំងការចូលរួមយ៉ាងសកម្មក្នុងកិច្ចការសាលា និងសកម្មភាពសង្គមរបស់ប្អូនៗទាំងអស់គ្នា។
សូមជូនពរប្អូនៗឱ្យមានសុខភាពល្អ សំណាងល្អ និងទទួលបានជោគជ័យត្រចះត្រចង់ក្នុងអាជីពជាគ្រូបង្រៀន ដើម្បីរួមចំណែកកសាង និងអភិវឌ្ឍទំពាំងស្នងឫស្សីរបស់កម្ពុជាឱ្យកាន់តែរឹងមាំ។ 🇰🇭✨

06/08/2026

[ កសាងសមត្ថភាព ដើម្បីលើកកម្ពស់គុណភាពអប់រំ! 🎓✨ ] នាថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ គ្រូឧទ្ទេសនៃវិទ្យាស្ថានគរុកោសល្យកំពង់ចាមបានចូលរួមយ៉ាងសកម្មនៅក្នុងវគ្គបណ្តុះបណ្តាលស្តីពី «វិធីសាស្ត្របង្រៀនតាមបែបជប៉ុន នៅកម្រិតបឋមសិក្សា» (Teaching method based on Japanese-style in elementary school) ដែលសម្របសម្រួលដោយលោកបណ្ឌិត Katsumi Nakai មកពី Kyoto Women's University នៃប្រទេសជប៉ុន ដើម្បីស្រូបយកចំណេះដឹង បច្ចេកទេសបង្រៀនថ្មីៗ និងបទពិសោធន៍ជាក់ស្តែងក្នុងការអភិវឌ្ឍសមត្ថភាពសិស្ស សម្រាប់យកមក​កែច្នៃ​អនុវត្ត​ និងចែករំលែកបន្តដល់គរុសិស្ស ក្នុងគោលបំណងរួមចំណែកលើកកម្ពស់គុណភាព និងប្រសិទ្ធភាពនៃការអប់រំនៅកម្ពុជាឱ្យកាន់តែប្រសើរឡើង។

04/08/2026

ឧបមាថា អ្នកត្រូវបង្កើតសំណួរពហុជ្រើសរើសចំនួន ១០០ សំណួរក្នុង Google Forms តើអ្នកត្រូវចំណាយពេលប៉ុន្មានដើម្បីវាយបញ្ចូលសំណួរដោយផ្ទាល់?
វីដេអូខាងក្រោមនេះ នឹងបង្ហាញអ្នកពីវិធីសាស្ត្រដែលយើងអាចបំប្លែងទិន្នន័យពី Google Sheets ទៅជា Google Forms ដើម្បីបង្កើតសំណួរជាច្រើនបានយ៉ាងលឿន និងមានភាពត្រឹមត្រូវខ្ពស់។
វិធីអនុវត្តមាន ៤ ជំហាន អ្នកអាច Pause វីដេអូដើម្បីអនុវត្តតាមជំហាននីមួយៗ។ សូមយកចិត្តទុកដាក់ទស្សនាវីដេអូខ្លីនេះ ដើម្បីចំណេញពេលវេលាច្រើនក្នុងកិច្ចការងាររបស់អ្នក!​ សូម​ស្កេន​ QR កូដ​នៅ​លេី​វីដេអូ​ដេីម្បី​ចូល​ទៅកាន់​គេហទំព័រ​បង្កើត​កូដ។ បេី​អ្នក​ធ្វើ​បាន​ជោគជ័យ​សូម​ comment ឱ្យ​យើង​ខ្ញុំ​ដឹង​ផង។ សូម​អរគុណ​!

28/07/2026

28/07/2026