Kyaw Htike Oo

04/08/2021

အချစ်

ချစ်တယ်...
ဆိုတဲ့စကားလုံးတွေက
အသက်မပါတော့ဘူးဆိုပြီး
သံသယတွေနဲ့ စိတ်အထင်ကို
အဟုတ်တကယ်လို့
မထင်လိုက်ပါနဲ့
တကယ်တော့
ငါတို့အတွက် ဒီထက်ပိုပြီး နက်နဲတဲ့ခံစားချက် အဓိပ္ပါယ်တွေကို ဖေါ်ပြဖို့
ချစ်တယ်ဆိုတဲ့ စကားလုံးက မပြည့်မစုံနဲ့
ရင်ထဲကခံစားချက်တွေအတိုင်း
ထပ်တူကျအောင်ဖော်ပြဖို့
ကမ္ဘာကြီးမှာ
လုံလောက်တဲ့ စကားလုံးတွေ မရှိတော့လို့ပါ
မိန်းမရယ်...😘😘😘...

04/08/2021

ဖောင်ဖျက်တဲ့ခရီး

ချစ်ရတဲ့
အချစ်တွေရဲ့နောက်ဆုံး နှစ်လုံးသားအစုံကို သိမ်းကျုံးဆုပ်ကိုင် အပိုင်နှင်းအပ် အချစ်တို့ရဲ့အရပ် အချစ်‌ အပေါ်အချစ်ထပ်၍ ချစ်ရပါသော ချစ်ခြင်းတို့ရဲ့အဆုံး အချစ်ဆုံးတို့ (ဇနီးနဲ့သမီး)။
ကိုယ်တို့ရဲ့ဘ၀ခရီးအတွက်
အကောင်းတကာ့ အကောင်းဆုံးမဖြစ်ခဲ့‌ရင်တောင် ကိုယ်စိတ်ကူးနဲ့ပြင်ဆင်တည်‌‌ ဆောက်ခဲ့ရတဲ့ အနာဂါတ် မိသားစုဘ၀‌ လေးတစ်ခုက လှပနေလေရဲ့၊ မင်းအတွက် တစ်သက်တာ စိတ်ချမ်းသာမှုတွေ ပေးနိုင်လိမ့်မယ်လို့ ယုံကြည်မှုအပြည့်နဲ့လည်း ကိုယ်ဘ၀ထဲ မင်းကိုဆွဲခေါ်ဖို့ ကိုယ်ဘာကိုမှ မစိုးရွံ့ခဲမိဘူး အဲ့ဒီအချိန်က ကိုယ့်အတွက် ရဲဝံ့ပေးခဲ့တဲ့ သိပ်ချစ်ရတဲ့မင်းရဲ့လက်အစုံကိုလည်း ကျေးဇူးတင်တယ်။ မင်းနဲ့အတူ ကိုယ့်အိပ်မက်‌ တွေအကောင်အထည်ဖေါ်ခွင့်ရတော့မယ်ဆိုတဲ့အသိနဲ့ အပျော်ကြီးလည်းပျော်ခဲ့ရဖူးတယ် ။ ဒါပေမယ့် ကံတရားက ကိုယ်တို့အတွက် မျှတမှုမပေးခဲ့ဘူး။ တစ်လတစ်လနဲ့ ကိုယ့်အိပ်မက်တွေ ပျက်ယွင်းစပြုလာတော့ မင်းအတွက်ပျော်ရွင်မှုဆိုတာ ဒီနေရာမှာမရှိ တော့ဘူးဆိုတာ ကိုယ်မသိခဲ့ဘူ။ ကိုယ့်အိပ်မက်တွေ တကယ်ပျောက်မသွားဖို့ ကိုယ် ပိုပိုလို့ကြိုးစားခဲ့ပေမယ့် ဘယ်လောက်ပဲတည်‌ တည်ဆောက်တည်ဆောက်အစကတည်းက လုံလောက်မှုမရှိခဲ့ကြတဲ့ ယုံကြည်မှုတွေက ပျောက်ရှဆဲ ပျောက်ကျမြဲနဲ့ နောက်ဆုံး မျှော်လင့်ချက်တွေ အကုန်လည်းပျက်သုဉ်းလို့သွားခဲ့တယ်။
ဒီလိုနဲ့ ဘ၀ရဲ့တစ်ဆစ်ချိုးအစမှာ
တစ်ချို့တစ်ချို‌ တွေက ပျက်စီးရာပျက်စီးကြောင်းတွေထဲ တွန်းလိုက်တို့လိုက်နဲ့ ၊ ကိုယ့်ဘ၀တစ်ခုရဲ့တကယ့် ပျက်သုဉ်းခန်း‌‌ကိုမှ လက်ခုပ်တီးချင်နေကြတဲ့ လူတစ်ချို့တွေကြား ကိုယ့်ကိုကိုယ် ထိန်းကျောင်းပြုပြင်ရင်း အထီးကျန်ခြင်းတွေဟာ ပိုပိုပြီးချိုမြိန်လာသလို ထင်ရပေမယ့် အနာကျင်ရဆုံး စိတ်ဒါဏ်ရာတွေက သူစိမ်းတို့ရဲ့အရပ်မှာ ပျော်တတ်သလိုနေဖို့ တွန်းပို့ခဲ့ကြတယ်။
ဒီလိုနဲ့
မတွေးမထင် မမြင်မမှတ်
အကျွမ်းလည်းတ၀င်မအပ်တဲ့ အချစ်ရှိတဲ့အရပ်မှာ
ဇနီးနဲ့ သမီးကလွဲလို့ ဘာဆိုဘာမှမရှိတဲ့ဘဝ
ကကြီးက တစ်ကြော့ပြန်စတော့
ရင်ကော့ပေးယုံကလွဲလို့ဘာတတ်နိုင်အုံးမှာလဲ
ဆင်ကန်းဆို တောကိုတိုးသတဲ့ အနောက်ပြန်လှည့်သွားဖို့ဆိုတာ ခြေတစ်ခြမ်းချစရာတောင် မြေမချန်ခဲ့ဘူး။ နောက်တစ်ဆစ်ချိုး ဘ၀ခရီးအတွက်
ဖေါင်ကြီးလည်းဖျက်ခဲ့ပြီး‌ပြီမို့
မသေမချင်းတိုက်ဖို့ပဲကျန်‌ တော့တယ်။

10/11/2017