09/10/2026
[English Below]
សមិទ្ធផលគម្រោងបញ្ចប់ការសិក្សាឆមាសទី២ ឆ្នាំទី២ របស់និស្សិតបរិញ្ញាបត្រព័ត៌មានវិទ្យា (IT) ជំនាន់ទី១ របស់ វិទ្យាស្ថានសាយអិនស៍ អេន ថេកណឡជី អ៊ែតវ៉ានស៍ ឌីវេឡុបម៉ិន (ISTAD)
—---------------------
បន្ទាប់ពីឆ្លងកាត់ការសិក្សា ការបង្រៀន និងការហ្វឹកហ្វឺនយ៉ាងម៉ត់ចត់ពីសំណាក់គ្រូបង្គោល អស់រយៈពេលជាច្រើនខែកន្លងមក លើមុខវិជ្ជាជាច្រើនដូចជា Backend with Spring Framework, Frontend with Next.js, Database Integration, Project Management, Web Security និង UI/UX Design និស្សិតដែលកំពុងសិក្សាក្នុងឆមាសទី២ ឆ្នាំទី២ នៅវិទ្យាស្ថាន ISTAD បានយកចំណេះដឹង និងជំនាញដែលទទួលបានពីការសិក្សា មកអនុវត្តក្នុងការអភិវឌ្ឍគម្រោងបញ្ចប់ការសិក្សារបស់ខ្លួន។
នៅពីក្រោយសមិទ្ធផលនីមួយៗ គឺជាការចំណាយពេលវេលា ការសិក្សាស្រាវជ្រាវ ការសហការគ្នាជាក្រុម ការដោះស្រាយបញ្ហា និងការខិតខំប្រឹងប្រែងយ៉ាងខ្លាំងរបស់និស្សិត និងមានការណែនាំ ការផ្តល់យោបល់ និងការជួយជ្រោមជ្រែងយ៉ាងយកចិត្តទុកដាក់ពីសំណាក់លោកគ្រូ អ្នកគ្រូ ដែលធ្វើឲ្យគម្រោងនីមួយៗអាចអភិវឌ្ឍបានយ៉ាងពេញលេញ និងអាចយកទៅប្រើប្រាស់ជាក់ស្តែងបាន។
វិទ្យាស្ថានពិតជាមានមោទនភាពចំពោះការខិតខំប្រឹងប្រែង ការរីកចម្រើន និងសមិទ្ធផលដែលនិស្សិតសម្រេចបាន។ គម្រោងទាំងនេះមិនត្រឹមតែជាផ្នែកមួយនៃការវាយតម្លៃលទ្ធផលសិក្សាប៉ុណ្ណោះទេ ប៉ុន្តែក៏ជាបទពិសោធន៍ការងារដ៏មានតម្លៃ ដែលជួយឲ្យនិស្សិតអាចពង្រឹងទាំងចំណេះដឹង ជំនាញបច្ចេកទេស ការងារជាក្រុម និងសមត្ថភាពក្នុងការដោះស្រាយបញ្ហាជាក់ស្តែងផងដែរ។
ជាមួយគ្នានេះ បទពិសោធន៍ទាំងនេះនឹងក្លាយជាមូលដ្ឋានគ្រឹះដ៏សំខាន់សម្រាប់ការអភិវឌ្ឍខ្លួន ការបន្តការសិក្សា និងការត្រៀមខ្លួនឆ្ពោះទៅកាន់អាជីពក្នុងវិស័យបច្ចេកវិទ្យាព័ត៌មានវិទ្យានាពេលអនាគត។
ជាលទ្ធផល និស្សិតគ្រប់វេនសិក្សាទាំងអស់ បានសម្រេចនូវគម្រោងសរុបចំនួន ៨ ដែលរួមមានដូចជា៖
១. Rentiq ៖ គឺជាវេទិកាជួលមួយ ដែលបង្កើតឡើងដើម្បីភ្ជាប់អ្នកដែលមានសម្ភារៈ ឬអចលនទ្រព្យសម្រាប់ជួល ជាមួយអ្នកដែលកំពុងស្វែងរកជួល។ តាមរយៈវេទិកានេះ អ្នកប្រើប្រាស់អាចស្វែងរក ប្រៀបធៀប ដាក់ឲ្យជួល និងជួលសម្ភារៈ ឬអចលនទ្រព្យជាច្រើនប្រភេទបានយ៉ាងងាយស្រួល និងរហ័ស។ លើសពីនេះ Rentiq ក៏ផ្តោតលើការបង្កើតបទពិសោធន៍ជួលដែលមានសុវត្ថិភាព និងគួរឲ្យទុកចិត្ត តាមរយៈមុខងារដូចជា ការផ្ទៀងផ្ទាត់អត្តសញ្ញាណ ការវាយតម្លៃ និងការចែករំលែកមតិយោបល់ពីអ្នកប្រើប្រាស់។
