What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

University Of Forestry And Environmental Science Council, Forest Street, Yezin, Naypyidaw (2026)

15/05/2026

အမျိုးသား ညီညွတ်ရေးအစိုးရ၊ သစ်တောနှင့် ပတ်ဝန်းကျင်ဆိုင်ရာ တက္ကသိုလ်မှာ ဒီနေ့ ဝင်ခွင့်စာမေးပွဲဖြေပြီးသွားတဲ့ ကျောင်းသား၊ ကျောင်းသူတွေအနေနဲ့ စာမေးပွဲဖြေဆိုရတဲ့ အတွေ့အကြုံလေးတွေ၊ အကြံဉာဏ်လေးတွေ ကွန်မန့်မှာ မျှဝေပေးသွားကြပါဦး ...။

ဖြေဆိုခဲ့သမျှ အမှတ်ရပြီး တက္ကသိုလ်ဝင်ခွင့် ရရှိကြပါစေ ...။

ကြားကာလတက္ကသိုလ်ကောင်စီ
သစ်တောနှင့် ပတ်ဝန်းကျင်ဆိုင်ရာ တက္ကသိုလ်

14/05/2026

[Kindly reminder]

Entrance exam will be tomorrow❗️❗️❗️

ထပ်မံ အသိပေးနှိုးဆော်ပါရစေ ခင်ဗျာ

ဝင်ခွင့်စာမေးပွဲ က မနက်ဖြန် ဖြေဆိုရမှာ ဖြစ်ပါတယ် ခင်ဗျာ ❗️❗️❗️

13/05/2026

[အရေးကြီးပါသဖြင့် မျှဝေကူညီပေးပါရန် မေတ္တာရပ်ခံအပ်ပါသည်!]

အမျိုးသားညီညွတ်ရေးအစိုးရ၊ သစ်တောနှင့် ပတ်ဝန်းကျင်ဆိုင်ရာတက္ကသိုလ်၏ ၂၀၂၆-ခုနှစ်၊ ဘွဲ့ကြိုပထမနှစ် ဝင်ခွင့်လျှောက်ထားလာသော ကျောင်းသား၊ ကျောင်းသူများအား အသိပေးအကြောင်းကြားခြင်း

※ဝင်ခွင့်အရည်အချင်းစစ်စာမေးပွဲကို English နှင့် အထွေထွေဗဟုသုတ ဘာသာရပ်၂ခုအတွက် ဝင်ရောက်ဖြေဆိုရမည့် လင့်များနှင့်အတူ ဖြေဆိုနည်းလမ်းညွှန်အသေးစိတ်နှင့် ဝင်ရောက်ဖြေဆိုပုံ သရုပ်ပြလမ်းညွှန်များအား လျှောက်ထားစဉ်က ဖော်ပြပါရှိသည့် Email များထံ ပေးပို့ အကြောင်းကြားထားပြီး ဖြစ်ပါသည်။ လက်ခံ ရရှိခြင်း မရှိသေးသည့် ကျောင်းသား၊ ကျောင်းသူများအနေဖြင့် [email protected] သို့လည်းကောင်း page messenger သို့လည်းကောင်း အမြန်ဆုံး ဆက်သွယ်ပေးပါရန် အသိပေးအကြောင်းကြားအပ်ပါသည်။

※ဝင်ခွင့်ဖြေဆိုရမည့်ရက် ၁၅-၅-၂၀၂၆ (တစ်ရက်တည်းသာ)※
※စာဖြေလင့်များကို ၁၅-၅-၂၀၂၆ ရက်နေ့ 00:00 AM မှစတင် ဝင်ရောက်နိုင်မည်ဖြစ်ပြီး ၁၅-၅-၂၀၂၆ ရက်နေ့ 24:00 PM နောက်ပိုင်း ဝင်ရောက်ဖြေဆို၍ ရနိုင်တော့မည် မဟုတ်ပါ။

※မဖြေမီ ကြိုတင်၍ အောက်ဖော်ပြပါ အချက်များနှင့် ပူးတွဲဖော်ပြပါ ပုံများအား သေချာစွာဖတ်ရှုပေးစေလိုပါသည်။

