What are the opening hours?

Monday 07:30 - 17:00 Tuesday 07:30 - 17:00 Wednesday 07:30 - 17:00 Thursday 07:30 - 17:00 Friday 07:30 - 17:00

https://www.facebook.com/132717773568131/

វិទ្យាស្ថានបច្ចេកទេសឧស្សាហកម្ម - Industrial Technical Institute, Russian Boulevard, Sangkat Teukthal, Khan Sensok, Phnom Penh (2026)

21/05/2026

ដំណើរទស្សនកិច្ចរបស់លោកស្រីCamilla Holmemo, Practice Manager របស់ធនាគារពិភពលោក នៅវិទ្យាស្ថានបច្ចេកទេសឧស្សាហកម្ម
=======================================
នារសៀលថ្ងៃទី២១ ខែឧសភា ឆ្នាំ២០២៦ លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម បានទទួលបដិសណ្ឋារកិច្ច និងស្វាគមន៍ដំណើរទស្សនកិច្ចប្រតិភូធនាគារពិភពលោកដែលដឹកនាំដោយ Ms. Camilla Holmemo, Practice Manager; Mr. Cristian Aedo, Practice Manager; Mr. Matthieu Lefebvre, Senior Social Protection Specialist; Mr. Tsuyoshi Fukao, Senior Education Specialist; Mr. Lauri Pynnonen, Senior Education Specialist និងលោក ខែម ពិសុទ្ធ ប្រធានអង្គភាពគ្រប់គ្រងគម្រោងជំនាញដើម្បីការងារកាន់តែប្រសើរស្តីទី និងសហការី ព្រមទាំង លោកនាយករង លោក លោកស្រីជាប្រធានក្រុមការងារអនុវត្តគម្រោងរបស់វិទ្យាស្ថានផងដែរ។

គោលបំណងនៃដំណើរទស្សនកិច្ចនេះ គឺដើម្បីឈ្វេងយល់ពីដំណើរការនៃការអនុវត្តគម្រោង ការបណ្តុះបណ្តាលជំនាញបច្ចេកទេស និងវិជ្ជាជីវៈស្របតាមតម្រូវការទីផ្សារការងារ តាមរយៈកិច្ចសហប្រតិបត្តិការជាមួយវិស័យឧស្សាហកម្ម ការពង្រឹងសមត្ថភាពគ្រូ និងយន្តការស្វែរកឱកាសការងារដល់សិស្ស និស្សិត។

ប្រតិភូធនាគារពិភពលោកក៏បានទស្សនកិច្ចតាមបណ្តារោងជាង និងបន្ទប់បណ្តុះបណ្តាល ដើម្បីពិនិត្យលើការរៀនសូត្រទ្រឹស្តី និងការអនុវត្តផ្ទាល់ នៅវិទ្យាស្ថានផងដែរ។

21/05/2026

កិច្ចប្រជុំស្តីពីការត្រៀមរៀបចំទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈលើកទី៩ ឆ្នាំ២០២៦
==========================================
រសៀលថ្ងៃទី២០ ខែឧសភា ឆ្នាំ២០២៦ ដោយទទួលបានការអនុញ្ញាតពី លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម លោក សយ សុខឃាង នាយក បានដឹកនាំកិច្ចប្រជុំស្តីពីការត្រៀមរៀបចំទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈលើកទី៩ ឆ្នាំ២០២៦។ កិច្ចប្រជុំនេះក៏មានការអញ្ជើញ ចូលរួមពីលោក លោកស្រីជានាយករង ប្រធាន អនុប្រធានការិយាល័យ និងដេប៉ាតឺម៉ង់ទាំងអស់ផងដែរ។

គោលបំណងនៃកិច្ចប្រជុំនេះគឺដើម្បីពិនិត្យលើវឌ្ឍនភាពនៃការរៀបចំឧបករណ៍ បរិក្ខារ និងស្នាដៃនិស្សិតសម្រាប់ការដាក់បង្ហាញជូនភ្ញៀវកិត្តិយស និងសាធារណជន ដែលចូលរួមក្នុងទិជាតិ អ.ប.វ. លើកទី៩ ឆ្នាំ២០២៦ នៅថ្ងៃទី១៥-១៦ ខែមិថុនា ឆ្នាំ២០២៦ នៅសាលពិព័រណ៍កោះពេជ្រ។

