Krou Cambodia

Home
Cambodia
Phnom Penh
Krou Cambodia

Call Directions Website Contact the university

The official website for Cambodian teachers and students, managed by Ministry of Education, Youth and Sport.
(946)

ការអប់រំ ត្រូវបានចាត់ទុកជាសិទ្ធិមនុស្សជាមូលដ្ឋានមួយ ក៏ដូចជាគន្លឹះយ៉ាងសំខាន់សម្រាប់ការអភិវឌ្ឍប្រកបដោយនិរន្តរភាព។ ក្រសួងត្រូវបានក្លាយជាមជ្ឈមណ្ឌលស្នូលនៃកំណែទម្រង់ស៊ីជម្រៅក្នុងប្រព័ន្ធទាំងមូល ដែលផ្ដោតសំខាន់ទៅលើការអភិវឌ្ឍន៍ធនធានមនុស្ស សម្រាប់ការអភិវឌ្ឍន៍សេដ្ឋកិច្ច និងសង្គម។

ក្រសួងអប់រំ យុវជន និងកីឡា បានកំណត់គោលនយោបាយអាទិភាពបីគឺៈ ១) ធានាលទ្ធភាពទទួលបាន សេវាអប់រំប្រកបដោយគុណធម៌ ២) លើកកម្ពស់គុណភាព និងប្រសិទ្ធភាពសេវាអប់រំ និង ៣) អភិវឌ្ឍស្ថាប័ន និងអភិវឌ្ឍសមត្ថភាពមន្ត្រីរាជការសម្រាប់ធ្វើវិមជ្ឈការ។

Education is regarded as a fundamental human right as well as a key driver of sustainable economic development. The Ministry of Education, Youth and Sport has notably been in the center of such systematic reform of Cambodian education system, focusing on the development of human capital for the socio-economic progress.

16/09/2026

វគ្គស្វ័យសិក្សាលើថ្នាលអភិវឌ្ឍសមត្ថភាព CDP ស្ដីពី “ការពង្រឹងសមត្ថភាពអក្ខរកម្មព័ត៌មានក្នុងបរិវត្តកម្មការអប់រំឌីជីថល” លើកកម្ពស់ការប្រើប្រាស់ ប្រព័ន្ធផ្សព្វផ្សាយព័ត៌មាន និងបច្ចេកវិទ្យាថ្មី ពិសេសបញ្ញាសិប្បនិម្មិតជំនួយដល់ការបង្រៀន និងរៀន ប្រកបដោយប្រសិទ្ធភាព ការទទួលខុសត្រូវ ក្រមសីលធម៌វិជ្ជាជីវៈ និងការច្នៃប្រឌិត។

ចំណុចសំខាន់ៗដែលអ្នកនឹងទទួលបានពីវគ្គសិក្សា៖
🛡 សុវត្ថិភាពឌីជីថល៖ ការពារសុវត្ថិភាព ឯកជនភាព អត្តសញ្ញាណ និងទិន្នន័យផ្ទាល់ខ្លួនលើអនឡាញ
💡ការប្រើប្រាស់បច្ចេកវិទ្យា និងបញ្ញាសិប្បនិម្មិត៖ ជំនួយដល់ការបង្រៀន និងរៀន ផលិតមាតិកាអប់រំ និងបង្កើនផលិតភាពការងារប្រកបដោយប្រសិទ្ធភាព និងក្រមសីលធម៌
🧠ការត្រិះរិះពិចារណា៖ អភិវឌ្ឍជំនាញវិភាគ និងវាយតម្លៃព័ត៌មានបានត្រឹមត្រូវ។
🌟ការអភិវឌ្ឍសមត្ថភាព៖ បណ្ដុះទម្លាប់សិក្សាពេញមួយជីវិត និងជាពលរដ្ឋឌីជីថល។

