មហាវិទ្យាល័យសិក្សាអភិវឌ្ឍន៍ / Faculty of Development Studies

13/04/2026

Happy Khmer New Year 2026!
All the best wishes for FDS Family!
May New Year brought FDS family be always Longevity, prosperous, happiness, and healthy!

04/04/2026

ភ្នំពេញ៖ អ្នកជំនាញជំរុញឱ្យម្ចាស់អាជីវកម្មគ្រួសារ គួរងាកមកការធ្វើបរិវត្តកម្មឌីជីថលសហគ្រាស ដើម្បីពន្លឿនក...

31/03/2026

28/03/2026

🚀 រកស៊ីរាល់ថ្ងៃ លក់ដាច់ជាងមុន តែបែរជាពិបាកគ្រប់គ្រងលុយកាក់មែនទេ? ចង់ពង្រីកម៉ូយថ្មីៗ តែមិនដឹងត្រូវរៀបចំខ្លួនបែបណា?
នៅមហាវិទ្យាល័យសិក្សាអភិវឌ្ឍន៍ យើងជឿជាក់ថា៖ «សហគមន៍មួយអាចអភិវឌ្ឍទៅមុខបានយ៉ាងរឹងមាំ លុះត្រាតែអាជីវកម្មគ្រួសារនៅក្នុងមូលដ្ឋាន មានការរីកចម្រើនជាមុនសិន!»
ដើម្បីរួមចំណែកជំរុញសេដ្ឋកិច្ចមូលដ្ឋាន យើងខ្ញុំសូមអញ្ជើញបងប្អូនម្ចាស់អាជីវកម្ម និងសហគ្រិនខ្នាតតូចនិងមធ្យមទាំងអស់ ចូលរួមក្នុងសិក្ខាសាលាចែករំលែកបទពិសោធន៍ដ៏ពិសេសមួយក្រោមប្រធានបទ៖
✨ «ពីអាជីវកម្មខ្នាតតូច ទៅកាន់ភាពជោគជ័យ៖ ការពង្រឹងមូលដ្ឋានគ្រឹះ និងការត្រៀមខ្លួនសម្រាប់យុគសម័យឌីជីថល» ✨
កម្មវិធីនេះ មិនមែនមកអង្គុយស្តាប់តែទ្រឹស្តីនោះទេ! លោកអ្នកនឹងទទួលបានបទពិសោធន៍ "សាច់ការពិតៗ" តាមរយៈ៖
🔹 វេទិកាពិភាក្សាផ្ទាល់ជាមួយម្ចាស់អាជីវកម្មក្នុងស្រុក (ម្ចាស់ដេប៉ូ PM, ម្ចាស់សិប្បកម្មសាច់ជ្រូកលីណា, ម្ចាស់ហាងកាត់ដេរមេសូ)។ តើពួកគាត់ធ្លាប់ឆ្លងកាត់ការលំបាកអ្វីខ្លះ ហើយដោះស្រាយបែបណាទើបឈរជើងបានដល់សព្វថ្ងៃ?
🔹 ការចែករំលែកមេរៀនពីការចុះស្រាវជ្រាវផ្ទាល់ ស្ដីពីអភិបាលកិច្ចសហគមន៍កសិករ អាជីវកម្មគ្រួសារ ។
🔹 វគ្គសួរសំណួរ (Q&A) ដែលបងប្អូនអាចលើកយកបញ្ហាផ្ទាល់ខ្លួនមកសួរ និងស្វែងរកដំណោះស្រាយ។
📅 កាលបរិច្ឆេទ៖ ថ្ងៃទី០៤ ខែមេសា ឆ្នាំ២០២៦
⏰ ម៉ោង៖ ០៨:០០ ព្រឹក ដល់ ១១:៣០ ព្រឹក
📍 ទីកន្លែង៖ បន្ទប់ A002 អគារ A សាកលវិទ្យាល័យភូមិន្ទភ្នំពេញ (RUPP)

