College of Law UC-Cambodia

24/09/2026

24/09/2026

🎉អបអរសាទរ🎉
🌼ខួបលើកទី៣៣ ទិវាប្រកាសរដ្ឋធម្មនុញ្ញនៃព្រះរាជាណាចក្រកម្ពុជា🇰🇭
📆២៤ កញ្ញា ១៩៩៣ - ២៤ កញ្ញា ២០២៦📆

23/09/2026

23/09/2026

ចង់ដឹងអត់ថា ហេតុអ្វីបានជានិស្សិតជ្រើសរើសរៀនច្បាប់នៅ UC ?⚖️

ចំណុចសំខាន់ៗទាំង ៥ ដែលធ្វើឱ្យ មហាវិទ្យាល័យច្បាប់ នៅសាកលវិទ្យាល័យកម្ពុជា ក្លាយជាជម្រើសដ៏ល្អបំផុតសម្រាប់អនាគតរបស់អ្នក!

💡សិក្សានៅទីនេះនិស្សិតនឹងទទួលបាន
- ចំណេះដឹងផ្នែកច្បាប់ស៊ីជម្រៅទាំងកម្រិតជាតិ និងអន្តរជាតិ
- បទពិសោធន៍នៃការអនុវត្តជាក់ស្ដែង និងការប្រកួតប្រជែង
- ឱកាសចូលរួមសិក្ខាសាលា និងការធ្វើបទបង្ហាញដើម្បីពង្រឹងចំណេះដឹងផ្នែកច្បាប់
- ការតម្រង់ទិសវិជ្ជាជីវ:ច្បាប់ សម្រាប់អាជីពនាពេលអនាគត
- ការសិក្សាតាមប្រព័ន្ធក្រេឌីតដូចទៅនឹងសហរដ្ឋអាមេរិក និង ឱកាសការងារទូលំទូលាយក្នុងវិស័យច្បាប់ ទាំងរដ្ឋ និងឯកជន



👉 ចុះឈ្មោះឥឡូវនេះ ដើម្បីចាប់ផ្ដើមដំណើរឆ្ពោះទៅកាន់ក្ដីស្រមៃរបស់អ្នកជាមួយមហាវិទ្យាល័យច្បាប់ នៃសាកលវិទ្យាល័យកម្ពុជា!

📩 ព័ត៌មានបន្ថែមអំពីការចុះឈ្មោះចូលរៀន៖
📞 ទំនាក់ទំនង: 023 993 276 / 069 521 111 ឬតាមរយៈ Telegram Qr ខាងក្រោយវីដេអូ

21/09/2026

⚖️ មហាវិទ្យាល័យច្បាប់​ និងសភានិស្សិត នៃសាកលវិទ្យាល័យកម្ពុជា ចូលរួមកម្មវិធី ECCC Law Talk

នៅថ្ងៃទី ២១ ខែកញ្ញា ឆ្នាំ២០២៦ តំណាង មហាវិទ្យាល័យច្បាប់ (COL) នៃសាកលវិទ្យាល័យកម្ពុជា (UC) និង​ ក្រុមសភានិស្សិតនៃសាកលវិទ្យាល័យកម្ពុជា (UCSS) បានចូលរួមកម្មវិធី ECCC Law Talk ដែលរៀបចំដោយ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) ក្រោមប្រធានបទ៖

«ការរំពឹងទុករបស់ជនរងគ្រោះ និងយុត្តិធម៌អន្តរកាលនៅ អ.វ.ត.ក.៖ ការគិតឡើងវិញអំពីយុត្តិធម៌លើសពីការជំនុំជម្រះក្ដីព្រហ្មទណ្ឌ»

កម្មវិធីនេះមានការចូលរួមពី និស្សិត និងអ្នកស្រាវជ្រាវជាង ៥០នាក់ និងមានបទបង្ហាញដោយ លោក Leo DIF និស្សិតនៃសាកលវិទ្យាល័យ Paris 1 Panthéon-Sorbonne ប្រទេសបារាំង ដែលកំពុងចុះកម្មសិក្សាស្រាវជ្រាវផ្នែកច្បាប់នៅ អ.វ.ត.ក.។

