07/07/2026
credit:Kyaw San
🇰🇷⚠️သတင်းကောင်း! "လုပ်ခလစာမရတာ အပါအဝင် လူ့အခွင့်အရေးချိုးဖောက်ခံရတာတွေကို တရားရေးဝန်ကြီးဌာနဆီကို မြန်မာဘာသာ စကားနဲ့ တိုက်ရိုက်ဖုန်းဆက်တိုင်ကြားနိုင်ပြီ"
တရားရေးဝန်ကြီးဌာနကနေ နိုင်ငံခြားသားအလုပ်သမားတွေအတွက် ‘နိုင်ငံခြားသား လူ့အခွင့်အရေး ချိုးဖောက်မှု သီးသန့်ဖုန်းနံပါတ် ချန်နယ် အသစ်'ကို ဖွင့်လှစ်ပေးထားပါတယ်။
တောင်ကိုရီးယားမှာ နေထိုင်နေတဲ့ နိုင်ငံခြားသားအလုပ်သမားတွေ လူ့အခွင့်အရေးချိုးဖောက်မှုတွေကြုံရရင် တိုင်ကြားဖို့ ဖုန်းနံပတ် ၁၃၄၅ ကိုခေါ်ဆိုပြီးတော့ နောက်ထပ် နံပတ် ၁ ကို ထပ်နှိပ်လိုက်တာနဲ့ လုပ်ခလစာ မရတာ ဒါမှမဟုတ် လိင်ပိုင်းဆိုင်ရာ အကြမ်းဖက်မှု စတဲ့ လူ့အခွင့်အရေး ချိုးဖောက်မှုတွေကို မိမိတို့နိုင်ငံရဲ့ ဘာသာစကားအလိုက် ဘာသာစကား အမျိုးအစား ၂၀ နဲ့ ချက်ချင်းအကူအညီ တောင်းခံနိုင်မယ့် သီးသန့်ပြတင်းပေါက်တစ်ခု ဟစ်တိုင်တခု ပေါ်ပေါက်လာတာ ဖြစ်ပါတယ်။
1345 နိုင်ငံခြားသား အထွေထွေလမ်းညွှန်စင်တာ' မှာ လူ့အခွင့်အရေး ချိုးဖောက်မှု သီးသန့်တိုင်ကြားရမယ့် နံပါတ် ‘၁’ ကို အသစ်တိုးချဲ့လိုက်တဲ့အတွက်၊ တစ်လအတွင်း တိုင်ကြားမှုအရေအတွက်ဟာ သီးသန့်နံပါတ် မရှိခင်တုန်းက တစ်လပျမ်းမျှ တိုင်ကြားချက် ၂၂ ခုလောက်ပဲ ရှိခဲ့ရာကနေ၊ နံပါတ်ဖွင့်ပြီး တစ်လအတွင်းမှာတင် တိုင်ကြားချက်ပေါင်း ၁၄၂ ခုအထိ အရင်ကထက် ၆ ဆကျော် တိုးလာပြီး နစ်နာမှုတွေကို လက်တွေ့ ကုစားပေးနိုင်တဲ့ ထိရောက်မှုတွေ ရှိနေတယ်လို့ ဆိုပါတယ်။
1345 ကို ဖုန်းခေါ်ပြီး ‘၁’ နံပါတ်ကိုပဲ နှိပ်လိုက်ရင် သက်ဆိုင်ရာဘာသာစကားအလိုက် ဘာသာကား စုစုပေါင်း ၂၀ မျိုးဝန်ဆောင်မှုရနိုင်တဲ့ တာဝန်ခံ အတိုင်ပင်ခံအရာရှိတွေနဲ့ ချက်ချင်းချိတ်ဆက်မိပြီး တိုင်ကြားတာ ဒါမှမဟုတ် ဆွေးနွေးတိုင်ပင်တာတွေ လုပ်နိုင်သွားပြီ ဖြစ်ပါတယ်။
ဘယ်လိုအချက်တွေ ကြုံလာရရင် အကူအညီတောင်းနိုင်မလဲ?
