ដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព

13/09/2026

ការចូលរួមរបស់និស្សិត ក្នុងកម្មវិធី ពិព័រណ៍ជាតិការងារ និងផលិតភាពការងារឆ្នាំ២០២៦
-----------
នាថ្ងៃទី១២ ដល់១៣ ខែកញ្ញាឆ្នាំ២០២៦ និស្សិតចំនួន១៨នាក់ (ក្នុងចំនោម២៦នាក់) មកពីដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព ត្រូវបានចាត់ឲ្យចូលរួមពីធីបើក “ពិព័រណ៍ជាតិការងារ និងផលិតភាពការងារឆ្នាំ២០២៦” ដែលរៀបចំឡើងដោយក្រសួងការងារ និងបណ្តុះបណ្តាលវិជ្ជាជីវៈ និងស្ថាប័នពាក់ព័ន្ធជាច្រើនប្រចាំប្រទេសកម្ពុជា ក្រោមប្រធានបទ ស្តីពី ជំនាញ និងការងារ-ផលិតភាពការងារដើម្បីកំណើនសេដ្ឋកិច្ចប្រកបដោយចីរភាព។ ក្រុមនិស្សិត មានការចាប់អារម្មណ៍យ៉ាងខ្លាំង ទៅលើវិស័យ និងជំនាញ ផ្នែកអភិវឌ្ឍន៍ក្រុង និងនគរូបនីយកម្ម ព្រមទាំងទំនាក់ទំនងសេដ្ឋកិច្ច និងផលប្រយោជន៍នៃការអភិវឌ្ឍក្រុងនៅកម្ពុជា។ តាងនាមឱ្យក្រុមនិស្សិត ដែលបានចូលរួមក្នុងកម្មវិធីនេះ សូមថ្លែងអំណរគុណដល់ថ្នាក់ដឹកនាំសាកលវិទ្យាល័យភូមិន្ទភ្នំពេញ ដែលបានផ្តល់ឱកាសដល់និស្សិត បានស្វែងយល់នូវ ព័ត៌មានថ្មីស្តីពីអនាគតការងារ នៅក្នុងកម្មវិធីដ៏មានសារៈសំខាន់នេះ។
, #មហាវិទ្យាល័យសិក្សាអភិវឌ្ឍន៍ / Faculty of Development Studies, #សាកលវិទ្យាល័យភូមិន្ទភ្នំពេញ

12/09/2026

ក្រុមនិស្សិតស្ម័គ្រចិត្តរបស់ដេប៉ាតឺម៉ង់ នគរូបនីយកម្ម និងអភិវឌ្ឍន៍ក្រុងដោយចីរភាព នឹងរងចាំស្វាគមន៍ ប្អូនៗក្នុងការផ្តល់ព័ត៌មាន និងសម្រួលដល់ដាក់ពាក្យចូលរៀនឆ្នាំមូលដ្នានជាមួយដេប៉ាតឺម៉ង់។
September12,2026
, # មហាវិទ្យាល័យសិក្សាអភិវឌ្ឍន៍ / Faculty of Development Studies, #សាកលវិទ្យាល័យភូមិន្ទភ្នំពេញ

09/09/2026

សកម្មភាពនិស្សិតស្ម័គ្រចិត្ត របស់ដេប៉ាតឺម៉ង់ នគរូបនីយកម្ម និងអភិវឌ្ឍន៍ក្រុងដោយចីរភាព ក្នុងការផ្តល់ ព័ត៍មាន និងសម្រួលដល់ប្អូនៗដែលដាក់ពាក្យចូលរៀនឆ្នាំមូលដ្នាន។

08/09/2026

សូមអបអរសាទរបេក្ខជនចំនួន២៥នាក់ ដែលបានជាប់អាហារូបករណ៍ចូលរៀនអត់បងថ្លៃសិក្សា១០០ % នៅដេប៉ាតឺម៉ង់ នគរូបនីយកម្ម និងអភិវឌ្ឍន៍ក្រុងដោយចីរភាព។ បេក្ខជនដែលមានឈ្មោះនៅក្នុងតារាងនេះ ត្រូវមកដាក់ពាក្យសុំចូលរៀនឲ្យទាន់ពេល ចាប់ពីថ្ងៃនេះ ដល់ថ្ងៃទី ២៣ ខែកញ្ញា ឆ្នាំ២០២៦ នៅការិយាល័យសិក្សា នៃសាកលវិទ្យាល័យភូមិន្ទ។

បើមានចម្ងល់បេក្ខជនអាចចូលទៅក្នុង Telegram Group: https://t.me/fds_dsupd
ឬទាក់ទងមកលេខទូរសព្ទ: 096 745 6985
, # មហាវិទ្យាល័យសិក្សាអភិវឌ្ឍន៍ / Faculty of Development Studies, #សាកលវិទ្យាល័យភុមិន្ទភ្នំពេញ

