BMETCentre

27/09/2026

Idol တွေကတော့ The Mummy 4 အတွက် အသင့်ဖြစ်နေကြပြီး။ အသက် 50 ကျော် ဆိုတဲ့အရွယ်မှာ မင်းသားရော မင်းသမီးရော အရွယ်တင်ပြီး လှပနေကြတုန်းပဲ။

ငယ်ငယ်ကတည်းက အရမ်းကြိုက်ခဲ့ရတဲ့ သူတွေမို့လို့ 4 မထွက်ခင် 1 2 3 ပြန်ကြည့်ထားရမယ်။ Brendan Fraser ကလည်း ခန့်ချောကြီးဖြစ်နေတုန်း Rachel Weisz ဆိုလည်း လှတုန်းပတုန်းပဲ။

ဆိုင်တော့ မဆိုင်တော့ပေမဲ့လည်း ဟို ဆော်ပစ် ကတုံးကောင်ကိုလည်းပြန်ပါစေချင်သား ။

27/09/2026

“စိတ်မပင်ပန်းတော့တဲ့အခါ လူတစ်ယောက်က ပိုကောင်းလာတယ်”

🔳 လူတစ်ယောက်က အရင်ထက် ပိုတိုးတက်လာတယ်ဆိုတာ အမြဲတမ်း အများကြီးရလာတာနဲ့ တိုင်းတာလို့ မရဘူးလို့ မြင်မိတယ်။

ပိုက်ဆံပိုရလာတာ၊ လူပိုသိလာတာ၊ အလုပ်ပိုအောင်မြင်လာတာ၊ ပိုင်ဆိုင်မှုတွေ ပိုများလာတာ… ဒါတွေက တိုးတက်မှုတစ်မျိုးတော့ ဟုတ်ပါတယ်။

ဒါပေမဲ့ တစ်ချို့တိုးတက်မှုတွေက အပြင်ကနေ မမြင်ရဘူး။

ဥပမာ…
စိတ်မပင်ပန်းတော့တာ။
မလိုတဲ့အရာတွေကို လိုက်မရှင်းတော့တာ။
ကိုယ့်တန်ဖိုးကို မသိတဲ့လူတွေရှေ့မှာ ကိုယ့်ကိုယ်ကိုယ် လျှော့မပြတော့တာ။
အရာရာကို ပြိုင်မနေတော့တာ။

အဲဒီလို တိတ်တိတ်လေးပြောင်းလဲလာတာတွေကလည်း လူတစ်ယောက်ရဲ့ အရေးကြီးတဲ့ တိုးတက်မှုပဲလို့ မြင်မိတယ်။

🔳 အရင်ကတော့ ကိုယ့်ကို နားမလည်တဲ့သူတွေကို နားလည်အောင် အရမ်းရှင်းပြချင်တယ်။

ကိုယ့်အကြောင်းကို တလွဲမြင်ရင်လည်း စိတ်ထိခိုက်တယ်။
ကိုယ့်စိတ်ရင်းကို မမြင်ပေးရင်လည်း မခံနိုင်ဘူး။
ကိုယ်မလုပ်ခဲ့တဲ့အရာကို လုပ်သလို ပြောခံရရင်လည်း ရင်ထဲမှာ မီးတောက်သလိုပဲ။

တစ်ခါတလေ လူတစ်ယောက်ကို ကိုယ့်စိတ်ရင်းမှန် နားလည်စေချင်လွန်းလို့ ကိုယ့်စိတ်ငြိမ်းချမ်းမှုကိုတောင် လက်လွှတ်ပေးမိတတ်တယ်။

ဒါပေမဲ့ အသက်အရွယ်၊ အတွေ့အကြုံ၊ နာကျင်မှုတွေက သင်ပေးလာတဲ့အရာတစ်ခု ရှိတယ်။

လူတိုင်းကို နားလည်အောင် ရှင်းပြရမယ့် တာဝန် ကိုယ့်မှာ မရှိဘူး။ ကိုယ့်ကို တလွဲမြင်ချင်တဲ့သူဟာ ကိုယ်ဘယ်လောက်ရှင်းပြပြ၊ သူမြင်ချင်တဲ့ပုံစံနဲ့ပဲ မြင်နေမှာပဲ။

