Royal University of Fine Arts - សាកលវិទ្យាល័យភូមិន្ទវិចិត្រសិល្បៈ

  • Home
  • Cambodia
  • Phnom Penh
  • Royal University of Fine Arts - សាកលវិទ្យាល័យភូមិន្ទវិចិត្រសិល្បៈ

Royal University of Fine Arts - សាកលវិទ្យាល័យភូមិន្ទវិចិត្រសិល្បៈ The Royal University University of Fine Arts is the public university with the mission to promote, preserve and develop culture
(1)

21/08/2026

សូមអញ្ជើញទស្សនាភាគ២(ភាគបញ្ចប់) នៃបទបង្ហាញស្តីពី ÷ តឹកតាងក្រណាត់និងសម្លៀកបំពាក់តាមសិលាចារឹក

19/08/2026

កម្មសិក្សាទៅកាន់ប្រាសាទសម្បូរព្រៃគុក

សូមអញ្ជើញទស្សនាវីដេអូសកម្មភាពកម្មសិក្សារបស់ថ្នាក់ដឹកនាំ លោកគ្រូ អ្នកគ្រូ និងនិស្សិតថ្នាក់ឆ្នាំសិក្សាមូលដ្ឋាន ទៅកាន់ប្រាសាទសម្បូរព្រៃគុក កាលពីថ្ងៃទី១៥ ខែសីហា ឆ្នាំ២០២៦។
#កម្មសិក្សា

18/08/2026

ទេសភាពស្អាតៗពី​ ស.ភ.វ.ស
សាកលវិទ្យាល័យភូមិន្ទវិចិត្រសិល្បៈជាគ្រឹះស្ថានឧត្តមសិក្សាដ៏ចំណាស់​ និងឈានមុខក្នុងការបណ្តុះបណ្ដាលធនធានមនុស្ស​ និងស្រាវជ្រាវលេីវិស័យសិល្បៈ​ វប្បធម៌នៅក្នុងព្រះរាជាណាចក្រកម្ពុជា។
សូមស្វាគមន៍ប្អូនសិស្សទី១២ដែលទេីបប្រឡងចប់មកកាន់​ ស.ភ.វ.ស

ទស្សនកិច្ចសិក្សារបស់និស្សិតថ្នាក់ឆ្នាំសិក្សាមូលដ្ឋានទៅរាជធានីឦសានបុរ (តំបន់ប្រាសាទសំបូរព្រៃគុក) ខេត្តកំពង់ធំនាថ្ងៃសៅរ៍ ២...
17/08/2026

ទស្សនកិច្ចសិក្សារបស់និស្សិតថ្នាក់ឆ្នាំសិក្សាមូលដ្ឋានទៅរាជធានីឦសានបុរ (តំបន់ប្រាសាទសំបូរព្រៃគុក) ខេត្តកំពង់ធំ
នាថ្ងៃសៅរ៍ ២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែសីហា ឆ្នាំ២០២៦ និស្សិតថ្នាក់ឆ្នាំសិក្សាមូលដ្ឋាន នៃសាកលវិទ្យាល័យភូមិន្ទវិចិត្រសិល្បៈទាំងអស់ បានទៅសិក្សាស្វែងយល់នៅតំបន់ប្រាសាទសំបូរព្រៃគុក ខេត្តកំពង់ធំ ដែលជាទីតាំងរាជធានីបុរាណខ្មែរមានឈ្មោះថា ឦសានបុរ។ ការសិក្សានេះមានគោលបំណងពង្រឹងសមត្ថភាពរបស់និស្សិត ក្នុងការសិក្សាស្វែងយល់ពី អារ្យធម៌ខ្មែរ ប្រវត្តិសាស្ត្រ បុរាណវិទ្យា ប្រវត្តិសិល្បៈ ស្ថាបត្យកម្មប្រាសាទបុរាណ ការរៀបចំរាជធានីបុរាណ និងជម្រុញឱ្យនិស្សិតចេះសង្កេត ហើយពិចារណារវាងការសិក្សាទ្រឹស្តីនៅក្នុងថ្នាក់ ជាមួយការសិក្សាដល់ទីតាំងជាក់ស្តែង។ តំបន់ប្រាសាទសំបូរព្រៃគុកចូលជាសម្បត្តិបេតិកភណ្ឌពិភពលោករបស់អង្គការយូណេស្កូនៅថ្ងៃទី ៨ ខែកក្កដា ឆ្នាំ២០១៧។