២. ការងារ ៖ គឺជាវេទិកាស្វែងរកការងារ និងជ្រើសរើសបុគ្គលិក ហើយត្រូវបានបង្កើតឡើងដើម្បីធ្វើឱ្យដំណើរការជ្រើសរើសបុគ្គលិកកាន់តែឆ្លាតវៃ មានប្រសិទ្ធភាព និងងាយស្រួលសម្រាប់អ្នកប្រើប្រាស់។ ការងារ ផ្តល់នូវមុខងារស្វែងរកការងារ ការគ្រប់គ្រងពាក្យស្នើសុំការងារ ការវាយតម្លៃបេក្ខជនដោយជំនួយពី AI ការធ្វើតេស្តសម្ភាសន៍ ការវាយតម្លៃគម្រោង ការតាមដានបេក្ខជន និងការបង្កើតប្រវត្តិរូបសង្ខេប (Resume) ប្រកបដោយវិជ្ជាជីវៈ។
៣. ប្រព័ន្ធគ្រប់គ្រងសាកលវិទ្យាល័យ (UMS) ៖ គឺជា Web-based Platform សម្រាប់គាំទ្រការសិក្សា និងការគ្រប់គ្រងរបស់ និស្សិត សាស្ត្រាចារ្យ និងអ្នកគ្រប់គ្រង។ ប្រព័ន្ធនេះប្រមូលផ្តុំមុខងារ និងព័ត៌មានសំខាន់ៗដូចជា ឯកសារសិក្សា វត្តមាន កិច្ចការ Quizzes ពិន្ទុ និងកំណត់ត្រាសិក្សា ទៅក្នុង Platform តែមួយ ដើម្បីធ្វើឲ្យការសិក្សា ការតាមដានលទ្ធផល និងការគ្រប់គ្រងមានភាពងាយស្រួល និងមានប្រសិទ្ធភាពជាងមុន។
៤. KodeTrix ៖ គឺជាវេទិកាសិក្សាសរសេរកូដ ដែលប្រែក្លាយការរៀនឱ្យកាន់តែសប្បាយ ទាក់ទាញ និងមានការអនុវត្តជាក់ស្តែង តាមរយៈមេរៀន លំហាត់ប្រកួតប្រជែង និងមុខងារផ្តល់រង្វាន់។
៥. ផ្សារឌីជីថល (Phsar Digital) ៖ គឺជា វេទិកាពាណិជ្ជកម្មអេឡិចត្រូនិចបែប Multi-vendor ដែលបង្កើតឡើងសម្រាប់គាំទ្រអាជីវកម្មក្នុងស្រុកនៅកម្ពុជា។ វេទិកានេះអនុញ្ញាតឲ្យអ្នកលក់ម្នាក់ៗអាចគ្រប់គ្រង ស្តុកទំនិញ កំណត់តម្លៃ និងដំណើរការការបញ្ជាទិញ របស់ខ្លួនបានដោយខ្លួនឯង។
ជាមួយគ្នានេះ វេទិកាក៏ផ្តល់នូវមុខងារសំខាន់ៗសម្រាប់អ្នកប្រើប្រាស់ដូចជា ការស្វែងរកទំនិញ ការទំនាក់ទំនងជាមួយអ្នកលក់ និងការគ្រប់គ្រងការបញ្ជាទិញ ដើម្បីធ្វើឲ្យការទិញ និងការលក់កាន់តែងាយស្រួល និងមានប្រសិទ្ធភាព។
៦. LUXE ៖ គឺជា E-commerce platform ដ៏ទំនើបមួយនៅកម្ពុជា ដែលផ្តល់នូវបទពិសោធន៍ទិញទំនិញអនឡាញសម្រាប់ផលិតផល Fashion ដូចជាសម្លៀកបំពាក់ និងផលិតផលថែរក្សាស្បែក (Skincare)។ អតិថិជនអាចស្វែងរកផលិតផល រក្សាទុកផលិតផលដែលខ្លួនពេញចិត្តទៅក្នុង Wishlist គ្រប់គ្រងការបញ្ជាទិញ (Orders) ទូទាត់ប្រាក់តាមរយៈ KHQR យ៉ាងសុវត្ថិភាព និងអាចស្កេន QR code ផលិតផល ដើម្បីមើលព័ត៌មានលម្អិត និងស្តុកដែលមាននៅក្នុងហាង។
៧. SmartServe ៖ គឺជាប្រព័ន្ធ Full-Stack Web Application ដែលត្រូវបានបង្កើតឡើងក្នុងគោលបំណងធ្វើឌីជីថលភាវូបនីយកម្ម និងដោះស្រាយបញ្ហានៃការគ្រប់គ្រងភោជនីយដ្ឋាន ហាងកាហ្វេ និងអាជីវកម្មម្ហូបអាហារបែបទំនើប។ ប្រព័ន្ធនេះត្រូវបានរចនាឡើងដោយគាំទ្រទាំងភាសា ខ្មែរ និងអង់គ្លេស ដែលផ្តល់ភាពងាយស្រួល និងបទពិសោធន៍ដ៏ល្អដល់ការប្រើប្រាស់ទាំងអតិថិជនក្នុងស្រុក និងអន្តរជាតិ។ លើសពីនេះ ស្មាតសឺវ បង្កើនប្រសិទ្ធភាពសេវាកម្ម តាមរយៈមុខងារស្នូលសំខាន់ៗដូចជា៖ ការស្កេន QR Code កុម្ម៉ង់មុខម្ហូបផ្ទាល់ពីលើតុ, ប្រព័ន្ធគ្រប់គ្រងការកក់តុ និងប្លង់តុ, ប្រព័ន្ធបញ្ជូនការកុម្ម៉ង់ទៅផ្ទះបាយភ្លាមៗ (KDS), ប្រព័ន្ធគិតលុយ POS និងការទូទាត់រហ័សតាម Bakong KHQR ព្រមទាំងការជូនដំណឹងស្វ័យប្រវត្តិតាម Telegram Bot ជាដើម។