21/05/2026

ដំណើរទស្សនកិច្ចរបស់Mr.Omori Junichi នៅមជ្ឈមណ្ឌលបណ្តុះបណ្តាលបច្ចេកទេសម៉ាស៊ីនត្រជាក់ដាយគីន ដូចូ (Daikin DoJo Training Center)
======================================
នៅថ្ងៃទី២១ ខែឧសភា ឆ្នាំ២០២៦ លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម បានទទួលស្វាគមន៍ ដំណើរទស្សនកិច្ចរបស់ Mr. Omori Junichi Executive Officer and General Manager; Global Operations Division, Daikin Industries Ltd & Mr. Tanaka Toshiyuki Managing Director; Chairman of the Board; Daikin Airconditioning (Cambodia) Co.; Ltd នៅមជ្ឈមណ្ឌលបណ្តុះបណ្តាលបច្ចេកទេសម៉ាស៊ីនត្រជាក់ដាយគីន ដូចូ ។

គោលបំណងនៃទស្សនកិច្ចនេះ គឺដើម្បីពង្រីកកិច្ចសហការបន្ថែមទៀតធ្វើយ៉ាងណាឱ្យសិស្ស និស្សិត ដែលបាននឹងកំពុងសិក្សាជំនាញបរិក្ខារត្រជាក់នៅវិទ្យាស្ថានបច្ចេកទេសឧស្សាហកម្ម មានសមត្ថភាពជំនាញពិតប្រាកដ មុនចូលទីផ្សារការងារក្រោយបញ្ចប់ការសិក្សាទាំងកម្រិតC1 និងកម្រិតជាន់ខ្ពស់បច្ចេកទេស។

លោក ជិន តារ៉ា បានថ្លែងអំណរគុណយ៉ាងជ្រាលជ្រៅចំពោះកិច្ចសហប្រតិបត្តិការរឹងមាំ របស់ក្រុមហ៊ុនដាយគីនអ៊ែរខនឌីសិននីង (ខេមបូឌា) និងវិទ្យាស្ថាននាពេលបច្ចុប្បន្ននិងទៅអនាគត។

21/05/2026

កិច្ចប្រជុំតាមដាន និងពិនិត្យវឌ្ឍនភាពនៃការអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជន មកពីគ្រួសារក្រីក្រ និងគ្រួសារងាយរងហានិភ័យ
===========================================
នៅថ្ងៃទី១៩ ខែឧសភា ឆ្នាំ២០២៦ ឯកឧត្តម ប៉ុក ប៉ាន់ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញដឹកនាំកិច្ចប្រជុំ តាមដាន និងពិនិត្យវឌ្ឍនភាពនៃការអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជន មកពីគ្រួសារក្រីក្រ និងគ្រួសារងាយរងហានិភ័យ នៅវិទ្យាស្ថានបច្ចេកទេសឧស្សាហកម្ម។ ធិពីនេះក៏មានការអញ្ជើញចូលរួមពី លោក គឹម សុខ អគ្គនាយករង អ.ប.វ. តំណាងនាយកដ្ឋានបណ្តុះបណ្តាល ថ្នាក់ដឹកនាំ លោកគ្រូ អ្នកគ្រូ និស្សិតរបស់វិទ្យាស្ថានសរុបចំនួន១១០នាក់។

16/05/2026

ការវាយតម្លៃសមត្ថភាពទទួលស្គាល់ជំនាញពីមុន(RPL)
===========================
ថ្ងៃទី១៦ ខែឧសភា ឆ្នាំ២០២៦ មជ្ឈមណ្ឌលវាយតម្លៃសមត្ថភាពវិទ្យាស្ថានបច្ចេកទេសឧស្សាហកម្ម បានរៀបចំវាយតម្លៃមត្ថភាពទទួលស្គាល់ជំនាញពីមុន ដល់ពលករត្រឡប់ពីប្រទេសថៃចំនួន១២នាក់ លើគុណវុឌ្ឍិជំនាញផ្សារអគ្គិសនីកម្រិត២។ ក្រោមការវាយតម្លៃពីអ្នកវាយតម្លៃមកពីវិស័យឯកជនបេក្ខជនទាំង១២នាក់ ទទួលបានគុណវុឌ្ឍិជំនាញផ្សារអគ្គិសនីកម្រិត២ ចំនួន៥នាក់ ទទួលបានលិខិតបញ្ជាក់ក្រេឌីតចំនួន៧នាក់ ព្រមទាំងទទួលបានសញ្ញាបត្រភ្លាមៗក្រោយបញ្ចប់ការធ្វើតេស្ត។
==================
ឱកាសល្អសម្រាប់បងប្អូនពលករមកពីប្រទេសថៃ មានជំនាញផ្សារអគ្គិសនីស្រាប់ អាចមកដាក់ពាក្យវាយតម្លៃសមត្ថភាពនៅវិទ្យាស្ថានបច្ចេកទេសឧស្សាហកម្ម ដែលមានអសយដ្ឋានស្ថិតតាមបណ្តោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ទំនាក់ទំនងតាមលេខទូរស័ព្ទ៖
087 372 732
081 421 744
085 804 005

