01/10/2026
ការសិក្សា ត្រូវផ្សារភ្ជាប់ ប្រវត្តិសាស្រ្ត
……………………………………………….
និស្សិតសាកលវិទ្យាល័យ ប៊ែលធី អន្តរជាតិ ឆ្នាំទី២ ឆមាសទី១ ចំនួន ១,៥៩៨ អង្គ/នាក់ ធ្វើដំណើរទស្សនកិច្ចសិក្សាទៅកាន់សារមន្ទីរជាតិ (ភ្នំពេញ)
=======================
នេះជាសកម្មភាពនិស្សិតសាកលវិទ្យាល័យ ប៊ែលធី អន្តរជាតិ (ទីតាំងទី១-ទួលស្លែង) ឆ្នាំទី២ ឆមាសទី១ ដែលមកពីមហាវិទ្យាល័យខុសៗគ្នា ចំនួន ៣៨២ អង្គ/នាក់ (វេនល្ងាច) ចុះទស្សនកិច្ចសិក្សានៅសារមន្ទីរជាតិ (ភ្នំពេញ)។
ដំណើរទស្សនកិច្ចសិក្សានេះ ត្រូវបានរៀបចំឡើងក្នុងគោលបំណង៖
១. ពង្រឹងចំណេះដឹងរបស់និស្សិតតាមរយៈការសិក្សាជាក់ស្តែងក្រៅថ្នាក់រៀន។
២. ឱ្យនិស្សិតស្វែងយល់កាន់តែច្បាស់អំពីវប្បធម៌ ប្រវត្តិសាស្ត្រ និងកេរដំណែលបុរាណខ្មែរ។
៣. បង្កើនការយល់ដឹងអំពីតម្លៃ និងសារៈសំខាន់នៃវត្ថុបុរាណ និងសម្បត្តិវប្បធម៌ជាតិ។
៤. បណ្តុះស្មារតីស្រឡាញ់ ថែរក្សា និងការពារមរតកវប្បធម៌របស់ជាតិ។
៥. ផ្សារភ្ជាប់ចំណេះដឹងក្នុងថ្នាក់រៀនជាមួយបទពិសោធន៍ជាក់ស្តែង និងការអនុវត្តក្នុងការសិក្សា ជាពិសេស និស្សិតត្រូវរៀបចំ របាយការណ៍ស្តីពីដំណើរទស្សនកិច្ចសិក្សា ដើម្បីដាក់ពិន្ទុក្នុងការវាយតម្លៃបន្តបន្ទាប់ប្រចាំឆមាស (On-going Assessment) ផងដែរ។
ដំណើរទស្សនកិច្ចសិក្សានេះ បានរៀបចំឡើងនារសៀលថ្ងៃព្រហស្បតិ៍ ៥រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែតុលា ឆ្នាំ២០២៦។