ប្រព័ន្ធនេះត្រូវបានអភិវឌ្ឍឡើងផ្អែកលើស្ថាបត្យកម្មទំនើប ដោយប្រើប្រាស់ Next.js 16 សម្រាប់ Frontend, Spring Cloud Gateway អនុវត្តតាមទម្រង់ BFF Pattern និង Spring Boot ជា Backend API។ ប្រព័ន្ធសុវត្ថិភាពត្រូវបានគ្រប់គ្រងដោយ Keycloak, មូលដ្ឋានទិន្នន័យ PostgreSQL, Redis Cache និងផ្ទុកទិន្នន័យរូបភាពលើ MinIO S3 ដោយដំណើរការស្វ័យប្រវត្តិកម្មនៅលើ Docker, Jenkins និង GCP។
៨. CodeQuest ៖ គឺជាវេទិកា Online ដែលបង្កើតឡើងសម្រាប់អ្នកដែលចង់រៀន និងអនុវត្តការសរសេរកូដនៅក្នុងកន្លែងតែមួយ។ នៅក្នុងវេទិកានេះ អ្នកប្រើប្រាស់អាចរៀនតាមរយៈ E-Learning, អនុវត្តជាមួយ Coding Challenges ហើយក៏អាចចូលរួមក្នុង Programming Competitions បានផងដែរ។ ជាមួយគ្នានេះដែរ CodeQuest ក៏មាន Company Portal ដែលអនុញ្ញាតឱ្យក្រុមហ៊ុនរៀបចំការប្រកួត និងស្វែងរកអ្នកមានសមត្ថភាពតាមរយៈសមត្ថភាពក្នុងការសរសេរកូដជាក់ស្តែង មិនមែនពឹងផ្អែកតែលើ Resume តែមួយនោះទេ។
គោលបំណងរបស់ CodeQuest គឺដើម្បីផ្តល់ឱកាសឱ្យអ្នកសិក្សាអាចបង្ហាញសមត្ថភាព និងការខិតខំប្រឹងប្រែងរបស់ខ្លួនតាមរយៈការអនុវត្ត និងលទ្ធផលជាក់ស្តែង។ តាមរយៈនេះ អ្នកដែលមានសមត្ថភាពអាចបង្ហាញថាខ្លួនអាចធ្វើអ្វីបានពិតប្រាកដ ហើយអាចទទួលបានឱកាសកាន់តែច្រើនក្នុងការតភ្ជាប់ជាមួយក្រុមហ៊ុន និងស្វែងរកឱកាសការងារនាពេលអនាគត។
Final Project Achievements of Year 2, Semester 2 Students from the First Generation of the Bachelor’s Degree in Information Technology (IT) at the Institute of Science and Technology Advanced Development (ISTAD)
—---------------------
After several months of intensive learning, instruction, and hands-on training under the guidance of our instructors across a range of subjects, including Backend Development with Spring Framework, Frontend Development with Next.js, Database Integration, Project Management, Web security and UI/UX Design, students currently studying in Year 2, Semester 2 at ISTAD applied the knowledge and skills they had gained to the development of their final projects.
