19/06/2025
ဘာလဲ လိုသုံးလား🙄
ကမ္ဘောဒီးယား လုပ်သားများ ပြန်သွားလည်း မြန်မာလုပ်သားများ ရှိနေလို့ ပြဿနာ မရှိဘူးလို့ ထိုင်း အလုပ်သမားဝန်ကြီးပြော
ထိုင်း-ကမ္ဘောဒီးယား နယ်စပ်တင်းမာမှုများ မြင့်တက်လာပြီးနောက် ကမ္ဘောဒီးယား အထက်လွှတ်တော်ဥက္ကဋ္ဌ ဟွန်ဆန်က ထိုင်းနိုင်ငံရောက် ကမ္ဘောဒီးယားလုပ်သားများ မိခင်နိုင်ငံသို့ ပြန်လာရန် တိုက်တွန်းခဲ့ပါတယ်။ ထိုင်းအလုပ်သမားဝန်ကြီး ဖိဖတ် ရာ့ချ်ကစ်ပကန် (Phiphat Ratchakitprakarn) က ကမ္ဘောဒီးယားလုပ်သားများ ပြန်သွားခြင်းကြောင့် ထိုင်းနိုင်ငံမှာ အလုပ်သမားပြတ်လပ်မှု ပြဿနာ မရှိနိုင်ကြောင်း ပြောကြားခဲ့ပါတယ်။
ထိုင်းအလုပ်သမားဝန်ကြီးက ထိုင်းနိုင်ငံမှာ မြန်မာ၊ ဘင်္ဂလားဒေ့ရှ်၊ ဗီယက်နမ်၊ အိန္ဒိယ စတဲ့ နိုင်ငံတွေက အလုပ်သမားတွေနဲ့ အစားထိုးနိုင်တယ် လို့ ပြောဆိုခဲ့ပါတယ်။ ထိုင်းမှ ရွှေ့ပြောင်း အလုပ်သမားအများစုဟာ မြန်မာတွေ ဖြစ်တယ်လို့ သိရပါတယ်။ ထိုင်းနိုင်ငံမှာ လက်ရှိ တရားဝင် ကမ္ဘောဒီးယားအလုပ်သမား ၅ သိန်းကျော်ရှိပြီး တရားမဝင်လုပ်သားတွေပါဆိုရင် ၈ သိန်းကျော်လောက် ရှိနိုင်တယ်လို့လည်း ခန့်မှန်းထားပါတယ်။
ဝန်ကြီး ဖိဖတ်က ကမ္ဘောဒီးယားလုပ်သားတွေ နေရပ်ပြန်သွားချင်ရင်လည်း ထိုင်းအစိုးရက တားဆီးမှာ မဟုတ်ဘူးလို့ ပြောကြားခဲ့ပါတယ်။ ဒါပေမဲ့ သူတို့အနေနဲ့ ထိုင်းမှာ အလုပ်လုပ်ပြီး နှစ်စဉ် မိခင်နိုင်ငံကို ဘတ်သန်းပေါင်း ၄၃,၆၀၀ လောက် ပြန်ပို့နေတာကြောင့် ကမ္ဘောဒီးယားအတွက်သာ ပြဿနာရှိနိုင်တယ်လို့လည်း သတင်းထောက်တွေကို ပြောပါတယ်။
ထိုင်းဝန်ကြီးချုပ် ပေတုန်တန် ကလည်း ဇွန်လ ၁၅ ရက်နေ့က ထိုင်းအစိုးရအနေနဲ့ နိုင်ငံခြားရွှေ့ပြောင်းလုပ်သားတွေကို နှင်ထုတ်ဖို့ ပေါ်လစီမရှိဘူးလို့ အတည်ပြု ပြောကြားခဲ့ပါတယ်။ ထိုင်းနိုင်ငံဟာ ဥပဒေနဲ့အညီ အလုပ်လုပ်တဲ့ နိုင်ငံခြားလုပ်သားတွေကို ကောင်းမွန်တဲ့ ဝန်ဆောင်မှုတွေ၊ လူ့အခွင့်အရေးဆိုင်ရာ အကာအကွယ်တွေ ပေးထားတယ်လို့ သူမက ဆိုပါတယ်။ ဒါပေမဲ့ လုပ်သားတွေရဲ့ သက်ဆိုင်ရာနိုင်ငံတွေက ပြန်ခေါ်ပြီး အလုပ်အကိုင်တွေ ပြန်ပေးမယ်ဆိုရင်တော့ အဲဒီလုပ်သားတွေရဲ့ ဆုံးဖြတ်ပိုင်ခွင့် ဖြစ်တယ်လို့လည်း ဖြည့်စွက်ပြောကြားခဲ့ပါတယ်။
Ref : Khaosod
#ဘန်ကောက်လမ်းညွှန်ကိုစိုင်း
