Addalaichenai National College Of Education

Call Directions Website Contact the university

Addalaichenai National College Of Education It is a pre-service Teacher Training Institute These colleges produce skillful, knowledgeable professional teachers for the government schools system annually.

National College of Education is a pioneering pre service Teacher Training Institute in Sri Lankan education system .There are Nineteen Colleges spread through out the country from North to South.

அட்டாளைச்சேனை தேசிய கல்விக் கல்லூரியில் வரைபட அமைப்பு பெயர்ப் பலகை திறந்து வைப்புஅட்டாளைச்சேனை தேசிய கல்விக் கல்லூரியின்...
14/09/2026

அட்டாளைச்சேனை தேசிய கல்விக் கல்லூரியில் வரைபட அமைப்பு பெயர்ப் பலகை திறந்து வைப்பு

அட்டாளைச்சேனை தேசிய கல்விக் கல்லூரியின் 03ஆம் வருட வணிகக் கல்வி மற்றும் கணக்கீட்டுப் பிரிவு ஆசிரியப் பயிலுனர்களின் ஏற்பாட்டில் உருவாக்கப்பட்ட கல்லூரியின் வரைபட அமைப்பு மற்றும் பெயர்ப் பலகை இன்று (14) உத்தியோகபூர்வமாக திறந்து வைக்கப்பட்டது.

பொறுப்பு விரிவுரையாளர் ஏ.ஏ.ஏ. லத்தீப் அவர்களின் தலைமையில் நடைபெற்ற இந்நிகழ்வில், பிரதம அதிதியாகக் கலந்து கொண்ட கல்லூரியின் பீடாதிபதி எம்.சி. ஜூனைட் அவர்கள், குறித்த வரைபட அமைப்பு மற்றும் பெயர்ப் பலகையை உத்தியோகபூர்வமாக திறந்து வைத்தார்.

கல்லூரியின் கட்டமைப்பு மற்றும் முக்கிய பிரிவுகளை தெளிவாக அடையாளப்படுத்துவதற்கும், கல்லூரிக்கு வருகை தரும் மாணவர்கள், ஆசிரியர்கள், பெற்றோர்கள் மற்றும் ஏனையோருக்கு வழிகாட்டியாக அமையும் வகையிலும் இவ்வரைபட அமைப்பு மற்றும் பெயர்ப் பலகை வடிவமைக்கப்பட்டுள்ளது.

இந்நிகழ்வில் கல்லூரியின் உப பீடாதிபதிகள், விரிவுரை இணைப்பாளர்கள், கல்லூரியின் பதிவாளர், பீடத் தலைவர்கள், விரிவுரையாளர்கள் உள்ளிட்ட பலரும் கலந்து கொண்டு நிகழ்வை சிறப்பித்தனர்.

03ஆம் வருட வணிகக் கல்வி மற்றும் கணக்கீட்டுப் பிரிவு ஆசிரியப் பயிலுனர்களின் கூட்டு முயற்சியில் உருவாக்கப்பட்ட இத்திட்டம், கல்லூரியின் அழகியல் மற்றும் நிர்வாகப் பயன்பாட்டிற்கு மேலும் வலுசேர்க்கும் வகையில் அமைந்துள்ளது.

அட்டாளைச்சேனை தேசிய கல்விக் கல்லூரியில் மீலாதுன் நபி விழாஅட்டாளைச்சேனை தேசிய கல்விக் கல்லூரியின் முதலாம் வருட ஆசிரிய பயி...
03/09/2026

அட்டாளைச்சேனை தேசிய கல்விக் கல்லூரியில் மீலாதுன் நபி விழா

அட்டாளைச்சேனை தேசிய கல்விக் கல்லூரியின் முதலாம் வருட ஆசிரிய பயிலுனர்களின் ஏற்பாட்டில், புனித மீலாதுன் நபி விழாவை சிறப்பிக்கும் வகையில் ஏற்பாடு செய்யப்பட்ட விசேட நிகழ்வு இன்றைய தினம் (03) கல்லூரி வளாகத்தில் சிறப்பாக நடைபெற்றன.