Behind every achievement lies a significant amount of time, research, teamwork, problem-solving, and dedicated effort. Students worked hard to develop their projects into complete solutions that could be presented and applied in practical, real-world contexts.
The Institute is truly proud of the students’ dedication, progress, and accomplishments. These projects are not only part of their academic assessment, but also serve as valuable professional experiences that help students strengthen their knowledge, technical skills, teamwork, and ability to solve real-world problems.
At the same time, these experiences will provide an important foundation for their personal development, further studies, and preparation for future careers in the field of Information Technology.
As a result, students across all class shifts successfully completed a total of five projects, including:
1. Rentiq: Rentiq is a centralized rental platform that connects renters and owners, making it easier and faster to discover, compare, list, and rent a wide range of items or properties. It provides a convenient, secure, and reliable rental experience through features such as identity verification, ratings, and user reviews.
2. ការងារ: ការងារ is an integrated career and recruitment platform designed to make the hiring process smarter, more efficient, and accessible. It connects job seekers, recruiters, moderators, finance users, and administrators through role-based workflows, offering job discovery, application management, AI-assisted candidate assessment, interview simulation, project evaluation, applicant tracking, and professional resume building.
3. University Management System (UMS): The University Management System (UMS) is a web-based platform that integrates academic and administrative activities for students, teachers, and administrators. It brings learning materials, attendance, assignments, quizzes, grades, and academic records into one centralized system.
4. KodeTrix: KodeTrix is an all-in-one platform for learning, practicing, and improving programming skills through courses, coding challenges, and gamification.