16/05/2026

កិច្ចប្រជុំស្តីពីវឌ្ឍនភាពនៃការអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ ប្រចាំខែឧសភា និងលើកទិសដៅអនុវត្តបន្ត
============================
ថ្ងៃទី១៥ ខែឧសភា ឆ្នាំ២០២៦ លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម បានអញ្ជើញដឹកនាំកិច្ចប្រជុំស្តីពីវឌ្ឍនភាពនៃការអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យប្រចាំខែឧសភា និងលើកទិសដៅអនុវត្តបន្ត។ កិច្ចប្រជុំនេះមានការអញ្ជើញលោក លោកស្រី ជាអនុប្រធានគណៈកម្មការ សមាជិក សមាជិកា ក្រុមការងារអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យទាំងអស់ផងដែរ។

លទ្ធផលនៃកិច្ចប្រជុំ៖
១.លទ្ធផលសម្រេចបាន
២.ការប្រឈម និងដំពោះស្រាយ
៣.សំណូមពរ
៤.ទិសដៅអនុវត្តបន្ត។

កិច្ចប្រជុំនេះធ្វើឡើងប្រចាំខែ ដើម្បីដោះស្រាយការប្រឈម និងសំណូមពរឱ្យបានទាន់ពេលវេលា។

16/05/2026

កិច្ចប្រជុំពិភាក្សាជាមួយប្រតិភូក្រុមហ៊ុន Mega Asset
===============================
ថ្ងៃទី១៥ ខែឧសភា ឆ្នាំ២០២៦ លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម បានអនុញ្ញាតឱ្យ ប្រតិភូក្រុមហ៊ុន Mega Asset ជួបប្រជុំដើម្បីពិភាក្សាការងារ លើកិច្ចសហប្រតិបត្តិការក្នុងវិស័យសំណង់។ ក្រោយកិច្ចពិភាក្សាប្រតិភូក៏បានអញ្ជើញទស្សនាការវាយម្លៃទទួលស្គាល់ជំនាញពីមុន លើមុខជំនាញការផ្សារអគ្គិសនី សម្រាប់អតីតពលករត្រឡប់មកពីប្រទេសថៃផងដែរ។

16/05/2026

ពិធីបើកវគ្កបណ្តុះបណ្តាលជំនាញទន់(Soft Skills) ដល់បុគ្គលិកក្រុមហ៊ុន ជីហ្គៀគ្រុប ស្ថិតក្រោមគម្រោងជំនាញដើម្បីការងារកាន់តែប្រសើរ
=========================================
ថ្ងៃទី១៦ ខែឧសភា ឆ្នាំ២០២៦ លោក ខែម ពិសុទ្ធ ប្រធាននាយកដ្ឋានគោលនយោបាយ និងយុទ្ធសាស្រ្ត និងជាប្រធានគ្រប់គ្រងគម្រោងជំនាញដើម្បីការងារកាន់តែប្រសើរស្តីទី លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម និងលោកស្រី សើ ស៊ីយ៉ា នាយិកាផ្នែកធនធានមនុស្សនៃក្រុមហ៊ុន ជីហ្គៀគ្រុប បានអញ្ជើញជាអធិបតី ក្នុងពិធីបើកវគ្កបណ្តុះបណ្តាលជំនាញទន់ដើម្បីប្រសិទ្ធភាពការងារ(Soft Skills) ដល់បុគ្គលិករបស់ក្រុមហ៊ុនជីហ្គៀគ្រុបចំនួន៣០នាក់ ស្រី១៥នាក់ ស្ថិតក្រោមគម្រោងជំនាញដើម្បីការងារកាន់តែប្រសើរ។ ពិធីនេះក៏មានការអញ្ជើញចូលរួមលោក លោកស្រី តំណាងអង្គភាពគ្រប់គ្រងគម្រោង គ្រូឧទ្ទេសអង្គការDDD និងសិក្ខាកាម និងអ្នកចូលរួមសរុបចំនួន៥០នាក់។

