20/08/2026
၁၉.၈.၂၀၂၆
တောင်ႏကီꩻတက္ကသိုလ်ႏအဝ်ႏညာꩻသွဥ်ထူႏပအိုဝ်ႏကျောင်ꩻသားခွန်/နင်ꩻစွိုꩻ လင်ꩻကန့်တော့ ပအိုဝ်ႏလိတ်လုဲင်ꩻတွမ်ႏ ယေန်ႏငဲးရေꩻအစွိုꩻ(ဗဟိုႏ)ဥက္ကဋ္ဌ ဖြားခွန်ဝင်းကို တဲင် ဒေါ့ဖေႏခြုဲင်းဖေႏငဝ်းရွဥ်ငွါခံꩻနူဲင်းယိုသွူသြ။
(၁)နီပအိုဝ်ႏဒေႏသကိုယို လိုꩻအပ်ငါႏ ဆို့ꩻရုဲင်ရေꩻအနယ်ꩻယံꩻအနယ်ꩻဆꩻပညာႏရေꩻ။
(၂)ဆဲင်ႏရာꩻအနယ်ꩻပညာႏ၊ကွန်ပျူတာပညာႏ ဖုံႏတဲ့အဝ်ႏလိုႏဒါႏသေꩻခါꩻငါႏ။
(၃)လွူးနမ်းလွူးသက်ပညာႏ၊လိုꩻမုꩻစီꩻပွာꩻရေꩻပညာႏ အခန်ꩻကဏ္ဍအကို ဆဲင်ႏရာꩻပအိုဝ်ႏဒေႏသကွန်ႏကျမ်ꩻယို ယံဖေႏနေးကထေထန်ႏနွောင်ꩻချာ (အဆင့်မီ)ကွန်ႏချော်ꩻ။
(၄)ပအိုဝ်ႏပေႏကျောင်ꩻသားခွန်/နင်ꩻစွုမ်ꩻဖြာꩻယံကပါဝင်ႏငီꩻနူဲင်းနူဲင်းသွော့ဝင်ꩻတမာဖေႏပါယဝ်းသွူသြ။
(၅)တက္ကသိုလ်ႏပေါင်ꩻစွုမ်ႏပအိုဝ်ႏပေႏကျောင်ꩻသား ကားကအဝ်ႏလွောင်ႏဗူႏ သေႏသေႏသွော့ဝင်ꩻ။
(၆)Welcome ပွယ်ꩻအကို ဖူးဝေးခမ်းရင်ꩻသားစွုမ်ႏစွိုꩻယို နီသွဥ်းသီးအဝ်ႏလိုႏဖစ်ဟွိုန် ဖိဥ်းမွတ်ဆွန်ꩻစူꩻနွောင်ꩻ တသေႏသေႏသွော့စွုမ်ႏနေင်ႏနေင်ႏ။
(၇)ပွိုင်းဝွို့တွမ်ႏ welcomeပွယ်ꩻအကို အထီအသွီႏဗွေဗွေ အဝ်ႏလိုႏကျိုꩻစာꩻဖောႏထန်ႏယံယံထဲင်းထဲင်း။
စတဲင်ဆဲင်ရာꩻအဖဲ့ꩻဖဲ့ꩻ အခေါဝ်ခေါဝ်ငဝ်းဖေႏသေအကျံꩻဥာဏ်ႏ၊ငဝ်းသြဝါဒ၊ငဝ်းတမာ ဖုံးယိုသေထွꩻရွုမ်းဗာႏနူဲင်းယိုလဲ့ နီသွဥ်းသီးကျောင်ꩻသားခွန်/နင်ꩻစွိုꩻ တန်တန်အာအာ ကေꩻဇူꩻတန်ငါႏအကျောင်ꩻ ဒင်ႏသေꩻခါꩻဗာႏမတ်တန်ꩻနူဲင်းယိုသွူသြ။
မတ်တန်ꩻဒင်ႏသား / ခွန်စိုးလွင် တွမ်ႏ ခွန်ဟိန်းအောင်