បទបង្ហាញបានផ្តោតលើ យុត្តិធម៌សម្រាប់ជនរងគ្រោះ ដែលមានវិសាលភាពលើសពីការជំនុំជម្រះក្ដីព្រហ្មទណ្ឌ រួមមាន៖
🔹 ការទទួលស្គាល់ និងការចងចាំអំពីជនរងគ្រោះ
🔹 ការទទួលខុសត្រូវចំពោះអំពើដែលបានកើតឡើង
🔹 ការផ្តល់សំណង និងវិធានការស្ដារឡើងវិញ
🔹 ការយល់ឃើញ និងតម្រូវការរបស់ជនរងគ្រោះ និងសហគមន៍ដែលរងផលប៉ះពាល់
🔹 តួនាទីនៃយុត្តិធម៌អន្តរកាលក្នុងការស្វែងរកយុត្តិធម៌ និងការផ្សះផ្សា។

កម្មវិធីបានបញ្ចប់ដោយ កិច្ចពិភាក្សា និងការផ្លាស់ប្តូរមតិយ៉ាងសកម្ម ដែលបានផ្តល់ឱកាសដល់និស្សិត និងអ្នកចូលរួម ក្នុងការសួរសំណួរ ចែករំលែកទស្សនៈ និងពង្រីកការយល់ដឹងអំពី ច្បាប់ យុត្តិធម៌អន្តរកាល និងបទពិសោធន៍របស់ អ.វ.ត.ក.

🎓 សម្រាប់និស្សិតច្បាប់ ការរៀនសូត្រមិនមានកំណត់ត្រឹមតែក្នុងថ្នាក់រៀននោះទេ ប៉ុន្តែរួមបញ្ចូលទាំងការចូលរួមក្នុងវេទិកាច្បាប់ ការស្រាវជ្រាវ និងការផ្លាស់ប្តូរចំណេះដឹងជាមួយអ្នកជំនាញ និងស្ថាប័នច្បាប់។

College of Law – University of Cambodia

Empowering the Next Generation of Legal Professionals. ⚖️

Photo credits : ECCC, UCSS and COL.

15/09/2026

🤝🇰🇭 ពិធីចុះអនុស្សរណៈនៃការយោគយល់គ្នា រវាងអង្គជំនុំជម្រះវិសាមញ្ញក្នុងតុលាការកម្ពុជា និងសាកលវិទ្យាល័យកម្ពុជា

នៅព្រឹកថ្ងៃទី ១៥ ខែកញ្ញា ឆ្នាំ២០២៦ នៅមជ្ឈមណ្ឌលធនធាននៃ អង្គជំនុំជម្រះវិសាមញ្ញក្នុងតុលាការកម្ពុជា បានប្រារព្ធពិធីចុះអនុស្សរណៈនៃការយោគយល់គ្នា រវាង អង្គជំនុំជម្រះវិសាមញ្ញក្នុងតុលាការកម្ពុជា និង សាកលវិទ្យាល័យកម្ពុជា។

ក្នុងពិធីនេះ ឯកឧត្តម ហែម ក្រាញ់ តូនី រដ្ឋលេខាធិការទីស្តីការគណៈរដ្ឋមន្ត្រី និងជាប្រធានរដ្ឋបាលស្តីទីនៃអង្គជំនុំជម្រះវិសាមញ្ញក្នុងតុលាការកម្ពុជា បានចុះហត្ថលេខាតំណាង អង្គជំនុំជម្រះវិសាមញ្ញក្នុងតុលាការកម្ពុជា ខណៈ ឯកឧត្តមបណ្ឌិត អុី រតនា អនុប្រធានសាកលវិទ្យាល័យកម្ពុជា បានចុះហត្ថលេខាតំណាង លោកជំទាវ ឃឹម រ៉ានី ប្រធានសាកលវិទ្យាល័យកម្ពុជា។

