Технический факультет КазАТУ им. С.Сейфуллина

Технический факультет КазАТУ им. С.Сейфуллина Институт инжиниринга и продовольственных технологий. Казахский агротехнический исследовательский университет имени С.Сейфуллина

2026 жылдың 21 ақпан күні «Атлас Академиясында» бизнес-тренер Тимур Қалдыбаев 6В07501 – «Стандарттау, сертификаттау және...
01/06/2026

2026 жылдың 21 ақпан күні «Атлас Академиясында» бизнес-тренер Тимур Қалдыбаев 6В07501 – «Стандарттау, сертификаттау және метрология (сала бойынша)» білім беру бағдарламасының 1 курс, 06-076-25-24 тобы студенттеріне "Сенің болашағының архитектурасы" атты мастер-класс өткізді.
Кездесу барысында студенттер кәсіби даму, көшбасшылық қабілет, тиімді коммуникация және жеке тұлғалық өсу бағытында пайдалы ақпараттар алып, тәжірибелік кеңестермен танысты. Мастер-класс интерактивті форматта өтіп, студенттердің белсенді қатысуымен ерекшеленді.
Іс-шара студенттердің болашақ маман ретінде қалыптасуына оң әсерін тигізіп, жаңа идеялар мен мотивация сыйлады.

2026 жылдың 25 сәуір күні америкалық бизнес-тренер Том Барткоски Атлас Академиясында «Эмоционалдық интеллект» тақырыбынд...
26/05/2026

2026 жылдың 25 сәуір күні америкалық бизнес-тренер Том Барткоски Атлас Академиясында «Эмоционалдық интеллект» тақырыбында тренинг өткізді. Тренингке 6В07501 "Стандарттау, сертификаттау және метрология" БББ-ның 1 курс, 06-076-25-24 топ студенттері қатысты. Тренинг тәжірибе, диалог және адамның өз реакциялары мен мінез-құлық үлгілерін саналы түрде түсіну формасында ұйымдастырылды. Қатысушылар өз эмоцияларын жақсырақ түсініп, оларды басқаруды және айналасындағы адамдармен тиімді қарым-қатынас орнатуды үйренді.
Эмоционалдық интеллект — дамытуға болатын маңызды дағды.
Том – халықаралық тәжірибесі бар көшбасшылық және командалық динамика бойынша тәжірибелі тренер әрі кеңесші.
Тренинг өткізу барысында келесі сұрақтарды талқылады:
- өзін және өзгелерді жақсырақ түсінуді, эмоцияларды басқару жолдарын;
- коммуникация мен белсенді тыңдаудың практикалық құралдарын;
- мықты қарым-қатынас пен тиімді командалар құру тәсілдерін;
- халықаралық жұмыс тәжірибесінен алынған маңызды инсайттарды бөлісті.
Том PwC, Mary Kay, Xerox, BI Group және басқа да компаниялармен жұмыс істеген. Сонымен қатар, ол Almaty Toastmasters Club клубының негізін қалаушы әрі менторлық бағыт бойынша директоры болып табылады.

2026 жылдың 07.02.–25.04. күндер аралығында әр сенбі сайын 6В07501 – «Стандарттау, сертификаттау және метрология (сала б...
26/05/2026

2026 жылдың 07.02.–25.04. күндер аралығында әр сенбі сайын 6В07501 – «Стандарттау, сертификаттау және метрология (сала бойынша)» білім беру бағдарламасының 1 курс, 06-076-25-24 тобының студенттері екі топшаға бөлініп, кезек-кезек Атлас Академиясында ұйымдастырылған дәрістерге қатысты. Дәріс барысында Академия менторы Алибек студенттерге «Жеке тұлғаның өзін-өзі бағалауының маңызы», «Тайм-менеджмент», «SMART», «Дұрыс мақсат қою» тақырыптарында пайдалы ақпараттар ұсынып, жеке даму мен уақытты тиімді басқарудың маңыздылығын түсіндірді.
Дәріс барысында студенттер өз ойларымен бөлісіп, түрлі тапсырмалар орындау арқылы белсенділік танытты. Сонымен қатар, қатысушылар мақсат қоюдың тиімді жолдарын меңгеріп, болашақ маман ретінде өзін-өзі дамытуға қажетті маңызды дағдылар алды. Кездесу студенттердің мотивациясын арттырып, олардың кәсіби әрі тұлғалық дамуына оң әсерін тигізді.
Іс-шара соңында белсенді қатысқан студенттерге Атлас Академиясы тарапынан арнайы сертификаттар табысталды. Сертификаттар студенттердің тренинг пен дәрістерге қатысып, жеке даму бағытында алған білімдері мен тәжірибелерін растайтын маңызды құжат ретінде ұсынылды. Топ кураторы: Көлік техника, технология және стандарттау,сертификаттау және метрология» БББТ аға оқытушысы Нұрланқызы Жібек.