(က) ဖြေဆိုရမည့်ရက်တွင် မိမိအဆင်ပြေမည့်အချိန်တွင် ဖြေဆိုနိုင်သော်လည်း မိမိ၏ Exam ID ဖြင့် တစ်ဘာလျှင် တစ်ကြိမ်သာ ဖြေဆိုနိုင်ပါသည်။ ဂဏန်းတစ်မျိုးတည်းကို English ဘာသာဖြင့် ဖြည့်ပါ။

(ခ) Device တစ်ခုသာ အသုံးပြုနိုင်ပါသည်။

(ဂ) လျှောက်ထားစဉ်က အမည် (English ဘာသာဖြင့်)၊ အီးမေးလ်လိပ်စာများကို မှန်ကန်စွာ ဖြည့်ပေးရပါမည်။

(ဃ) စာဖြေနေစဉ်အခက်အခဲတစ်စုံတရာပေါ်လာပါက UFES ကောင်စီ page ၏ CB မှ တဆင့် ချက်ချင်းဆက်သွယ်ပါ။ https://www.facebook.com/council.ufes/

(င) စာဖြေနေစဉ် ဖြေသည့် နေရာမှ ထသွားခြင်း၊ မျက်နှာလွှဲခြင်းများ မပြုလုပ်ရပါ။

(စ) တစ်ဘာသာကို တထိုင်တည်း ဖြေဆိုရပါမည်။

(ဆ) တစ်ဘာသာပြီးလျင် စိတ်ကြိုက်နားနိုင်ပြီး နောက်တစ်ဘာသာကို ည ၂၄ နာရီ မကျော်မီ ဖြေဆိုရပါမည်။

(ဇ) ဖြေဆိုနေစဉ် ဖြေဆိုသည့်နေရာတွင် တစ်ဦးတည်းသာ ရှိရပါမည်။

(ဈ) အခြားသူ၏ အကူအညီဖြစ်စေ၊ မီးငြမ်းစာအုပ်စာရွက်မျာဖြစ်စေ၊ AI အကူအညီဖြစ်စေ၊ အခြားမည်သည့်အကူအညီဖြစ်စေ အကူအညီရယူဖြေဆိုခြင်း မပြုလုပ်ရပါ။ စီစစ်တွေ့ရှိရပါက အရည်အချင်းးမပြည့်မီကြောင်း သတ်မှတ်ပြီး ဝင်ခွင့်ရရှိမည် မဟုတ်ပါ။

(ည) မသမာသောနည်းလမ်းဖြင့်ဖြေဆိုခြင်း၊ လူအစားထို့ ဖြေဆိုခြင်းများကို နည်းပညာဖြင့် စောင့်ကြည့်နေမည်ဖြစ်ပါသဖြင့် အထူးသတိထားဖြေဆိုကြရန် ကြိုတင် အသိပေးပါသည်။

(ဋ) စာဖြေနေစဉ် ကော်ပီကူးဖြေခြင်း၊ Screen Shot (SS ရိုက်ခြင်းများ) ကို ခွင့်မပြုပါ။

(ဌ) ဖြေဆိုပြီးသော်လည်း သံသယဖြစ်စရာ တစုံတရာ တွေ့ရပါက အကျအဖြစ် သတ်မှတ်ပါမည်။

(ဍ) မဖြေဆိုမီ ယခု အီးမေးလ်းတွင် တွဲပေးထားသော အွန်လိုင်းဖြေဆိုခြင်း နည်းလမ်းကို သေသေချာချာကြိုတင် လေ့လာဖတ်ရှုထားကြရန် ကြိုတင်ပေးပို့ပါသည်။

ဝင်ခွင့်အရည်အချင်းစစ် စာမေးပွဲ အောင်မြင်သူများကို လျှောက်ထားစဉ် ဖြည့်သွင်းထားသော အီးမေးလ်သို့ တစ်ဦးချင်းစီအကြောင်းကြားမည်ဖြစ်ပါသည်။ သစ်တောနှင့်ပတ်ဝန်းကျင်ဆိုင်ရာကြားကာလတက္ကသိုလ်ကောင်စီ၏ page မှလည်း စာဖြေနံပါတ် (Exam ID)များဖြင့် ၂၅-၅-၂၀၂၆ရက်နေ့တွင် အောင်စာရင်းထုတ်ပြန်ပေးသွားပါမည်။

အောင်မြင်စွာ ဖြေဆိုနိုင်ကြပါစေ....