🔳 စိတ်မပင်ပန်းတော့တဲ့လူတစ်ယောက်ဆိုတာ အေးဆေးသွားတာ မဟုတ်ဘူး။ မခံစားတတ်တော့တာလည်း မဟုတ်ဘူး။

ခံစားတတ်တယ်။
သိတယ်။
နာတတ်တယ်။
စိတ်မကောင်းလည်း ဖြစ်တတ်တယ်။

ဒါပေမဲ့ အရင်လိုတော့ အရာရာကို ကိုယ့်ဘဝထဲ ဆွဲမထည့်တော့တာ။

တစ်ယောက်ယောက်က မကောင်းပြောတယ်ဆိုရင်
“အင်း… သူ့အမြင်က ဒါပဲပေါ့” လို့ပဲ ထားတတ်လာတယ်။

ဒီလိုပြောင်းလဲမှုမျိုးက အပြင်ကနေကြည့်ရင် သိပ်မထူးခြားပေမဲ့ အတွင်းဘက်မှာတော့ အတော်ကြီး ကြီးထွားလာတာပါပဲ။

🔳 ဗုဒ္ဓဘာသာအမြင်နဲ့ကြည့်ရင် စိတ်ပင်ပန်းမှုအများစုက “ဆုပ်ကိုင်မှု” ကနေ လာတယ်လို့ မြင်မိတယ်။

ကိုယ့်အကြောင်းကို လူတိုင်းကောင်းကောင်းမြင်ရမယ်လို့ ဆုပ်ကိုင်တယ်။
ကိုယ်ချစ်တဲ့သူက ကိုယ့်ကို အမြဲနားလည်ပေးရမယ်လို့ ဆုပ်ကိုင်တယ်။
ကိုယ်လုပ်ခဲ့တာတွေကို တန်ဖိုးထားခံရမယ်လို့ ဆုပ်ကိုင်တယ်။
ကိုယ်မလိုချင်တဲ့အဆုံးသတ်တွေ မဖြစ်ရဘူးလို့ ဆုပ်ကိုင်တယ်။

ဆုပ်ကိုင်လေလေ ပင်ပန်းလေလေပါပဲ။

🔳 အသက်ကြီးလာတာနဲ့အမျှ သိလာတာက အနိုင်ရတာတိုင်း အကျိုးရှိတာမဟုတ်ဘူး။ တချို့အနိုင်တွေက စိတ်ကို ပိုပင်ပန်းစေတယ်။ တချို့ရှုံးနိမ့်မှုတွေကတော့ ကိုယ့်ကို ပိုလွတ်လပ်စေတယ်။

ပြိုင်ပွဲတိုင်း ဝင်ပြိုင်စရာ မလိုဘူး။
စကားတိုင်း ပြန်ပြောစရာ မလိုဘူး။
အထင်လွဲမှုတိုင်း ပြင်စရာ မလိုဘူး။
ဆက်ဆံရေးတိုင်း ဆက်ထိန်းစရာ မလိုဘူး။

တစ်ခါတလေ “တော်ပြီ” လို့ ကိုယ့်စိတ်ကို ပြောနိုင်တာကလည်း ရင့်ကျက်မှုတစ်မျိုးပဲ။

တစ်နေ့နေ့မှာ ကိုယ့်ကိုယ်ကိုယ် ပြန်ကြည့်ပြီး
“အရင်ကထက် ငါ အေးချမ်းလာပြီ” လို့ ပြောနိုင်ရင်…

