មហាវិទ្យាល័យ តូរ្យតន្ត្រី - Faculty of Music

08/08/2026

សួស្តីប្អូនៗសិស្សទាំងអស់គ្នា!

នេះជាឈ្មោះ មហាវិទ្យាល័យទាំង ៥ និងជំនាញសិក្សា របស់សាកលវិទ្យាល័យភូមិន្ទវិចិត្រសិល្បៈ (RUFA)។

តើប្អូនៗបានជ្រើសរើសជំនាញសម្រាប់ អនាគតរបស់ខ្លួន ហើយឬនៅ?

ការជ្រើសរើសជំនាញថ្ងៃនេះ គឺជាជំហានមួយឆ្ពោះទៅរក ក្តីស្រមៃ និងអាជីពនៅថ្ងៃអនាគត។ ដូច្នេះ សូមជ្រើសរើសជំនាញដែលប្អូនស្រឡាញ់ សមនឹងសមត្ថភាព និងអាចធ្វើឱ្យប្អូនមានមោទកភាពចំពោះអ្វីដែលប្អូនកំពុងធ្វើ។ ❤️

អនាគតរបស់ប្អូន ចាប់ផ្តើមពីការជ្រើសរើសរបស់ប្អូននៅថ្ងៃនេះ!

08/08/2026

07/08/2026

នាព្រឹកថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦ លោក ច័ន្ទ វិត្ថារ៉ូ ព្រឹទ្ធបុរសមហាវិទ្យាល័យតូរ្យតន្ត្រីនៃសាកលវិទ្យាល័យភូមិន្ទវិចិត្រសិល្បៈបានដឹកនាំ មន្ត្រី លោកគ្រូ អ្នកគ្រូ ប្រជុំបូកសរុបលទ្ធការងារឆ្នាំសិក្សា២០២៥-២០២៦ ដើម្បីកែលម្អចំណុចខ្វះខាតអោយល្អបន្ថែមសម្រាប់ត្រៀមឆ្នាំសិក្សាថ្មី២០២៦-២០២៧ នាពេលខាងមុខនេះ។

02/08/2026

🎓 🎶
កាលពីថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ មហាវិទ្យាល័យតូរ្យតន្ត្រី នៃសាកលវិទ្យាល័យភូមិន្ទវិចិត្រសិល្បៈ បានរៀបចំពិធីបង្ហាញស្នាដៃ និងការពារសារណាបញ្ចប់បរិញ្ញាបត្រតូរ្យតន្ត្រី និស្សិតជំនាន់ទី២៥ ក្នុងឆ្នាំសិក្សា២០២៥-២០២៦ ទីតាំង (ព្រែកលៀប) ។
យើងខ្ញុំសូមគោរព និងថ្លែងអំណរគុណយ៉ាងជ្រាលជ្រៅបំផុតចំពោះ វត្តមានដ៏ខ្ពង់ខ្ពស់របស់៖ ឯកឧត្តម សោម សុគន្ធ រដ្ឋលេខាធិការ ប្រធានក្រុមប្រឹក្សាភិបាល និងជាប្រធានគណ:កម្មការប្រឡង (តំណាងដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ) អមដោយ ឯកឧត្តម ស៊ីយ៉ុន សុភារិទ្ធ អនុរដ្ឋលេធិការ ឯកឧត្តមបណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្រសិល្បៈ សាកលវិទ្យាធិការរង ព្រឹទ្ធបុរសមហាវិទ្យាល័យទាំង៥ ព្រមទាំងលោក លោកស្រី ជាប្រធានសិក្សាធិការដ្ឋាន និងថ្នាក់ដឹកនាំពាក់ព័ន្ធជាច្រើនរូបទៀត ដែលបានចំណាយពេលវេលាដ៏មានតម្លៃអញ្ជើញចូលរួមជាអធិបតី និងផ្តល់កិត្តិយសក្នុងកម្មវិធីនេះ តាំងពីដើមរហូតដល់បញ្ចប់ដោយជោគជ័យ និងរលូនយ៉ាងត្រចះត្រចង់!

សូមថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំមហាវិទ្យាល័យតូរ្យតន្ត្រី មន្រ្ដី គណៈកម្មការកំណែ លោកគ្រូ អ្នកគ្រូ និស្សិត និងភ្ញៀវកិតិ្ដយសទាំងអស់ដែលបានចំណាយពេលដ៏មានតម្លៃ អញ្ជើញចូលរួម និងជួយជ្រោមជ្រែងក្នុងកម្មវិធី រហូតទទួលបានសមិទ្ធផលនាថ្ងៃនេះ។

សូមជូនពរនិស្សិតជំនាន់ទី២៥ ទាំងអស់ជួបតែសេចក្តីសុខ ជោគជ័យក្នុងអាជីព និងបន្តលើកស្ទួយវិស័យវប្បធម៌សិល្បៈជាតិឱ្យកាន់តែរុងរឿង! 🇰🇭🎶✨
#សាកលវិទ្យាល័យភូមិន្ទវិចិត្រសិល្បៈ #មហាវិទ្យាល័យតូរ្យតន្ត្រី #ជំនាន់ទី២៥ #ការពារសារណា #ប្រឡងបង្ហាញស្នាដៃ

27/07/2026

📣 មហាវិទ្យាល័យតូរ្យតន្ត្រី សូមបង្ហាញសមាសភាពបេក្ខជនប្រឡងបញ្ចប់ថ្នាក់បរិញ្ញាបត្រ ជំនាន់ទី២៥ ទាំងអស់ ដែលត្រៀមនឹងចូលរួមការប្រឡងបញ្ចប់ការសិក្សា នាពេលខាងមុខនេះ!
​📅 ការប្រឡងនឹងប្រព្រឹត្តទៅនៅ ថ្ងៃទី ២៩ ៣០ និង ៣១ ខែកក្កដា ខាងមុខ។
​🎼 រយៈពេល ៤ ឆ្នាំនៃការខិតខំប្រឹងប្រែង ហ្វឹកហាត់ និងការលះបង់របស់ប្អូនៗនិស្សិតជិតឈានមកដល់ផ្លែផ្កាហើយ។ មហាវិទ្យាល័យសូមសម្តែងនូវការកោតសរសើរ និងមោទនភាពចំពោះការតាំងចិត្តរបស់បេក្ខជនទាំងអស់គ្នា។

​✨ ថ្នាក់ដឹកនាំមហាវិទ្យាល័យ និងលោកគ្រូ អ្នកគ្រូទាំងអស់ សូមជូនពរឱ្យបេក្ខជន-បេក្ខនារីទាំងអស់ មានសុខភាពល្អ ស្មារតីរឹងមាំ និងបញ្ចេញសមត្ថភាពឱ្យអស់ពីលទ្ធភាព ដើម្បីទទួលបានជោគជ័យ និងលទ្ធផលល្អប្រសើរក្នុងការប្រឡងនាពេលខាងមុខនេះ!
​ #មហាវិទ្យាល័យតូរ្យតន្ត្រី #ជំនាន់ទី២៥ #ការប្រឡងបញ្ចប់ការសិក្សា

22/07/2026

កាលពីព្រឹកថ្ងៃទី២០ ខែកក្កដា ឆ្នាំ២០២៦ និស្សិតឈ្មោះ សាសា តាណាកា (Sasa Tanaka) ជនជាតិជប៉ុនមកពីសាកលវិទ្យាល័យ Tauda ក្នុងប្រទេសជប៉ុន បានអញ្ជើញមកដល់មហាវិទ្យាល័យតូរ្យតន្រ្ដី នៃសាកលវិទ្យាល័យភូមិន្ទវិចិត្រសិល្បៈ ជំនួបសម្ដែងការគួរសមនឹងលោក ច័ន្ទ វិត្ថារ៉ូ ព្រឹទ្ធបុរស និងលោក កែវ ដូរីវណ្ណ ព្រឹទ្ធបុរសរង នៃមហាវិទ្យាល័យតូរ្យតន្រ្ដី ដើម្បីមកសិក្សាឈ្វេងយល់អំពីតន្រ្ដីបស្ចិមប្រទេសនៅកម្ពុជា។