ကြားကာလတက္ကသိုလ်ကောင်စီ
သစ်တောနှင့်ပတ်ဝန်းကျင်ဆိုင်ရာတက္ကသိုလ်၊
အမျိုးသားညီညွတ်ရေးအစိုးရ

10/05/2026

ပထမနှစ် ဝင်ခွင့်လျှောက်လွှာ လက်ခံခြင်းကို ယနေ့ည ၁၂:၀၀ အထိသာ လက်ခံသွားမည် ဖြစ်ပါသည် … အကြောင်းပြန်စာ မရရှိသေးသူများ ဆက်သွယ်ပေးပါရန် မေတ္တာရပ်ခံအပ်ပါတယ် ခင်ဗျာ

09/05/2026

Kindly reminder again!!!

ဝင်ခွင့်လျှောက်လွှာလက်ခံခြင်း Deadline- 10/May/2026

07/05/2026

ဝင်ခွင့်လျှောက်လွှာ ပိတ်ရက်က ဒီလ (၁၀)ရက်နေ့ပါ ခင်ဗျာ

31/03/2026

အမျိုးသားညီညွတ်ရေးအစိုးရ၊ သစ်တောနှင့် ပတ်ဝန်းကျင်ဆိုင်ရာတက္ကသိုလ်မှ ဘွဲ့ကြိုဝင်ခွင့်လျှောက်လွှာများအား မေလ (၁၀)ရက်နေ့အထိ လက်ခံပေးလျှက်ရှိပါတယ်ခင််ဗျာ … ။

ဝင်ခွင့်လျှောက်ထားလိုသူများအနေဖြင့် အမျိုးသားညီညွတ်ရေးအစိုးရကနေထုတ်ပြန်ထားတဲ့ ဝင်ခွင့်လမ်းညွှန်ကို သေချာဖတ်ရှု၊ လိုအပ်သည်များ ပြင်ဆင်ပြီးမှ လျှောက်ထားပေးကြဖို့လည်း မေတ္တာရပ်ခံပါရစေခင်ဗျာ …။

#တော်လှန်ရင်းသင်ယူ
#သင်ယူရင်းတော်လှန်

16/02/2026

UFES အကြောင်း သိကောင်းစရာများကို လက်ရှိတက်ရောက်နေတဲ့ ကျောင်းသားတစ်ယောက်မှ ဖန်တီးပေးထားတာလေးကို မျှဝေပေးလိုက်ပါတယ် ခင်ဗျာ

01/02/2026

အမိန့်ကြော်ငြာစာအမှတ်- ၀၁/၂၀၂၆
၁၃၈၇ ခုနှစ်၊ တပို့တွဲလပြည့်
(၂၀၂၆ခုနှစ်၊ ဖေဖော်ဝါရီလ ၁ ရက်)

အကြမ်းဖက် စစ်အုပ်စုက အာဏာသိမ်းခဲ့သည်မှာ (၅) နှစ် ပြည့်လေပြီ။ ကျွန်ုပ်တို့ သစ်တောနှင့် ပတ်ဝန်းကျင်ဆိုင်တက္ကသိုလ်မှ ကျောင်းသား/သူများ အမိတက္ကသိုလ်ကြီးနှင့် ခွဲခွာခဲ့ရသည်မှာလည်း (၆) နှစ် ပင် ကြာခဲ့လေပြီ။ ၂၀၂၀ ခုနှစ် မတ်လ မှ စ၍ Covid 19 ကပ်ရောဂါကြောင့် ကျောင်းစာသင်ခန်းများ ခေတ္တ ပိတ်ခဲ့ကြသည်။ ယနေ့အထိတိုင် ပြန်မရောက်ဖြစ်လိမ့်မည်ဟု ကျောင်းသား/သူများ တွေးမိခဲ့ကြမည် မဟုတ်ပါ။