2026 жылғы 30 сәуірде Инжиниринг және азық-түлік технологиялары институтының 4310 аудиториясында 6В08701 – «Агроинженери...
04/05/2026

2026 жылғы 30 сәуірде Инжиниринг және азық-түлік технологиялары институтының 4310 аудиториясында 6В08701 – «Агроинженерия» білім беру бағдарламасының 4 курс студенттері мен оқытушыларының қатысуымен «АШМ мен жабдықтарды жобалау және құрылымдау негіздері» пәні бойынша ашық сабақ өткізілді.
Сабақ тақырыбы: «Терең қопсытқыштың жұмыс органы мен рамасын жобалау»
Ашық сабақтың негізгі мақсаты – терең қопсытқыштың құрылымы мен жұмыс істеу принципін түсіндіру, жұмыс органдарының геометриялық және орналасу параметрлерін ғылыми негізде анықтауды үйрету, қопсытқыш рамасының конструкциясын жобалау және беріктікке есептеу әдістерін көрсету, сондай-ақ заманауи CAD және CAE бағдарламаларын қолдану арқылы инженерлік есептеулер жүргізу дағдыларын қалыптастыру және студенттердің техникалық ойлау қабілеті мен жобалау дағдыларын дамыту болып табылады.
Ашық сабақ барысында терең қопсытқыштың конструкциялық ерекшеліктері жан-жақты қарастырылып, заманауи CAD және CAE инженерлік бағдарламалары кеңінен қолданылып, жобалау және талдау процестері тәжірибелік түрде көрсетілді.
Ашық сабақты Инжиниринг және азық-түлік технологиялары институтының аға оқытушысы, PhD докторы Төлегенов Талғат Қонысбайұлы жоғары кәсіби деңгейде өткізді.
Сабақ барысында оқытушылар мен студенттер белсенді қатысып, тақырып аясында пікір алмасып, мазмұнды кәсіби талқылау жүргізді. Теориялық білім нақты инженерлік есептермен ұштастырылып, олардың тәжірибелік маңыздылығы айқын көрсетілді.
Ашық сабақта терең қопсытқыштың жұмыс органының құрылымы, раманың беріктік және деформациялық талдауы, топырақпен өзара әрекеттесу ерекшеліктері және CAD және CAE жүйелеріндегі модельдеу нәтижелері жан-жақты қарастырылды.
Аталған іс-шара студенттердің кәсіби құзыреттілігін арттыруға, инженерлік ойлау қабілетін дамытуға және заманауи технологияларды меңгеруіне үлкен ықпал етті.

2026 жылғы 29 сәуірде Инжинириг және азық-түлік технологиялары институтының 4310 аудиториясында «CLAAS фирмасының замана...
29/04/2026

