Students' Union Faculty of Applied Sciences - SUSL

20/09/2026

ප්‍රධාන වශයෙන් ශ්‍රී ලංකා සබරගමුව විශ්වවිද්‍යාලය තුළ හා ව්‍යවහාරික විද්‍යා පීඨය තුළ පැවති, අදාළ අංශ දැනුවත් කළ ද මේ දක්වා නිසි විසඳුම් නොලැබුනු අධ්‍යයන හා සුබසාධන ගැටලු මූලික කර ගනිමින් ව්‍යවහාරික විද්‍යා පීඨ ශිෂ්‍ය සංගමය මඟින් සංවිධානය කරන ලද භූමි ක්‍රියාමාර්ගය 2026.09.17 වන දින ප.ව.12.00 ට බැලුම්ගල අසළ සිට විශ්වවිද්‍යාලයීය ප්‍රධාන පිවිසුම දක්වා සිදු කරන ලදී.

ශ්‍රී ලංකා සබරගමුව විශ්වවිද්‍යාලයීය උපකුලපතිතුමන් සමඟ නැවත කඩිනම් සාකච්ඡාවක් සඳහා ලිපියක් ද පීඨ ගැටලු වාර්තාව සමඟ ශ්‍රී ලංකා සබරගමුව විශ්වවිද්‍යාලයීය මහා ශිෂ්‍ය සංගමය මඟින් ගොනු කරන ලද සමස්ත පීඨයන්ගේ ගැටලු වාර්තාවක් ඊයේ දිනයේ දී උපකුලපතිතුමන් වෙත ලබා දෙන ලදී. අදාළ විසඳුම් ප්‍රමාණය ලැබෙන තෙක් ව්‍යවහාරික විද්‍යා පීඨ ශිෂ්‍ය ප්‍රජාව වශයෙන් මින් ඔබ්බට ඉදිරි ක්‍රියාමාර්ග ලබා ගන්නෙමු.

පීඨ බේදයකින් තොරව එකාවන් මහපොළවේ අරගලයට සම්බන්ධ සියලු ශිෂ්‍ය ප්‍රජාවටත්, ඉදිරි අරගලයටත් ජය වේවා🚩

ව්‍යවහාරික විද්‍යා පීඨ ශිෂ්‍ය සංගමය -
ශ්‍රී ලංකා සබරගමුව විශ්වවිද්‍යාලය

18/09/2026

🏋️‍♂️🥉 Heartiest Congratulations from the Students’ Union of the Faculty of Applied Sciences!

We are immensely proud to congratulate Nipun Shehara Dissanayake, on winning the Bronze Medal for Sri Lanka at the World University Weightlifting Championships 2026 held in Doha, Qatar. 🥉🏆

Securing 3rd Place in the Men’s 65 kg Category with an outstanding total lift of 220 kg (100 kg + 120 kg) is a remarkable achievement.

Your strength, dedication, discipline, and determination have brought great pride to Sri Lanka and Sabaragamuwa University of Sri Lanka. 🇱🇰💪

Congratulations,We are proud of you and wish you many more victories in the future!

Students’ Union of the Faculty of Applied Sciences - Sabaragamuwa University of Sri Lanka

18/09/2026

සංවේගයෙන් දැනුම්දීමයි...!

ව්‍යවහාරික විද්‍යා පීඨයේ 16/17 කණ්ඩායමේ ඉගෙනුම ලැබූ ඔමේෂ් දිසානායක (කොපා) සහෝදරයාගේ පියාණන්ගේ හදිසි අභාවය පිළිබඳව අපගේ බලවත් සංවේගය !

ව්‍යවහාරික විද්‍යා පීඨ ශිෂ්‍ය සංගමය -
ශ්‍රී ලංකා සබරගමුව විශ්වවිද්‍යාලය

17/09/2026

16/09/2026

🚩පාලකයිනි,

⭕️සිසුන් මත බෝඩිං ගාස්තු පටවනු එපා, සියලු සිසුන් සඳහා නේවාසිකාගාර පහසුකම් වහා ලබාදෙනු!

⭕️සිසුන්ට - ආචාර්යවරුන්ට අවශ්‍ය විද්‍යාගාර උපකරණ හා රසායනික ද්‍රව්‍ය හිඟය වහා පියවනු!

⭕️ක්‍රීඩා සඳහා ප්‍රමාණවත් තරම් ප්‍රතිපාදන වෙන් කරනු!
ක්‍රීඩා පිටි නඩත්තු ක්‍රමවත් කරනු!
සියලු ක්‍රීඩා ගැටලු වහා විසඳනු!

⭕️පරිපාලනයේ අත්තනෝමතික බලපෑම් හකුලා ගනු! ශිෂ්‍ය නිදහස වහා තහවුරු කරනු!

⭕️දේශනාගාර හා විද්‍යාගාර තුළ ඉඩ ප්‍රමාණවත් නෑ, ඉදිකර වසර 4ක් ඉක්මවූ දෙවන කොටසේ පළමු අදියර වැඩ අවසන් කරනු!

⭕️සිසුන්ට අධ්‍යයන කටයුතු සඳහා අවශ්‍ය student mail හා LMS වැනි අත්‍යවශ්‍ය පහසුකම් වහා ලබාදෙනු!

⭕️පුස්තකාල, ආපනශාලා හා ප්‍රධාන ශ්‍රවණාගාර පහසුකම් නෑ, දෙවන අදියර දෙවන කොටසේ ඉදිකිරීම් කටයුතු වහා ආරම්භ කරනු!

⭕️ප්‍රමාද කළ විභාග ප්‍රතිඵල වහා ලබාදෙනු!

⭕️ප්‍රමාද කරන ලද මහපොළ හා ශිෂ්‍යාධාර වාරික වහා ලබාදෙනු!