- လုပ်ခလစာ အချိန်မှီ မရခြင်း (임금체불)
- ကိုယ်ထိလက်ရောက် အကြမ်းဖက်ခံရခြင်း (폭행)
- လိင်ပိုင်းဆိုင်ရာ နှောင့်ယှက်မှု သို့မဟုတ် အကြမ်းဖက်ခံရခြင်း (성희롱·성폭력)
- ပတ်စ်ပို့ (Passport) သို့မဟုတ် မှတ်ပုံတင် အဓမ္မသိမ်းဆည်းခံရခြင်း (여권 압수)
- အတင်းအဓမ္မ ခိုင်းစေခံရခြင်း (강제노동)
ကိုရီးယားစကား မကျွမ်းကျင်တာ ဒါမှမဟုတ် တိုင်ကြားနည်းလမ်းကို သေချာမသိလို့ အချိန်မီ အကူအညီမရဖြစ်ရတဲ့ ပြဿနာကို ဖြေရှင်းပေးဖို့နဲ့ နစ်နာမှုတွေကို ပိုမိုမြန်မြန်ဆန်ဆန် ကုစားပေးနိုင်ဖို့ ရည်ရွယ်ပြီး ဖန်တီးထားတာပါ။
လက်ခံရရှိတဲ့ တိုင်ကြားချက်တွေကိုတော့ တစ်နိုင်ငံလုံးမှာရှိတဲ့ 출입국·외국인청 (လဝကရုံး) ၁၉ ခုရဲ့ ရွှေ့ပြောင်းနေထိုင်သူ အခွင့်အရေး ကာကွယ်စောင့်ရှောက်ရေးအရာရှိ (이민자권익보호관) တွေ အပါအဝင်၊ ရာဇဝတ်မှုကြောင့် ထိခိုက်နစ်နာသူများအတွက် One-Stop ဆောင်ရွက်ပေးမယ့် စင်တာ (범죄피해자 원스톱솔루션센터)၊ နိုင်ငံခြားသားများအတွက် ကျေးရွာတာဝန်ခံ ရှေ့နေ (외국인을 위한 마을변호사)၊ ဒေသဆိုင်ရာ အလုပ်သမားရုံး (지방노동청) နဲ့ လူကုန်ကူးမှု နစ်နာသူ ကာကွယ်စောင့်ရှောက်ရေးအဖွဲ့အစည်း စတာတွေနဲ့ ချိတ်ဆက်ပြီး မြန်မြန်ဆန်ဆန်နဲ့ ဆုံးရှုံးတဲ့ အခွင့်အရေးတွေ ပြန်လည်ရရှိအောင် ဆောင်ရွက်ပေးသွားမှာ ဖြစ်ပါတယ်။
နစ်နာမှုဖြစ်ပွားတဲ့ အချိန်ကစလို့ ဆွေးနွေးတိုင်ပင်တာ၊ စုံစမ်းစစ်ဆေးရေးအဖွဲ့တွေနဲ့ သက်ဆိုင်ရာဌာနတွေကို ချိတ်ဆက်ပေးတဲ့အထိ တစ်နေရာတည်းမှာ အားလုံးပြီးစီးမယ့် (One-Stop) ပံ့ပိုးကူညီမှုစနစ်ကို တည်ဆောက်လိုက်တာပဲ ဖြစ်ပါတယ်။
ကိုရီးယားနိုင်ငံရဲ့ စီးပွားရေးနဲ့ စက်ရုံ၊ အလုပ်ရုံတွေဟာ အခုဆိုရင် နိုင်ငံခြားသားအလုပ်သမားတွေ၊ ကျောင်းသားတွေနဲ့ အိမ်ထောင်သည်ဗီဇာနဲ့ လာသူတွေရဲ့ အခန်းကဏ္ဍအပေါ်မှာ အများကြီး မှီခိုနေရတာဖြစ်လို့ ဒီလူတွေကို စိတ်အေးချမ်းသာစွာ နေထိုင်နိုင်မယ့် ပတ်ဝန်းကျင်ကို ဖန်တီးပေးတာဟာ နိုင်ငံရဲ့ ယှဉ်ပြိုင်နိုင်စွမ်းနဲ့ တိုက်ရိုက်သက်ဆိုင်နေတယ်လို့ ဆိုပါတယ်။
အစိုးရအနေနဲ့ နိုင်ငံခြားသားတွေကို ပစ်မှတ်ထားတဲ့ ရာဇဝတ်မှုတွေကို ကြိုတင်ကာကွယ်ပြီး၊ နစ်နာသူတွေကို မြန်မြန်ဆန်ဆန် ကာကွယ်စောင့်ရှောက်ပေးမယ့် စနစ်တွေကို စဉ်ဆက်မပြတ် ဆက်လက်တိုးချဲ့သွားမယ်ဆိုရင် ကိုရီးယားနိုင်ငံဟာ 'စီးပွားရေး ထိပ်တန်းနိုင်ငံ'(경제 선진국) အဆင့်တင်မကဘဲ 'လူ့အခွင့်အရေး ထိပ်တန်းနိုင်ငံ'(인권 선진국) အဖြစ်ပါ နောက်ထပ်တစ်ဆင့် တိုးတက်လာလိမ့်မယ်လို့ မျှော်လင့်ရတယ်လို့ ဆိုပါတယ်။ အားလုံး စစရာရာ အဆင်ပြေချောမွေ့ကြပါစေ ....
Dear Facebook Team,