អនុស្សរណៈនៃការយោគយល់គ្នានេះ គឺជាការបង្ហាញពីការប្តេជ្ញាចិត្តរួមក្នុងការពង្រឹងកិច្ចសហប្រតិបត្តិការ និងការផ្លាស់ប្តូរចំណេះដឹង បទពិសោធន៍ និងធនធាន ដើម្បីរួមចំណែកលើកកម្ពស់ ការអប់រំផ្នែកច្បាប់ ការយល់ដឹងអំពីយុត្តិធម៌ ប្រវត្តិសាស្ត្រ និងនីតិរដ្ឋ ជាពិសេសសម្រាប់និស្សិតច្បាប់ និងយុវជនកម្ពុជា។

ជាព្រឹត្តិការណ៍ដ៏មានអត្ថន័យ សាកលវិទ្យាល័យកម្ពុជា សូមថ្លែងអំណរគុណចំពោះ អង្គជំនុំជម្រះវិសាមញ្ញក្នុងតុលាការកម្ពុជា សម្រាប់កិច្ចសហប្រតិបត្តិការ និងការស្វាគមន៍យ៉ាងកក់ក្តៅ ហើយសង្ឃឹមថាកិច្ចសហប្រតិបត្តិការនេះនឹងបន្តរីកចម្រើន និងផ្តល់ផលប្រយោជន៍ជាក់ស្តែងដល់វិស័យអប់រំ និងនិស្សិតច្បាប់កម្ពុជា។ 🇰🇭🤝🎓

14/09/2026

⚖️ សេចក្តីប្រកាសសិទ្ធិមនុស្ស និងសិទ្ធិរបស់ពលរដ្ឋ ឆ្នាំ១៧៨៩​ - 🇫🇷 Déclaration des droits de l’homme et du citoyen de 1789, បទពិសោធន៍ប្រទេសបារាំង និងការជះឥទ្ធិពលតាមកិច្ចព្រមព្រៀងអន្តរជាតិ

រូបភាពនេះបង្ហាញពី សេចក្តីប្រកាសសិទ្ធិមនុស្ស និងសិទ្ធិរបស់ពលរដ្ឋ ដែលត្រូវបានអនុម័តដោយ រដ្ឋសភាជាតិបារាំង (Assemblée nationale) នៅថ្ងៃទី ២៦ ខែសីហា ឆ្នាំ១៧៨៩ ក្នុងបរិបទនៃបដិវត្តន៍បារាំង។ ឯកសារនេះត្រូវបានចាត់ទុកថាជាឯកសារសំខាន់មួយក្នុងប្រវត្តិសាស្ត្រច្បាប់ សិទ្ធិមនុស្ស និងរដ្ឋធម្មនុញ្ញសម័យទំនើប។

📜 ខ្លឹមសារសំខាន់ៗទាំង8ចំណុច
1. សេរីភាព និងសមភាព
មនុស្សកើតមកមានសេរីភាព និងមានសិទ្ធិស្មើគ្នា ហើយភាពខុសគ្នាផ្នែកសង្គមត្រូវផ្អែកលើផលប្រយោជន៍រួម។

2.​ សិទ្ធិធម្មជាតិរបស់មនុស្ស
ការលើកឡើងអំពីសិទ្ធិធម្មជាតិ និងមិនអាចដកហូតបាន ដូចជា សេរីភាព កម្មសិទ្ធិ សន្តិសុខ និងការតស៊ូនឹងការគាបសង្កត់។

3.​ អធិបតេយ្យភាពរបស់ប្រជាជាតិ
អំណាចអធិបតេយ្យត្រូវមានប្រភពចេញពី ប្រជាជាតិ មិនមែនពីបុគ្គលម្នាក់ ឬអំណាចណាមួយដោយផ្តាច់មុខឡើយ។

4.​ ច្បាប់ និងឆន្ទៈទូទៅ
ច្បាប់ត្រូវជាការបង្ហាញនៃ ឆន្ទៈទូទៅ ហើយប្រជាពលរដ្ឋមានសិទ្ធិចូលរួមដោយផ្ទាល់ ឬតាមរយៈតំណាងរបស់ខ្លួនក្នុងការបង្កើតច្បាប់។