👉 ចុះឈ្មោះសិក្សាដោយឥតគិតថ្លៃ៖ https://cdp.moeys.gov.kh/course/view.php?id=246

🗞 ក្រោយបញ្ចប់វគ្គ និងបំពេញគ្រប់លក្ខខណ្ឌ អ្នកសិក្សាអាចទាញយកវិញ្ញាបនបត្របញ្ជាក់ការសិក្សាលើថ្នាល CDP ផ្ទាល់។
✍🏻ក្រៅពីមេរៀន យើងមានធនធានបន្ថែមណែនាំអំពីវិធីសាស្ត្របង្រៀន សម្រាប់គ្រូបង្រៀន ដែលមានបំណងយកទៅបង្រៀន និងចែករំលែកបន្ត។

កម្មវិធីនេះរៀបចំដោយ នាយកដ្ឋានបរិវត្តកម្មឌីជីថល ក្រសួងអប់រំ យុវជន និងកីឡា ឧបត្ថម្ភដោយ មូលនិធិ ស.អ. ក្រុមហ៊ុន Smart ព្រមទាំងជំនួយបច្ចេកទេសពី ក្រុមហ៊ុន ADITI៕

16/09/2026

ចូលរួមអបអរសាទរទិវាគ្រូបង្រៀន ដោយបន្ថែមស៊ុមរូបភាព តាមរយៈតំណភ្ជាប់៖ https://supportersframe.com/efdsg233223sd

#ទិវាគ្រូបង្រៀន

16/09/2026

ទស្សនាទាន អត្ថន័យ និងការរចនារូបសញ្ញា នៃទិវាគ្រូបង្រៀន ៥តុលា២០២៦ ខួបលើកទី២៩

ក្រសួងអប់រំ យុវជន និងកីឡា នឹងប្រារព្ធពិធីអបអរសាទរខួបលើកទី២៩ ទិវាគ្រូបង្រៀន ៥តុលា២០២៦ ក្រោមប្រធានបទ គ្រូបង្រៀនជាសសរស្តម្ភនៃគរុកោសល្យទំនើប ដើម្បីកសាងធនធានមនុស្សសតវត្សរ៍ទី២១។ ពិធីនេះនឹងប្រារព្ធទៅនៅថ្ងៃទី៥ ខែតុលា ឆ្នាំ២០២៦ នៅវិទ្យាស្ថានជាតិអប់រំ។ ជាថ្មីម្តងទៀត ក្រសួងអប់រំ យុវជន និងកីឡា តាមរយៈមជ្ឈមណ្ឌលសម្រាប់ការអប់រំឌីជីថល និងការអប់រំពីចម្ងាយ បានរចនារូបសញ្ញាសម្រាប់ទិវាគ្រូបង្រៀន ដើម្បីរំលេចអត្ថន័យនៃប្រធានបទ ដោយផ្សារភ្ជាប់ជាមួយនឹងពាក្យគន្លឹះចំនួន៣ គឺ “សសរស្តម្ភ - គរុកោសល្យទំនើប - ធនធានមនុស្ស”។ រូបសញ្ញានេះត្រូវបានរចនាឡើង ដោយមានទស្សនាទាន និងអត្ថន័យ ដូចខាងក្រោម ៖

១. រូបសញ្ញាទាំងមូលត្រូវបានរចនាចេញពីរង្វង់ចំនួន៤ ដែលមានចំនុចផ្ចិតតែមួយ។ រង្វង់ទាំង៤នេះ ជាតំណាងដល់មូលដ្ឋានគ្រឹះនៃគោលដៅនៃការអប់រំ ដែលមានចែងក្នុងរបាយការណ៍ឆ្នាំ១៩៩៦នៃអង្គការ ដែលមានឈ្មោះថា Delors Report “Learning: The Treasure Within” ដែលរួមមាន ការរៀនដើម្បីចេះ ការរៀនដើម្បីធ្វើ ការរៀនដើម្បីរស់ជាមួយគ្នា និងការរៀនដើម្បីកសាងខ្លួន (Learning to know, Learning to do, Learning to Live together, Learning to be)។

