VTA

19/10/2026

ශ්‍රී ලංකා වෘත්තීය පුහුණු අධිකාරියේ මොනරාගල දිස්ත්‍රික් සහතික ප්‍රදානෝත්සවය 2026

ශ්‍රී ලංකා වෘත්තීය පුහුණු අධිකාරියේ මොනරාගල දිස්ත්‍රික් සහතික ප්‍රදානෝත්සවය 2026 ඔක්තෝබර් මස 16 වන දින අභිමානවත් අයුරින් පැවැත්විණි.

මෙම උත්සවයේ ප්‍රධාන ආරාධිත අමුත්තා ලෙස ශ්‍රී ලංකා වෘත්තීය පුහුණු අධිකාරියේ සභාපතිතුමා සහභාගී වූ අතර, මොනරාගල අතිරේක දිස්ත්‍රික් ලේකම්තුමා ඇතුළු සම්භාවනීය ආරාධිතයෝ රැසක් ද සහභාගී වූහ.

වෘත්තීය පුහුණු අධිකාරියේ වෘත්තීය මාර්ගෝපදේශන හා රැකියා ස්ථාපන අධ්‍යක්ෂ, පුහුණු අධ්‍යක්ෂ, සැලසුම් හා පර්යේෂණ අධ්‍යක්ෂ, පරීක්ෂණ හා ඇගයීම් අධ්‍යක්ෂ ඇතුළු නිලධාරීන් මෙන්ම දිස්ත්‍රික්කයේ රාජ්‍ය ආයතන නියෝජනය කරන ප්‍රධානීහු ද මෙම අවස්ථාවට එක්වූහ.

වෘත්තීය පුහුණු පාඨමාලා සාර්ථකව අවසන් කර ජාතික වෘත්තීය සුදුසුකම් (NVQ) ලබාගත් පුහුණුලාභීන් ඇගයීම මෙහි ප්‍රධාන අරමුණ විය. ඒ අනුව, NVQ 4 වන මට්ටමේ සහතිකලාභීන් 227 දෙනෙකුට සහතික පිරිනැමීමට කටයුතු කෙරිණි.

ශ්‍රී ලංකා වෘත්තීය පුහුණු අධිකාරිය
වෘත්තීය පුහුණුවේ ජාතික සන්නාමය

fans

15/10/2026

14/10/2026

https://youtu.be/FHkw9uDT4Fc?si=rbfHNXRjwYK641Ql

Watch Charana TV Live on PEO TV & PEO Mobile App | Channel No.05 &...

13/10/2026

වෘත්තීය පුහුණු අධිකාරියේ වැඩසටහන් නිලධාරීන් සඳහා දෙදින ධාරිතා සංවර්ධන වැඩමුළුවක් සාර්ථකව පැවැත්වේ

ශ්‍රී ලංකා වෘත්තීය පුහුණු අධිකාරියේ වැඩසටහන් නිලධාරීන්ගේ වෘත්තීය දැනුම, කුසලතා සහ කාර්යසාධනය ඉහළ නැංවීමේ අරමුණින් සංවිධානය කරන ලද දෙදින ධාරිතා සංවර්ධන වැඩමුළුව 2026 ඔක්තෝබර් 12 සහ 13 යන දෙදින ඔරගොඩවත්ත k - tec ජාතික වෘත්තීය පුහුණු මධ්‍යස්ථානයේදී සාර්ථකව පැවැත්විණි.

වෘත්තීය පුහුණු අධිකාරියේ ගරු සභාපතිතුමාගේ සහ අධ්‍යක්ෂ ජනරාල්තුමාගේ ප්‍රධානත්වයෙන් පැවැති මෙම වැඩමුළුව සඳහා ප්‍රවීණ සම්පත් දායකයන්ගේ දායකත්වය ද හිමි විය.

වැඩසටහන් නිලධාරීන්ගේ දෛනික රාජකාරි වඩාත් පහසු, කාර්යක්ෂම හා ඵලදායී ලෙස ඉටු කිරීමට අවශ්‍ය ප්‍රායෝගික දැනුම සහ කුසලතා වර්ධනය කිරීම කෙරෙහි මෙහිදී විශේෂ අවධානය යොමු කෙරිණි.

ඒ අනුව, රාජකාරි කටයුතු සඳහා මනෝවිද්‍යාත්මක ප්‍රවේශයන් භාවිත කිරීම, සමාජ මාධ්‍ය කාර්යක්ෂමව හා වගකීමෙන් යුතුව භාවිත කිරීම, ප්‍රසම්පාදන කටයුතු සහ නිලධාරීන් දෛනික රාජකාරි ඉටු කිරීමේදී මුහුණ දෙන විවිධ ගැටලු හා අභියෝග පිළිබඳව මෙහිදී සාකච්ඡා කෙරිණි.

එමෙන්ම, ප්‍රායෝගික ගැටලු හඳුනාගනිමින් ඒවාට සුදුසු විසඳුම් සෙවීම, රාජකාරි ක්‍රියාවලීන් වඩාත් විධිමත් කිරීම සහ නිලධාරීන් අතර දැනුම හා අත්දැකීම් හුවමාරු කරගැනීම සඳහා ද මෙම වැඩමුළුව තුළින් අවස්ථාව සැලසිණි.

