Telecommunication and Electronics Engineering

23/08/2026

🎓🌏 អបអរសាទរ និស្សិតជំនាន់ទី ៤ និង ៨ (Generation 4 & 8)🌏🎓
ដេប៉ាតឺម៉ង់វិស្វកម្មទូរគមនាគមន៍ និងអេឡិចត្រូនិច នៃ សាកលវិទ្យាល័យភូមិន្ទភ្នំពេញ មានមោទនភាពយ៉ាងក្រៃលែង ក្នុងការអបអរសាទរដល់និស្សិត ជំនាន់ទី ៤ និង ៨ (Generation 4 & 8)ដែលបានទទួលអាហារូបករណ៍ទៅបន្តការសិក្សា ថ្នាក់បរិញ្ញាបត្រជាន់ខ្ពស់ (Master’s Degree) និងថ្នាក់បណ្ឌិត (Ph.D.) នៅក្រៅប្រទេស។ 🎓✈️🌍

✨ និស្សិតជំនាន់ទី៨ ដែលទទួលបានអាហារូបករណ៍៖
1. ឈិត ស្រីរ៉ង —CHHIT SREYRONG
🎓 Ph.D. in Marine Electronics, Communication and Computer Engineering
🏫 Mokpo National Maritime University
🇰🇷 South Korea
2. ម៉េង ស្រីនាត — MENG SREYNEAT
🎓 Master’s Degree in Computer Science and Engineering
🏫 Soonchunhyang University
🇰🇷 South Korea
3. ព្រហ្ម សូរិយា — PRUM SORIYA
🎓 Master’s Degree in AI/IoT/Big Data Based Future Energy Industry
🏫 Chung-Ang University
🇰🇷 South Korea
4. អៀន ស្រីនិច — EAN SREYNICH
🎓 Master’s Degree in Information Security
🏫 Soonchunhyang University
🇰🇷 South Korea
5. ធន សុធុល —THORN SOTHUL
🎓 Ph.D. in Marine Electronics, Communication and Computer Engineering
🏫 Mokpo National Maritime University
🇰🇷 South Korea
6. ស៊្រីម សុភារិទ្ធិ — SRIM SOPHEARITH
🎓 Master’s Degree in Electrical and Information Engineering
🏫 Seoul National University of Science and Technology
🇰🇷 South Korea
7. ម៉ែន មុនីពុទ្ធិ — MEN MONYPOTHI
🎓 Master’s Degree in Marine Electronics, Communication and Computer Engineering
🏫 Mokpo National Maritime University
🇰🇷 South Korea

🌟 សមិទ្ធផលដ៏គួរឱ្យមោទនភាពនេះ គឺជាលទ្ធផលនៃការខិតខំប្រឹងប្រែង ការតស៊ូ ការប្តេជ្ញាចិត្ត និងឆន្ទៈក្នុងការសិក្សារបស់និស្សិតជំនាន់ទី​ ៤​ និង ៨។ សមិទ្ធផលរបស់ពួកគាត់ មិនត្រឹមតែជាជោគជ័យផ្ទាល់ខ្លួនប៉ុណ្ណោះទេ ប៉ុន្តែក៏ជាមោទនភាពសម្រាប់ ក្រុមគ្រួសារ សាកលវិទ្យាល័យ និងដេប៉ាតឺម៉ង់ ផងដែរ។ 💙🎓
ដេប៉ាតឺម៉ង់សូមចូលរួមអបអរសាទរ និងសូមជូនពរដល់និស្សិតជំនាន់ទី ៤ និង ៨ ទាំងអស់ ឱ្យទទួលបានជោគជ័យក្នុងដំណើរថ្មីនៃការសិក្សា ការស្រាវជ្រាវ និងការរស់នៅក្នុងបរិយាកាសអន្តរជាតិ។ 🌏✨
សូមឱ្យចំណេះដឹង បទពិសោធន៍ និងសមិទ្ធផលរបស់អ្នកទាំងអស់គ្នា ក្លាយជាកម្លាំងដ៏មានតម្លៃសម្រាប់ការអភិវឌ្ឍខ្លួនឯង សង្គម និងវិស័យ ទូរគមនាគមន៍ និងអេឡិចត្រូនិច នាពេលអនាគត។ 📡💻🚀
🎉 Congratulations, Generation 4 & 8! 🎓✨
Your achievement is our pride, and your journey to the world begins now. 🌍
&8

23/08/2026

#វិស្វកម្មទូរគមនាគមន៍និងអេឡិចត្រូនិច

Series: “ដឹងអ្វីខ្លះពី Telecom?”