២. អក្សរ “គុរុ” ដែលមានន័យថា “គ្រូ ឬអ្នកដែលមានចិត្តធ្ងន់ អ្នកដែលគួរគេគោរពគឺអ្នកបង្ហាត់បង្រៀនចំណេះវិជ្ជាសិល្បសាស្ដ្រផ្សេងៗដល់សិស្ស” ត្រូវបានកំណត់ទម្រង់ជាលក្ខណៈសសរ ដែលកើតឡើងបន្ទាត់បញ្ឈរ ប៉ះជាមួយរង្វង់ទាំង៤ និងដែលប្រសព្វជាមួយកំណោងនៅលើបរិមាត្ររង្វង់។ សសរនីមួយៗមានរូបរាងខុសៗគ្នា ជាតំណាងដល់ការផ្តល់ជូនដល់សិស្សនូវបទពិសោធន៍ពេញលេញពីការរៀន លទ្ធផលខ្ពស់នៃការសិក្សា ការបំពេញតាមបំណងប្រាថ្នា និងការអប់រំពេញមួយជីវិត ដើម្បីក្លាយ និងបន្តជាធនធានមនុស្សសម្រាប់ប្រទេសជាតិ។

៣. ខុសប្លែកពីការរចនានៃឆ្នាំកន្លងទៅដែលផ្តោតខ្លាំងលើក្បាច់ក្បូររចនា រូបសញ្ញានៃទិវាគ្រូបង្រៀន ខួបលើកទី២៩ ឆ្នាំ២០២៦នេះ ផ្តោតលើការប្រើប្រាស់ពណ៌ចម្រុះ និងប្រទាក់ក្រឡាគ្នាទៅវិញទៅមក ដើម្បីជាតំណាង ដល់ភាពរស់រវើក បត់បែន និងនវានុវត្តន៍នៃគរុកោសល្យទំនើប ប៉ុន្តែដោយមានគន្លងត្រង់ស្របគ្នាទៅតាមគោលនយោបាយអប់រំជាតិ និងបរិវត្តកម្មក្នុងការអប់រំ

៤. ផ្ទៃពណ៌ផ្ទៃមេឃដែលលម្អបន្ថែមទៅលើពាក្យ “គុរុ” ដែលស្ថិតនៅក្នុងទីប្រសព្វនៃកំណោងបរិមាត្ររង្វង់នីមួយៗ មានរំលេចជារូបភាពចំនួន៤ ដែលជា “ការផ្សារភ្ជាប់រវាងគ្រូនិងសិស្ស ដោយខ្សែតែមួយ” រួមមានគ្រូជាអ្នកផ្តល់ក្តីស្រឡាញ់ឱ្យសិស្សដូចឪពុកម្តាយទី២ គ្រូជាអ្នកបង្ហាត់សិស្សឱ្យមានចំណេះដឹង គ្រូជាអ្នកលើកទឹកចិត្តសិស្សឱ្យចេញរាប់អានគ្នាជាបងប្អូន ហើយគ្រូជាអ្នកក្រាលផ្លូវឱ្យសិស្សបានស្វែងរកឃើញសក្តានុពលរបស់ពួកគេ។ ប្រការនេះជាការឆ្លុះបញ្ចាំងពីប្រសាសន៍នៃឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា ដែលបានលើកឡើងថា “យើងត្រូវផ្តល់ឱកាស ឱ្យសិស្សនិងយុវជនបានរៀនសូត្រវែងឆ្ងាយ ហើយពួកគេនឹងដឹងគុណយើង ថាយើងបានផ្តល់មរតកដ៏ធំមួយ សម្រាប់ឆាកជីវិតរបស់ពួកគេ”។

ការរៀបចំរូបសញ្ញានេះត្រូវបានដឹកនាំដោយលោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការនៃក្រសួងអប់រំ យុវជន និងកីឡា ដោយមានការគូសព្រាងដោយឯកឧត្តមបណ្ឌិត សាន វឌ្ឍនា រដ្ឋលេខាធិការនៃក្រសួងអប់រំ យុវជន និងកីឡា និងការរចនាដោយមជ្ឈមណ្ឌលសម្រាប់ការអប់រំឌីជីថល និងការអប់រំពីចម្ងាយ។