အဲဒါလည်း ဘဝမှာ အတော်ကြီး အောင်မြင်လာတာပါပဲ။

#ဉာဏ

May 1, 2026

____________________________________________

ဆရာမဉာဏ၏စာအုပ်များကို City Mart စင်တာများနဲ့ အမြို့မြို့အနယ်နယ် စာအုပ်ဆိုင်များမှာ ဝယ်ယူရရှိနိုင်ပါတယ်။ Online က မှာယူလိုပါလျှင် Page Messenger ကနေ လာရောက်မှာယူနိုင်ပါတယ်။

27/09/2026

အိမ်သုံးလျှပ်စစ်ပစ္စည်းတွေ ပြတ်လပ်၊ ဈေး အဆမတန် ခုန်တက်

သတင်း | ဧရာဝတီ၊ စက်တင်ဘာ ၂၁၊ ၂၀၂၆

သွင်းကုန်ကန့်သတ်မူဝါဒကြောင့် လိုင်စင်အခက်အခဲများဖြစ်ကာ ရေခဲသေတ္တာ၊ အဝတ်လျှော်စက်၊ တီဗွီ၊ လေအေးပေးစက် သည့် အိမ်သုံးလျှပ်စစ်ပစ္စည်းများ ပြည်ပမှ အဝင်နည်းသဖြင့် ပစ္စည်းပြတ်၍ ဈေးနှုန်းများ အဆမတန်မြင့်နေသည်။

လူကြိုက်များသည့် Samsung ရေခဲသေတ္တာ (2Door & Side By Side ) တလုံးမှာအနိမ့်ဆုံး ကျပ် ၃၆ သိန်းမှ သိန်း ၁၀၀ ကျော်အထိ ရှိကာ လုပ်ငန်းသုံး ရေခဲသေတ္တာက ကျပ် သိန်း ၈၀ ကျော်မှစ၍ အမျိုးမျိုးရှိပြီး ဈေးနှုန်းနေ့စဉ် အပြောင်းအလဲရှိ နိုင်ကြောင်း၊ Midea တံဆိပ် ရေခဲသေတ္တာဆိုလျှင် ပစ္စည်းပြတ်နေကြောင်း၊ တချို့အမှတ်တံဆိပ်နှင့် Model များမှာ အကန့် အသတ်ဖြင့်သာရပြီး ပစ္စည်းသစ်ပြန်ဖြည့်ရန် အချိန်ကြာသလို သယ်ယူပို့ဆောင်ရေးနှင့် ငွေလဲနှုန်းကလည်း ဈေးနှုန်းအပေါ် သက်ရောက်သဖြင့် ယခင်ထက် အနည်းဆုံး ၂ ဆ ၃ ဆခန့်ထိ မြင့်တက်လာကြောင်း လျှပ်စစ်ပစ္စည်း အရောင်းဆိုင်ပိုင်ရှင် များက ပြောသည်။

ရန်ကုန်မြို့ အီလက်ထရော်နစ်ပစ္စည်းရောင်းချသူ ဆိုင်ရှင်တဦးက “ဈေးတွေတက်နေတာ။ ရေခဲသေတ္တာ၊ အဝတ်လျှော်စက်၊ တီဗွီတွေဆို တော်တော်များများ ပစ္စည်းပြတ်တယ်။ မီးဖိုချောင်သုံး ပစ္စည်းတွေလောက်ပဲ ရောင်းနေရတယ်။ ဒစ်ဂျစ်တယ် မီးပူ၊ ထမင်းပေါင်းအိုး၊ Air Cooler ကျန်တာတော့ တော်တော်များများ ပစ္စည်း ပြတ်နေတယ်။ ဈေးတွေက မနှစ်က ၁၀ သိန်း ဝန်းကျင်လောက်ရှိတဲ့ဟာတွေက ဒီနှစ် သိန်း ၂၀၊ ၃၀ ဖြစ်ကုန်တာ” ဟု ဧရာဝတီကို ပြောသည်။