នៅក្នុងការអនុវត្តគម្រោងចន្លោះឆ្នាំ២០២៥-២០២៩ វិទ្យាស្ថាន គម្រោងធ្វើការបណ្តុះបណ្តាលសរុប២៦៣០នាក់ ក្នុងនោះមានកម្រិតជាន់ខ្ពស់បច្ចេកទេសចំនួន ១៥៦០នាក់ លើ៦មុខជំនាញ និងវគ្គបណ្តុះបណ្តាលបង្កើនជំនាញដល់បុគ្គលិកនិយោជិតក្រុមហ៊ុនដៃគូចំនួន ១០៧០នាក់ លើមុខជំនាញចំនួន៩។
គោលបំណងនៃវគ្គបណ្តុះបណ្តាលគឺដើម្បីបង្កើនសមត្ថភាពបុគ្គលិកនិយោជិត ដើម្បីធានាបាននូវការបង្កើនផលិតភាពនៅកន្លែងការងារ តាមរយៈកិច្ចសហការគ្នារវាងវិទ្យាស្ថាន និងវិស័យឯកជនជាដៃគូ ក្រោមការគាំទ្រពីគម្រោងជំនាញ ដើម្បីការងារកាន់តែប្រសើរ។

13/05/2026

សកម្មភាពចុះផ្សព្វផ្សាយការចុះឈ្មោះចូលរៀន ក្នុងពិព័រពណ៍មគ្គទេសក៍អាជីព និងការងារនៅវិទ្យាល័យព្រែកថ្មី
=========================================
ថ្ងៃទី១២ ខែឧសភា ឆ្នាំ២០២៦ ដោយទទួលបានការអនុញ្ញាតពី លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម ក្រុមការងារផ្សព្វផ្សាយជ្រើសរើសសិស្ស និស្សិត បានចូលរួមផ្សព្វផ្សាយការចុះឈ្មោះចូលរៀន ក្នុងពិព័រពណ៍មគ្គទេសក៍អាជីព និងការងារនៅវិទ្យាល័យព្រែកថ្មី ស្ថិតក្នុងភូមិកោះក្របី ឃុំព្រែកថ្មី ខណ្ឌច្បារអំពៅ រាជធានីភ្នំពេញ ដែលមានការអញ្ជើញចូលរួមពីលោកគ្រូ អ្នកគ្រូ អ្នកអាណាព្យាបាល និងសិស្សសរុបចំនួន៦៧៥នាក់ ស្រី៥៧៣នាក់។

ឆ្លៀតឱកាសនោះ ក្រុមការងារបានធ្វើការផ្សព្វផ្សាយស្តីពីការចុះឈ្មោះចូលរៀនជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ(TVET 1.5M) ការបណ្តុះបណ្តាលតាមលិខិតបញ្ជាក់(Skill Voucher) រយៈពេល១ខែ ព្រមទាំងការធ្វើតេស្តវាយតម្លៃទទួលស្គាល់ជំនាញពីមុន(RPL)ក្នុងវិស័យសំណង់ដល់ពលករត្រឡប់មកពីប្រទេសថៃ ការបណ្តុះបណ្តាលកម្រិតជាន់ខ្ពស់បច្ចេកទេសលើវិស័យអាទិភាពចំនួន២ គឺវិស័យយានយន្ត និងអេឡិចត្រូនិកទាំង៦ជំនាញ ស្ថិតក្រោមគម្រោងជំនាញដើម្បីការងារកាន់តែប្រសើរ ចែកខិត្តបណ្ណអស់ ២០៥០សន្លឹក។
=========================
ព័ត៌មានលម្អិតសម្រាប់ការចុះឈ្មោះចូលរៀន សូមទំនាក់ទំនងតាមលេខទូរស័ព្ទ 060821827/016821827
ទទួលចុះឈ្មោះចាប់ពីថ្ងៃនេះតទៅ៖
១.ប្រព័ន្ធឌីជីថលសម្រាប់ចុះឈ្មោះចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។
website: www.tvet.gov.kh
Mobile App: TVET 1.5M
IOS Store: https://apps.apple.com/kh/app/tvet-1-5m/id6468649193
Play Store: https://play.google.com/store/apps/details...
Huawei Gallery: https://appgallery.huawei.com/app/C109430421
ហ្វេសប៊ុកផេក ផ្លូវការរបស់វិទ្យាស្ថាន
https://www.facebook.com/iti.edu.cam
តេឡេក្រាមឆែនណលព័ត៌មានរបស់វិទ្យាស្ថាន
https://t.me/iTi1928
ទីតាំងសាលាលើផែនទី
https://maps.app.goo.gl/wBBSN6uLyvmdXZ5B7?g_st=it