5. Phsar Digital: Phsar Digital is a multi-vendor e-commerce marketplace built for local Cambodian businesses. Every seller manages their own inventory, sets their own prices, and fulfils their own orders. The platform provides discovery, communication, and governance.
6. LUXE: LUXE is a modern e-commerce platform in Cambodia that offers online shopping experience for fashion items, including clothing and skincare. Customers can browse products, save favorites to a wishlist, manage orders, make secure KHQR payments, and scan product QR codes to view details and store availability.
7. SmartServe: SmartServe is a full-stack web application, built to digitalise operations and resolve management issues for modern restaurants, cafés and food-service businesses. The design is intended to support both Khmer and English, and ensure a smooth and easy experience for both local and international clients. SmartServe also minimises manual work and enhances service efficiency with key features including table-side QR Code ordering, table reservation & floor layout management, real-time Kitchen Display System (KDS), cashier POS with instant payments via Bakong KHQR and automated alerts via Telegram Bot.
The system is built on a modern architecture utilizing Next.js 16 for the frontend, Spring Cloud Gateway implementing the BFF pattern, and Spring Boot as backend APIs. Security is managed by Keycloak, backed by a PostgreSQL database, Redis Cache, and MinIO S3 for image storage — all automated with Docker, Jenkins, and GCP.
8. CodeQuest: CodeQuest is an online platform created for anyone who wants to learn and practice coding in one place. On the platform, users can learn through e-learning courses, improve their skills through coding challenges, and participate in programming competitions.
CodeQuest also includes a Company Portal that allows companies to organize competitions and discover talented candidates based on their actual coding abilities rather than relying only on resumes.
The main goal of CodeQuest is to give users opportunities to demonstrate their skills and effort through practical work and real results. In this way, individuals can show what they can truly do, gain more opportunities to connect with companies, and increase their chances of finding future career opportunities.
📢 គួរបញ្ជាក់ផងដែរថាសម្រាប់ ឆ្នាំសិក្សា ២០២៦–២០២៧ វិទ្យាស្ថាន ISTAD កំពុងបើកទទួលចុះឈ្មោះចូលរៀន៖
🎓 បរិញ្ញាបត្រព័ត៌មានវិទ្យា (IT)
🎓 បរិញ្ញាបត្ររងព័ត៌មានវិទ្យា (IT)
🎓 និស្សិតផ្ទេរចូលឆ្នាំទី២ និងឆ្នាំទី៣ – ជំនាញបច្ចេកវិទ្យាព័ត៌មានវិទ្យា (IT)
⏰ វេនសិក្សា | ចន្ទ - សុក្រ
⏰ ម៉ោងសិក្សា៖
• វេនព្រឹក: 7:30 AM – 11:30 AM
• វេនរសៀល: 1:00 PM – 5:00 PM
• វេនល្ងាច: 5:30 PM – 8:45 PM
💡 មុខវិជ្ជាសិក្សាទំនើប ដែលឆ្លើយតបនឹងតម្រូវការទីផ្សារការងារ រួមមាន៖
✨ UX/UI Designing
✨ Spring Framework
✨ NextJS with TypeScript
✨ Python Framework
✨ PostgreSQL Database & SQL
✨ Flutter App Development
✨ DevOps Engineering
✨ Artificial Intelligence (AI)
✨ Cybersecurity
✨ Microservice Architecture
✨ Project Management
✨ Python for Data Analytics
🎁 ពិសេសសម្រាប់សិស្សានុសិស្សចប់ថ្នាក់ទី១២!