சிரேஷ்ட விரிவுரையாளர் ஏ.எல். நாசர் ஹனி அவர்களின் வழிகாட்டல் மற்றும் மேற்பார்வையின் கீழ் ஏற்பாடு செய்யப்பட்ட இந்நிகழ்வில் பிரதம அதிதியாக கல்லூரியின் பீடாதிபதி எம்.சி. ஜூனைட் அவர்கள் கலந்து கொண்டு சிறப்பித்தார்.

இன்றைய நிகழ்வில் சிறப்பு பேச்சாளராக கொழும்பு பல்கலைக்கழகத்தின் சிரேஷ்ட விரிவுரையாளர் கலாநிதி எம்.எம்.எம். சாபீர் அவர்கள் கலந்து கொண்டு, நபி முஹம்மது (ஸல்) அவர்களின் உயரிய வாழ்க்கை, நற்பண்புகள் மற்றும் போதனைகளின் முக்கியத்துவம் தொடர்பில் சிறப்பானதொரு விசேட சொற்பொழிவை ஆற்றினார்.

நபி முஹம்மது (ஸல்) அவர்களின் வாழ்க்கை முழு மனித சமூகத்திற்கும் சிறந்த முன்மாதிரியாகும் எனக் குறிப்பிட்ட அவர், அன்பு, இரக்கம், சகோதரத்துவம், பொறுமை, நீதி மற்றும் மனிதநேயம் போன்ற உயரிய பண்புகளை ஆசிரியர்களும் எதிர்கால ஆசிரியர்களாகிய பயிலுனர்களும் தமது வாழ்விலும் கற்பித்தல் பணியிலும் கடைப்பிடிக்க வேண்டியதன் அவசியத்தை வலியுறுத்தினார்.

இந்நிகழ்வில் கல்லூரியின் உப பீடாதிபதிகள், விரிவுரை இணைப்பாளர்கள், சிரேஷ்ட விரிவுரையாளர்கள், விரிவுரையாளர்கள், கல்விசாரா உத்தியோகத்தர்கள் மற்றும் ஆசிரிய பயிலுனர்கள் உள்ளிட்ட பலரும் கலந்து கொண்டு நிகழ்வைச் சிறப்பித்தனர்.

அட்டாளைச்சேனை தேசிய கல்விக் கல்லூரியில் மீலாதுன் நபி விழா கண்காட்சி!அட்டாளைச்சேனை தேசிய கல்விக் கல்லூரியின் முதலாம் வருட...
02/09/2026

அட்டாளைச்சேனை தேசிய கல்விக் கல்லூரியில் மீலாதுன் நபி விழா கண்காட்சி!

அட்டாளைச்சேனை தேசிய கல்விக் கல்லூரியின் முதலாம் வருட ஆசிரிய பயிலுனர்களின் ஏற்பாட்டில், மீலாதுன் நபி விழாவை முன்னிட்டு ஏற்பாடு செய்யப்பட்ட விசேட கண்காட்சி நிகழ்ச்சித்திட்டம் இன்றைய தினம் (02.09.2026) கல்லூரி வளாகத்தில் சிறப்பாக நடைபெற்றது.

விரிவுரையாளர்களான ஏ.எல். நாசர் ஹனி மற்றும் ஏ.எஸ். றிஹானா ஆகியோரின் வழிகாட்டல் மற்றும் மேற்பார்வையின் கீழ் நடைபெற்ற இந்நிகழ்வில், கல்லூரியின் பீடாதிபதி எம்.சி. ஜூனைட் அவர்கள் பிரதம அதிதியாகக் கலந்து கொண்டு கண்காட்சியை நாடா வெட்டி உத்தியோகபூர்வமாக திறந்து வைத்தார்.