5.​ សេរីភាព និងដែនកំណត់នៃច្បាប់
មនុស្សអាចធ្វើអ្វីដែលច្បាប់មិនហាមឃាត់ ប៉ុន្តែសេរីភាពរបស់ម្នាក់ៗមិនត្រូវប៉ះពាល់ដល់សិទ្ធិរបស់អ្នកដទៃឡើយ។

6.​ សេរីភាពនៃការបញ្ចេញមតិ និងជំនឿ
ឯកសារនេះទទួលស្គាល់សារៈសំខាន់នៃ សេរីភាពក្នុងការបញ្ចេញគំនិត មតិ និងជំនឿ ដោយស្ថិតក្រោមលក្ខខណ្ឌដែលច្បាប់កំណត់។

7.​ ការការពារពីការចាប់ខ្លួនដោយអំពើចិត្ត
មនុស្សមិនគួរត្រូវបានចាប់ខ្លួន ឃុំខ្លួន ឬដាក់ទោសដោយគ្មានមូលដ្ឋានច្បាប់។ នេះជាគោលការណ៍សំខាន់មួយនៃ នីតិរដ្ឋ (Rule of Law)។

8.​ ការបែងចែកអំណាច
ការបង្ហាញអំពីគោលការណ៍សំខាន់ថា សង្គមដែលគ្មានការធានាសិទ្ធិ និងគ្មានការកំណត់ការបែងចែកអំណាច មិនអាចចាត់ទុកថាមានរដ្ឋធម្មនុញ្ញពិតប្រាកដបានឡើយ។

🎓 សម្រាប់និស្សិតច្បាប់​ ការសិក្សាឯកសារនេះ មិនមែនគ្រាន់តែជាការសិក្សាប្រវត្តិសាស្ត្របារាំងនោះទេ ប៉ុន្តែជាការស្វែងយល់ពីប្រភពនៃគំនិតសំខាន់ៗក្នុងច្បាប់សម័យទំនើប ដូចជា សិទ្ធិមនុស្ស សេរីភាព សមភាព អធិបតេយ្យភាពប្រជាជន នីតិរដ្ឋ ការបែងចែកអំណាច​ ដែលមានផ្សារភ្ជាប់នឹងរដ្ឋធម្មនុញ្ញកម្ពុជាឆ្នាំ1993ផងដែរ។

ប្រភព​ និងបកប្រែដោយ : មហាវិទ្យាល័យច្បាប់នៃសាកលវិទ្យាល័យកម្ពុជា (UC)

សិក្សាច្បាប់ ដើម្បីយល់ពីសិទ្ធិ • យុត្តិធម៌ • នីតិរដ្ឋ និងសង្គម។

14/09/2026

កម្មវិធីសំណួរ-ចម្លើយអំពីអាហារូបករណ៍ និងជំនាញសិក្សារបស់សាកលវិទ្យាល័យកម្ពុជា
ថ្ងៃចន្ទ ទី១៤ ខែកញ្ញា ឆ្នាំ២០២៦

សម្រាប់ប្អូនៗដែលទើបតែប្រឡងបាក់ឌុបថ្មីៗនេះ អាចសរសេរជាសំណួរ នៅក្នុងខំមិនបាន ក្រុមការងារនឹងឆ្លើយតបភ្លាមៗនៅក្នុងការឡាយនេះ

14/09/2026

⚖️ YOUR FUTURE. YOUR LAW. YOUR IMPACT.

🎓 College of Law, The University of Cambodia (UC) prepares students to become knowledgeable, skilled, ethical, and globally minded legal professionals.

📚 Learn through interactive classes, case-based learning, practical legal training, internships, expert sessions, and moot court competitions.

⚖️ Choose your pathway:
🔹 Private Law | 🔹 Public Law | 🔹 Law

🎓 Scholarships up to 70% for qualified and motivated students.

✨ More than a degree — build the knowledge and skills to make a difference through law.

👉 ENROLL NOW | SHAPE YOUR FUTURE THROUGH LAW
College of Law, The University of Cambodia

Knowledge • Character • Leadership for a Better Society