19/07/2026

📸 សកម្មភាពប្រឡងឆមាសទី២ និស្សិតមហាវិទ្យាល័យតូរ្យតន្ត្រី នៃសាកលវិទ្យាល័យភូមិន្ទវិចិត្រសិល្បៈ លើឯកទេស ចម្រៀង តន្ត្រីបុរាណ សម័យ និងក្លាសិក។ ការប្រឡងនេះធ្វើឡើងក្រោមការត្រួតពិនិត្យ និងវាយតម្លៃយ៉ាងម៉ត់ចត់ពីសំណាក់គណៈកម្មការ លោកគ្រូ-អ្នកគ្រូជំនាញ ដើម្បីវាស់ស្ទង់សមត្ថភាព បច្ចេកទេស និងការរីកចម្រើនរបស់និស្សិតម្នាក់ៗពេញមួយឆមាសកន្លងមកនេះ។

សូមជូនពរប្អូនៗនិស្សិតទាំងអស់ទទួលបានលទ្ធផលល្អជោគជ័យក្នុងការប្រឡង! 🎓✨

#មហាវិទ្យាល័យតូរ្យតន្ត្រី #សាកលវិទ្យាល័យភូមិន្ទវិចិត្រសិល្បៈ #ការប្រឡងឆមាសទី២

18/07/2026

🎓 សកម្មភាពប្រឡងបញ្ចប់ឆមាសទី២ មហាវិទ្យាល័យតូរ្យតន្ត្រី នៃសាកលវិទ្យាល័យភូមិន្ទវិចិត្រសិល្បៈ បានរៀបចំការប្រឡងបញ្ចប់ឆមាសទី២ សម្រាប់និស្សិតឆ្នាំទី២ និងទី៣ លើមុខវិជ្ជាថ្នាក់រួម។
​ការប្រឡងលើមុខវិជ្ជាទ្រឹស្តី និងជំនាញរួមសំខាន់ៗទាំងនេះ រួមមាន៖
🎼 អក្សរភ្លេង (Solfège)
🎹 អាម៉ូនី (Harmony)
🎵 ប៉ូលីហ្វូនី (Polyphony)
🗣️ ភាសាអង់គ្លេស (English for Music)
🌍 ជាតិពន្ធុតន្ត្រីវិទ្យា (Ethnomusicology)
🔍 វិភាគតន្ត្រី (Musical Analysis)
🎵បញ្ជាវង់ភ្លេង (Conducting)
📜 ប្រវត្តិតន្ត្រីបស្ចិមប្រទេស (History of Western Music)
​ការប្រឡងនេះ គឺជាការវាស់ស្ទង់សមត្ថភាព ទេពកោសល្យ និងការខិតខំប្រឹងប្រែងសិក្សារបស់និស្សិតម្នាក់ៗពេញមួយឆមាសកន្លងមក ទាំងផ្នែកទ្រឹស្តីស៊ីជម្រៅ និងការអនុវត្តជាក់ស្តែង ដើម្បីធានាបាននូវគុណភាពអប់រំកម្រិតខ្ពស់ ស្របតាមស្តង់ដារសមត្ថភាព និងការអភិវឌ្ឍវិស័យតន្ត្រីជាតិ។
​
សូមជូនពរប្អូនៗនិស្សិតទាំងអស់ទទួលបានលទ្ធផលល្អជោគជ័យក្នុងការប្រឡងនេះ! 💪✨
​ #មហាវិទ្យាល័យតូរ្យតន្ត្រី #សាកលវិទ្យាល័យភូមិន្ទវិចិត្រសិល្បៈ #ការប្រឡងបញ្ចប់ឆមាស

16/07/2026

អបអរសាទរ លោក ហ៊ី ភារុណ​ បានជាប់ជាមន្រ្ដីកិច្ចសន្យាមហាវិទ្យាល័យតូរ្យតន្រ្ដី នៃសាកលវិទ្យាល័យភូមិន្ទវិចិត្រសិល្បៈ។