មហាវិទ្យាល័យវិទ្យាសាស្ត្រ និងគណិតសាស្ត្រ - NUCK

  • Home
  • Cambodia
  • Komchay-Mea
  • មហាវិទ្យាល័យវិទ្យាសាស្ត្រ និងគណិតសាស្ត្រ - NUCK

មហាវិទ្យាល័យវិទ្យាសាស្ត្រ និងគណិតសាស្ត្រ - NUCK មហាវិទ្យាល័យវិទ្យាសាស្ត្រ និងគណិតសាស្ត្រ នៃសាកលវិទ្យាល័យជាតិជាស៊ីមកំចាយមារ

12/08/2026

ប្អូនៗបើចប់បាក់ឌុបសល់ពេលអត់ដឹងធ្វើអី ប្អូនៗគួរចំណាយពេលរៀនភាសាជាពិសេស English ហើយមួយទៀត Computer

09/08/2026

❤️ សូមជូនពរប្អូនៗថ្នាក់ទី១២ទាំងអស់ ប្រឡងបាក់ឌុបជាប់គ្រប់ៗគ្នា ទទួលបាននិទ្ទេសល្អ និងបានបន្តការសិក្សាលើជំនាញដែលខ្លួនស្រឡាញ់។ ជួបគ្នានៅជំហានបន្ទាប់ — ជីវិតនិស្សិតមហាវិទ្យាល័យ! 😍

03/08/2026

តស់! មកមើលវិធីដោះស្រាយសមីការដឺក្រេទី២
-----
វីដេអូ ASM Education

02/08/2026

តស់! មកមើលការគណនា លីមីត រាង 0 លើ 0 ទាំងអស់គ្នា
------
វីដេអូ ASM Education

31/07/2026

ស្វែងយល់ពីមូលដ្ឋានគ្រឹះនៃកាល់គូលីស៖ លីមីត ដេរីវេ និងអាំងតេក្រាល
-----------------------
វីដេអូនេះនឹងនាំអ្នកទៅស្វែងយល់ពីគំនិតសំខាន់ៗនៃកាល់គូលីសយ៉ាងក្បោះក្បាយ តាមរយៈការពន្យល់ដ៏សាមញ្ញ ងាយយល់ និងមានឧទាហរណ៍ជាក់ស្តែងក្នុងជីវិតប្រចាំថ្ងៃដែលអ្នកអាចស្រមៃមើលបានយ៉ាងងាយស្រួល។ នៅក្នុងវីដេអូនេះ យើងនឹងសិក្សាស៊ីជម្រៅអំពី៖

លីមីត៖ ការខិតទៅជិតតម្លៃណាមួយដោយមិនប៉ះវាផ្ទាល់។

ដេរីវេ និងដេរីវេដោយផ្នែក៖ ការវាស់ស្ទង់អត្រានៃការផ្លាស់ប្តូរភ្លាមៗនៅត្រង់ចំណុចមួយ។

អាំងតេក្រាល៖ ការបូកបញ្ចូលបំណែកតូចៗដើម្បីស្វែងរកទំហំសរុប (រួមមានអាំងតេក្រាលពីរជាន់ បីជាន់ អាំងតេក្រាលតាមខ្សែ និងផ្ទៃ)។

ស៊េរី និងអនន្ត៖ ភាពខុសគ្នារវាងស៊េរីរួម ស៊េរីរែក និងទំហំនៃអនន្ត។

ទ្រឹស្តីបទគ្រឹះនៃកាល់គូលីស៖ ទំនាក់ទំនងដ៏អស្ចារ្យរវាងដេរីវេនិងអាំងតេក្រាល។

Credit to Learnkh

29/07/2026

អារម្មណ៍ម៉េចហើយប្អូនៗឆ្នាំទី៤ ដែលទើបប្រឡងបញ្ចប់ថ្មីៗនេះ?
ការប្រឡងគ្មានអីគួរឱ្យខ្លាច ដូចលទ្ធផលប្រឡងនោះទេ...😊😁

🎓📢 ថ្ងៃប្រឡងបញ្ចប់បរិញ្ញាបត្របានមកដល់!📚 អ្វីដែលប្អូនបានខិតខំរៀនអស់រយៈពេលជាច្រើនឆ្នាំ នឹងបង្ហាញសមត្ថភាពនៅថ្ងៃនេះ។កុំភ័យ ក...
28/07/2026

🎓📢 ថ្ងៃប្រឡងបញ្ចប់បរិញ្ញាបត្របានមកដល់!

