М.Х.Дулати атындағы Тараз өңірлік университеті

15/01/2024

«Денсаулық» спартакиадасы басталды 🏆
Дулати университетінде профессор-оқытушылар мен қызметкер арасында дәстүрлі «Денсаулық» спартакиадасы бастау алды. ⛹️‍♂️⛹️‍♀️
Жарыс спорттың 12 түрі бойынша: Асық ату, шекемтас, баскетбол, үстел теннисі, қол күрес, волейбол, шахмат, тоғызқұмалақ, президенттік көпсайыс, шағын футболдан өтеді. ⚽🏀
🔷Жылда ұйымдастырылатын спартакиаданың негізгі мақсаты: оқытушылар мен қызметкерлерді спортпен шұғылдануға тарту, салауатты өмір салтын насихаттау, әріптестер арасында ауызбіршілікті нығайту.
🔶Спартакиада әділ өтуі үшін төрешілер алқасы құрылған. Төраға мүшелері: А.Умаров, Ж.Бекбергенова, Д. Жылысбаев және Н.Сиротина.
🔷Айта кетейік, жарыс қаңтар айының 15-19 аралығында өтеді.

11/01/2024

Құрметті оқырман, өздеріңізбен қуанышты жаңалықпен бөліспекпіз!✨
🔷ҚР Ғылым және жоғары білім министрлігі мен «Отбасы банк» АҚ арасындағы келісім аясында Дулати университетінің жас ғалымы Амангүл Игисинова баспаналы болды.
🔶Жас ғалымдарға кредит беру бағдарламасы – бұл Қазақстан Республикасының ғылыми-зерттеу институттары мен жоғары оқу орындарының тұрғын үйге мұқтаж ғылыми қызметкерлерін қолдауға бағытталған ипотекалық бағдарлама.
🔷Аталмыш бағдарламаға қатысқан әріптесіміз Амангүл Сейтқасымқызы үйлі болып, көптен күткен қуанышына жетіп отыр.
✔️Отбасы банктің жас ғалымдарды қолдауға бағытталған бағдарламаға қатысу үшін кемінде 3 жыл ғылыми-зерттеу жұмыс өтілі, ғылыми дәрежесі магистр деңгейінен төмен болмау керек. 40 жасқа дейінгі ғалымдар қатыса алады. (40 жасты қоса алғанда) Бағдарламаға жүгініп баспаналы боламын деген жас ғалым жоғары оқу орнының бірінші басшылары қол қойған жолдамамен «Отбасы банк» АҚ-ға жүгінеді.

🔶Амангүл Игисинова Шетел филологиясы және аударма ісі кафедрасының аға оқытушысы, филология магистрі. Абай атындағы Қазақ ұлттық педагогикалық университетінің докторантурасын тәмамдаған. Ғалым «Неміс және қазақ тілдеріндегі себеп-салдар білдіретін шылаулар», «Неміс және қазақ тілдеріндегі себеп-салдар білдіретін шылаулардың қолданылуы мен сөйлемдегі қызметі», «Проблема переключения кодов в лингвистике», «Неміс тіліндегі көмекші сөздер сипаттамалары», «Тіл біліміндегі шылаулардың зерттелуі», «Германистиканың даму жолдары», «Кірме сөздер», «Стереотиптер жіктелімі: гендерлік стереотиптер ерекшеліктері» тақырыптарында зерттеу жүргізіп, мақала жазып халықаралық ғылыми-практикалық конференцияларға қатысқан. Мақалалары халықаралық, республикалық ғылыми басылымдарда жарық көрді.

🔷Әріптесімізді қуанышымен құттықтаймыз! Алдағы уақытта оқу ордамыздың басқа да жас ғалымдары осындай жақсылыққа жетіп, баспаналы болады деп сенеміз.
ҚР Ғылым және жоғары білім министрлігі
Sayasat Nurbek

10/01/2024

✨«Басыңа іс түссе, жақсы көмектеседі, жаман күліп кетеді» дейді халқымыз. Кісіге көмектесу, қамқорлық таныту жақсы іс қана емес, адам бойындағы ең жақсы қасиеттің бірі болса керек. «Қолыңнан келсе көмегіңді аяма!» осындай ұстанымда жүретін Дулати студенттері қажет кезде әрдайым көмек қолын созуға әзір.🤝🏻 Бұны өздерінің азаматтық борышы деп біледі.
✔️Бұл сөзімізге дәлел, жуырда Қордай аумағында болған қарлы боран кезінде жастарымыздың көлік жүргізушілеріне, жолаушыларға көрсеткен көмегі. «Жасаған жақсылықты жар салма» деп жатады, дегенмен жастарымыздың әрекеті үлгі боларлық игі іс деп есептейміз.
⭐Дулати университеті, Технологиялық факультетінің 4-курс студенттері Тлепбаев Ербол Маратұлы мен Тлепбаев Нұрбол Маратұлы Қордай ауданында ауа-райының күрт нашарлауына байланысты жолда қалған жүк көлік жүргізушілеріне көмек көрсеткен. Ыстық тамақ пен қажетті тағамдармен қамтамасыз етті. Студенттер жедел шешім қабылдап қайырымдылық акциясын ашып, жиналған ақшаны азық-түлік сатып алуға жұмсады. Жүргізушілерге түскі ас әзірледі. Бұл белсенді студенттеріміз Дулати атындағы университет жанындағы «Қазақстан студенттерінің альянсы» жастар ұйымының мүшелері.

