15/05/2026
កោះត្រល់
កោះត្រល់ មានផ្ទៃក្រឡា 574 គីឡូម៉ែត្រក្រឡា ដែលមានទីតាំងនៅជិតបង្កើយ ចម្ងាយ 15 គីឡូម៉ែត្រ ពីខេត្ដកំពត ហើយមានចម្ងាយ 45 គីឡូម៉ែត្រ ពីតំបន់ហាទៀង ពីកម្ពុជាក្រោម (វៀតណាម) ដែលពីមុនជាកម្មសិទ្ធរបស់កម្ពុជា តែប្រទេសវៀតណាម បានកាន់កាប់ និងគ្រប់គ្រង មកទល់សព្វថ្ងៃនេះ។
រឿងកោះត្រល់នេះ គឺជាប្រធានបទដ៏ចម្រូងចម្រាស មួយ ថាតើកោះនេះបានបាត់បង់ទៅវៀតណាមតាំងពីឆ្នាំណា!
តើកោះត្រល់ បានបាត់បង់នៅពេលណា?
នៅឆ្នាំ1985 នោះយើងឃើញមានការបោះពុម្ពសៀវភៅសិក្សា សម្រាប់សិស្សានុសិស្ស ថ្នាក់ទី7 មុខវិជ្ជា ភូមិវិទ្យា នាសម័យនោះ បានបែងចែកអំពីសណ្ឋានដី និង ភោគទ្រព្យរ៉ែ ក្នុងដែនសមុទ្រខ្មែរ ដែលក្នុងនោះ ក៏បានបញ្ជាក់អំពី ក្រុមកោះរបស់ខ្មែរ ថា
(កោះ ដែលនៅឯនាយ ស្ទើរកោះវាលរេញ មាន បី ក្រុម គឺ៖
- ក្រុមទី១- នៅពីមុខកំពង់ផែកំពង់សោម មានកោះពស់,
- ក្រុមទី២- នៅមុខរាម មានកោះតាកៀវ កោះឫស្សី កោះត្រែះ កោះចន្លុះ និងកោះស្រមោច,
- ក្រុមទី៣- បន្ដទៅ កោះត្រល់ មានកោះថ្មី និងកោះសេះ ។
- នៅក្នុងលំហឈូងសមុទ្រកម្ពុជា មានកោះតាង កោះអាគ្នេយ៍ កោះព្រីង កោះវៀ និង កោះវ៉ៃ»។
ចាប់តាំងពីមាន សន្ធិសញ្ញាកំណត់ព្រំដែនរដ្ឋ ១៩៨៥ (ព្រំដែនគោក) រួចហើយសៀវភៅសិក្សា ផ្នែកមុខវិជ្ជា «ភូមិវិទ្យា» ក្រោយៗមកទៀត ក៏លែងមាននិយាយអំពីឈ្មោះ កោះត្រល់ របស់ខ្មែរ សម្រាប់ឱ្យកូនខ្មែររៀនសូត្រតទៅទៀតហើយ៕💔