📚 អ្វីដែលប្អូនបានខិតខំរៀនអស់រយៈពេលជាច្រើនឆ្នាំ នឹងបង្ហាញសមត្ថភាពនៅថ្ងៃនេះ។
កុំភ័យ កុំប្រញាប់ អានសំណួរឱ្យច្បាស់ ហើយឆ្លើយដោយភាពជឿជាក់។

កុំភ្លេច!
📖 អ្វីដែលបានរៀនមិនដែលបាត់ទេ គ្រាន់តែពេលខ្លះវាលាក់ខ្លួនពេលប្រឡងប៉ុណ្ណោះ! 😂

សូមជូនពរឱ្យប្អូនៗទាំងអស់ ប្រឡងបានល្អ ទទួលបាននិទ្ទេសល្អ និងឆាប់បានពាក់មួកបរិញ្ញាបត្រគ្រប់ៗគ្នា។ 🎓💙

💪 “ជឿជាក់លើខ្លួនឯង ព្រោះការខិតខំរយៈពេលជាច្រើនឆ្នាំ មិនក្បត់អ្នកឡើយ។”

សូមឱ្យលទ្ធផលល្អ នាំប្អូនៗឈានទៅរកអាជីព និងអនាគតដែលបានស្រមៃ។

27/07/2026

សូមផ្តាំប្អូនៗនិស្សិតបន្តិច… 😄

បើសំណួរមើលទៅស្គាល់មុខ… តែចាំឈ្មោះមិនបាន កុំបារម្ភ! ខួរក្បាលអាចកំពុង Update Version បន្តិច។

27/07/2026

ប្រឡងថ្ងៃនេះសូមឱ្យប្អូនៗ មានស្មារតីរឹងមាំ ទំនុកចិត្ត និងធ្វើបានល្អគ្រប់វិញ្ញាសា។ ការខិតខំរៀនអស់រយៈពេល៤ឆ្នាំ នឹងបង្ហាញសមត្ថភាពនៅថ្ងៃនេះ។ កុំភ័យ កុំប្រញាប់ អានសំណួរឱ្យច្បាស់ ហើយឆ្លើយដោយភាពជឿជាក់។🫰🫶

🎓 សារជូនដល់និស្សិតទាំងអស់ ស្តីពីការធ្វើសារណា និងរបាយការណ៍ជាក្រុមការធ្វើសារណា ឬរបាយការណ៍ មិនមែនគ្រាន់តែដើម្បីទទួលប...
19/07/2026

🎓 សារជូនដល់និស្សិតទាំងអស់
ស្តីពីការធ្វើសារណា និងរបាយការណ៍ជាក្រុម

ការធ្វើសារណា ឬរបាយការណ៍ មិនមែនគ្រាន់តែដើម្បីទទួលបានពិន្ទុល្អប៉ុណ្ណោះទេ ប៉ុន្តែជាឱកាសដ៏មានតម្លៃសម្រាប់ហ្វឹកហាត់ ការងារជាក្រុម ភាពជាអ្នកដឹកនាំ ការទទួលខុសត្រូវ និងមនុស្សធម៌។

📌 សូមអនុវត្តគោលការណ៍ដូចខាងក្រោម៖

🤝 ១. កុំទុកមិត្តរួមថ្នាក់ណាម្នាក់ចោល
ប្រសិនបើមានមិត្តរួមថ្នាក់ដែលជួបការលំបាកផ្នែកសេដ្ឋកិច្ច ឬរៀនមិនទាន់គេ សូមកុំបដិសេធគាត់។ ផ្ទុយទៅវិញ សូមទទួលគាត់ចូលក្នុងក្រុម ដោយការគោរព ស្រឡាញ់ លើកទឹកចិត្ត និងផ្តល់ឱកាសឱ្យគាត់អាចរៀន និងអភិវឌ្ឍខ្លួនជាមួយអ្នកទាំងអស់គ្នា។

«នៅផ្ទះម្តាយទីទៃ នៅព្រៃមានម្តាយតែមួយ»

👥 ២. បង្កើតក្រុមឱ្យបានត្រឹមត្រូវ
សូមជ្រើសរើសសមាជិកឱ្យបានគ្រប់ចំនួនតាមការកំណត់របស់សាកលវិទ្យាល័យ និងជៀសវាងការបង្កើតក្រុមដែលមានសមាជិកមិនគ្រប់ចំនួន។

💡 ៣. ជ្រើសរើសប្រធានបទឱ្យសមស្រប
ជ្រើសរើសគម្រោងដែលសមនឹងសមត្ថភាព ពេលវេលា និងធនធានរបស់ក្រុម ដើម្បីអនុវត្តបានប្រកបដោយគុណភាព។