மனிதகுலத்திற்கு அருளாக அனுப்பப்பட்ட இறைத்தூதர் முஹம்மத் நபி (ஸல்) அவர்களின் உயரிய வாழ்க்கை வரலாறு, நற்பண்புகள், மனித நேயம், அரேபிய கலாசாரம், சமத்துவம், சகோதரத்துவம், நீதி, கருணை மற்றும் சமூக நல்லிணக்கம் ஆகியவற்றை எடுத்துக்காட்டும் வகையில் பல்வேறு கண்காட்சி அம்சங்கள் இந்நிகழ்வில் இடம்பெற்றன.

முஹம்மத் நபி (ஸல்) அவர்கள் தமது வாழ்நாள் முழுவதும் மனிதர்களிடையே அன்பு, அமைதி மற்றும் நல்லிணக்கத்தை நிலைநாட்டுவதற்காக மேற்கொண்ட உயரிய பணிகள், ஏழைகள் மற்றும் ஆதரவற்றோர் மீதான கருணை, பெண்கள் மற்றும் குழந்தைகளுக்கான உரிமைகள், சமூக நீதியை நிலைநாட்டுவதில் அவர் வழங்கிய வழிகாட்டல்கள் உள்ளிட்ட பல்வேறு விடயங்கள் ஆசிரிய பயிலுனர்களினால் காட்சிப்படுத்தப்பட்டிருந்தன.

மேலும், “நபி அவர்களின் வாழ்க்கை என்பது ஒரு காலத்திற்கான வரலாறு மட்டுமல்ல; அனைத்து காலங்களுக்கும் மனிதகுலம் பின்பற்ற வேண்டிய வாழ்வியல் வழிகாட்டியாகும்” என்ற கருத்தை வலியுறுத்தும் வகையில் இக்கண்காட்சி அமைக்கப்பட்டிருந்தமை குறிப்பிடத்தக்கதாகும்.

இந்நிகழ்வில் கல்லூரியின் விரிவுரை இணைப்பாளர்கள், சிரேஷ்ட விரிவுரையாளர்கள், விரிவுரையாளர்கள், கல்விசாரா உத்தியோகத்தர்கள் மற்றும் ஆசிரிய பயிலுனர்கள் உள்ளிட்ட பலரும் கலந்து கொண்டு நிகழ்வைச் சிறப்பித்தனர்.

மீலாதுன் நபி விழாவை முன்னிட்டு இடம்பெற்ற இக்கண்காட்சி நிகழ்ச்சியானது, ஆசிரிய பயிலுனர்களின் திறமைகளையும் படைப்பாற்றலையும் வெளிப்படுத்தியதுடன், முஹம்மத் நபி (ஸல்) அவர்களின் உயரிய வாழ்க்கை வழிகாட்டல்களை இளம் தலைமுறையினருக்கு எடுத்துச் செல்லும் சிறந்த கல்வி மற்றும் ஆன்மீக நிகழ்வாகவும் அமைந்தது.

ஆரம்பப்பிரிவு ‘C’ பிரிவின் தலைவரும், பீடத்தலைவரும், சிரேஷ்ட விரிவுரையாளருமான திருமதி M.C.F. ரிஸ்வியா அவர்களின் ஏற்பாட்டி...
17/07/2026

ஆரம்பப்பிரிவு ‘C’ பிரிவின் தலைவரும், பீடத்தலைவரும், சிரேஷ்ட விரிவுரையாளருமான திருமதி M.C.F. ரிஸ்வியா அவர்களின் ஏற்பாட்டில், இரண்டாம் வருட ஆரம்பப்பிரிவு ‘C’ வகுப்பு ஆசிரியப் பயிலுநர்களால் வகுப்பறைக்கான பெயர்ப் பலகை, கல்லூரியின் பீடாதிபதி எம்.சி. ஜூனைட் அவர்களிடம் இன்றைய (17) தினம் கையளிக்கப்பட்டது.

இந்நிகழ்வில் கல்லூரியின் உப பீடாதிபதி எம்.டி. முஸம்மில் அவர்களும் கலந்து கொண்டு சிறப்பித்தார்.