វិទ្យាស្ថានISTAD បានកំពុងផ្តល់ អាហារូបករណ៍៣០០កន្លែងតាមនិទ្ទេសបាក់ឌុប។
🎓 អត្ថប្រយោជន៍ដែលនិស្សិតទទួលបាន
✨ ទទួលបានសញ្ញាបត្របញ្ជាក់ការសិក្សាដែលទទួលស្គាល់ដោយក្រសួងការងារ និងបណ្ដុះបណ្ដាលវិជ្ជាជីវៈ (MLVT)
✨ ទទួលបានឱកាសអាហារូបករណ៍ថ្នាក់អនុបណ្ឌិត បណ្ឌិតទៅសិក្សានៅក្រៅប្រទេស
✨ ទទួលបានឱកាសការងារ អាជីពវិជ្ជាជីវៈច្បាស់លាស់ និងប្រាក់បៀវត្សខ្ពស់ពី ស្ថាប័នរដ្ឋ និងក្រុមហ៊ុនល្បីធំៗ ដែលជាដៃគូសហប្រតិបត្ដិការ
✨ ទទួលបានអាហារូបករណ៍ថ្នាក់ជំនាញវិជ្ជាជីវៈព័ត៌មានវិទ្យា (IT) និងអាហារូបករណ៍ផ្សេងៗទៀត ក្នុងវិស័យបច្ចេកវិទ្យាព័ត៌មានវិទ្យា (IT)
✨ ទទួលបានការហ្វឹកហាត់ការងារយ៉ាងស្ទាត់ជំនាញ(Real Project) ជាមួយលោកគ្រូ-អ្នកគ្រូ ដែលមានបទពិសោធន៍ច្រើនឆ្នាំទៅលើជំនាញនីមួយៗ
✨ ទទួលបានការប្រឹក្សាយោបល់ជាប្រចាំជាមួយនឹងលោកគ្រូ-អ្នកគ្រូ ដើម្បីជាជំនួយដល់ការសិក្សាស្រាវជ្រាវរបស់និស្សិត
✨ ទទួលបានឱកាសក្លាយខ្លួនជាសមាជិកនៅក្នុងសហគមន៍អ្នកបច្ចេកវិទ្យាព័ត៌មានវិទ្យា រួមទាំងអត្ថប្រយោជន៍ផ្សេងៗជាច្រើនទៀត។
✍️ ចុះឈ្មោះចាប់ពីថ្ងៃនេះតទៅរហូតដល់ ថ្ងៃទី ៣០ ខែវិច្ឆិកា ឆ្នាំ២០២៦
📩 សម្រាប់ព័ត៌មានបន្ថែម សូមទំនាក់ទំនងមកកាន់ ISTAD
☎️ លេខទូរស័ព្ទ៖ 093 990 910 | 095 990 910
📲 តេលេក្រាមវិទ្យាស្ថាន៖ t.me/istadkh
📲 Groupតេលេក្រាមអំពីព័ត៌មានសិក្សា៖ https://t.me/+0cjqWMP9hUY0ZGNl
🌎 គេហទំព័រចុះឈ្មោះ៖ istad.co / istad.edu.kh
📍 ទីតាំង៖ ផ្ទះលេខ. 40, ផ្លូវលេខ 273, សង្កាត់បឹងកក់ I, ខណ្ឌទួលគោក, រាជធានីភ្នំពេញ
📍 ផែនទី៖ https://maps.app.goo.gl/x2vH5CyZomZjeLSj9
ចំណាំ៖ វិទ្យាស្ថានរក្សាសិទ្ធក្នុងការកែប្រែកាលបរិច្ឆេទ និងជូនដំណឹងតាមពេលក្រោយ
![[English Below]សមិទ្ធផលគម្រោងបញ្ចប់ការសិក្សាឆមាសទី២ ឆ្នាំទី២ របស់និស្សិតបរិញ្ញាបត្រព័ត៌មានវិទ្យា (IT) ជំនាន់ទី១ របស់ វិទ...](https://img3.glunis.com/408/220/1120316244082208.jpg)
![[English Below]🎓 អបអរសាទរពិធីបញ្ចប់ការសិក្សា និស្សិតអាហារូបករណ៍កម្រិតមូលដ្ឋាន (Foundation) ជំនាន់ទី៦ ឆ្នាំសិក្សា ២០២៥-២០...](https://img4.glunis.com/784/637/1116007937846372.jpg)