වෘත්තීය පුහුණු අධිකාරියේ ආයතනික කාර්යක්ෂමතාව ඉහළ නැංවීමත්, වඩාත් ගුණාත්මක හා ඵලදායී රාජ්‍ය සේවාවක් සැපයීම සඳහා අවශ්‍ය මානව සම්පත් ධාරිතාව ශක්තිමත් කිරීමත් වෙනුවෙන් මෙම දෙදින ධාරිතා සංවර්ධන වැඩමුළුව වැදගත් පියවරක් විය. මෙම වැඩමුළුව සඳහා අනුග්‍රාහකත්වය DVV International ආයතනය විසින් ලබා දෙන ලදී. එම සහයෝගය වැඩසටහන සාර්ථකව ක්‍රියාත්මක කිරීම සඳහා වැදගත් දායකත්වයක් විය.

11/10/2026

🌾 කෘෂිකර්මාන්තයේ අනාගතය ගොඩනඟන වෘත්තීය පුහුණුවක් සමඟින් ඔබත් ඉදිරියට යන්න! 🌱🚜

කෘෂිකර්මාන්ත ක්ෂේත්‍රයේ දැනුම හා ප්‍රායෝගික කුසලතා වර්ධනය කරගනිමින් ඔබේ වෘත්තීය අනාගතය සාර්ථක කරගැනීමට මෙන්න වටිනා අවස්ථාවක්!

🌾 ක්ෂේත්‍ර සහායක (කෘෂිකර්ම) – Field Assistant (Agriculture)

✅ NVQ මට්ටම: 4
⏳ පාඨමාලා කාලය: මාස 06යි

කෘෂිකර්මාන්ත ක්ෂේත්‍රයට කැමැත්තක් දක්වන ඔබට, නිවැරදි වෘත්තීය පුහුණුවක් සමඟින් තම දැනුම හා කුසලතා වර්ධනය කරගැනීමට වෘත්තීය පුහුණු අධිකාරිය සමඟ එක්විය හැකියි. 🌱

📞 වැඩි විස්තර සඳහා අදම අමතන්න!

☎️ 011 7277888 / 011 7270270
📱 WhatsApp: 070 676 7696
🌐 www.vtasl.gov.lk

ශ්‍රී ලංකා වෘත්තීය පුහුණු අධිකාරිය (VTA)
වෘත්තීය පුහුණුවේ ජාතික සන්නාමය 🇱🇰

🌱 අද ඉගෙන ගන්න. හෙට කෘෂිකර්මාන්තයේ අනාගතය ගොඩනඟන්න!

#වෘත්තීයපුහුණුව #කෘෂිකර්මාන්තය #ක්ෂේත්‍රසහායක

11/10/2026

Certificate Awarding Ceremony
MONARAGALA DISTRICT

10/10/2026

Certificate Awarding Ceremony
GAMPAHA DISTRICT
fans

08/10/2026

වෙනස් වෙමු – වෙනස් කරමු – පූර්ණත්වයට පත් සුපිළිපන් රාජ්‍ය සේවයක්”

ක්ලීන් ශ්‍රී ලංකා ජාතික ව්‍යාපෘතිය රාජ්‍ය ආයතන තුළ ආයතනීකරණය කිරීමේ උපායමාර්ගික පුහුණු වැඩසටහන

ශ්‍රී ලංකා වෘත්තීය පුහුණු අධිකාරියේ නිලධාරීන්ගේ සුපිළිපන් වෘත්තීය හැසිරීම, මහජන සේවා වගකීම, ආයතනික ආචාරධර්ම සහ ධනාත්මක ආකල්පමය පරිවර්තනය තවදුරටත් ශක්තිමත් කිරීමේ අරමුණින් විශේෂ එක්දින උපායමාර්ගික පුහුණු වැඩසටහනක් 2026 සැප්තැම්බර් 30 වන දින ඔරුගොඩවත්ත K-Tech ආයතනයේදී පැවැත්විණි.

මෙම වැඩසටහන “ක්ලීන් ශ්‍රී ලංකා” ජාතික ව්‍යාපෘතිය රාජ්‍ය ආයතන තුළ ආයතනීකරණය කිරීම සඳහා ක්‍රියාත්මක කරන වැඩසටහන් මාලාවේ කොටසක් වන අතර, රාජ්‍ය සේවයේ සුපිළිපන්භාවය (Integrity) සහ වගකීම් සහගත සේවා සංස්කෘතියක් ගොඩනැගීම කෙරෙහි විශේෂ අවධානය යොමු කරන ලදී.
පෙ.ව. 9.00 සිට ප.ව. 4.00 දක්වා පැවති මෙම එක්දින පුහුණු වැඩසටහන සඳහා සම්පත්දායකත්වය ක්ලීන් ශ්‍රී ලංකා ලේකම් කාර්යාලය විසින් සපයන ලදී.
වෙනස ආරම්භ වන්නේ අපෙන්මයි.
වෙනස් වෙමු – වෙනස් කරමු – පූර්ණත්වයට පත් සුපිළිපන් රාජ්‍ය සේවයක් ගොඩනගමු! 🇱🇰

#සුපිළිපන්රාජ්‍යසේවය #ක්ලීන්ශ්‍රීලංකා #වෙනස්වෙමු #වෙනස්කරමු