26/05/2026
ប្រធានបទយប់នេះ
សុ.អ.៤១. ទំ. ២១៨
អាការៈ១០ដែលព្រះពុទ្ធអង្គទ្រង់សម្តែងថា កុំអាលទាន់...
១–មា អនុស្សវេន កុំប្រកាន់ដោយគ្រាន់តែឮតាមគ្នា
២ មា បរម្បរាយ កុំប្រកាន់តាមពាក្យបរម្បរា
៣–មា ឥតិកិរាយ កុំប្រកាន់ដោយបានឮថាដូច្នេះ
៤ មា បិដកសម្បទានេន កុំប្រកាន់ដោយអាងក្បួនតម្រា
៥ មា តក្កហេតុ កុំប្រកាន់តាមហេតុដែលត្រិះរិះ
៦ មា នយហេតុ កុំប្រកាន់ដោយកាត់ដំរួយផ្សែផ្សំ
៧ មា អាការបរិវិតក្កេន កុំប្រកាន់ដោយគ្រាន់តែត្រិះរិះនូវអាការ
៨ មា ទិដ្ឋិនិជ្ឈានក្ខន្តិយា កុំប្រកាន់ដោយសេចក្តីពេញចិត្តតាមការពិនិត្យថាសមនឹងសេចក្តីយល់ឃើញ
៩ មា ភព្វរូបតាយ កុំប្រកាន់ដោយយល់ថាមានសភាពគួរជឿ
១០ មា សមណោ នោ គរូតិ កុំប្រកាន់ដោយគិតថា សមណៈ នេះជាគ្រូរបស់យើង។
យទា តុម្ហេ អត្តនា វ ជានេយ្យាថ ឥមេ ធម្មា អកុសលា ឥមេ ធម្មា សាវជ្ជា ឥមេ ធម្មា វិញ្ញុគរហិតា ឥមេ ធម្មា សមត្តា សមាទិន្នា
អហិតាយ ទុក្ខាយ សំវត្តន្តីតិ អថ តុម្ហេ បជហេយ្យាថាតិ ឥតិ យន្តំ វុត្តំ ឥទមេតំ បដិច្ច វុត្តំ ។
#កាលណាបើអ្នកទាំងឡាយដឹងដោយខ្លួនឯងថា ធម៌ទាំងនេះជាអកុសល ធម៌ទាំងនេះប្រកបដោយទោស ធម៌ទាំងនេះដែលអ្នកប្រាជ្ញតិះដៀល ធម៌ទាំងនេះដែលបុគ្គលសមាទានពេញលេញហើយ រមែងប្រព្រឹត្តទៅ ដើម្បីមិនជាប្រយោជន៍ ដើម្បីសេចក្តីទុក្ខ ក្នុងកាលនោះ អ្នកទាំងឡាយ ត្រូវលះបង់ចោលចេញ ពាក្យណា ដែលព្រះពុទ្ធទ្រង់សម្ដែងហើយ ពាក្យនោះ ព្រះពុទ្ធទ្រង់ ពោលហើយ អាស្រ័យនូវហេតុនេះ ដោយប្រការដូច្នេះ ។
ថ្ងៃអង្គារ ១០កើត ខែជេស្ឋ ឆ្នាំ មមី អដ្ឋស័ក ព.ស.២៥៧០
26 May 226
