University of Veterinary Science,Yezin, Naypyitaw,Myanmar

10/06/2026

မှတ်တမ်းတင်ဂုဏ်ပြုအပ်ပါသည်။
*******************************
မွေးမြူရေးဆိုင်ရာဆေးတက္ကသိုလ် ကျောင်းဆင်းများဖြစ်သည့် ဒေါက်တာမိုးစည်သူ (1985 Intake) + ဒေါက်တာယိန်းညော် (1986 Intake) မိသားစု(မြစ်ကြီးနားမြို့)က နှစ်(၃၀)ပြည့် မင်္ဂလာအထိမ်းအမှတ်အလှူအဖြစ် မွေးမြူရေးဆိုင်ရာဆေးတက္ကသိုလ် စာသင်ခန်းများနှင့်ရုံးခန်းများတွင် အသုံးပြုနိုင်ရန်အတွက် တစ်ရက်လျှင် ရေဂါလံ (၅၀၀) သန့်စင်ပေးနိုင်သည့် ကျပ် (၁၀၅)သိန်းတန် ရေသန့်စက်ကို (၈-၆-၂၀၂၆) ရက်နေ့တွင် လှူဒါန်းခဲ့ပါသည်။
'1986 Intake ကျောင်းသား ကျောင်းသူဟောင်းများ မှ ရေသန့်စက်ထိန်းသိမ်းစရိတ်အဖြစ် အသုံး ပြုနိုင်ရန် အတွက် ငွေကျပ် (၉)သိန်းတိတိ ပါဝင်လှူဒါန်းခဲ့ပါသည်။
မွေးမြူရေးဆိုင်ရာဆေးတက္ကသိုလ် အနေဖြင့် အလှူရှင်မိသားစုနှင့် 1986 Intake ကျောင်းသား ကျောင်းသူဟောင်းများကို ကျေးဇူးတင်ဝမ်းမြောက်စွာ မှတ်တမ်းတင်အပ်ပါသည်။

03/06/2026

29/04/2026

ဤတက္ကသိုလ်တွင် ၂၀၂၆ ခုနှစ် မတ်လအတွင်း ကျင်းပခဲ့သည့် စတုတ္ထနှစ် (DVM) (Sr.)၊ နောက်ဆုံးနှစ် (BASc) (Sr.)၊ ပဉ္စမနှစ် (DVM) နှင့် နောက်ဆုံးနှစ် (DVM)ဘွဲ့ ကြို သင်တန်းများ ၏ စာမေးပွဲ အောင်စာရင်း ကို ထုတ် ပြန် ကြေညာလိုက်သည်။

08/12/2025

နောက်ဆက်တွဲ အတန်းတင်စာမေးပွဲအောင်စာရင်း ထုတ်ပြန်ကြေညာခြင်း

08/12/2025

(၃၇)ကြိမ်မြောက် ဘွဲ့နှင်းသဘင် အခမ်းအနား

08/12/2025

မွေးမြူရေးဆိုင်ရာ ဆေးတက္ကသိုလ်၏ (၃၇)ကြိမ်မြောက် ဘွဲ့နှင်းသဘင်အခမ်းအနားကို ယနေ့နံနက်ပိုင်းက ရေဆင်းစိုက်ပျိုးရေးတက္ကသိုလ်ဘွဲ့နှင်းသဘင်ခန်းမ၌ အစီအစဉ်နှစ်ရပ်ဖြင့် ကျင်းပရာ ပထမပိုင်း အခမ်းအနားသို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်၊ ဒုတိယဝန်ကြီးများ၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များ၊ ပါမောက္ခချုပ်နှင့် ပါမောက္ခ/ ဌာနမှူးများ၊ ဆရာ ဆရာမများ၊ ဘွဲ့ရမောင်မယ်များနှင့် မိဘဆွေမျိုးများ တက်ရောက်ကြသည်။