Episode 1 | របៀបវាស់ហ្រេ្វកង់ស៍វិទ្យុរបស់ទូរទស្សន៍ដោយប្រើម៉ាស៊ីន Spectrum Analyzer

ផលិតដោយ TEE Media

22/08/2026

#វិស្វកម្មទូរគមនាគមន៍និងអេឡិចត្រូនិច

តស់! មកស្តាប់ពីបទពិសោធន៍អតីតនិស្សិតទូរគមនាគមន៍ និងអេឡិចត្រូនិចយើងម្តង។

ភ្នំពេញ៖ ជំនាញវិស្វកម្មទូរគមនាគមន៍ និងអេឡិចត្រូនិច ជាជំនាញដែលមានសក្តានុពល និងតម្រូវការនៅក្នុងទីផ្សារកា.....

11/08/2026

#វិស្វកម្មទូរគមនាគមន៍និងអេឡិចត្រូនិច
"ដំណើរទស្សនកិច្ចសិក្សានៅក្រុមហ៊ុន មីនេបៀ (ខេមបូឌា) ខេត្តពោធិ៍សាត់"
ជាតំណាងឱ្យសាកលវិទ្យាល័យភូមិន្ទភ្នំពេញ លោក គួង សំណាង ប្រធានដេប៉ាតឺម៉ង់វិស្វកម្មទូរគមនាគមន៍ និងអេឡិចត្រូនិច រួមទាំងសាស្ត្រាចារ្យ២រូប និងនិស្សិត៣រូប បានអញ្ជើចូលរួមដំណើរទស្សនកិច្ចសិក្សានៅក្រុមហ៊ុន មីនេបៀ (ខេមបូឌា) ស្ថិតក្នុងតំបន់សេដ្ឋកិច្ចពីសេសខេត្តពោធិ៍សាត់។
គួរបញ្ជាក់ផងដែរថា ការទស្សនកិច្ចសិក្សានេះមានការចូលរួមពីសាលកវិទ្យាល័យ វិទ្យាស្ថាន និងវិទ្យាល័យសរុប១១គ្រឹះស្ថានដែលស្ថិនៅក្រោមឱវាទក្រសួងអប់រំ និងក្រសួងការងារ។

ដំណើរទស្សនកិច្ចនេះមានគោលបំណងស្វែងយល់អំពីលំហូរខ្សែសង្វាក់ផលិតកម្ម បច្ចេកវិទ្យា ប្រព័ន្ធគ្រប់គ្រងការងារ និងតម្រូវការធនធានមនុស្សនៅក្នុងវិស័យឧស្សាហកម្ម។ កម្មវិធីរួមមានការធ្វើបទបង្ហាញអំពីក្រុមហ៊ុន ការចែករំលែកបទពិសោធន៍ពីថ្នាក់ដឹកនាំ និងបុគ្គលិក ព្រមទាំងការចុះពិនិត្យជាក់ស្តែងនៅក្នុងបរិវេណរោងចក្រ។

គោលបំណងចំបងរបស់ក្រុមហ៊ុនគឺកិច្ចសហការរវាងក្រុមហ៊ុន និងគ្រឹះស្ថានអប់រំផ្តោតលើគោលដៅសំខាន់ចំនួនបី៖

១. តម្រង់ទិសការបណ្តុះបណ្តាលជំនាញបច្ចេកទេសឱ្យស្របតាមតម្រូវការជាក់ស្តែងរបស់វិស័យឧស្សាហកម្ម។

២. បើកឱកាសជាក់ស្តែងសម្រាប់និស្សិត តាមរយៈការហាត់ការ ដំណើរទស្សនកិច្ចសិក្សា និងឱកាសការងារ។

៣. ពង្រឹងកិច្ចសហការលើការស្រាវជ្រាវ និងការអភិវឌ្ឍបច្ចេកវិទ្យាពាក់ព័ន្ធនឹងវិស័យឧស្សាហកម្ម។