តើអ្នកធ្លាប់មានក្តីស្រមៃក្លាយជាអ្នកនិពន្ធទេ? អ្នកកំពុងតែចង់ដឹងពីការចាប់ផ្តើមនៃក្តីស្រមៃនេះតើត្រូវទេ? តស់! ប្រិយមិត្តអាចរ...
17/08/2026

តើអ្នកធ្លាប់មានក្តីស្រមៃក្លាយជាអ្នកនិពន្ធទេ? អ្នកកំពុងតែចង់ដឹងពីការចាប់ផ្តើមនៃក្តីស្រមៃនេះតើត្រូវទេ? តស់! ប្រិយមិត្តអាចរងចាំស្តាប់និងទស្សនាការចែករំលែកបទពិសោធពីភ្ញៀវកិត្តិយសរបស់យើងបានណា។
ផ្សាយផ្ទាល់កម្មវិធី « វិថីយុវវ័យ »
🗓ថ្ងៃចន្ទ ទី១៧ ខែសីហា ឆ្នាំ ២០២៦
📍​ម៉ោង ៧:១០ ដល់ម៉ោង ៨:០០នាទីយប់
ប្រធានបទ៖ «ក្តីស្រមៃលើវិថីនិពន្ធ »
វាគិ្មន/ភ្ញៀវ៖ ឈ្មោះ : ឆេង ដេវីត និស្សិតតែងនិពន្ធ នៃសាកលវិទ្យាល័យភូមិន្ទវិចិត្រសិល្បៈ
#វិទ្យុស្រ្តី #វិថីយុវវ័យ #និពន្ធ #បទពិសោធន៍ #ក្តីស្រម៉ៃ #យុវជន #សិក្សា​

សូមចូលរួមអបអរសាទរ ប្អូនៗនិស្សិតមហាវិទ្យាល័យស្ថាបត្យកម្ម និងនគរោបនីយវិទ្យា 🎓🎉កាលពីថ្ងៃទី១២–១៤ ខែសីហា ឆ្នាំ២០២៦ ប្អូនៗនិស្...
17/08/2026

សូមចូលរួមអបអរសាទរ ប្អូនៗនិស្សិតមហាវិទ្យាល័យស្ថាបត្យកម្ម និងនគរោបនីយវិទ្យា 🎓🎉

កាលពីថ្ងៃទី១២–១៤ ខែសីហា ឆ្នាំ២០២៦ ប្អូនៗនិស្សិតមហាវិទ្យាល័យស្ថាបត្យកម្ម និងនគរោបនីយវិទ្យា បានចូលរួមការពារសារណាបញ្ចប់ការសិក្សាថ្នាក់បរិញ្ញាបត្រ ប្រកបដោយជោគជ័យ។

នេះជាសមិទ្ធផលដ៏មានតម្លៃ ដែលបង្ហាញពីការខិតខំប្រឹងប្រែង ការតស៊ូ និងចំណេះដឹងដែលប្អូនៗបានសិក្សា និងអភិវឌ្ឍអស់រយៈពេលជាច្រើនឆ្នាំ។

សូមជូនពរប្អូនៗទាំងអស់ ឱ្យទទួលបានជោគជ័យក្នុងការសិក្សាបន្ត និងអាជីពការងារ ព្រមទាំងក្លាយជាធនធានមនុស្សដ៏មានសមត្ថភាពសម្រាប់ការអភិវឌ្ឍស្ថាបត្យកម្ម និងនគរោបនីយវិទ្យានៅកម្ពុជា។ 🇰🇭✨

អបអរសាទរចំពោះសមិទ្ធផលថ្មីមួយនេះ! 👏🎓

នៅរសៀលថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ លោកជំទាវ សាយ ចាន់ណាក់ ...
14/08/2026

នៅរសៀលថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ លោកជំទាវ សាយ ចាន់ណាក់ និង ឯកឧត្តម សន ប៊ុនមាន តំណាងដ៏ខ្ពង់ខ្ពស់ឯកឧត្តមហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជន កម្ពុជា និង ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរោបនីយកម្ម និងសំណង់ និងជាប្រធានសហភាពសហព័ន្ធយុវជនកម្ពុជារាជធានីភ្នំពេញ បាននាំយកអំពូលភ្លើងដើរដោយ ថាមពលពន្លឺព្រះអាទិត្យចំនួន៤៦គ្រឿងមកប្រគល់ជូនសាកលវិទ្យាល័យភូមិន្ទវិចិត្រសិល្បៈ ដើម្បីប្រើប្រាស់តាមតម្រូវការនៅក្នុងបរិវេណសាកលវិទ្យាល័យ។ ឯកឧត្តម ហេង សុផាឌី សាកលវិទ្យាធិការ និងជាប្រធាន គណៈដឹកនាំចលនាយុវជនស្ម័គ្រចិត្តស.ស.យ.ក. ប្រចាំសាកលវិទ្យាល័យភូមិន្ទវិចិត្រសិល្បៈ លោកប្រធាន-អនុប្រធាន សមាជិក និងប្អូនៗនិស្សិតជាសមាជិកស.ស.យ.ក. ប្រចាំសាកលវិទ្យាល័យភូមិន្ទវិចិត្រសិល្បៈ បានថ្លែងអំណរគុណយ៉ាងជ្រាលជ្រៅចំពោះឯកឧត្តមឧបនាយករដ្ឋមន្ត្រីទាំងពីរ ដែលជានិច្ចកាលតែងយកចិត្តដាក់គាំទ្រដល់ការអភិវឌ្ឍហេដ្ឋារចនាសម្ព័ន្ធ និងការបណ្តុះបណ្តាលធនធានមនុស្សនៅសាកលវិទ្យាល័យភូមិន្ទវិចិត្រសិល្បៈ។
សូមគោរពជូនពរឯកឧត្តមឧបនាយករដ្ឋមន្ត្រីទាំងពីរ និងក្រុមគ្រួសារ ព្រមទាំងសហការី មន្ត្រីអ្នកមុខ អ្នកការ សូមមានសុខភាពល្អ សុភមង្គល និងសូមបានប្រកបតែនឹងពុទ្ធពរទាំងបួនប្រការគឺអាយុ វណ្ណៈ សុខៈ និងពលៈកុំបីអាក់ខានឡើយ។

ពិភាក្សាការងារអភិរក្ស និងលើកស្ទួយការផលិតខ្មុកម្រាក់ និងចាក់ម្រាក់នាល្ងាចថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័...
14/08/2026

ពិភាក្សាការងារអភិរក្ស និងលើកស្ទួយការផលិតខ្មុកម្រាក់ និងចាក់ម្រាក់

នាល្ងាចថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦​ ឯកឧត្តម​ ស៊ីយ៉ុន​ សុភារិទ្ធ​ អនុរដ្ឋលេខាធិការ​ ក្រសួងវប្បធម៌​ និងវិចិត្រសិល្បៈ​ ព្រមជាមួយ​ លោក សាន ផល្លា សាកលវិទ្យាធិការរង និងលោក ជី រដ្ឋា ប្រធានមជ្ឈមណ្ឌលស្រាវជ្រាវ បានជួបពិភាក្សាជាមួយអ្នកគ្រូ Sakurako Matsushima បង្រៀនផ្នែក សិល្បៈនិងសិប្បកម្មប្រពៃណី នៅសាកលវិទ្យាល័យ Utsumoniya University អ្នកគ្រូ AKO Kanae បង្រៀននៅ Junior College of Aizu និង លោកគ្រូ Ken Dillon ដែលកំពុងអនុវត្តគម្រោង Asian Laquer Craft Exchange Research Project​ ពួកគាត់ជាអ្នកជំនាញមកពីប្រទេសជប៉ុន ដេីម្បីពិភាក្សាស្តីពីការសិក្សា ស្រាវជ្រាវ អភិរក្ស និងលើកស្ទួយសិប្បកម្មខ្មុកម្រាក់ និងចាក់ម្រាក់។

អ្នកជំនាញទាំងបីបានមកកម្ពុជាដើម្បីស្វែងយល់ដោយផ្ទាល់ពីស្ថានភាពសិប្បកម្មខ្មុកម្រាក់ និងចាក់ម្រាក់ ព្រមទាំងបានជួបជាមួយសិប្បករជំនាញនៅខេត្តកំពង់ធំ ដើម្បីសិក្សាពីចំណេះដឹង និងបច្ចេកទេសប្រពៃណី។