இரண்டாம் வருட ஆசிரிய பயிலுனர்களின் தலைவர்கள் மற்றும் உதவித் தலைவர்களுக்கு கௌரவிப்புஅட்டாளைச்சேனை தேசிய கல்வியியற் கல்லூர...
17/07/2026

இரண்டாம் வருட ஆசிரிய பயிலுனர்களின் தலைவர்கள் மற்றும் உதவித் தலைவர்களுக்கு கௌரவிப்பு

அட்டாளைச்சேனை தேசிய கல்வியியற் கல்லூரியின் 2024/2026 கல்வியாண்டு இரண்டாம் வருட ஆசிரிய பயிலுனர்களின் தலைவர்கள் மற்றும் உதவித் தலைவர்கள் (DP & ADP) ஆகியோர் கடந்த இரண்டு ஆண்டுகளாக ஆற்றிய அர்ப்பணிப்புமிக்க தலைமைத்துவச் சேவையைப் பாராட்டி கௌரவிக்கும் நிகழ்வு, இன்றைய (17) தினம் கல்லூரியில் சிறப்பாக நடைபெற்றது.

இந்நிகழ்வில் பிரதம அதிதியாக கல்லூரியின் பீடாதிபதி எம். சி. ஜூனைட் கலந்து கொண்டு, மாணவர் தலைவர்கள் மற்றும் உதவித் தலைவர்களுக்கு நினைவுப் பரிசுகளை வழங்கி கௌரவித்தார்.

மேலும், கல்லூரியின் உப பீடாதிபதிகளான எம்.டி. முஸம்மில், ஏ.ஜீ. அஹமட் நழீர், ஏ.எஸ்.எம். சதாத், நிருவாகத்திற்கான இணைப்பாளர் ஏ.எம். நியாஸ், சிரேஷ்ட விரிவுரையாளர்கள், விரிவுரையாளர்கள் மற்றும் ஆசிரிய பயிலுனர்கள் உள்ளிட்ட பலரும் இந்நிகழ்வில் கலந்து கொண்டு கௌரவிக்கப்பட்ட மாணவர் தலைவர்களுக்கு தமது பாராட்டுகளையும் வாழ்த்துகளையும் தெரிவித்தனர்.

இரண்டு ஆண்டுகள் கல்லூரியின் கல்வி, ஒழுக்கம் மற்றும் மாணவர் நலச் செயற்பாடுகளில் பொறுப்புணர்வுடனும் அர்ப்பணிப்புடனும் தலைமைத்துவப் பணியாற்றிய மாணவர் தலைவர்களின் சேவையைப் பாராட்டும் நோக்கில் இந்நிகழ்வு ஏற்பாடு செய்யப்பட்டிருந்தமை குறிப்பிடத்தக்கது.

21ஆம் நூற்றாண்டின் இஸ்லாமிய அறிஞர்கள் நூல் வெளியீட்டு விழா சிறப்பாக நடைபெற்றதுஅட்டாளைச்சேனை தேசிய கல்வியியற் கல்லூரியின்...
17/07/2026

21ஆம் நூற்றாண்டின் இஸ்லாமிய அறிஞர்கள் நூல் வெளியீட்டு விழா சிறப்பாக நடைபெற்றது

அட்டாளைச்சேனை தேசிய கல்வியியற் கல்லூரியின் இஸ்லாம் பாடநெறிப் பிரிவின் கல்விசார் முயற்சியாக உருவாக்கப்பட்ட “21ஆம் நூற்றாண்டின் இஸ்லாமிய அறிஞர்கள்” எனும் நூலின் வெளியீட்டு விழா, இன்றைய (17) தினம் இஸ்லாம் பாடநெறிப் பொறுப்பு விரிவுரையாளரான அஷ்ஷெய்க் A.L. நாஸிர் கனி அவர்களின் தலைமையில் கல்லூரி வளாகத்தில் சிறப்பாக நடைபெற்றது.