សិក្ខាសាលានេះរៀបចំឡើងដោយ កម្មវិធីសិក្សាបរិញ្ញាបត្រជាន់ខ្ពស់ជំនាញការគ្រប់គ្រងអាជីវកម្មលក្ខណៈគ្រួសារ នៃមហាវិទ្យាល័យសិក្សាអភិវឌ្ឍន៍ សាកលវិទ្យាល័យភូមិន្ទភ្នំពេញ

🎟 ការចូលរួមគឺដោយសេរី! (កន្លែងអង្គុយមានកំណត់)

👉 សូមចុះឈ្មោះចូលរួមឥឡូវនេះ តាមរយៈតំណភ្ជាប់៖

14/01/2026

តើអ្នកត្រៀមខ្លួនរួចរាល់ហើយឬនៅ ក្នុងការដឹកនាំអាជីវកម្មគ្រួសារទៅកម្រិតបន្ទាប់?
ដូចដែលយើងបានដឹងហើយថា អាជីវកម្មគ្រួសារមិនមែនគ្រាន់តែជាអាជីវកម្មធម្មតានោះទេ តែវាជាក្ដីស្រឡាញ់ ទំនុកចិត្ត និងការកសាងពីមួយជំនាន់ទៅមួយជំនាន់។
ចូលរួមជាមួយយើងក្នុង ជំនាន់ទី២ (Cohort 2) នៃកម្មវិធីអនុបណ្ឌិតគ្រប់គ្រងអាជីវកម្មលក្ខណៈគ្រួសារ ដើម្បីពង្រឹងសមត្ថភាព និងពង្រីកសក្តានុពលអាជីវកម្មរបស់អ្នក!
📝 ព័ត៌មានលម្អិតសម្រាប់ការប្រឡងចូលរៀន៖
• ផុតកំណត់ទទួលពាក្យ៖ ថ្ងៃទី៣១ ខែមករា ឆ្នាំ២០២៦
• ថ្ងៃប្រឡង៖ ថ្ងៃសៅរ៍ ទី២១ ខែកុម្ភៈ ឆ្នាំ២០២៦ (ម៉ោង ១ រសៀល)
• ទីតាំង៖ សាកលវិទ្យាល័យភូមិន្ទភ្នំពេញ មណ្ឌល១

👉 ចុះឈ្មោះថ្ងៃនេះ ដើម្បីកក់កន្លែងរបស់អ្នក៖ https://forms.gle/6FE25HjkHBh1tfuJ7

12/01/2026

សកម្មភាពសប្បុរសធម៌៖ ការចែកកង់ជូននិស្សិតដែលមានជីវភាពខ្វះខាត នៃមហាវិទ្យាល័យសិក្សាអភិវឌ្ឍន៍

នាព្រឹកថ្ងៃទី១២ ខែមករា ឆ្នាំ២០២៦ មហាវិទ្យាល័យសិក្សាអភិវឌ្ឍន៍ នៃសាកលវិទ្យាល័យភូមិន្ទភ្នំពេញ បានរៀបចំពិធីប្រគល់កង់ចំនួន ៤៥ គ្រឿង ជូនដល់និស្សិតដែលកំពុងខ្វះខាតមធ្យោបាយធ្វើដំណើរ ដើម្បីសម្រួលដល់ការសិក្សារបស់ពួកគាត់។ កម្មវិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមសាស្ត្រាចារ្យ ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ។

ក្នុងឱកាសនេះផងដែរ យើងខ្ញុំសូមសម្តែងនូវសេចក្តីថ្លែងអំណរគុណយ៉ាងជ្រាលជ្រៅបំផុតចំពោះ លោកស្រី សោម ម៉ារ៉ាឌី និងសប្បុរសជន ដែលបានផ្តល់ការឧបត្ថម្ភដ៏សប្បុរសនូវកង់ទាំង ៤៥ គ្រឿងនេះ។ កាយវិការដ៏សប្បុរសនេះ មិនត្រឹមតែជាការជួយសម្រាលបន្ទុករបស់និស្សិតប៉ុណ្ណោះទេ ប៉ុន្តែថែមទាំងជាការលើកទឹកចិត្តយ៉ាងធំធេងដល់ប្អូនៗក្នុងការខិតខំរៀនសូត្រ។

