CEO Institute វិទ្យាស្ថាន ស៊ីអ៊ីអូ

Shortcuts

• Address
• Alerts
• Contact The University
• Claim ownership or report listing

• 

  Want your university to be the top-listed University in Phnom Penh?

Our Story

វិទ្យាស្ថានស៊ីអ៊ីអូ គឺជាវិទ្យាស្ថានបង្វឹកអ្នកដឹកនាំធុរកិច្ចកំពូល អ្នកអាជីព និងយុវជនឱ្យមានគុណភាពខ្ពស់ ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការធ្វើឱ្យសេដ្ឋកិច្ចក្នុងស្រុកមានភាពរឹងមាំនិងប្រទេសកម្ពុជាក្លាយជាប្រទេសអ្នកមានបានឆាប់រហ័ស។ កន្លងមកនេះ CEO Master Club (ស៊ីអ៊ីអូ ម៉ាស្ទ័រខ្លឹប) នៃវិទ្យាស្ថានស៊ីអ៊ីអូបាននឹងកំពុងធ្វើសកម្មភាពយ៉ាងខ្លាំងក្លាក្នុងការបង្វឹកសមាជិករបស់ខ្លួនដែលជាម្ចាស់អាជីវកម្មនិងអ្នកដឹកនាំធុរកិច្ចជាច្រើននៅកម្ពុជាឱ្យមានការបម្លែងអាជីវកម្មរបស់ខ្លួនពីតូចទៅធំ ពីលក្ខណៈគ្រួសារទៅស្តង់ដារ បង្កើនសមត្ថភាពក្នុងការប្រកួតប្រជែងនិងកើនឡើងប្រាក់ចំណូលបានឆាប់រហ័ស។ ដោយមានគុណភាពខ្ពស់និងប្រសិទ្ធភាពខ្ពស់ក្នុងការបង្វឹក និងការបន្តជួយជ្រោមជ្រែងដល់សមាជិករបស់ខ្លួនឱ្យទទួលបានភាពជោគជ័យបានឆាប់រហ័ស CEO Master Club (ស៊ីអ៊ីអូ ម៉ាស្ទ័រខ្លឹប) នៃវិទ្យាស្ថានស៊ីអ៊ីអូបានទទួលការឱ្យតម្លៃខ្ពស់ និងការគាំទ្រយ៉ាងខ្លាំងពីសំណាក់សមាជិកនិងអ្នកពាក់ព័ន្ធទាំងអស់ ដែលជម្រុញឱ្យកេរ្តិ៍ឈ្មោះរបស់ខ្លួនមានភាពល្បីល្បាញយ៉ាងខ្លាំងក្នុងរយៈពេលដ៏ខ្លី។

ដោយមើលឃើញអំពីតម្រូវការធនធានមនុស្សដែលមានគុណភាពខ្លាំងក្នុងការជួយជម្រុញផលិតភាព និងប្រសិទ្ធភាពការងារនៅក្នុងចំណោមសហគ្រាស និងអាជីវកម្មរបស់សមាជិកគ្រួសារ CEO Master Club ក៏ដូចជានៅក្នុងប្រទេស កម្ពុជាទាំងមូល ជាពិសេសនៅក្នុងបរិបទថ្មីនៃសមាហរណកម្មសេដ្ឋកិច្ចអាស៊ាន និងសកលភាវូបនីយកម្មវិទ្យាស្ថានស៊ីអ៊ីអូបានបង្កើតការបង្វឹកថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិសិក្សា​រយៈពេល៤ឆ្នាំ ដែលធានាឱ្យនិស្សិតរបស់ខ្លួន ឱ្យមានការងារធ្វើបន្ទាប់ពីបញ្ចប់ការសិក្សា ហើយនិស្សិតនឹងមានឱកាសក្លាយជាអ្នករកស៊ីបានភ្លាមៗនៅពេលខ្លួនរៀបចំផែន​ការអាជីវកម្មបានល្អដោយមានការវិនិយោគផ្ទាល់ CEO Master Club។ លក្ខណៈពិសេស​ដែលវិទ្យាស្ថានស៊ីអ៊ីអូអាចធានាការងារធ្វើជូននិស្សិតរបស់ខ្លួនបានផ្អែកលើចំណុចសំខាន់ៗដូចតទៅ៖

· ការហ្វឹកហ្វឺននិស្សិតមានភាពហ្មត់ចត់ និងវិន័យខ្ពស់ ក្នុងការកសាង ផ្នត់គំនិតត្រូវ អត្តចរិតត្រូវ និងការអនុវត្ត​ការងារជាក់ស្តែងជាចម្បង។

· គ្រូបង្វឹកសុទ្ធតែជាអគ្គនាយក ម្ចាស់អាជីវកម្ម អ្នកដឹកនាំ និងអ្នកអាជីពជាន់ខ្ពស់ដែលមានសមត្ថភាពនិងបទពិសោធន៍ខ្ពស់ក្នុងការបង្វឹក។

 ...