இந்நிகழ்வில் கல்லூரியின் பீடாதிபதி எம்.சி. ஜூனைட் அவர்கள் பிரதம அதிதியாகக் கலந்துகொண்டு நூலை உத்தியோகபூர்வமாக வெளியிட்டு, அதன் முதல் பிரதியைப் பெற்றுக்கொண்டார்.

அட்டாளைச்சேனை தேசிய கல்வியியற் கல்லூரியின் 2024–2026 இஸ்லாம் பாடநெறி ஆசிரியர் பயிலுனர்களின் ஆய்வுப் பங்களிப்பாக வெளிவந்துள்ள இந்நூல், இஸ்லாம் பாடநெறிப் பொறுப்பு விரிவுரையாளரான அஷ்ஷெய்க் A.L. நாஸிர் கனி அவர்களின் வழிகாட்டல், ஆலோசனை மற்றும் நெறிப்படுத்தலின் கீழ் உருவாக்கப்பட்டுள்ளது.

மொத்தம் 253 பக்கங்களைக் கொண்ட இந்நூலில், 18 தலைப்புகளின் கீழ் 40 முக்கிய இஸ்லாமிய அறிஞர்களின் வாழ்க்கை வரலாறு, கல்விப் பணி, சிந்தனைகள் மற்றும் சமகாலப் பங்களிப்புகள் ஆய்வுப்பூர்வமாக தொகுக்கப்பட்டுள்ளன. இந்நூல், இஸ்லாமிய அறிவியல் துறையில் பயிலும் மாணவர்கள், ஆசிரியர்கள், ஆய்வாளர்கள் மற்றும் ஆர்வலர்களுக்கு பயனுள்ள ஓர் அறிவுக் களஞ்சியமாக அமையும் என எதிர்பார்க்கப்படுகிறது.

மேலும், இந்நூல் வெளியீடு ஆசிரியர் பயிலுனர்களின் ஆய்வுத் திறன், எழுத்தாற்றல் மற்றும் கல்விசார் ஈடுபாட்டை வெளிப்படுத்தும் சிறந்த முயற்சியாக அமைந்ததுடன், அட்டாளைச்சேனை தேசிய கல்வியியற் கல்லூரியின் கல்வி வரலாற்றில் குறிப்பிடத்தக்க மைல்கல்லாகவும் அமைந்துள்ளது.

இந்நிகழ்வில் விசேட அதிதிகளாக உப பீடாதிபதிகளான ஏ.ஜி. அஹமட் நளீர் மற்றும் எம்.டி. முசம்மில் ஆகியோர் கலந்துகொண்டதுடன், விரிவுரை இணைப்பாளர்கள், பீடத்தலைவர்கள், சிரேஷ்ட விரிவுரையாளர்கள், விரிவுரையாளர்கள் மற்றும் ஆசிரியர் பயிலுனர்கள் உள்ளிட்ட பலரும் பங்கேற்று நிகழ்வை சிறப்பித்தனர்.

“அறிவைத் தேடுவது ஒரு கடமை; அந்த அறிவை நூலாக்குவது ஒரு நிலையான சேவை” என்ற உயரிய சிந்தனையை பிரதிபலிக்கும் இந்நூல், எதிர்கால ஆசிரியர்களின் கல்வி, ஆய்வு மற்றும் அறிவியல் பங்களிப்பிற்கான சிறந்த எடுத்துக்காட்டாகப் பாராட்டப்பட்டது.

ஆரம்பப்பிரிவு 'A' பிரிவின் தலைவரும் சிரேஷ்ட விரிவுரையாளருமான ஏ. தஸ்லீன் அவர்களின் ஏற்பாட்டில் இரண்டாம் வருட ஆரம்பப்பிரி...
17/07/2026

ஆரம்பப்பிரிவு 'A' பிரிவின் தலைவரும் சிரேஷ்ட விரிவுரையாளருமான ஏ. தஸ்லீன் அவர்களின் ஏற்பாட்டில் இரண்டாம் வருட ஆரம்பப்பிரிவு 'A' வகுப்பு ஆசிரிய பயிலுனர்களினால் அவசர மருத்துவத் தேவைக்காகப் பயன்படுத்தக்கூடிய நெபுலைசர் (Nebuliser) கருவி கல்லூரியின் பீடாதிபதி எம்.சி.ஜூனைட் அவர்களிடம் இன்றைய (17) தினம் கையளிக்கப்பட்டது.