2026 жылғы 29 сәуірде Инжинириг және азық-түлік технологиялары институтының 4310 аудиториясында «CLAAS фирмасының заманауи комбайндары мен тракторларының негізгі пайдалану көрсеткіштерін қашықтан мониторингтеу жүйелері» тақырыбында 4 курс 6В08701 – «Агроинженерия» білім беру бағдарламасы студенттерінің қатысуымен мазмұнды семинар өткізілді.
Семинарға өндіріс саласының тәжірибелі мамандары арнайы шақырылып, өз тәжірибелерімен бөлісті:
– Шаймен Куат Ертайлякович — ауыл шаруашылығы техникасын пайдалану мен оңтайландыру бойынша өнім менеджері.
– Есинбеков Жанболат Джамбулович — ауыл шаруашылығы техникасын жинау слесарі, «CT AGRO» ЖШС;
– Галибеков Рахат Болатович — ауыл шаруашылығы техникасын жинау слесарі, «CT AGRO» ЖШС.
Аталған мамандар университетіміздің түлектері болып табылады.
Іс-шара барысында заманауи комбайндар мен тракторлардың жұмысын қашықтықтан бақылау жүйелері кеңінен қарастырылды. Атап айтқанда, техникадағы негізгі эксплуатациялық көрсеткіштерді (жанармай шығыны, қозғалтқыш жүктемесі, жұмыс өнімділігі, қозғалыс параметрлері және техникалық жағдайы) нақты уақыт режимінде бақылау мүмкіндіктері талқыланды. Сонымен қатар, цифрлық технологияларды қолдану арқылы ауыл шаруашылығы техникасының тиімділігін арттыру, ақаулардың алдын алу және техникалық қызмет көрсету процестерін оңтайландыру жолдары көрсетілді.
Семинар барысында қатысушыларға CLAAS техникасында қолданылатын телеметриялық жүйелердің жұмыс принциптері түсіндіріліп, олардың өндірістегі практикалық маңызы ерекше атап өтілді. Спикерлер нақты өндірістік мысалдар келтіре отырып, деректерді талдау арқылы техниканың жұмыс сапасын арттыру және шығындарды азайту мүмкіндіктерін көрсетті.
Студенттер тарапынан қойылған сұрақтарға толық әрі нақты жауаптар беріліп, болашақ агроинженер мамандар үшін цифрландыру мен дәл егіншілік технологияларының маңыздылығы айқындалды. Сонымен қатар, қазіргі таңда агроөнеркәсіптік кешенде білікті инженер кадрларға сұраныстың жоғары екендігі ерекше атап өтілді.
Аталған дәрістің студенттердің кәсіби білімін толықтырып қана қоймай, өндіріс пен білім беру арасындағы байланысты нығайтуға, сондай-ақ заманауи агроинженерлік шешімдерді терең түсінуге және студенттерді жұмыспен қамтуға мүмкіндік береді.

2026 жылғы 16 сәуір күні «Инжиниринг және азық-түлік технологиялары институтының» B068 Азық-түлік өнімдерінің өндірісі Б...
20/04/2026

2026 жылғы 16 сәуір күні «Инжиниринг және азық-түлік технологиялары институтының» B068 Азық-түлік өнімдерінің өндірісі БББ аға оқытушы Ахметова Венера Шаймуратовна 2-курс, 068-24-26тобының студенттеріне «Теоретические основы производства пищевых продуктов» пәні «Технология производства мясных комбинированных продуктов» тақырыбында ашық семинар сабақ жүргізді. Іс-шараның мақсаты – студенттердің, тағам өнімдері, соның ішінде ет технологиясы бойынша ет шикізаттарын таңдау, ет өнімдерінің ассортиментімен танысу және құрама ет өнімдерінің дайындалу технологиясын жетілдіру бойынша білімдерін арттыру болып табылады.
Семинар сабақ алдымен, тақырыпты қайталау ретінде студенттерге сұрақ қойылды. Топ студенттері шартты түрде 3 командаға бөлінді, әрбір топша бір тақырыпты таңдау барысында өз жобаларын қорғауға мүмкіндік берілді. Одан кейін әрбір топтың студенттері жоба тақырыбын кеңінен түсіндіріліп, презентация жасау арқылы орындады. Теориялық бөлімнен кейін студенттер топтық жұмыс орындап, берілген тапсырма бойынша өз шешімдерін қорытындылады.
Семинар сабақ мазмұнды, интерактивті әрі қызықты өтті. Студенттер белсенділік танытып, өзара пікір алмасу барысында кәсіптік дағдыларын жетілдірді. Ашық сабаққа B068 Азық-түлік өнімдерінің өндірісі БББ профессорлық-оқытушылық құрамы: техника ғылымдарының докторы, «Азық-түлік өнімдерінің өндірісі» БББТ-ның профессоры Сағымбек Әлтайұлы, техника ғалымдарының кандидаты, қауымдастырылған профессор Құндызбаева Назигуль Джумакановна, PhD докторлары Сағандық Асем, Мулдашева Ақнұр Хайратовна, «Сүт және сүт өнімдеріні» оқу-эксперименталдық цехының бас технологы Калемшарив Бекжан және де бір қатар оқытулылар қатысып, өз қолдауларын білдірді.