Сондай-ақ, білімді әрі белсенді жастарымыз бірқатар алғысхаттармен марапатталумен қатар, өткен жылдың қорытындысы бойынша облыс көлемінде «Үздік студент» номинациясының иегері атанды. ✨
💫Айтпақшы Ербол мен Нұрбол егіз бауырлар. Олар бір-бірін ғана емес, жан-жағындағыларды да қолдау керек деп есептейді. Ендеше жігіттердің игі ісін мақтанышпен айтып қана қоймай, өзімізге үлгі етейік.
ҚР Ғылым және жоғары білім министрлігі

10/01/2024

«БІЛІМ БЕРУ БАҒДАРЛАМАЛАРЫН МАСШАБТАУ» ОҚЫТУ КУРСЫ БАСТАУ АЛДЫ

⚜️М.Х.Дулати атындағы Тараз өңірлік университетінде 38 оқытушы Қазақстан Республикасы Ғылым және жоғары білім министрлігі жоғары және жоғары білімнен кейінгі білім беру Комитетінің қолдауымен «Орта білім беруді жаңғырту» жобасы аясында жаңаша бағытта педагог маман даярлауға арналған «Білім беру бағдарламаларын масшабтау» тақырыбына арнайы оқыту курсынан өтуде.
⚜️Оқыту курсының мақсаты – білім беруді жаңғырту жағдайында педагогикалық құзыреттілік салаларын арттыру, инновациялық білім беру бағдарламаларын жүзеге асыру үшін сындарлы келісу қағидаларын ескере отырып, оқу бағдарламасын (силлабус) әзірлеу бойынша жұмысты ұйымдастыру.

✔️Курс тыңдаушылары заманауи педагогикалық білім беру үрдістері; студентке бағытталған оқыту; оқыту және оқу әдістері; бағалау саясаты, формалары мен жүйесі; қолайлы заманауи білім беру ортасы; педагогтердің IT құзыреттілігі және цифрлық педагогика бойынша кәсіби білімдерін шыңдайды.

03/01/2024

🇰🇿 Мемлекет басшысы Қасым-Жомарт Тоқаевтың «Egemen Qazaqstan» жалпыұлттық газетіне берген сұхбаты.

https://egemen.kz/article/355466-qasym-zhomart-toqaev-biz-ozyq-oyly-ult-retinde-tek-qana-algha-qarauymyz-kerek?fbclid=IwAR22d0D0ehTvXmBStAo2s_2Mkn59CthrJRFJ2eTCosN6eBe87XYtGPzLfPk

– Қасым-Жомарт Кемелұлы, уақы­тыңыздың тығыздығына қара­мастан «Egemen Qazaqstan» газетіне сұхбат беруге келіскеніңіз үшін риза­шылығымызды білдіреміз. Сіздің қоғамды ...

03/01/2024

30/12/2023

🔝 СТУДЕНТТЕР ЖЕТІСТІГІ - ҰСТАЗ ЕҢБЕГІНІҢ ЖЕМІСІ

🤩 2023 оқу жылы табысты әрі жемісті жыл болды. Жылды қорытындылап, «қандай нәтижеге жеттік» деп саралап көрелік. Ендеше биік белестерді бағындырып, ұстаздардың сенімін ақтаған жастарымыз жайлы таныса аласыз. ⬇️⬇️⬇️

ҚР Ғылым және жоғары білім министрлігі

30/12/2023

🇰🇿 ҚР ПРЕЗИДЕНТІНІҢ МӘДЕНИЕТ САЛАСЫНДАҒЫ 2023 ЖЫЛҒА АРНАЛҒАН МЕМЛЕКЕТТІК СТИПЕНДИЯСЫ ИЕГЕРІ

🔰 Елімізде мәдениет және әдебиет саласына еңбек сіңірген қайраткерлерге мемлекеттік стипендия тағайындалды. Осы салалардың дамуына үлес қосқан, өмір жолын, ерен еңбегін арнаған мәдениет қызметкерлірінің арасында Дулати университеті, Бауыржантану ғылыми-зерттеу орталығының жетекшісі, бас ғылыми қызметкері Мекемтас Мырзахметұлы бар.

📌 Мырзахметұлы Мекемтас - 1930 жылы туған, әдебиеттанушы, І дәрежелі «Барыс», «Парасат» және «Құрмет» ордендерінің иегері, Мемлекеттік сыйлықтың лауреаты. Абайтанушы, бауыржантанушы ғалым, филология ғылымдарының докторы, профессор.

👏 Құттықтаймыз!

ҚР Ғылым және жоғары білім министрлігі