KM/AL-ASHRAQ M.M.V. (NATIONAL SCHOOL), NINTAVUR

02/05/2026

*நிந்தவூர் கோட்டமட்ட பாடசாலைகளுக்கிடையிலான மெய்வல்லுனர் போட்டியில் தொடரும் அல் அஷ்றக்கின் சாதனைகள்
********************************

சென்ற வாரம் நடைபெற்ற நிந்தவூர் கோட்டமட்ட பாடசாலைகளுக்கிடையிலான 2026ம் ஆண்டுக்கான மெய்வல்லுனர் போட்டிகளில் எமது நிந்தவூர் அல் அஷ்றக் தேசிய பாடசாலைக்கே அதிக வெற்றிகள் அவ்வகையில்

*தங்கம் --45
வெள்ளி--25
வெண்கலம்--15*

பதக்கங்ளைப் பெற்று
கோட்ட மட்டத்தில் சாதனை படைத்துள்ளது.மேலும் *Overall Relay Champion* ஆகவும் சாதனைபடைத்துள்ளது

இதன் மூலம் தொடர்ந்து நிந்தவூர் கோட்டத்தில் எமது பாடசாலை சம்பியன் பட்டத்தை தக்கவைத்துக் கொண்டுள்ளது

அல்ஹம்துலில்லாஹ்

வெற்றி பெற்ற வீரர்களை வாழ்த்துவதோடு இவை அனைத்துக்கும் சிறந்த வழிகாட்டல்கள், ஆலோசனைகளை வழங்கிவரும்
எமது பாடசாலை முதல்வர் A.Abdul Gafoor sir (SLPS -1) அவர்களுக்கும்,
மாணவர்களை பயிற்றுவித்து வழிப்படுத்திய பொறுப்பாசிரியர்களான
MI.Mohamed Azmy
MSM.Safeer
MMM.Hazik ஆகியோருக்கும்
மற்றும் எனைய உடற்கல்வி ஆசிரியர்களான
MAM.Hijas Anver
MM.Thanseep
மற்றும்
விளையாட்டு பயிற்றுவிப்பாளர்
IMS.Infath Moulana
ஆகியோருக்கும் இணைப்பாடவிதானத்துக்கு பொறுப்பான உதவி அதிபர்
MMM.Uwais அவர்களுக்கும் எனைய பிரதி, உதவி அதிபர்களுக்கும் மாணவர்களின் பெற்றோருக்கும் எமது அஷ்றக் சமூகம் நன்றிகளையும் பாராட்டுக்களையும் தெரிவித்துக் கொள்கின்றது.

30/04/2026

*2026 வர்த்தகப் பிரிவு மாணவர்களுக்கான கணக்கீடு பாட கருத்தரங்கு*

இம்முறை உயர்தர பரீட்சை எழுதவுள்ள 2026 Batch மாணவர்களின் பெறுபேற்றை waitஅதிகரிக்கும் முகமாக கடந்த வருடங்களை போன்று இம்முறை *Katheeja Foundation* அனுசரணை கீழ் இன்று கணக்கீட்டு பாட கருத்தரங்கு கல்முனை மாநகர சபை கணக்காளர் M. Manazir Sir மூலமாக எமது பாடசாலையில் இடம்பெற்றது. இதற்கான ஒத்துழைப்பு வழங்கிய எமது பாடசாலையின் அபிவிருத்தி சங்கத்தின் நிறைவேற்றுகுழு உறுப்பினரும் Kateeja Foundation ஸ்தாபஹருமான M.H.M. Muzamil sir அவர்களுக்கு நன்றி தெரிவிப்பதுடன் இதற்கு ஒத்துழைப்பு வழங்கிய அனைவருக்கும் நன்றி.