ដំណើរទស្សនកិច្ចនេះបានផ្តល់ឱកាសដ៏មានសារៈសំខាន់ដល់សាស្ត្រាចារ្យ និងនិស្សិត ក្នុងការផ្សារភ្ជាប់ចំណេះដឹងទ្រឹស្តីជាមួយការអនុវត្តជាក់ស្តែង និងស្វែងយល់បន្ថែមអំពីជំនាញដែលទីផ្សារការងារកំពុងត្រូវការ។

សាកលវិទ្យាល័យភូមិន្ទភ្នំពេញ សូមថ្លែងអំណរគុណដល់ថ្នាក់ដឹកនាំ និងក្រុមការងាររបស់ក្រុមហ៊ុន មីនេបៀ (ខេមបូឌា) ដែលបានរៀបចំ និងសម្របសម្រួលដំណើរទស្សនកិច្ចសិក្សានេះ ប្រកបដោយបរិយាកាសស្វាគមន៍ និងផ្តល់នូវបទពិសោធន៍ដ៏មានតម្លៃដល់សាស្ត្រាចារ្យ និងនិស្សិត។
@04/08/26

10/08/2026

តស់!! ប្អូនៗប្រឡងមធ្យមសិក្សាទុតិយភូមិឆ្នាំ២០២៦(BacII2026)នេះ ហើយដែលមានចំណាប់អារម្មណ៍ TEE នៅសាកលវិទ្យាល័យភូមិន្ទភ្នំពេញសូមមើលព័ត៌មាននេះ។
សូមជូនពរប្អូនៗប្រឡង BacII2026 ជាប់ហើយទទួលបាននិទ្ទេសល្អគ្រប់ៗ🫰ពេលប្រឡងខំឱ្យអស់ដៃណា🫰

10/08/2026

#វិស្វកម្មទូរគមនាគមន៍និងអេឡិចត្រូនិច
ដេប៉ាតឺម់ង់វិស្វកម្មទូរមនាគមន៍ និងអេឡិចត្រូនិច បានដឹកនាំសាស្ត្រាចា្ររ្យ និងនិស្សិតចំនួន៤២នាក់ បានចុះទស្សនកិច្ចសិក្សា និងស្វែងយល់ផ្ទាល់នៅក្រុមហ៊ុន YHS (CAMBODIA) FOOD & BEVERAGE PTE LTD។

កិច្ចទស្សនកិច្ចសិក្សានេះត្រូវបានទទួលស្វាគមន៍យ៉ាងកក់ក្តៅពីលោកស្រី ហេង សុធាវី ជាអគ្គនាយិកាក្រុមហ៊ុន ព្រមទាំងបុគ្គលិក និងវិស្វករ។
ក្នុងឱកាសនោះដែរលោកស្រីបានមានមតិពីបទពីសោធ និងភាពជោគជ័យដែលបានខំប្រឹងកន្លងមកទាំងក្នុងការប្រកួតប្រជែងទាំងគុណភាព ភាពឆ្នែប្រឌិត ជាមួយផលិតផលក្រៅស្រុក។ ភាពជោគជ័យនេះគឺជាសមត្ថភាពរបស់ បុគ្គលិក វិស្វករ ខ្មែរសុទ្ធសាតដែលបានបំពេញាការងារទាំងកម្លាំងកាយ និងកម្លាំងចិត្តដើម្បីសម្រេចគោលដៅរបស់ក្រុមហ៊ុន។
ជាមតិផ្តាំផ្ញើចុងក្រោយរបស់លោស្រី នាយិកាទៅកាន់ប្អូនៗនិស្សិតគឺត្រូវស្គាល់ពីតួនាទីនិងកាតព្វកិច្ចរៀងខ្លនជា កូនល្អ(នៅផ្ទះ) ជាសិស្សល្អ(នៅសាលា ត្រូវប្រឹងប្រែងសិក្សា)​ និងពលរដ្ឋល្អ។ បន្ថែមនេះទៅទៀតគឺត្រូវខិតខំសិក្សាជំនាញវិស្វកម្ម ជាពិសេសជំនាញវិស្វកម្មទូរគមនាគន៍ និងអេឡិចត្រូនិច ដែលជំនាញនេះប្អូនៗអាចជួយខ្លួន​ឯង និងអភិវឌ្ឍសង្គមយើងឱ្យមានការអភិវឌ្ឍដូចបណ្តាប្រទេសដែលជឿនលឿនបាន។