សូមប្រសិទ្ធពរជ័យជូនចំពោះ លោកស្រី សោម ម៉ារ៉ាឌី និងសប្បុរសជន សូមជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

25/12/2025

សង្គ្រាមឈ្លានពានពីប្រទេសថៃមកលើប្រទេសកម្ពុជាក្រោមរូបភាពជាលេសច្រើនយ៉ាង គឺមិនមែនជាទង្វើថ្លៃថ្នូរ និងស៊ីវីល័យនោះទេ។ ផ្ទុយទៅវិញ វាបាននាំមកនូវវិនាសកម្ម និងការបំផ្លិចបំផ្លាញគ្នាទៅវិញទៅមក ទាំងសេដ្ឋកិច្ច ហេដ្ឋារចនាសម្ព័ន្ធសង្គម-រូបវ័ន្ត ការរស់នៅរបស់ប្រជាពលរដ្ឋ និងការសិក្សារបស់ សិស្សានុសិស្សនៃប្រទេសសទាំងពីរ។ទង្វើទាំងនេះ គឺជាយុទ្ធសាស្ត្រចាញ់ៗទាំងសងខាង។ ការដាក់ចិត្តប្រកបដោយភាពស្មោះត្រង់ ក្នុងការអង្គុយ ពិភាក្សា និងចរចារប្រកបដោយគំនិតស្ថាបនារវាងថ្នាក់ដឹកនាំប្រទេសទាំងពីរ គឺជាដំណោះស្រាយដ៏ប្រពៃ។

ខាងក្រោមនេះ គឺជាសារមួយរបស់និស្សិតយើង ទៅកាន់ភាគីពាក់ព័ន្ធ និងពិភពលោក។

, , #រួមគ្នាដើម្បីជាតិ, , #មហាវិទ្យាល័យសិក្សាអភិវឌ្ឍន៍

13/12/2025

នាថ្ងៃសៅរ៍ ៩រោច ខែមិគសិរ ឆ្នាំម្សាញ់ សប្ដស័ក ព.ស.២៥៦៩
ត្រូវនឹង ថ្ងៃទី១៣ ខែធ្នូ ឆ្នាំ២០២៥​ តំណាងនិស្សិតបរិញ្ញាបត្រជាន់ខ្ពស់​ ជំនាញគ្រប់គ្រងអាជីវកម្មគ្រួសារ​ ជំនាន់ទី១ នៃមហាវិទ្យាល័យសិក្សាអភិវឌ្ឍន៍​ សាកលវិទ្យាល័យ​ភូមិន្ទភ្នំពេញបាននាំយកសម្ភារៈ និងអំណោយ ទៅប្រគល់ជូន ឯកឧត្តម ស៊ាង ប៊ុនលាង រដ្ឋលេខាធិការ ក្រសួងមហាផ្ទៃ ដើម្បីបន្តចាត់ចែងជួយសម្រាលការលំបាកដល់ កុមារជនភៀសខ្លួន​ដោយផ្ទាល់ដៃ និងប្រកបដោយបរិយាកាសស្និទ្ធស្នាលបំផុត។

ឆ្លៀតក្នុងឱកាសនេះ យើងខ្ញុំសូមបួងសួងជូនពរដល់សប្បុរសជន និងអ្នកចូលរួមទាំងអស់ដែលបានបរិច្ចាគទាំងកម្លាំងកាយចិត្ត និងថវិកា សូមជួបតែសេចក្តីសុខ និងពុទ្ធពរទាំង ៤ ប្រការ កុំបីឃ្លៀងឃ្លាតឡើយ🙏

ជាចុងក្រោយ យើងខ្ញុំសង្ឃឹមយ៉ាងមុតមាំថា ស្ថានភាពបច្ចុប្បន្ននឹងបានធូរស្រាល និងត្រឡប់មករកភាពល្អប្រសើរវិញក្នុងពេលឆាប់ៗនេះ។