07/09/2026

07/09/2026

សកម្មភាព អនាគតនិស្សិតមកសាកសួរព័ត៌មាន និងដាក់ពាក្យចូលរៀនថ្នាក់ឆ្នាំមូលដ្ឋាន(ឆ្នាំទី១) ជាមួយដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព! ក្រុមនិស្សិតស្ម័គ្រចិត្តរបស់យើង នឹងរកចាំទទួលស្វាគមន៍ប្អូនៗជាប់ជានិច្ច។
, # មហាវិទ្យាល័យសិក្សាអភិវឌ្ឍន៍ / Faculty of Development Studies, #សាកលវិទ្យាល័យភូមិន្ទ

07/09/2026

សូមស្វគមន៍ប្អូនៗ ដែលបានប្រលងជាប់អាហារូបកណ៍ជាស្ថាពរជាមួយ ដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព!

05/09/2026

ថ្នាក់បរិញ្ញាបត្រ៖ ជំនាញ នគរូបនីយកម្ម និងអភិវឌ្ឍន៍ក្រុងដោយចីរភាព
---------
តោះ! ត្រៀមខ្លួនមកចុះឈ្មោះចូលរៀននៅដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព នៃមហាវិទ្យាល័យសិក្សាអភិវឌ្ឍន៍ សាកលវិទ្យាល័យភូមិន្ទភ្នំពេញ សម្រាប់ឆ្នាំសិក្សាមូលដ្ឋាន ២០២៦-២០២៧។
កាលបរិច្ឆេទ៖
ទទួលពាក្យប្រឡង៖ ចាប់ពីថ្ងៃទី១ខែកញ្ញា ដល់ថ្ងៃទី៣០ ខែកញ្ញា ឆ្នាំ២០២៦។
ថ្ងៃប្រឡងចូលរៀន៖ ថ្ងៃទី២៩ ខែតុលា ឆ្នាំ២០២៦ ។
សម្រាប់ប្អូនៗដែលបានបញ្ចប់ថ្នាក់សិក្សាទុតិយភូមិដោយជោគជ័យ ឬមានសញ្ញាបត្រមធ្យមសិក្សាទុតិយភូមិ កុំអោយឱកាសល្អនេះរំលងបាត់!
ចូលរួមជាមួយដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព ដើម្បីចូលរួមរៀបចំក្រុងឲ្យមានសោភណភាព ស្អាត និងគួឲ្យចង់រស់នៅ និងឆ្លាតវៃដោយស្នាដៃរបស់អ្នកផ្ទាល់។
ចាប់ផ្ដើមដំណើររបស់អ្នកថ្ងៃនេះ!
លេខទូរស័ព្ទ៖ +855-96 745 6985
Telegram៖ https://t.me/fds_dsupd
Website៖ https://rupp.edu.kh/fds/dsupd/
ចូររៀបចំទីក្រុងប្រកបដោយឆ្លាតវៃ និងកសាងអនាគតអ្នកឲ្យកាន់តែប្រសើ ជាមួយដេប៉ាតឺម៉ង់៖ នគរូបនីយកម្ម និងអភិវឌ្ឍន៍ក្រុងដោយចីរភាព!
, # មហាវិទ្យាល័យសិក្សាអភិវឌ្ឍន៍ / Faculty of Development Studies, #សាកលវិទ្យាល័យភូមិន្ទភ្នំពេញ