កិច្ចពិភាក្សាបានបង្ហាញថា ការអភិរក្សសិប្បកម្មនេះមានសារៈសំខាន់ទាំងក្នុងការថែរក្សាមរតកដូនតា លើកស្ទួយវប្បធម៌ជាតិ និងបង្កើតចំណូលដល់គ្រួសារសិប្បករ។ ភាគីទាំងអស់នឹងបន្តសហការគ្នា ដើម្បីអភិរក្ស និងលើកស្ទួយមរតកដ៏មានតម្លៃនេះ ជាពិសេសតាមរយៈការថែរក្សា និងដាំ ដើមគ្រើល ដែលជាប្រភពម្រាក់ ដើម្បីធានានិរន្តរភាពនៃសិប្បកម្មខ្មុកម្រាក់នៅថ្ងៃអនាគត។

ពិធីប្រឡងបញ្ចប់បរិញ្ញាបត្រស្ថាបត្យកម្ម និងនគរោបនីយវិទ្យា ជំនាន់ទី៣៣ នាព្រឹកថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ពុ...
13/08/2026

ពិធីប្រឡងបញ្ចប់បរិញ្ញាបត្រស្ថាបត្យកម្ម និងនគរោបនីយវិទ្យា ជំនាន់ទី៣៣
នាព្រឹកថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦ សាកលវិទ្យាល័យភូមិន្ទវិចិត្រសិល្បៈ បានរៀបចំពិធីការពារសារណាបញ្ចប់ថ្នាក់បរិញ្ញាបត្រ របស់និស្សិតមហាវិទ្យាល័យស្ថាបត្យកម្ម និងនគរោបនីយវិទ្យា ជំនាន់ទី៣៣ នៅទីតាំងថ្មី (ព្រែកលៀប)។
ពិធីនេះប្រព្រឹត្តទៅក្រោមអធិបតីភាពឯកឧត្តម សោម សុគន្ធ រដ្ឋលេខាធិការ ប្រធានក្រុមប្រឹក្សាភិបាល និងជាប្រធានគណ:កម្មការប្រឡង អមដោយ ឯកឧត្តម ស៊ីយ៉ុន សុភារិទ្ធ អនុរដ្ឋលេធិការ ឯកឧត្តមសាកលវិទ្យាធិការ សាកលវិទ្យាធិការរង ព្រឹទ្ធបុរសមហាវិទ្យាល័យទាំង៥ ព្រមទាំងលោក លោកស្រី ជាប្រធាននាយកដ្ឋាន និងថ្នាក់ដឹកនាំពាក់ព័ន្ធជាច្រើនរូបទៀត។
កម្មវិធីការពារសារណាបញ្ចប់ថ្នាក់បរិញ្ញាបត្រនេះ ប្រព្រឹត្តទៅរយៈពេល៣ថ្ងៃ ចាប់ពីថ្ងៃទី១២ ដល់ថ្ងៃទី១៤​ ខែសីហា ឆ្នាំ២០២៦។

ឱកាសការងារ (Internship Program)សូមជូនដំណឹងស្តីពីការជ្រេីសរេីស​ បុគ្គលិកហាត់ការផ្នែកស្ថាបត្យកម្ម​ (Intern Architect)​ ចាប...
13/08/2026

ឱកាសការងារ (Internship Program)
សូមជូនដំណឹងស្តីពីការជ្រេីសរេីស​ បុគ្គលិកហាត់ការផ្នែកស្ថាបត្យកម្ម​ (Intern Architect)​ ចាប់ពីថ្នាក់ឆ្នាំទី៣​ ឡេីងទៅ នៅក្រុមហ៊ុន​ អឺបេន​ លីវីង​ សឺលូសិន​ ឯ.ក​ (Urban Living Solution CO., LTD.​)

Address

Phnom Penh

Telephone

+85511815649

Website

Alerts

Be the first to know and let us send you an email when Royal University of Fine Arts - សាកលវិទ្យាល័យភូមិន្ទវិចិត្រសិល្បៈ posts news and promotions. Your email address will not be used for any other purpose, and you can unsubscribe at any time.

Contact The University

Send a message to Royal University of Fine Arts - សាកលវិទ្យាល័យភូមិន្ទវិចិត្រសិល្បៈ:

Shortcuts

Share