27/08/2026
සදහම් සිසිල ගලා හැලෙන පින්බර නිකිණි පොහෝ දිනයක් වේවා ☸️🌹🌼🙏
නිකිණි පුන් පෝ දිනය ශ්‍රී ලාංකේය බෞද්ධ ජනතාවට මෙන්ම සම්බුද්ධ ශාසන ඉතිහාසයට ද ඉතා වැදගත් සිදුවීම් රැසක් සලකුණු කරන පූජනීය දිනයකි.
☸️ පළමු ධර්ම සංගායනාවේ ආරම්භය
බුදුරජාණන් වහන්සේගේ පරිනිර්වාණයෙන් පසු ධර්ම ශාසනයේ චිරස්ථිතිය උදෙසා මහා කාශ්‍යප මහරහතන් වහන්සේගේ මූලිකත්වයෙන් පැවැත්වුණු ප්‍රථම ධර්ම සංගායනාවේ මූලික කටයුතු ඇසළ මාසයේදී රජගහනුවර වෙහෙර විහාර අලුත්වැඩියා කරමින් ආරම්භ වූ අතර, සංගායනාව නිල වශයෙන් ආරම්භ වූයේ නිකිණි අවපෑළවිය දා ය.
☸️ ආනන්ද හිමියන්ගේ අරහත් ඵලය
සංගීතියට පෙරදින (නිකිණි පුන් පෝදා) රාත්‍රිය වන තෙක්ම වීර්ය කළද ආනන්ද හිමියන්ට රහත් වීමට නොහැකි විය. අලුයම මද විවේකයක් පිණිස යහන මත හිස තබන මොහොතේ — එනම් පාද දෙක පොළොවෙන් මිදී, හිස කොට්ටයට නොපැමිණි අතරමැදි මොහොතේදී — උන්වහන්සේ උතුම් අරහත් භාවයට පත් වූහ. මෙය ශාසන ඉතිහාසයේ සතර ඉරියව්වෙන්ම තොරව සිදුවූ එකම අරහත් ඵල ලැබීමයි.
☸️ පසුවස් එළඹීම (පච්ඡිමිකා වස්සූපනායිකාව)
ඇසළ පෝයට පසු දින (ඇසළ අවපෑළවිය) පෙරවස් එළඹීමට යම් රෝගයක් හෝ නොවැළැක්විය හැකි හේතුවක් නිසා නොහැකි වූ භික්ෂූන් වහන්සේලාට, බුදුරජාණන් වහන්සේගේ අනුමැතිය පරිදි නිකිණි පෝයට පසු දින (නිකිණි අවපෑළවිය) "පසුවස්" එළඹීමේ අවස්ථාව හිමිවේ.
☸️ මිහින්තලේ අටසැට ලෙන් පූජාව
ශ්‍රී ලංකාවේ ප්‍රථම වස්සූපගමනය සිදු වූයේ මිහිඳු මාහිමියන් ඇතුළු 62ක් රහතන් වහන්සේලා මිහින්තලයේ (චේතියගිරිය) අටසැට (68) ලෙන් හි වස් විසීමෙනි. එම සිදුවීම ශ්‍රී ලංකාවේ ගිහි-පැවිදි සබඳතාවයේ අලුත් පිටුවක් පෙරළීය.
සියලු ලෝවාසී බෞද්ධ ජනතාවට පින්බර නිකිණි පුන් පෝ දිනයක් වේවා! 🕊️
බෞද්ධ ශිෂ්‍ය සංගමය
කොළඹ විශ්වවිද්‍යාලය