ចូលរួមអបអរសាទរ ទិវាគ្រូបង្រៀន ដោយបន្ថែមស៊ុមរូបភាព ជាមួយក្រសួងអប់រំ យុវជន និងកីឡា តាមរយៈតំណភ្ជាប់ ៖ https://supportersframe.com/efdsg233223sd

#ទិវាគ្រូបង្រៀន

11/09/2026

បណ្ដុំវីដេអូ ថ្នាក់ទី៨ គ្រប់មុខវិជ្ជា

ថ្នាក់ទី៨ ភាសាខ្មែរ៖ https://link.moeys.gov.kh/Grade8khmer
ថ្នាក់ទី៨ គណិតវិទ្យា៖ https://link.moeys.gov.kh/Grade8Math
ថ្នាក់ទី៨ ជីវៈវិទ្យា៖ https://link.moeys.gov.kh/Grade8Biology
ថ្នាក់ទី៨ រូបវិទ្យា៖ https://link.moeys.gov.kh/Grade8physics
ថ្នាក់ទី៨ គីមីវិទ្យា៖ https://link.moeys.gov.kh/Grade8Chemistry
ថ្នាក់ទី៨ ប្រវត្តិវិទ្យា៖ https://link.moeys.gov.kh/Grade8History

#ថ្នាលសាលាឌីជីថល #ថ្នាក់ទី៨ #ការសិក្សាអនឡាញ #រៀនតាមអនឡាញ #ការអប់រំឌីជីថល #មេរៀនឌីជីថល #ភាសាខ្មែរ #ប្រវត្តិវិទ្យា #គណិតវិទ្យា #រូបវិទ្យា #ជីវវិទ្យា #គីមីវិទ្យា

10/09/2026

បណ្ដុំវីដេអូ ថ្នាក់ទី៧ គ្រប់មុខវិជ្ជា

ថ្នាក់ទី៧ ភាសាខ្មែរ៖ https://link.moeys.gov.kh/Grade7khmer
ថ្នាក់ទី៧ គណិតវិទ្យា៖ https://link.moeys.gov.kh/Grade7Math
ថ្នាក់ទី៧ ជីវៈវិទ្យា៖ https://link.moeys.gov.kh/Grade7Biology
ថ្នាក់ទី៧ រូបវិទ្យា៖ https://link.moeys.gov.kh/Grade7physics
ថ្នាក់ទី៧ គីមីវិទ្យា៖ https://link.moeys.gov.kh/Grade7Chemistry
ថ្នាក់ទី៧ ប្រវត្តិវិទ្យា៖ https://link.moeys.gov.kh/Grade7History

#ថ្នាលសាលាឌីជីថល #ថ្នាក់ទី៧ #ការសិក្សាអនឡាញ #រៀនតាមអនឡាញ #ការអប់រំឌីជីថល #មេរៀនឌីជីថល #ភាសាខ្មែរ #ប្រវត្តិវិទ្យា #គណិតវិទ្យា #រូបវិទ្យា #ជីវវិទ្យា #គីមីវិទ្យា

10/09/2026

ក្រសួងអប់រំ យុវជន និងកីឡា បានអនុម័តដាក់ឱ្យប្រើប្រាស់ សៀវភៅណែនាំប្រតិបត្តិស្តីពីការបង្រៀនសម្របតាមសមត្ថភាពសិស្ស (PTOM) ដើម្បីជួយសិស្សរៀនយឺត នៅកម្រិតបឋមសិក្សា។