📝 ៤. រៀបចំផែនការឱ្យបានច្បាស់លាស់
ចេះធ្វើផែនការ បែងចែកការងារ តាមដានវឌ្ឍនភាព ពិភាក្សាគ្នាជាប្រចាំ និងកែសម្រួលនៅពេលជួបបញ្ហា។

📚 ៥. ចេះជួយគ្នារៀន
បើសមាជិកណាមានចំណុចខ្វះខាត សូមជួយបង្រៀន ចែករំលែកឯកសារ និងបទពិសោធន៍ ដើម្បីឱ្យសមាជិកគ្រប់រូបអាចរីកចម្រើនជាមួយគ្នា។

🚣 ៦. កុំបោះបង់សមាជិកណាម្នាក់ សូមចងចាំថា៖

«ឡើងជិះទូកជាមួយគ្នាហើយ បើធ្លាក់ទឹក គឺធ្លាក់ទាំងអស់គ្នា បើដល់ត្រើយ ត្រូវដល់ទាំងអស់គ្នា»

នេះគឺជាស្មារតីពិតនៃការងារជាក្រុម។

❤️ ៧. យោគយល់ និងអធ្យាស្រ័យគ្នា
និស្សិតភាគច្រើនរៀនផង ធ្វើការផង និងមានកាតព្វកិច្ចគ្រួសារផង។ សូមយោគយល់គ្នា ជួយគ្នា និងបំពេញការងារជំនួសគ្នានៅពេលចាំបាច់។

💰 ៨. ការចាត់ចែងថវិកាប្រកបដោយមេត្តាធម៌
ការចំណាយគួរតែមានតម្លាភាព និងការយោគយល់។ អ្នកដែលមានលទ្ធភាពអាចជួយចេញមុន រីឯអ្នកដែលមានការលំបាក អាចចូលរួមតាមលទ្ធភាព។ កុំឱ្យបញ្ហាថវិកាក្លាយជាឧបសគ្គនៃការសិក្សា។

🌱 ៩. រៀនពីបញ្ហា មិនមែនរត់គេចពីបញ្ហា
រាល់បញ្ហាដែលកើតឡើង គឺជាបទពិសោធន៍ដ៏មានតម្លៃ។ ជំនួសឱ្យការស្តីបន្ទោសគ្នា សូមសួរខ្លួនឯងថា៖

«តើខ្ញុំអាចធ្វើអ្វីបានល្អជាងនេះ?»

🤲 ១០. បង្កើតវប្បធម៌ចែករំលែក
សូមជួយលើកទឹកចិត្តគ្នា ពិគ្រោះយោបល់ ចែករំលែកឯកសារ ចំណេះដឹង និងបទពិសោធន៍ ដើម្បីឱ្យសមាជិកគ្រប់រូបអាចឈានទៅរកភាពជោគជ័យជាមួយគ្នា។

━━━━━━━━━━━━━━━

🌟 សូមចងចាំថា៖

“ការងារក្រុមដែលល្អ មិនមែនជាក្រុមដែលមានតែអ្នកពូកែនោះទេ ប៉ុន្តែជាក្រុមដែលចេះសហការ គាំទ្រគ្នា មិនបោះបង់គ្នា និងដើរទៅមុខជាមួយគ្នា។”

💙 “ជោគជ័យរបស់ក្រុម គឺជាជោគជ័យរបស់សមាជិកគ្រប់រូប។”

សូមជូនពរនិស្សិតទាំងអស់ ទទួលបានជោគជ័យក្នុងការសិក្សា និងក្លាយជាធនធានមនុស្សប្រកបដោយចំណេះដឹង សមត្ថភាព សីលធម៌ និងស្មារតីទទួលខុសត្រូវចំពោះសង្គម។

មហាវិទ្យាល័យវិទ្យាសាស្ត្រ និងគណិតសាស្ដ្រ

Address

National Road 8, Thnal Keng Village, Smaong Khang Cheung Commune, Kamchaymear District, Prey Veng Province
Komchay-Mea
140506

Opening Hours

Monday 07:00 - 20:00
Tuesday 07:00 - 20:00
Wednesday 07:00 - 20:00
Thursday 07:00 - 20:00
Friday 07:00 - 20:00
Saturday 07:00 - 20:00
Sunday 07:00 - 20:00

Telephone

+85512799587

Website

Alerts

Be the first to know and let us send you an email when មហាវិទ្យាល័យវិទ្យាសាស្ត្រ និងគណិតសាស្ត្រ - NUCK posts news and promotions. Your email address will not be used for any other purpose, and you can unsubscribe at any time.

Contact The University

Send a message to មហាវិទ្យាល័យវិទ្យាសាស្ត្រ និងគណិតសាស្ត្រ - NUCK:

Shortcuts

Share