⭕️යෝජිත ක්‍රීඩා පීඨය වහා ලබාදෙනු!

⭕️පීඨයේ මානව සම්පත් හිඟයට කඩිනම් විසඳුම් ලබාදෙනු!

⭕️පීඨයේ නඩත්තු කටයුතු වහා විධිමත් කරනු!

විරෝධතා ක්‍රියාමාර්ගය

📆2026.09.17(හෙට) දින
🕛 දහවල් 12.30 ට
📌බැලුම්ගල සිට විශ්වවිද්‍යාලයීය ප්‍රධාන පිවිසුම දක්වා

ව්‍යවහාරික විද්‍යා පීඨ ශිෂ්‍ය සංගමය -
ශ්‍රී ලංකා සබරගමුව විශ්වවිද්‍යාලය

16/09/2026

⭕️පාලකයිනි, ක්‍රීඩා සඳහා ප්‍රමාණවත් තරම් ප්‍රතිපාදන වෙන් කරනු! ක්‍රීඩා පිටි නඩත්තු කරනු! සියලු ක්‍රීඩා ගැටලු වහා විසඳනු!

පරිපූර්ණ විශ්වවිද්‍යාල ශිෂ්‍යයෙකු නිර්මාණය කිරීමට අධ්‍යයන කටයුතු මෙන්ම ක්‍රීඩාව ද අත්‍යවශ්‍ය සාධකයකි. එමෙන්ම ව්‍යවහාරික විද්‍යා පීඨයේ ක්‍රීඩා විද්‍යාව හා ශාරීරික අධ්‍යාපන අධ්‍යයනාංශයේ අධ්‍යයන කටයුතු සඳහා ක්‍රීඩා පහසුකම් නිසි ප්‍රමිතියෙන් පැවතිය යුතුය. නමුත් අවශ්‍ය පරිදි ප්‍රතිපාදන නොලැබීමත්, පවතින ක්‍රීඩා පිටි හා උපකරණ නඩත්තු නොකිරීමත්, ක්‍රීඩා භාණ්ඩ වල හිඟ වීම යන ගැටලු නිසා මූලිකවම ව්‍යවහාරික විද්‍යා පීඨයේ ක්‍රීඩාවල නිරතවන ශිෂ්‍ය ශිෂ්‍යයාවන් දැඩි දුෂ්කරතාවලට මුහුණ දෙන අතර අබාධ හා අනතුරු වලට ලක්වීම සිදුවෙයි. පවතින අඩු පහසුකම් යටතේ වුව ද අප විශ්වවිද්‍යාලයීය ශිෂ්‍ය ශිෂ්‍යාවන් ජාතික හා ජාත්‍යන්තර මට්ටමේ ජයග්‍රහණ රැසක් හිමි කරගෙන ඇති අතර ඉදිරි තරඟාවලි සඳහා නිරන්තර පුහුණුවීම් සිදු කරයි. ශිෂ්‍යයන්ගේ ක්‍රීඩා කෞශල්‍යයන් විනාශ වීමට නොදී, ක්‍රීඩා සඳහා අවශ්‍ය ප්‍රතිපාදන වෙන් කර සියලු ගැටලුවලට වහා විසඳුම් ලබාදෙනු!

ව්‍යවහාරික විද්‍යා පීඨ ශිෂ්‍ය සංගමය -
ශ්‍රී ලංකා සබරගමුව විශ්වවිද්‍යාලය

15/09/2026

උදුලෝල තරු කැල්මන්
ඇස් අගිස්සක දඟ කරන
මනලෝල පෙම් ඇල්මන්
හද කිනිත්තක මඟ බලන
සප්ත ස්වර තනු ගෙත්තම්
වයලීන තත් සනසා සෙමින
නූපුරයක මාත්‍රා කස්තිරම්
සැඳෑ කල රඟපා තුටින...

ආශ්වාස 2026

✍🏻 ව්‍යවහාරික විද්‍යා පීඨ ශිෂ්‍ය සංගමය - ශ්‍රී ලංකා සබරගමුව විශ්වවිද්‍යාලය

🖇️Full Album👇🏻
https://www.facebook.com/share/1BwRNPUbAz/?mibextid=wwXIfr

15/09/2026

⭕️පාලකයිනි, දේශනාගාර හා විද්‍යාගාර තුළ ඉඩ ප්‍රමාණවත් නෑ, ඉදිකර වසර 4ක් ඉක්මවූ දෙවන කොටසේ පළමු අදියර වැඩ අවසන් කරනු!

පීඨයේ ශිෂ්‍ය සංඛ්‍යාව ඉහළ යෑමට සාපේක්ෂව දේශනාගාර සංඛ්‍යාව ප්‍රමාණවත් නොවීම, පවතින දේශනාගාර හා විද්‍යාගාර තුළ ඉඩකඩ ප්‍රමාණවත් නොවීම ආදී ගැටලු හේතුවෙන් සිසුන් දෛනිකව දැඩි අපහසුතාවයට පත්ව සිටී. වසර 4ක් තිස්සේ මන්දගාමීව ඇදී යන දෙවන කොටසේ පළමු අදියරේ ඉදිකිරීම් කටයුතු කඩිනමින් අවසන් කර, අවශ්‍ය ගෘහ භාණ්ඩ හා අනෙකුත් පහසුකම් සපයා දී සිසුන්ගේ අධ්‍යයන කටයුතු නිසි ලෙස පවත්වාගෙන යාමට අවශ්‍ය භෞතික පහසුකම් වහා සලසා දෙනු!

ව්‍යවහාරික විද්‍යා පීඨ ශිෂ්‍ය සංගමය -
ශ්‍රී ලංකා සබරගමුව විශ්වවිද්‍යාලය