ដំណើរទស្សនកិច្ចនេះពិតជាបានផ្តល់នូវចំណេះដឹងដ៏មានតម្លៃជាច្រើន អំពីដំណើរការផលិតកម្រិតស្តង់ដារអន្តរជាតិ បច្ចេកវិទ្យាទំនើប និងការគ្រប់គ្រងគុណភាពផលិតផលភេសជ្ជៈដ៏ល្បីល្បាញ ដែលបានផ្តល់ភាពស្រស់ស្រាយដល់អតិថិជនជាច្រើនជំនាន់។

សូមថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំ និងបុគ្គលិកទាំងអស់របស់ក្រុមហ៊ុន ដែលបានចំណាយពេលទទួលស្វាគមន៍យ៉ាងកក់ក្តៅបំផុត!
02/07/26

10/08/2026

#វិស្វកម្មទូរគមនាគមន៍និងអេឡិចត្រូនិច
ពិធីជួបជុំអតីតនិស្សិតកាលពីខែមិថុនា ដែលមានគោលប​ណងចង់ឱ្យនិស្សិតត្រៀមបញ្ជប់ និងអតីតនិស្សិតបានស្គាល់គ្នាជាពិសេសបង្កើនចំណងការរាប់អានគ្នា។
ឆ្នាំក្រោយអាចជួបច្រើនជាងនេះដែរឬទេ?
@18/06/26

20/07/2026

#វិស្វកម្មទូរគមនាគមន៍និងអេឡិចត្រូនិច
ពិព័រណ៍មគ្គុទេ្ទសក៍អាជីពនិងការសិក្សា នៅវិទ្យាល័យបឹងប្រីយ៍ (២៦ ខែមិថុនា ឆ្នាំ២០២៦)

និស្សិតនៃដេប៉ាតឺម៉ង់វិស្វកម្មទូរគមនាគមន៍និងអេឡិចត្រូនិចបានចូលរួមក្នុងកម្មវិធីពិព័រណ៍នៅវិទ្យាល័យបឹងប្រីយ៍ ដោយបានចែករំលែកជាមួយសិស្សានុសិស្សនូវព័ត៌មានសំខាន់ៗទាក់ទងនឹងការសិក្សាក្នុងជំនាញមួយនេះ ក៏ដូចជាឱកាសការងារដែលអាចទទួលបានពេលបញ្ចប់ការសិក្សាក្នុងជំនាញនេះផងដែរ។ ដេប៉ាតឺម៉ង់ពិតជារំភើបណាស់ដែលឃើញថាជំនាញមួយនេះទទួលបានចំណាប់អារម្មណ៍ពីប្អូនៗសិស្សានុសិស្សទាំងអស់គ្នា 🎊 សង្ឃឹមថានឹងបានឃើញប្អូនទាំងអស់បានមករៀននៅដេប៉ាតឺម៉ង់របស់យើង 🫶🏻

10/07/2026

#វិស្វកម្មទូរគមនាគមន៍និងអេឡិចត្រូនិច
អបអរសាទរដល់អតីតនិស្សិតជំនាន់ទី ៨ នៃដេប៉ាតឺម៉ង់វិស្វកម្មទូរគមនាគមន៍និងអេឡិចត្រូនិច ដែលបានជាប់ជាស្ថាពរក្នុងអាហារូបករណ៍ថ្នាក់បរិញ្ញាបត្រជាន់ខ្ពស់ នូវឯកទេសជំនាញ វិស្វកម្មអវកាស និងលំហអាកាស 👏👏🎊

ដេប៉ាតឺម៉ង់ពិតជារំភើបដែលបានឃើញនិស្សិតរបស់យើង ក៏ដូចជានិស្សិតផ្សេងៗទៀតជាច្រើនមានចំណាប់អារម្មណ៍ទៅលើមុខជំនាញទូរគមនាគមន៍ទាំងអស់នេះ ដោយឯកទេសទាំងនេះមានតម្រូវការខ្ពស់ក្នុងប្រទេសយើង ហើយចាំបាច់សម្រាប់ការអភិវឌ្ឍបច្ចេកវិទ្យាក្នុងប្រទេសយើង។