17-18 сәуір аралығында Л.Н. Гумилев атындағы Еуразия ұлттық университетінде «Көлік, көлік техникасы және технологиялар» ...
20/04/2026

17-18 сәуір аралығында Л.Н. Гумилев атындағы Еуразия ұлттық университетінде «Көлік, көлік техникасы және технологиялар» бағыты бойынша ҚР ЖОО студенттері арасында XVIІІ Республикалық пәндік олимпиаданың II кезеңі өтті.
С. Сейфуллин атындағы Қазақ агротехникалық зерттеу университетінің намысын Инжиниринг және азық-түлік технологиялары институтының, «Көлік техника, технология және стандарттау, сертификаттау және метрология» БББТ студенттері:
✅ Гакешов Серғазы Еркинұлы (06-065-23-13 тобы, 3 курс)
✅ Тонкубаева Дильнара Нурланқызы (06-065-23-13 тобы, 3 курс) қорғап қайтты.
Студенттеріміз 6B07106 – «Көлік, көлік техникасы және технологиялар» білім беру бағдарламасы бойынша қатысып, қатысушы сертификаттарымен марапатталды.
Ғылыми жетекшілері: Оразалиев Берікбай Тлеуқабылұлы – т.ғ.к., доцент.
Сайдалин Ерлан Нурханулы – техника ғылымдарының магистрі, «Көлік техникасы және технологиялары» кафедрасының оқытушысы.
Мұндай деңгейдегі додаға қатысу — студенттер үшін үлкен тәжірибе және кәсіби біліктілікті арттырудың зор мүмкіндігі. Студенттерімізді жетістіктерімен құттықтаймыз!
#КазАТИУ #СейфуллинУниверситеті #Олимпиада #БББТ #Студенттер #КөлікТехникасы

Участие в Республиканской предметной олимпиаде
17-18 апреля на базе Евразийского национального университета им. Л.Н. Гумилева прошел II этап XVIІІ Республиканской предметной олимпиады среди студентов вузов РК по группе образовательных программ «Транспорт, транспортная техника и технологии».
Казахский агротехнический исследовательский университет им. С. Сейфуллина на олимпиаде достойно представили студенты 3-го курса Института инжиниринга и пищевых технологий, ОП «Транспортная техника, технология и стандартизация, сертификация и метрология»:
🔹 Гакешов Серғазы Еркинұлы (группа 06-065-23-13)
🔹 Тонкубаева Дильнара Нурланқызы (группа 06-065-23-13)
Наши обучающиеся продемонстрировали свои знания в рамках ОП 6B07106 – «Транспорт, транспортная техника и технологии» и по итогам соревнований были награждены сертификатами за участие.
Научные руководители: Оразалиев Берикбай Тлеукабылович – к.т.н., доцент.
Сайдалин Ерлан Нурханулы – магистр технических наук, преподаватель кафедры «Транспортная техника и технологии».
Участие в республиканских интеллектуальных состязаниях — важный этап в становлении будущих профессионалов. Желаем нашим студентам не останавливаться на достигнутом и покорять новые вершины!
#КазАТИУ #УниверситетСейфуллина #РеспубликанскаяОлимпиада #Транспорт #Студенты #Инжиниринг

09/04/2026

2026 жылдың 1 сәуірінде 6В07501 – «Стандарттау, сертификаттау және метрология» білім беру бағдарламасының 1 курс, 06-076-25-24 тобының студенттері мен кураторы Жібек Нұрланқызының ұйымдастыруымен «Қош келдің, Наурыз!» атты ашық кураторлық сағат өткізілді.
Кураторлық сағат барысында Наурыз мерекесіне арналған баяндама оқылып, қызықты викториналар ұйымдастырылды. Сонымен қатар студенттер көрініс қойып, "Қобыз" музыкалық аспабымен күй орындап, ұлттық спорт ойындарын көрсетті.
Ашық шараға кафедра оқытушылары қатысып, өз пікірлерімен бөлісті. Іс-шара соңында студенттер мен оқытушылар наурыз көже мен бауырсақтан дәм татты.
Шара барысында білім алушылар Наурыз мейрамының молшылық пен татулықтың белгісі екеніне тағы бір мәрте көз жеткізді.