ပထမပိုင်း အခမ်းအနားတွင် ပြည်ထောင်စုဝန်ကြီးက ဂုဏ်ပြုအမှာစကား မြွက်ကြားရာတွင် "တိရစ္ဆာန်ဆေးပညာရှင်များနှင့် မွေးမြူရေးပညာရှင် နှစ်မျိုးစလုံးကို အမိတက္ကသိုလ်ကြီးက အတူတကွ မွေးဖွားပေးလိုက်ပြီ ဖြစ်ရာ ပညာရှင်မောင်နှမများ အတူလက်တွဲ ပူးပေါင်းဆောင်ရွက်ကြမှသာ နိုင်ငံတော်၏ စားရေရိက္ခာဖူလုံရေး၊ ပြည်တွင်းထုတ်ကုန်မြင့်မားရေးနှင့်စီးပွားရေး ဖွံ့ဖြိုးတိုးတက်မှုကို အမှန်တကယ်ပြည့်စုံအောင် ဖော်ဆောင်နိုင်မည်ဖြစ်ကြောင်း၊ ပညာရှင်များ၏တန်ဖိုးကို အလေးအနက်ထားသည့် နိုင်ငံတော်အစိုးရအနေဖြင့်လည်း ပညာရှင်များတိုးမြှင့် မွေးထုတ်ပေးနိုင်ရန် စိုက်ပျိုးရေးနှင့်မွေးမြူရေးတက္ကသိုလ်(မအူပင်)ကို ယခုပညာသင်နှစ်ကစတင်ပြီး ဧရာဝတီတိုင်းဒေသကြီး မအူပင်မြို့၌ ဖွင့်လှစ်ပေးခဲ့ပြီးဖြစ်ကြောင်း။

မိမိတို့တက္ကသိုလ်၏ “မွေးမြူဆေးကုတိုင်းပြည်ပြု” ဟူသည့် ဆောင်ပုဒ်နှင့်အညီ မြန်မာနိုင်ငံ၏ သားငါးမွေးမြူထုတ်လုပ်ရေးကဏ္ဍ တိုးတက်စေရန်အတွက် မိမိတို့သင်ယူလေ့လာထားကြသော ပညာဗဟုသုတများ အတွေ့အကြုံများကိုအသုံးချပြီး အများပြည်သူကို စိတ်ချမ်းမြေ့အောင် ဝန်ဆောင်နိုင်စွမ်းသော၊ လူ့အသိုင်းအဝိုင်းအတွက် အကျိုးရှိသော၊ အကျင့်စာရိတ္တအရ ယုံကြည်စိတ်ချရသော၊ သစ္စာနှင့်ကျင့်ဝတ်ရှိသော တာဝန်သိပညာရှင်များဖြစ်အောင် ကြိုးစားကြရန်နှင့် နိုင်ငံတော်၏ စီးပွားရေးဖွံ့ဖြိုးတိုးတက်ရေးအတွက် ပညာရပ်ပိုင်းဆိုင်ရာ အားကိုးအားထားပြုရသူများဖြစ်အောင် ကြိုးစားသွားကြရန် တိုက်တွန်းပါကြောင်း" ပြောကြားခဲ့ပါသည်။

ဆက်လက်၍ ပြည်ထောင်စုဝန်ကြီးသည် မွေးမြူရေးဆိုင်ရာ ဆေးတက္ကသိုလ် ထူးချွန်ဆရာ၊ ဆရာမနှင့် တန်းစဉ်ပေါင်းရမှတ် အများဆုံးဆုရ ကျောင်းသားကျောင်းသူများကို ဂုဏ်ပြုဆုများ ပေးအပ်ချီးမြှင့်ခဲ့ပါသည်။

အခမ်းအနားအစီအစဉ် ဒုတိယပိုင်းတွင်မွေးမြူရေးဆိုင်ရာ ဆေးတက္ကသိုလ်ပညာရေးအဖွဲ့က ကောင်းစွာအောင်မြင် ပေါက်မြောက်ခဲ့ပြီဟု ကြေညာခြင်းခံရသော မွေးမြူရေးပညာဘွဲ့ BASc ဘွဲ့ရမောင်မယ် (၄၉) ဦး၊ တိရစ္ဆာန်ဆေးပညာဘွဲ့ DVM (၅၅) ဦး၊ မွေးမြူရေးမဟာပညာဘွဲ့ MASc (၆) ဦး၊ တိရစ္ဆာန် မဟာဆေးသိပ္ပံဘွဲ့ MVSc (၁၂) ဦး၊ ပါရဂူဘွဲ့ PhD (၃) ဦးနှင့် အဝေးရောက်ဘွဲ့ယူသူ (၁) ဦး စုစုပေါင်း (၁၂၆) ဦးကို မွေးမြူရေးဆိုင်ရာဆေးတက္ကသိုလ် ပါမောက္ခချုပ်က ဘွဲ့များ အပ်နှင်းချီးမြှင့်ခဲ့ပါသည်။

08/12/2025

မွေးမြူရေးဆိုင်ရာဆေးတက္ကသိုလ်၏ (၃၇)ကြိမ်မြောက် ဘွဲ့နှင်းသဘင် (သတင်းစဉ်)