பகுதித் தலைவர்
கலை வர்த்தக பிரிவு

06/04/2026

04/04/2026

நிந்தவூர் அல் அஷ்றக் தேசிய பாடசாலை 16 வயது கரப்பந்தாட்ட (VOLLEYBALL) அணி சம்பியனாகி மாகாணமட்ட போட்டிக்கு தெரிவு.
*********************************
இன்று (2026.04.04) அல் அஷ்றக் தேசிய பாடசாலை மைதானதில் நடைபெற்ற கல்முனை கல்வி வலய பாடசாலைகளுக்கு இடையிலான கரப்பந்தாட்ட போட்டியில் 16 வயது ஆண்கள் பிரிவினர் கல்முனை உவெஸ்லி கல்லூரியை இறுதிப்போட்டியில் எதிர்கொண்டு இவ்வருடத்திற்கான சம்பியன் (Champion) பட்டத்தை சுவீகரித்து மீண்டும் மாகாண மட்டத்தில் நடைபெற இருக்கும் போட்டியில் கலந்து கொள்ள தெரிவாகியுள்ளது
அல்ஹம்துலில்லாஹ்

வெற்றி பெற்ற வீரர்களுக்கு வாழ்த்துக்களையும் பாராட்டுக்களையும் தெரிவிப்பதோடு இதற்காக எமக்கு ஆலோசனை வழிகாட்டலை வழங்கிய
எமது கல்லூரி முதல்வர் A.Abdul Gafoor sir (SLPS 1) அவர்களுக்கும்
இம் மாணவர்களை வழிகாட்டிய எமது பாடசாலை கரப்பந்தாட்ட பொறுப்பாசிரியர் MI.Mohamed Azmy,
ஏனைய உடற்கல்வி ஆசிரியர்களான

MSM.Safeer
MAM.Hijas Anver
TM.Thanzeep
MMM.Hazik

இணைப்பாடவிதானத்துக்கு பொறுப்பான உதவி அதிபர் MMM.Uvais ஏனைய பிரதி உதவி அதிபர்கள், ஆசிரியர்கள், பாடசாலை அபிவிருத்திச் சங்கம், மற்றும் வீரர்களின் பெற்றோர்கள் ஆகியோருக்கும் அஷ்ரக்கியன் சமூகம் நன்றிகளை தெரிவித்துக் கொள்கின்றது.

03/04/2026

KM /KM/AL ASHRAQ MMV.
Zonal LEVEL CHAMPION ஆக
வெற்றி வாகை* சூடியது

இன்று நடைபெற்ற 20 வயதுக்குட்பட்ட வலய மட்ட எல்லே போட்டியில் எமது பாடசாலை அணியினர் வலய மட்ட சாம்பியனாக தெரிவுசெய்யப்பட்டுள்ளனர்
அல்ஹம்துலில்லாஹ்

போட்டியில் வெற்றி பெற்ற மாணவர்களுக்கும் மாணவர்களுக்கு பயிற்சி வழங்கி வழிகாட்டிய Coach Mr.Infath Moulana அவர்களுக்கும் மாணவர்களை போட்டிக்கு அழைத்துச் சென்ற ஆசிரியர்களான MSM.Safeer,Mr.ALM.Harith அவர்களுக்கும் வாழ்த்துக்களை தெரிவித்து தெரிவித்து கொள்கிறேன் .

அதிபர்

11/03/2026

38 வருடங்கள் கல்விப் புலத்தில் பணியாற்றி இன்றுடன் அரச சேவையிலிருந்து ஓய்வு பெற்றுச் செல்லும் என்றும் எமது அன்புக்குரிய
ஹில்மி சேர்
*******************************
எமது நிந்தவூர் அல் அஷ்றக் தேசிய பாடசாலையில் அர்ப்பணிப்புடன் ஆசிரியர், அதிபர் பணியாற்றிய A.Mohamed Hilmy அவர்கள் 38 வருட அரச சேவையின் பின்னர் இன்று 2026 பங்குனி மாதம் 11ம் திகதி புதன்கிழமையுடன் தமது அரச சேவையை பூர்த்தி செய்து ஓய்வு பெற்றுச் செல்லவுள்ளார்