ဝယ်ယူသူများမှာ မဖြစ်မနေလိုသည့်ပစ္စည်းများကိုသာ ရွေးချယ်ဝယ်ယူလာကြပြီး တချို့ပစ္စည်းများမှာ ဝယ်လိုအားနှင့် ရောင်းလိုအား နှစ်ဖက်စလုံး ယခင်ထက် နှေးကွေးလာကြောင်း လျှပ်စစ်ပစ္စည်း ရောင်းချသည့် ဆိုင်ပိုင်ရှင်များထံမှ သိရသည်။

မန္တလေးမြို့ခံတဦးက “ရေခဲသေတ္တာ သိပ်မကောင်းတော့လို့ဆိုပြီး Japan Brand ထဲက 2 Door တလုံး ဝယ်ဖို့ မန္တလေးက အကြီးစားဆိုင်တွေမှာ လိုက်ရှာခဲ့ပေမယ့် ပစ္စည်းရွေးချယ်စရာ အတော်နည်းနေတယ်။ Pro 1 မှာက ရေခဲသေတ္တာနဲ့တူတာ တလုံးမှ မရှိဘူး။ နောက်ဆုံး မျိုးသိန်းကြီးမှာတော့ Samsung ကို One Door လေး ၂ လုံးပဲ တွေ့ တယ်။ အဲဒါနဲ့ Electric World ရောက်တော့ Samsung 2 Door ထဲက ၃ လုံးတွေ့လို့ ဝယ်လိုက်တော့၊ တလုံး ၁၂၆ သိန်းနဲ့ ဝယ်ခဲ့ရတယ်။ ကိုယ်သုံး နေတဲ့ အဝတ်လျှော်စက်ဆိုရင် လွန်ခဲ့တဲ့နှစ်နှစ်က ၈ သိန်းကျပ်ပဲရှိတာ၊ အခု သိန်း ၃၀ ကျော်ဖြစ်နေတယ်” ဟု သူ၏ လူမှုကွန်ရက်တွင် ရေးသားထားသည်။

လက်ရှိ ဖောက်ပြန်နေသည့် ရာသီဥတုတွင် အခြေခံလူတန်းစားများအတွက်မရှိမဖြစ်က ပန်ကာပင်ဖြစ်ပြီး၊ အာဏာမသိမ်း ခင်က ကျပ် ၆ထောင်ခန့်သာ ရှိခဲ့သည့် တရုတ်လုပ်ပန်ကာက ယခု အနည်းဆုံး ကျပ် ၇ သောင်းခွဲ၊ ထိုင်းလုပ်ဆိုလျှင် ကျပ် ၉ သောင်းမှ သိန်းဂဏန်းအထိ ရှိလာသည်။

အလားတူ ဟင်းချက်သည့် အနီရောင်ဒယ်အိုး (ဒယ်နီ) မှာ တရုတ်လုပ်က အနည်းဆုံး ကျပ် ၈ သောင်း ယိုးဒယားလုပ် အနည်းဆုံး ကျပ် ၉ သောင်းခွဲခန့်မှ စ၍ အစားစားပင်ရှိပြီး ထမင်းပေါင်းအိုးဆိုလျှင်လည်း ဆန် ၄ လုံးချက်မှာ အနည်းဆုံး ကျပ် ၈ သောင်းခွဲ၊ ယိုးဒယားလုပ်မှာ အနည်းဆုံး ၁ သိန်း ၁ သောင်း ၅ ထောင်ခန့်မှ စ၍ ရှိသည်။

ထိုသို့ဖြစ်ရသည်က အာဏာသိမ်းအစိုးရ သွင်းကုန်မူဝါဒအရ ရေခဲသေတ္တာ၊ လေအေးပေးစက်နှင့် အဝတ်လျှော်စက်အပါ အဝင် အိမ်သုံးလျှပ်စစ်ပစ္စည်းများမှာ သွင်းကုန်လိုင်စင်ရယူပြီးမှ တင်သွင်းရသည့် အမျိုးအစားများတွင် ပါဝင်နေသည့် အတွက်ဖြစ်သည်။