26 жылғы 8 сәуірде Логистика және көлік корольдік институтының ұйымдастыруымен Coventry University Kazakhstan базасында ...
08/04/2026

26 жылғы 8 сәуірде Логистика және көлік корольдік институтының ұйымдастыруымен Coventry University Kazakhstan базасында «Жас логистер» форумы өтті.
Форумға С.Сейфуллин атындағы Қазақ агротехникалық университетінің 6В311 «Көліктегі логистика» білім беру бағдарламасының 3-курс студенттері — Сайлямхан Гульсим, Кусаинова Сымбат, Тихий Максим қатысты.
Форумға дайындық аясында студенттер «Жасыл логистикадағы инновациялар» бағыты бойынша «Agro-Nexus: астық жүктерінің логистикасына арналған автономды жерасты-жерүсті эко-қойма моделі» жобасы негізінде бейнеролик пен физикалық макет әзірледі.
Форум барысында студенттер белсенді түрде білім және тәжірибе алмасып, логистика саласындағы заманауи үрдістер мен өзекті мәселелерді талқылады. Форумға қатысу студенттер үшін үлкен тәжірибе алмасу әрі кәсіби өсу мүмкіндігі болды.
Осы форумға дайындық барысында 06-095-23–25 тобының студенттері — Поспелов А., Минченков А., Абылкасов А., Кенжин Е., Аманғалиев Д. макет дайындау барысында ерекше көмек көрсетті

2026 жылдың 1 сәуірінде сағат 15:00-де «LRT жас маманы»/ «Молодой специалист LRT» тақырыбында жұмыс беруші «City Transpo...
03/04/2026

2026 жылдың 1 сәуірінде сағат 15:00-де «LRT жас маманы»/ «Молодой специалист LRT» тақырыбында жұмыс беруші «City Transportation Systems» ЖШС өкілдерінің қатысуымен В095 «Көліктегі логистика» және В065 «Көлік, көлік техникасы және технологиялар» білім беру бағдарламаларының білім алушыларына проблемалық дәріс өтті.
Дәріс спикерлері:
- Ахитов Дархан Құдайбергенұлы – бас менеджер, LRT эксплуатация департаментінің жол-жөндеу учаскесінің басшысы және кадр қызметінің басшысы – Кожухова Гүлмира Булатовна, кадр қызметінің бас менеджері – Булекпаева Қарлығаш Қабдулаевна.
Кездесу барысында қазіргі таңда Астана қаласында LRT жобасын іске асыру бойынша ауқымды жұмыстар жүргізіліп жатқаны айтылып, жоба туралы өзекті ақпарат ұсынылды, сондай-ақ оның маңыздылығы мен болашағы кеңінен түсіндірілді.
Дәріс барысында «LRT жас маманы» кадрлық бағдарламасы таныстырылып, білім алуышларды Астана қаласының жеңіл рельсті көлік (LRT) жобасының қатысушысы болуға шақырды. Сонымен қатар, 4-курс студенттері үшін жұмысқа орналасу мүмкіндіктері талқыланды, атап айтқанда бастапқы кезеңде оқыту қарастырылып, кейін жұмысқа қабылдау шарттары ұсынылатыны айтылды.
Дәріс интерактивті форматта өтіп, тақырып бойынша сұрақ-жауап алаңы ұйымдастырылды. Бітіруші курсының білім алушылары «LRT жас маманы» бағдарламасына үлкен қызығушылық танытып, осы жобаға қатысуға ниеттерін білдірді.

Address

г. Астана, пр. Победы 62
Nur-Sultan

Website

Alerts

Be the first to know and let us send you an email when Технический факультет КазАТУ им. С.Сейфуллина posts news and promotions. Your email address will not be used for any other purpose, and you can unsubscribe at any time.

Contact The University

Send a message to Технический факультет КазАТУ им. С.Сейфуллина:

Shortcuts

Share

Category