ជូនពរឲ្យនិស្សិតទាំងពីររូបទទួលបានភាពជោគជ័យក្នុងការសិក្សា និងសូមឲ្យការខិតខំប្រឹងប្រែងរបស់និស្សិតយើងទទួលបានផ្លែផ្កាល្អ 💪🏻❤️

26/06/2026

#វិស្វកម្មទូរគមនាគមន៍និងអេឡិចត្រូនិច
ជំនួបស្តីពីកិច្ចសហប្រតិបត្តិការ និងឱកាសការងារ ជាមួយនិស្សិតឆ្នាំទី៣ និងឆ្នាំទី៤ នៃវិស្វកម្មទូរគមនាគមន៍និងអេឡិចត្រូនិច

ដេប៉ាតឺម៉ង់វិស្វកម្មទូរគមនាគមន៍ និងអេឡិចត្រូនិចពិតជាមានកិត្តិយសស្វាគមន៍ក្រុមហ៊ុនមីនេបៀ (ខេមបូឌា) ដែលបានអញ្ជើញមកជួបជាមួយនឹងនិស្សិតយើងផ្ទាល់ដើម្បីចែករំលែកពីចំណេះដឹងវិស័យឧស្សាហកម្មផ្នែករ៉ូបូទិច ក៏ដូចជាផ្តល់នូវឱកាសការងារពិសេសធ្វើការនៅក្រុមហ៊ុន MinebeaMitsumi ដែលនិស្សិតយើងគួរចាប់អារម្មណ៍ 🎊 លើសពីនេះទៅទៀត ឱកាសការងារនេះក៏ផ្តល់ជូននិស្សិតយើងនូវការបណ្តុះបណ្តាលវិជ្ជារយៈពេល ២ ឆ្នាំនៅប្រទេសជប៉ុនផងដែរ។

និស្សិតវិស្វកម្មទូរគមនាគមន៍និងអេឡិចត្រូនិចដែលមានបទពិសោធន៍ធ្វើគម្រោងច្រើនទាក់ទងនឹងផ្នែករ៉ូបូទិច និង AI ក៏បានធ្វើបទបង្ហាញចែករំលែកអំពីស្នាដៃរបស់ខ្លួនជូនក្រុមការងារក្រុមហ៊ុនមីនេបៀវិញផងដែរ ដែលបង្ហាញពីចំណាប់អារម្មណ៍ខ្លាំងរបស់និស្សិតយើងទៅលើវិស័យមួយនេះ 🫶🏻

ដេប៉ាតឺម៉ង់សូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន Minebea ដែលបានផ្តល់ពេលវេលា និងឱកាសដ៏មានតម្លៃក្នុងការជួបពិភាក្សា ចែករំលែកព័ត៌មាន និងបង្ហាញពីឱកាសការងារដល់និស្សិត។ សូមជូនពរឱ្យក្រុមហ៊ុន Minebea-Cambodia Co., Ltd.បន្តទទួលបានជោគជ័យ និងរីកចម្រើនថែមទៀតក្នុងការអភិវឌ្ឍអាជីវកម្មនៅប្រទេសកម្ពុជា។

ដេប៉ាតឺម៉ង់សង្ឃឹមថា កិច្ចជំនួបនេះនឹងក្លាយជាចំណុចចាប់ផ្តើមដ៏ល្អសម្រាប់ការពង្រឹងទំនាក់ទំនង និងកិច្ចសហប្រតិបត្តិការរវាងភាគីទាំងពីរ ឱ្យកាន់តែជិតស្និទ្ធ និងមានប្រសិទ្ធភាពខ្ពស់ ដើម្បីរួមគ្នាគាំទ្រការអភិវឌ្ឍធនធានមនុស្ស ការផ្តល់ឱកាសការងារដល់និស្សិត និងការឆ្លើយតបទៅនឹងតម្រូវការរបស់វិស័យឧស្សាហកម្មបច្ចេកវិទ្យានាពេលអនាគត។ នេះជាឱកាសដ៏ល្អមួយដែលនិស្សិតយើងគួរចាប់យក ☝🏻
#វិស្វកម្មទូរគមនាគមន៍និងអេឡិចត្រូនិច