நிந்தவூரின் புகழ்பூத்த, பிரபல்யமான, ஒழுக்க விழுமியங்களை தன்னகத்தே கொண்ட பாவா மாஸ்டர் குடும்பத்தில் ஓய்வு பெற்ற அதிபர் ஆதம்பாவா மற்றும் உம்மு சக்கினா ஆகியோருக்கு 6வது பிள்ளையாக
2 சகோதரர்களுடனும் 3 சகோதரிகளுடனும் பிறந்த இவர் தமது ஆரம்பகல்வி தொடக்கம் உயர்தர விஞ்ஞான கல்வி வரை எமது அல் அஷ்றக் தேசிய பாடசாலையிலேயே கற்று பல்கலைகழகத்தில் விவசாய விஞ்ஞான பீடத்திற்கு தெரிவு செய்யப்பட்டவராவார் பாடசாலைக் காலத்தில் கல்வி, விளையாட்டு என்பவற்றில் சிறந்து விளங்கிய இவர் பாடசாலையிலுள்ள பல கழகங்களிலும் இணைந்து செயற்பட்டதோடு இறுதி இரண்டு வருடங்கள் எமது பாடசாலையில் Senior Prefect ஆகவும் கடமையாற்றியுள்ளார்

இவர் 1988ம் ஆண்டு ஆசிரியர் போட்டி பரீட்சைக்கு தோற்றி தெரிவாகி ஆசிரியராக முதல் நியமனம் பெற்று எமது பாடசாலையிலேயே தமது கல்விப் பணியை ஆரம்பித்து ஆசிரியர் பணியாற்றியதோடு அதிபர் போட்டி பரீட்சைக்கு தோற்றி தெரிவாகி 2012இல் அதிபர் சேவையில் இணைந்து கொண்டார்

அதிபர் சேவை தரம் 1 ஐச் சேர்ந்த கல்விமாணி பட்டதாரியான இவர் தமது 38 வருட சேவைக்லத்தில் எமது பாடசாலையில் ஆசிரியராக 24 வருடங்களும் உதவி அதிபராக, பிரதி அதிபராக 07 வருடங்களுமாக மொத்தம் 31 வருடங்களும்
நிந்தவூர் அல் மதீனா மகா வித்தியாலயத்தில் பிரதி அதிபராக, அதிபராக மொத்தம்
07 வருடங்களுமாக சேவையாற்றி ஆசிரியர் சேவையில் 24 வருடங்களையும் அதிபர் சேவையில் 14 வருடங்களையும் பூர்த்தி செய்து மொத்தம்
38 வருடங்கள் கல்வி புலத்தில் சேவையாற்றியுள்ளார்

எமது பாசாலையில் விஞ்ஞான பாட ஆசிரியராக இருந்து எமதூரின் அனேக மாணவர்களின் விஞ்ஞான கல்விக்கு வித்திட்ட ஹில்மி சேர் தொடர்ந்து உதவி அதிபராக, நிர்வாகத்துக்கு பொறுப்பான பிரதி அதிபராக கடமையாற்றி பாடவிதானைத்திலும் இணைப்பாடவிதானத்திலும் மாணவர்கள் சாதனை படைக்க தனது முழுப் பங்களிப்பையும் வழங்கியதோடு நிர்வாகத்துக்கு பொறுப்பான பிரதி அதிபராக இருந்த காலத்தில் பாடசாலையின் நிர்வாக கட்டமைப்பை ஓர் ஒழுங்குபடுத்தப்பட்ட கட்டமைப்பாக மாற்றி அதை சிறப்பாக செயற்படுத்திய ஒருவராவர்

அதிபருக்கு மிகவும் நம்பிக்கைக்குரியவராக இருந்து அவருடன் நெருக்கமான உறவை பேணி ஆசிரியர்கள் ஏனைய ஆளணியினர்களின் மனங்களை அன்பால் வென்று பாடசாலையின் வளர்ச்சிக்காக ஆர்பணிப்புடன் செயற்பட்ட அந்த
நல்லுள்ளம் ஓய்வுபெற்றுச் செல்வது எமது பாடசாலைக்கு ஈடு செய்யப்பட முடியாத ஓர் பாரிய இழப்பாகும்

ஹில்மி சேர் ஓய்வு பெற்றுச் செல்லும் 11.03.2026 இன்றைய நாள் புனித நோன்பு காலமாக இருந்ததனால் அவருக்கான சேவை நலன் பாராட்டு வைபவம் சென்ற 11.02.2026 அன்று புதன்கிழமை எமது கல்லூரி முதல்வர் Mr.A.Abdul Gafoor sir அவர்களின் தலைமையில் காசிமி கேட்போர் கூடத்தில் ASWA நலன் புரி அமைப்பினால் ஏற்பாடு செய்யப்பட்டு மிகச் சிறப்பாக நடைபெற்றது