👉 ទាញយក សៀវភៅ តាមតំណភ្ជាប់នេះ https://sala.moeys.gov.kh/kh/library/00007961

ការដាក់ឱ្យអនុវត្តកម្មវិធីនេះ ក្នុងគោលបំណងបំពេញបន្ថែមដល់ការអនុវត្តកញ្ចប់សម្ភារៈអំណាននិងគណិតវិទ្យាថ្នាក់ដំបូង ដែលក្រសួងនឹងពង្រីកការអនុវត្តទូទាំងប្រទេស ក្នុងឆ្នាំសិក្សា២០២៦-២០២៧ នេះ។ ជាមួយគ្នានេះ ជំនួសមុខឱ្យថ្នាក់ដឹកនាំក្រសួងគ្រប់លំដាប់ថ្នាក់ យើងខ្ញុំសូមថ្លែងអំណរគុណ ដល់ក្រុមបច្ចេកទេស ដែលបានយកចិត្តទុកដាក់ អភិវឌ្ឍឯកសារដ៏មានសារៈសំខាន់នេះ ព្រមទាំងអរគុណដល់ក្រុមគ្រូឧទ្ទេស គ្រូបង្រៀនថ្នាក់ទី៣ដល់ទី៦ និងអ្នកពាក់ព័ន្ធ ដែលបានស្ម័គ្រចិត្តចូលរួមវគ្គបំប៉នរយៈពេល ៣ថ្ងៃនាពេលកន្លងមក នៅតាមបណ្តុំនៃកម្រងសាលារៀន។

#សៀវភៅណែនាំPTOM #ការបង្រៀនសម្របតាមសមត្ថភាពសិស្ស #ករសួងអប់រំយុវជននិងកីឡា #បឋមសក្សា

10/09/2026

ក្រសួងអប់រំ យុវជន និងកីឡា បានអនុម័តដាក់ឱ្យប្រើប្រាស់ សៀវភៅណែនាំប្រតិបត្តិស្ដីពីការបង្រៀនសម្របតាមសមត្ថភាពសិស្ស (PTOM) ដើម្បីជួយសិស្សរៀនយឺតនៅកម្រិតបឋមសិក្សា ចាប់ពីថ្នាក់ទី៣ ដល់ទី៦។

👉 ទាញយក សៀវភៅ តាមតំណភ្ជាប់នេះ https://sala.moeys.gov.kh/kh/library/00007960

ការដាក់ឱ្យអនុវត្តកម្មវិធីនេះ មានគោលបំណងបំពេញបន្ថែមដល់ការអនុវត្តកញ្ចប់សម្ភារអំណាន និងគណិតវិទ្យាថ្នាក់ដំបូង ដែលក្រសួងនឹងពង្រីកការអនុវត្តទូទាំងប្រទេស ក្នុងឆ្នាំសិក្សា២០២៦-២០២៧ នេះ។

- លោកគ្រូ-អ្នកគ្រូ៖ សម្រាប់យកទៅអនុវត្ត និងរៀបចំផែនការបង្រៀនជាក់ស្តែង
- គណៈគ្រប់គ្រងសាលារៀន និងគ្រូបង្គោល៖ សម្រាប់ណែនាំ និងគាំទ្របច្ចេកទេស
- មាតាបិតា និងអាណាព្យាបាល៖ សម្រាប់រួមចំណែកតាមដាន និងជួយសិស្សស្វ័យសិក្សា

#សៀវភៅណែនាំPTOM #ការបង្រៀនសម្របតាមសមត្ថភាពសិស្ស #ករសួងអប់រំយុវជននិងកីឡា #បឋមសក្សា

03/09/2026

សូមណែនាំ «ឧបសម្ព័ន្ធនៃក្របខណ្ឌអប់រំស្ទែមកម្រិតសាលារៀន» ដែលជាឯកសារជំនួយសម្រាប់គណៈគ្រប់គ្រងសាលារៀន គ្រូបង្រៀន សិស្ស និងសហគមន៍ ក្នុងការអនុវត្តការអប់រំ STEM នៅកម្រិតសាលារៀនប្រកបដោយប្រសិទ្ធភាព។

ឯកសារនេះផ្តោតលើសមាសភាគសំខាន់ៗ ៥៖ លទ្ធផលការសិក្សារបស់សិស្ស, ការបង្រៀន និងរៀន, អភិបាលកិច្ចសាលារៀន, ការអភិវឌ្ឍហេដ្ឋារចនាសម្ព័ន្ធ និងការចូលរួមរបស់សហគមន៍។