13/05/2026

សិក្ខាសាលាស្តីពីការតម្រង់ទិស និងសម្ភាសន៍ការងារដោយផ្ទាល់(Walk-in Interview)
========================================
នាល្ងាចថ្ងៃទី១២ ខែឧសភា ឆ្នាំ២០២៦ ដោយទទួលបានការអនុញ្ញាតពីលោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម លោក សយ សុខឃាងនាយករង និង លោក Sun Chhin Recruitment Manager ក្រុមហ៊ុន អ អិម អេ ខេមបូឌា ឯ.ក បានអញ្ជើញជាអធិបធីក្នុងពិធីសិក្ខាសាលាស្តីពីការតម្រង់ទិស និងសម្ភាសន៍ការងារដោយផ្ទាល់(Walk-in Interview) នៅសាលប្រជុំធំរបស់វិទ្យាស្ថាន ដោយមានការចូលរួមពីសមណសិស្ស និស្សិត ជំនាញវិស្វកម្មរថយន្ត១០២នាក់ ស្រី៣នាក់។

សិក្ខាសាលានេះ ពិតជាមានសារៈសំខាន់សម្រាប់សិស្ស និស្សិត ដើម្បីបានយល់ដឹងពីក្រុមហ៊ុនអ អិម អេ ខេមបូឌា ឯ.ក ដែលជាដៃគូរបស់វិទ្យាស្ថាន អត្ថប្រយោជន៍ដែលទទួលបាន និងឱកាសការងារតាមរយៈការសម្ភាសន៍ផ្ទាល់នៅវិទ្យាស្ថាន ដែលមានសិស្ស និស្សិតសម្ភាសន៍ការងារចំនួន២៩នាក់ ស្រី១នាក់។
=========================
ព័ត៌មានលម្អិតសម្រាប់ការចុះឈ្មោះចូលរៀន សូមទំនាក់ទំនងតាមលេខទូរស័ព្ទ 060821827/016821827
ទទួលចុះឈ្មោះចាប់ពីថ្ងៃនេះតទៅ៖
១.ប្រព័ន្ធឌីជីថលសម្រាប់ចុះឈ្មោះចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។
website: www.tvet.gov.kh
Mobile App: TVET 1.5M
IOS Store: https://apps.apple.com/kh/app/tvet-1-5m/id6468649193
Play Store: https://play.google.com/store/apps/details...
Huawei Gallery: https://appgallery.huawei.com/app/C109430421
ហ្វេសប៊ុកផេក ផ្លូវការរបស់វិទ្យាស្ថាន
https://www.facebook.com/iti.edu.cam
តេឡេក្រាមឆែនណលព័ត៌មានរបស់វិទ្យាស្ថាន
https://t.me/iTi1928
ទីតាំងសាលាលើផែនទី
https://maps.app.goo.gl/wBBSN6uLyvmdXZ5B7?g_st=it

13/05/2026

អបអរសាទរ ព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា គម្រប់ព្រះជន្ម ៧៣ យាងចូល ៧៤ ព្រះវស្សា។

សូមថ្វាយព្រះរាជសព្ទសាធុការពរ ព្រះករុណា មានព្រះរាជសុខភាពល្អបរិបូរណ៍ និងព្រះជន្មាយុយឺនយូរ។

វិទ្យាស្ថានបច្ចេកទេសឧស្សាហកម្ម - Industrial Technical Institute

21/05/2026

21/05/2026

21/05/2026

21/05/2026

16/05/2026

16/05/2026

16/05/2026

16/05/2026

13/05/2026

13/05/2026

13/05/2026

Address

Opening Hours

Telephone

Website

Alerts

Contact The University

Shortcuts

Share

Monday	07:30 - 17:00
Tuesday	07:30 - 17:00
Wednesday	07:30 - 17:00
Thursday	07:30 - 17:00
Friday	07:30 - 17:00