இந்நிகழ்வின் போது கல்லூரியின் உப பீடாதிபதிகளான எம்.டி. முஸம்மில், ஏ.ஜீ. அஹமட் நழீர், ஏ.எஸ்.எம். சதாத் மற்றும் நிருவாகத்திற்கான இணைப்பாளர் ஏ.எம். நியாஸ் ஆகியோரும் கலந்து கொண்டனர்.

அட்டாளைச்சேனை தேசிய கல்வியியற் கல்லூரியில் விசேட தேவை கல்வி ஆய்வுக்கூடம் திறப்புஅட்டாளைச்சேனை தேசிய கல்வியியற் கல்லூரியி...
17/07/2026

அட்டாளைச்சேனை தேசிய கல்வியியற் கல்லூரியில் விசேட தேவை கல்வி ஆய்வுக்கூடம் திறப்பு

அட்டாளைச்சேனை தேசிய கல்வியியற் கல்லூரியின் விசேட கல்விப் பிரிவின் பொறுப்பு விரிவுரையாளர் அபூபக்கர் நளீம் அவர்களின் ஏற்பாட்டில், விசேட தேவை கல்விக்கான நவீன ஆய்வுக்கூடம் இன்றைய (17) தினம் திறந்து வைக்கப்பட்டது.

இந்நிகழ்வில் பிரதம அதிதியாக கலந்து கொண்ட கல்லூரியின் பீடாதிபதி எம். சி. ஜூனைட் அவர்கள், ஆய்வுக்கூடத்தை உத்தியோகபூர்வமாக திறந்து வைத்து, விசேட தேவை கொண்ட கற்றலாளர்களுக்கான தரமான கல்வியை மேம்படுத்துவதில் இவ்வாய்வுக்கூடம் முக்கிய பங்காற்றும் எனத் தெரிவித்தார்.

இந்நிகழ்வில் விசேட அதிதிகளாக உப பீடாதிபதிகளான ஏ. ஜி. அஹமட் நளீர் மற்றும் எம். டி. முசம்மில் ஆகியோர் கலந்து கொண்டு தங்களது வாழ்த்துரைகளை வழங்கினர்.

மேலும், விரிவுரை இணைப்பாளர்கள், பீடத்தலைவர்கள், சிரேஷ்ட விரிவுரையாளர்கள், விரிவுரையாளர்கள் உள்ளிட்ட பலரும் கலந்துகொண்டு நிகழ்வை சிறப்பித்தனர்.

விசேட தேவை கல்விக்கான கற்பித்தல் மற்றும் பயிற்சி நடவடிக்கைகளை மேலும் வலுப்படுத்தும் நோக்கில் அமைக்கப்பட்டுள்ள இவ்வாய்வுக்கூடம், ஆசிரியர் பயிலுநர்களின் நடைமுறைத் திறன்களை மேம்படுத்துவதற்கும், உள்ளடக்கிய கல்வியை (Inclusive Education) சிறப்பாக நடைமுறைப்படுத்துவதற்கும் பெரும் பங்களிப்பை வழங்கும் என நிகழ்வில் கருத்து தெரிவிக்கப்பட்டது.