ជាមួយនឹងដំណើរការ ៥ ជំហាន ឯកសារនេះជួយសាលារៀនឱ្យអាចវាយតម្លៃស្ថានភាពបច្ចុប្បន្ន កំណត់គោលដៅ រៀបចំ និងអនុវត្តផែនការសកម្មភាព ព្រមទាំងតាមដានវឌ្ឍនភាពជាប្រចាំ។

👉 ទាញយក សៀវភៅ តាមតំណភ្ជាប់នេះ https://sala.moeys.gov.kh/kh/library/00006759

រួមគ្នាពង្រឹងការអប់រំ STEM និងបង្កើតបទពិសោធន៍សិក្សាដែលភ្ជាប់ទៅនឹងជីវិតជាក់ស្តែង និងបំណិនសតវត្សទី២១។
#ការអប់រំស្ទែម #អភិវឌ្ឍសាលារៀន #គ្រូបង្រៀន #អប់រំកម្ពុជា

01/09/2026

ទស្សនាវដ្តីស្រាវជ្រាវកម្ពុជាសម្រាប់ការអប់រំ និងស្ទែម (CJES)

👉 ទាញយក សៀវភៅ តាមតំណភ្ជាប់នេះ https://sala.moeys.gov.kh/kh/library/00007737

ប្រមូលផ្តុំ អត្ថបទស្រាវជ្រាវចំនួន ៧ ដែលគ្របដណ្តប់លើប្រធានបទសំខាន់ៗក្នុងវិស័យ អប់រំ បច្ចេកវិទ្យាឌីជីថល និងកសិកម្ម រួមមាន គណនេយ្យភាពសាលារៀន ការអប់រំសម្រាប់ទេពកោសល្យឌីជីថល ការរៀនដំបូងរបស់កុមារ ភាពជាអ្នកដឹកនាំអប់រំឌីជីថល និងការស្រាវជ្រាវពាក់ព័ន្ធនឹងវិស័យកសិកម្ម។

📖 Cambodian Journal of Education and STEM (CJES)

#ការអប់រំ #ស្ទែម #ការស្រាវជ្រាវ #អប់រំកម្ពុជា

31/08/2026

សៀវភៅ «ការរៀន និងបង្រៀន STEM នៅកម្រិតមធ្យមសិក្សាទុតិយភូមិ» ជាឯកសារណែនាំសម្រាប់គ្រូបង្រៀន និងអ្នកអប់រំ ដែលចង់ស្វែងយល់ពីការបង្រៀនបែប STEM តាមរយៈការភ្ជាប់ វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា ជាមួយបាតុភូត និងបញ្ហាជាក់ស្តែងក្នុងជីវិត។

ក្នុងសៀវភៅនេះ មានទាំង ទ្រឹស្តីនៃការអប់រំ STEM កម្រិត STEM ពី ០ ដល់ ៣ និងការអនុវត្តក្នុងមុខវិជ្ជា គណិតវិទ្យា រូបវិទ្យា គីមីវិទ្យា ជីវវិទ្យា និងផែនដីវិទ្យា។

👉 ទាញយក សៀវភៅ តាមតំណភ្ជាប់នេះ https://sala.moeys.gov.kh/kh/library/00007894

#ការអប់រំSTEM #សៀវភៅអប់រំ #គ្រូបង្រៀន #វិទ្យាសាស្ត្រ #គណិតវិទ្យា #អប់រំកម្ពុជា

Address

#80, Norodom Boulevard
Phnom Penh

Telephone

+85566901800

Website

https://sala.moeys.gov.kh/

Alerts

Be the first to know and let us send you an email when Krou Cambodia posts news and promotions. Your email address will not be used for any other purpose, and you can unsubscribe at any time.

Contact The University

Send a message to Krou Cambodia:

Krou Cambodia

16/09/2026

16/09/2026

16/09/2026

11/09/2026

10/09/2026

10/09/2026

10/09/2026

03/09/2026

01/09/2026

31/08/2026

Address

Telephone

Website

Alerts

Contact The University

Shortcuts

Share

Listing takedown request