இந் நிகழ்வில் தமது குடும்ப சகிதம் கலந்து கொண்ட ஹில்மி சேர் எமது பாடசாலை பேன்ட் வாத்திய குழுவினரால் பாடசாலை முன்றலிலிருந்து காசிமி கேட்போர் கூடத்திற்கு ஊர்வலமாக அழைத்து வரப்பட்டு வாழ்த்துரைகள் வழங்கப்பட்டு வாழ்த்துபா வாசிக்கப்பட்டு பொன்னாடைகள் போர்த்தப்பட்டு பரிசில்கள் வழங்கப்பட்டதோடு நினைவுச் சின்னமும் பொற்கிளியும் வழங்கப்பட்டு கௌரவிக்கப்பட்டதுடன் மதிய போச நிகழ்வும் ஒழுங்கு செய்யப்பட்டிருந்தது

இவரது ஓய்வு நிலையை கௌரவிக்கும் வண்ணம் ASWA நலன்புரி அமைப்பு ஒழுங்கு செய்த வைபம் தவிர பாடசாலையில் நிர்வாக பிரிவு, பெண்கள் பிரிவு, உயர்தர விஞ்ஞான பிரிவு, உயர்தர கலை வர்த்தக பிரிவு, உயர்தர தொழிநுட்ப பிரிவு, சாதாரண தர பிரிவு, முகாமைத்துவ குழு, கல்விசாரா ஆளணியினர் குழு என பல்வேறு தரத்தினராலும் பாடசாலை இறுதி வாரம் முழுவதும் இவருக்கான பலதரப்பட்ட பிரியாவிடை வைபவங்கள் நடைபெற்றிருந்தன

மிகவும் அமைதியான சுபாவம் கொண்ட நிர்வாக திறன் மிக்க
ஹில்மி சேர் ஆசிரியராக, அதிபராக தமது பணியை திருப்திகரமாக நிறைவேற்றிய ஒருவராவார் என்பதில் எந்தவித ஐயமுமில்லை

இன்றுடன் ஓய்வு பெற்றுச் செல்லவுள்ள ஹில்மி சேரை வாழ்த்தி பாராட்டி வழியனுப்புவதில் அஷ்றக் சமூகம் பெரு மகிழ்வடைகிது

அல்லாஹ் அவர்களின் இத்தூய பணிகளை பொருந்திக் கொள்வானாக
ஆமீன்

ஹில்மி சேரின் ஓய்வு காலம் சிறப்பானதாகவும், அமைதியானதாகவும், இறைவனின் பொருத்தம் பெற்றதாகவும் அமைவதுடன் சிறந்த தேகாரோக்கியத்துடனும் வாழ அல்லாஹ்வைப் பிரார்த்திக்கின்றோம்

10/03/2026

எமது நிந்தவூர் அல் அஷ்றக் தேசிய பாடசாலை கபடி அணிகள் தேசிய மட்ட கபடிப் போட்டிகளில் மீண்டும் வரலாற்றுச் சாதனை
*******************************
கல்வி அமைச்சுடன் இணைந்து இலங்கை பாடசாலை கபடி சங்கம் நடத்திய 2025 ஆம் ஆண்டுக்குரிய தேசிய மட்ட கபடி போட்டிகள் Gampola Velamboda
Exilion Indoor Sports stadium இல் 2026/03/07,08,09, ஆம் திகதிகளில் நடைபெற்றன
இப் போட்டிகளில் எமது நிந்தவூர் அல்-அஷ்ரக் தேசிய பாடசாலையின் 14, 16, 18 ஆகிய வயது பிரிவு கபடி அணிகள் பங்கு கொண்டு
மூன்று அணிகளுமே வெற்றிவாகை சூடி பாடசாலைக்கு தேசிய ரீதியில் பெருமை தேடித்தந்துள்ளன