30/08/2026

កិច្ចពិភាក្សាជាមួយក្រុមសាស្ត្រាចារ្យមកពីសាកលវិទ្យាល័យជាតិសេអ៊ូល Seoul National University (SNU) ស្តីពីសកម្មភាពនិស្សិតក្នុងការផ្តល់សេវាកម្មសង្គមរបស់សាកលវិទ្យាល័យ
-----------
រាជធានីភ្នំពេញ៖ កាលពីរសៀលថ្ងៃសុក្រ ១៤កើតថ្ងៃកោរ ខែស្រាពណ៍ ឆ្នាំមមី អដ្ឋស័ក ព.ស ២០៧០ ត្រូវនឹងថ្ងៃទី២៧ ខែសីហា ឆ្នាំ២០២៦ បណ្ឌិត ធួន ទ្រី និងក្រុមការងារ នៃដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព បានជួបពិភាក្សាជាមួយក្រុមសាស្ត្រាចារ្យមកពីសាលាក្រោយបរិញ្ញាបត្រ នៃការសិក្សាបរិស្ថានសាកល ដេប៉ាតឺម៉ង់នគរូបនីយកម្ម នៃសាកលវិទ្យាល័យជាតិសេអ៊ូល Graduate School of Global Environmental Studies, Department of Urban Planning, Seoul National University (SNU)។ កិច្ចពិភាក្សា បានផ្តោតលើកម្មវិធីនិស្សិតស្ម័គចិត្តចុះផ្តល់សេវាសង្គមឲ្យសហគមន៍នៅក្នុងប្រទេស កម្ពុជាសម្រាប់រយៈពេល២សប្តាហ៍។ ក្រុមនិស្សិតចំនួន៣០នាក់មកពីភាគីទាំងពីរ នឹងត្រូវជ្រើសរើស ឲ្យចូលរួមស្ម័គ្រចិត្តផ្តល់សេវាកម្មសង្គមទាក់ទងការអប់រំ ការរចនា និងអភិវឌ្ឍន៍ក្រុងកម្រិតសហគមន៍ ការបង្កើតគុណតម្លៃសង្គម និងការលើកកម្ពស់តម្លៃមនុស្សជាតិជាសាកល ក្នុងការជួយសហគមន៍ តាមរយៈសកម្មភាពប្រើប្រាស់ជំនាញរបស់និស្សិតដោះស្រាយបញ្ហា ការបណ្តុះគំនិតនៃការទទួលខុសត្រូវផ្នែកសង្គម ជម្រុញនូវកិច្ចសហការ និងការអភិវឌ្ឍន៍ប្រកដោយចីរភាព។ ភាគីទាំងពីរ នឹងបន្តពិភាក្សា រៀបចំកម្មវិធីនៅចុងឆ្នាំ២០២៦ ហើយកម្មវិធីជាក់ស្តែងនឹងចាប់ផ្តើមនៅពាក់កណ្តាលឆ្នាំ២០២៧។
, #មហាវិទ្យាល័យសិក្សាអភិវឌ្ឍន៍ / Faculty of Development Studies, , #សាកលវិទ្យាល័យភូមិន្ទភ្នំពេញ

27/08/2026

សកម្មភាពនិស្សិតចុះប្រមូលទិន្នន័យ និងសម្ភាសន៍ដំណាក់កាលទី១ នៃកម្មវិធីស្រាវជ្រាវស្តីអំពីក្លាយជាទីប្រជុំជន បានបញ្ចប់ដោយជោគជ័យ
-----------------
រាជធានីភ្នំពេញ៖ កាលពីថ្ងៃទី៨ដល់ទី១៩ ខែសីហា ឆ្នាំ២០២៦ ក្រុមនិស្សិតចំនួន២៦នាក់មកពីដេប៉ាតឺម៉ង់នគរូបនីយកម្ម និងអភិវឌ្ឍន៍ក្រុងដោយចីរភាព មហាវិទ្យាល័យសិក្សាអភិវឌ្ឍន៍ នៃសាកលវិទ្យាល័យភូមិន្ទភ្នំពេញ បានចុះប្រមូលទិន្នន័យ និងសម្ភាសន៍គ្រួសារនៅភូមិគោលដៅចំនួន៣២ក្នុងស្រុកចំនួន៨ មានក្រុងចំនួន២ នៃខេត្តសៀមរាប និងឧត្តមានជ័យ ក្រោមគម្រោងស្រាវស្តីពី “ក្លាយជាទីប្រជុំជន៖ ចីរភាពបរិស្ថាន បរិវត្តកម្មតំបន់ជនបទ និងការធ្វើចំណាកស្រុកនៅកម្ពុជា”។ នេះជាកម្មវិធីស្រាវជ្រាវក្រោមកិច្ចសហការជាមួយសាកលវិទ្យាល័យ University of Chicago (USA) ដោយបានផ្តោតទៅលើការវិវត្តន៍នៃសេដ្ឋកិច្ចសង្គមគ្រួសារនៃភូមិតំបន់ជនបទ និងទីប្រជុំជន ការប្រែប្រួលបរិស្ថាន ការធ្វើបរិវត្តកម្មតំបន់ជនបទ កម្ចី ការពិនិត្យសំណាកដីកសិកម្មបែបវិទ្យាសាស្ត្រ និងចំណាកស្រុក។ លទ្ធផលសិក្សា នឹងយកមកប្រៀបធៀបអ្វីដែលបានសិក្សាកាលពី២០ឆ្នាំមុន ការបោះពុម្ពផ្សាយឯកសារស្រាវជ្រាវវិទ្យាសាស្ត្រ និងគោលនយោបាយអភិវឌ្ឍន៍។ ក្រៅពីប្រមូលទិន្នន័យបានជោគជ័យ ក្រុមនិស្សិតទទួលបានបទពិសោធន៍បន្ថែមទាក់ទងសមត្ថភាពឆ្លុះបញ្ចាំងនៃការអនុវត្ត សមត្ថភាពអភិវឌ្ឍន៍ភាពធន់ផ្ទាល់ខ្លួន និងដំណោះស្រាយការងារក្រុម។
, #សាកលវិទ្យាល័យភូមិន្ទភ្នំពេញ, # មហាវិទ្យាល័យសិក្សាអភិវឌ្ឍន៍ / Faculty of Development Studies