အကြမ်းဖက် စစ်အုပ်စုက ဖွင့်လှစ်ထားသော တက္ကသိုလ် စာသင်ခန်းများသို့ ယခုအချိန်အထိ ဝင်ရောက် သင်ကြား/သင်ယူခြင်း မပြုကြဘဲ သပိတ်မှောက်ခဲ့ကြသော ကျောင်းသား၊ ကျောင်းသူများနှင့် ဆရာ၊ ဆရာမများ၊ ဝန်ထမ်းများ အားလုံးသည် သမိုင်းက ပေးသော ကျရာတာဝန်ကို ထမ်းဆောင်ခဲ့ကြခြင်း ဖြစ်ပါသည်။ သို့အတွက်ကြောင့် တစ်ဦးစီတိုင်းအား လေးစားမှတ်တမ်းတင်ရပါသည်။

စစ်အုပ်စု၏ အာဏာသိမ်းကာလ (၅) နှစ်တာ အတွင်း အသက်ပေးလှူ ကျဆုံးခဲ့သော နိုင်ငံ့ အဖိုးတန် သားကောင်းသမီးကောင်းများ၊ အလွန်အမင်း ပျက်စီးယိုယွင်းလာသော တိုင်းပြည်၏ စီးပွားရေး၊ လူမှုရေး၊ ပညာရေး နှင့် ပြည်သူ၊ ပြည်သားတို့၏ ဒီမိုကရေစီအရေးနှင့် လွတ်လပ်မှုတို့သည် ပျက်စီးဆုံးရှုံးနေခဲ့၊ ပျက်စီးဆုံးရှုံးနေဆဲပင် ဖြစ်သည်။ ကျွန်ုပ်တို့ ရည်ရွယ်ရာ ပန်းတိုင်သို့ မရောက်ရှိသေးပေ။ အတူတကွ ဆက်လက် လျှောက်လှမ်းရဦးမည်။ ယခုထက်ပို၍ ခက်ခဲ ကြမ်းတမ်း ဆင်းရဲသော ကာလများလည်း ကြုံရလိမ့်ဦးမည် ဖြစ်သည်။

သို့ဖြစ်၍ တော်လှန်နေခဲ့၊ တော်လှန်နေဆဲဖြစ်သော ဆရာ၊ ဆရာမ၊ ဝန်ထမ်းများ၊ ကျောင်းသား၊ ကျောင်းသူများ အားလုံးလည်း ယခုထက်ပို၍စည်းလုံး ညီညွတ် ရိုင်းပင်းကာ ယခုထက်ပိုသော ကြိုးစား အားထုတ်မှုများဖြင့် ရောက်ရာအရပ်မှ စစ်အာဏာရှင် တော်လှန်ရေးအတွက် ကျရာတာဝန်ကို ထမ်းရွက် နေကြလိမ့်မည်ဟု ယုံကြည်မိပါသည်။ကျနော်တို့ သစ်တောနှင့် ပတ်ဝန်းကျင်ဆိုင်ရာ ကြားကာလ တက္ကသိုလ်ကောင်စီအနေနှင့်လည်း အားလုံးနှင့်အတူ ပန်းတိုင်ရောက်သည်အထိ လက်တွဲကြိုးပမ်း ဆောင်ရွက်သွားမည်ဟု သစ္စာအဓိဋ္ဌာန် ပြုပါသည်။

နွေဦးတော်လှန်ရေးတွင် အဖက်ဖက်မှ ပါဝင်တော်လှန်ကြသော ဆရာ၊ ဆရာမ၊ ဝန်ထမ်းများ၊ ကျောင်းသား၊ ကျောင်းသူများ အားလုံး တော်လှန်ရေးကို ဦးထိပ်တင်ရင်း ကိုယ်စိတ်နှစ်ပါး ကျန်းမာချမ်းသာ ရှိကြပါစေ လို့ ဆုမွန်ကောင်းတောင်းလိုက်ပါသည်။