அல்ஹம்துலில்லாஹ்

இதில்
Under-18 அணியினர் Gold Medal பெற்றதோடு,
Under-14 அணியினர் Silver Madal உம்
Under -16 அணியினர் Bronze medal உம் பெற்று வரலாற்று சாதனை படைத்துள்ளனர்

வெற்றி பெற்ற வீரர்களை வாழ்த்துவதோடு இதற்கான வழிகாட்டல் ஆலோசனைகளை வழங்கிய எமது கல்லூரி முதல்வர் A.Abdul Gafoor sir அவர்களுக்கும் இக் கபடி அணிகளை பயிற்றுவித்து அழைத்துச் சென்று வெற்றி வாகை சூடுவதற்கு வழிப்படுத்திய உடற்கல்வி ஆசிரியரும் தேசிய கபடி பயிற்றுவிப்பாளரும் கபடி நடுவருமான S.Mohamed Ismath sir அவர்களுக்கும் எமது பாடசாலை முன்னாள் கபடி வீரர் KM.Nafrees அவர்களுக்கும் இவர்களுடன் இணைந்து வீரர்களைப் பயிற்றுவித்த எமது பாடசாலையின் சிரேஷ்ட கபடி வீரர்கள், மதினா விளையாட்டு கழகத்தின் சிரேஷ்ட கபடி வீரர்கள்
ஆகியோர்களுக்கும் எமது பாடசாலை கபடி பொறுப்பாசிரியர் MIM.Azmy sir அவர்களுக்கும்
பிரதி உதவி அதிபர்கள்
மற்றும் வீரர்களின் பெற்றோர்கள் ஆகியோர்களுக்கும் அஷ்ரக்கியன் சமூகம் மகிழ்ச்சியுடன் நன்றிகளை தெரிவித்துக் கொள்கின்றது

09/03/2026

எமது நிந்தவூர் அல் அஷ்றக் தேசிய பாடசாலை ஆசிரியை Ms.S.Ajeefa சிறந்த சுற்றாடல் கழக பொறுப்பாசிரியராக தெரிவு செய்யப்பட்டு கௌரவிக்கப்பட்டார்
*******************************
எமது பாடசாலையின் ஆங்கில பாட ஆசிரியையும் சுற்றாடல் கழக பொறுப்பாசிரியையுமான Ms.S Ajeefa அவர்கள்
எம்பிலிப்பிட்டியவில் March 05,06,07 ஆம் திகதிகளில் நடைபெற்ற மூன்றுநாள் வதிவிட பயிற்சியின் போது மத்திய சுற்றாடல் அதிகார சபையினால் 2021 - 2025 ஆம் ஆண்டுகளில் சுற்றாடல் கழக செயற்பாடுகளில் மேற்கொண்ட சேவைகளை பாராட்டி தேசிய ரீதியில் ரீதியில் சிறந்த சுற்றாடல் கழக பொறுப்பாசிரியராக BEST PERFORMANCE TEACHER'S சான்றிதழ் வழங்கப்பட்டு
பாராட்டிக் கௌரவிக்கப்பட்டார்

இவருக்கு எமது பாடசாலை முதல்வர் ஏ.அப்துல் கபூர் சேரும் அவருடன் இணைந்த அஷ்றக் சமூகமும் வாழ்த்துக்களையும் பாராட்டுக்களையும் தெரிவித்துக்கொள்கின்றது

09/03/2026

எமது நிந்தவூர் அல் அஷ்றக் தேசிய பாடசாலை மாணவன் Mas.S.Affly Humaid தேசிய மட்ட ஒலிம்பியாட் போட்டிக்கு தெரிவு
*******************************
2026 ம் ஆண்டுக்கான மாகாண மட்ட கணித ஒலிம்பியாட் போட்டி 07.03.2026 சனிக்கிழமை திருகோணமலை சென் மேரீஸ் கல்லூரியில் நடைபெற்றது
இப் போட்டியில் பிரிவு III இல் (தரம் 9,10,11) எமது பாடசாலை மாணவன் S.Affly Humaid பங்கு கொண்டு தேசிய மட்டப் போட்டிக்கு தெரிவு செய்யப்பட்டுள்ளார்
அல்ஹம்துலில்லாஹ்