அட்டாளைச்சேனை தேசிய கல்விக் கல்லூரியின் இரண்டாம் வருட ஆசிரியப் பயிலுனர்களுக்கு நியமனக் கடிதங்கள் வழங்கப்பட்டனஅட்டாளைச்சே...
16/07/2026

அட்டாளைச்சேனை தேசிய கல்விக் கல்லூரியின் இரண்டாம் வருட ஆசிரியப் பயிலுனர்களுக்கு நியமனக் கடிதங்கள் வழங்கப்பட்டன

அட்டாளைச்சேனை தேசிய கல்விக் கல்லூரியின் இரண்டாம் வருட ஆசிரியப் பயிலுனர்கள், தங்களது இரண்டு வருட கல்லூரிப் பயிற்சி நெறியை வெற்றிகரமாக நிறைவு செய்ததையடுத்து, மேலதிகமாக ஒரு வருட கட்டுறுப் பயிற்சிக்காக பாடசாலைகளில் இணைக்கப்படுவதற்கான நியமனக் கடிதங்கள் வழங்கும் நிகழ்வு இன்று (16) கல்லூரி வளாகத்தில் சிறப்பாக நடைபெற்றது.

தொடருறு கல்விக்குப் பொறுப்பான உப பீடாதிபதி ஏ.எஸ்.எம். சதாத் அவர்களின் தலைமையில் நடைபெற்ற இந்நிகழ்வில், கல்லூரியின் பீடாதிபதி எம்.சி. ஜூனைட் அவர்கள் பிரதம அதிதியாகக் கலந்து கொண்டு, ஆசிரியப் பயிலுனர்களுக்கு நியமனக் கடிதங்களை வழங்கி வைத்து வாழ்த்துரையாற்றினார்.

அவர் தனது உரையில், எதிர்கால ஆசிரியர்களாகப் பொறுப்பேற்கவுள்ள பயிலுனர்கள், தங்களது அறிவு, திறன், ஒழுக்கம் மற்றும் தொழில்முறைப் பண்புகளைப் பயன்படுத்தி மாணவர்களின் கல்வி முன்னேற்றத்திற்கும் நாட்டின் கல்வி வளர்ச்சிக்கும் அர்ப்பணிப்புடன் சேவையாற்ற வேண்டும் என வலியுறுத்தினார்.

இந்நிகழ்வில் கல்லூரியின் சிரேஷ்ட விரிவுரையாளர்களும் கலந்து கொண்டு ஆசிரியப் பயிலுனர்களுக்கு நியமனக் கடிதங்களை வழங்கி, அவர்களின் எதிர்கால ஆசிரியப் பணிக்காக வாழ்த்துக்களையும் நல்வாழ்த்துகளையும் தெரிவித்தனர்.

நுவரெலியா – ஹக்கல தாவரவியல் பூங்கா பார்வையிடுதல்இயற்கை எழில் கொஞ்சும் நுவரெலியாவில் அமைந்துள்ள ஹக்கல தாவரவியல் பூங்கா இன...
15/07/2026

நுவரெலியா – ஹக்கல தாவரவியல் பூங்கா பார்வையிடுதல்

இயற்கை எழில் கொஞ்சும் நுவரெலியாவில் அமைந்துள்ள ஹக்கல தாவரவியல் பூங்கா இன்று பார்வையிடப்பட்டது. இலங்கையின் புகழ்பெற்ற தாவரவியல் பூங்காக்களில் ஒன்றான இப்பூங்கா, பல்வேறு அரிய வகை மலர்கள், அலங்காரச் செடிகள், உயரமான மரங்கள் மற்றும் பசுமை நிறைந்த இயற்கைச் சூழலால் அனைவரையும் கவர்ந்தது.

குளிர்ச்சியான காலநிலையுடன் அமைந்த இப்பூங்காவின் அமைதியான சூழல், இயற்கையை நேசிப்போருக்கு மறக்க முடியாத அனுபவத்தை வழங்கியது. பல்வேறு தாவர இனங்கள் குறித்தும் அறிந்து கொண்டனர்.

இதனை இன்றைய (15) தினம் பார்வையிட்டனர்

Address

Addalachenai
32350

Opening Hours

Monday 09:00 - 17:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

+94672278882

Website

Alerts

Be the first to know and let us send you an email when Addalaichenai National College Of Education posts news and promotions. Your email address will not be used for any other purpose, and you can unsubscribe at any time.

Contact The University

Send a message to Addalaichenai National College Of Education:

Shortcuts

Share

Category