ကြားကာလတက္ကသိုလ်ကောင်စီ
သစ်တောနှင့်ပတ်ဝန်းကျင်ဆိုင်ရာတက္ကသိုလ်၊ ရေဆင်း

30/01/2026

သစ်တောနှင့် ပတ်ဝန်းကျင်ဆိုင်ရာ တက္ကသိုလ်၊ ကြားကာလတက္ကသိုလ်ကောင်စီမှ တက္ကသိုလ်ဝင်ခွင့်လျှောက်ထားခြင်းအား အမျိုးသားညီညွတ်ရေးအစိုးရ၊ ပညာရေးဝန်းကြီးဌာနမှ ထုတ်ပြန်ကြေညာပေးထားသည့် ဝင်ခွင့်လမ်းညွှန်နှင့်အညီ ၂၀၂၆-ခုနှစ်၊ ဖေဖော်ဝါရီလ (၁) ရက်နေ့မှ စတင်၍ လက်ခံပေးသွားမည်ဖြစ်ပါသည်။

ဝင်ခွင့်လျှောက်ထားလွှာ လက်ခံမည့်ကာလ - ၂၀၂၆-ခုနှစ်၊ ဖေဖော်ဝါရီလ (၁)ရက်နေ့မှ မေလ (၁၀) ရက်နေ့အထိ

ဝင်ခွင့်လျှောက်ထားလွှာ တင်ရမည့် လင့်ခ် - https://ufes.nugmyanmar.org/1styear-entrance-application-form/

သစ်တောနှင့် ပတ်ဝန်းကျင်ဆိုင်ရာ တက္ကသိုလ်သို့ ဝင်ခွင့်လျှောက်ထားလိုသူများအနေဖြင့် ဝင်ခွင့်လမ်းညွန်အား သေချာဖတ်ရှုပြင်ဆင်၍ လျှောက်ထားနိုင်ပါရန် တက္ကသိုလ်ဝင်ခွင့်လမ်းညွှန်အား ထုတ်နှုတ်ဖော်ပြလိုက်ပါသည်။

ကြားကာလတက္ကသိုလ်ကောင်စီ
သစ်တောနှင့် ပတ်ဝန်းကျင်ဆိုင်ရာ တက္ကသိုလ်

30/01/2026

သစ်တောနှင့် ပတ်ဝန်းကျင်ဆိုင်ရာ တက္ကသိုလ်သို့ ဝင်ခွင့်လျှောက်ထားရန် စုံစမ်းမေးမြန်းလာကြသည့် ကျောင်းသား/သူများ အမျိုးသားညီညွတ်ရေးအစိုးရ၊ ပညာရေးဝန်ကြီးဌာနမှ ထုတ်ပြန်ပေးထားသည့် ကြားကာလတက္ကသိုလ်များ၏ ဝင်ခွင့်လမ်းညွှန်ပါ သစ်တောနှင့် ပတ်ဝန်းကျင်ဆိုင်ရာ တက္ကသိုလ် ဝင်ခွင့်လမ်းညွှန် (စာမျက်နှာ ၂၁-မှ ၂၃ အထိ)အား သေချာစွာ ဖတ်ရှုပေးစေလိုပါသည်။

သစ်တောနှင့် ပတ်ဝန်းကျင်ဆိုင်ရာ ကြားကာကတက္ကသိုလ်ကောင်စီမှ စတုတ္ထအကြိမ်မြောက် ဝင်ခွင့်လျှောက်ထားလက်ခံခြင်းများကိုလည်း သီးခြား Post ဖြင့် ကြေညာပေးသွားမည် ဖြစ်ပါသည်။

ကြားကာက တက္ကသိုလ်ကောင်စီ
သစ်တောနှင့် ပတ်ဝန်းကျင်ဆိုင်ရာတက္ကသိုလ်

University Of Forestry And Environmental Science Council

15/05/2026

14/05/2026

13/05/2026

10/05/2026

09/05/2026

07/05/2026

31/03/2026

16/02/2026

01/02/2026

30/01/2026

30/01/2026

Address

Opening Hours

Website

Alerts

Contact The University

Shortcuts

Share

Category

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00