வெற்றி பெற்ற மாணவரை வாழ்த்துவதோடு அவரின் பெற்றோர்களுக்கும் மாணவர்களை பயிற்றுவித்த எமது பாசாலை கணித பாட இணைப்பாளர் Mr.MI.Nawas அவர்களுக்கும் அவர்களோடு இணைந்து செயலாற்றிய கணித பாட ஆசிரியர்களான
Mrs.SM.Sajitha Banu
Mrs. KL.Faisa
Mr. A.Wahesan
Mr. IL.Isthikar
ஆகிய கணித பாட ஆசிரியர்களுக்கும் இவர்களை ஒருங்கிணைப்பு செய்த இணைப்பாடவிதானத்திற்கு பொறுப்பா உதவி அதிபர் MMM.Uvais அவர்களுக்கும் பாடசாலை சமூகம் சார்பாக வாழ்த்துக்களையும் நன்றிகளையும் தெரிவித்து கொள்கிறேன்

ஏ.அப்துல் கபூர்
அதிபர்

09/03/2026

எமது நிந்தவூர் அல்- அஸ்றக் தேசிய பாடசாலை மாணவர்கள்
அறிவுச் சுரங்கம் பொது அறிவுப் போட்டியில் அகில இலங்கை ரீதியில் மூன்றாம் இடத்தினைப் பெற்று வெற்றி பெற்றுள்ளனர்

அல்ஹம்துலில்லாஹ்

இலங்கை ஒலிபரப்புக் கூட்டு தாபனத்தின் முஸ்லிம் சேவை பிரிவு COLOMBO COMMODITIES நிறுவனத்தின் அனுசரணையில் தேசிய ரீதியாக நடாத்திய அறிவு சுரங்கம் பொது அறிவு போட்டி கொழும்பு அல் ஹிதாயா கல்லூரியில் 07.03.2026
சனிக்கிழமை நடைபெற்றது

இப் போட்டி நிகழ்ச்சியில் முஹம்மட் அஜ்மல் ஹானீப் அவர்களின் தலைமையில் முஹம்மட் நவாஸ்அமாஸிர்
அப்துல்லா முஹம்மட் நௌஷாத்
ஆஸில் அஹமட் ஷௌக்கி
ஆகிய மாணவர்கள் கலந்து கொண்டு வெற்றி பெற்று எமது பாடசாலைக்கு பெருமை ஈட்டித் தந்துள்ளனர்

மேற்படி தேசிய நிலைப்போட்டியில் வெற்றி பெற்ற எமது மாணவர்கள் ஒவ்வொருவருக்கும் தலா 25 ஆயிரம் ரூபாய் பணப்பரிசு, பரிசுப்பொதி, பதக்கம், மற்றும்
சான்றிதழ் என்பவற்றினை COLOMBO COMMODITIES நிறுவனத்தினர் வழங்கி கௌரவித்தனர்

வெற்றி பெற்ற மாணவர்களை பாராட்டி வாழ்த்துவதோடு இதற்கான வழிகாட்டல் ஆலோசனையை வழங்கிய எமது கல்லூரி முதல்வர் ஏ. அப்துல் கபூர் சேர் அவர்களுக்கும் இம் மாணவர்களை வெற்றிக்காக வழிப்படுத்திய ஆசிரியர் யூசூப் எம் அஷ்றப் அவர்களுக்கும் மாணவர்களின் பெற்றோருக்கும் எமது அஷ்றக் சமூகம் நன்றிகளையும் வாழ்த்துக்களையும் தெரிவித்துக் கொள்கின்றது

09/03/2026

Inter House Sports Festival 2026

Carrom
போட்டி இறுதி முடிவுகள்

Under -17 Boys
Champion
Thariq
Runner Up
Kalthoon
2nd Runner Up
Arabi

Under -17 Girls
Champion
Kalthoon
Runner Up
Arabi
2nd Runner Up
Zuhur

Under -20 Boys
Champion
Arabi
Runner Up
Kalthoon
2nd Runner Up
Thariq

Under -20 Girls
Champion
Zuhur
Runner Up
Thariq
2nd Runner Up
Kalthoon