ယင်းပြင် Second hand ဟုဆိုကြသည့် သုံးပြီးသား ရေခဲသေတ္တာ၊ လေအေးပေးစက်၊ အဝတ်လျှော်စက်နှင့် တီဗွီ အဟောင်းများကို ပြည်တွင်းသို့ တင်သွင်းခွင့်မပြုတော့သလို ၂၀၂၄ ခု နိုဝင်ဘာ ၆ ရက်မှစ၍ HCFC/R-22 အသုံးပြုသည့် ၂ ဒသမ ၅ HP နှင့်အထက် လေအေးပေးစက် စီးပွားရေးလုပ်ငန်းသုံး ရေခဲသေတ္တာနှင့် Cold Storage၊ Chiller အသစ်များကို လည်း တင်သွင်းခွင့် ပိတ်ထားသည်။

သွင်းကုန်ကန့်သတ်မူဝါဒကြောင့် အီလက်ထရော်နစ်ပစ္စည်းတင်သွင်းခွင့်ရသည့် ကုမ္ပဏီများကလည်း လက်လီဆိုင်များကို ခွဲတမ်းပုံစံဖြင့် ပြန်ချပေးနေပြီး ဈေးကွက်အတွင်း လျှပ်စစ်ပစ္စည်း ပြတ်လပ်ခြင်းနှင့် ဈေးနှုန်းများ အဆမတန် မြင့်တက်ခြင်း တို့ ဖြစ်လာရကြောင်း လျှပ်စစ်ပစ္စည်းဆိုင်ရှင်များက ဆိုသည်။

လက်ရှိ လျှပ်စစ်ပစ္စည်းဈေးကွက်မှာ ပစ္စည်းအဝင်အထွက်ကို မှန်းမရသည့်အပြင် ပစ္စည်းမရှိသည့်အချိန် ဈေးနှုန်း သတ်မှတ် ရန်ပင် ခက်ခဲနေပြီး တကြိမ်နှင့်တကြိမ် ဈေးအပြောင်းအလဲဖြစ်ရကြောင်း ဆိုင်ရှင်များက ဆိုသည်။

“ပစ္စည်းတွေကတော့ မနှစ်ကတည်းက ပြတ်နေတာ။ ဈေးကတော့ တော်တော်ကြီး တက်သွားတယ်။ ဟိုတုန်းကဈေးနဲ့ ဘာမှ မဆိုင်တော့ဘူး။ တချို့ပစ္စည်းတွေဆို နှစ်ဆလောက်တောင် တက်သွားတာ။ အီလက်ထရော်နစ်ပစ္စည်းတွေ အဓိက ရေခဲသေတ္တာ၊ အဝတ်လျှော်စက်တွေ တက်တာ” ဟု လျှပ်စစ်ပစ္စည်းရောင်းသူတဦးက ဧရာဝတီသို့ ပြောသည်။

လက်ရှိ အိမ်သုံးလျှပ်စစ်ပစ္စည်းဈေးကွက်တွင် Midea၊ Samsung၊ LG၊ Hitachi၊ Haier၊ TCL နှင့် Hisense စသော အမှတ်တံဆိပ်များကို တွေ့ရပြီး အထူးသဖြင့် ဈေးနှုန်းသင့်တင့်သည့် အမှတ်တံဆိပ်များနှင့် လျှပ်စစ်သုံးစွဲမှု သက်သာသော Inverter မော်ဒယ်များကို ဝယ်ယူသူများက စိတ်ဝင်စားကြသလို အိမ်သုံးလျှပ်စစ်ပစ္စည်းဟောင်း ဈေးကွက်လည်း အရောင်းအဝယ် သွက်နေကြောင်း သိရသည်။

Website တွင် ဖတ်ရန် https://burma.irrawaddy.com/news/2026/09/21/416422.html

---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

20/08/2026

25/06/2025

အပိုင်း (၁)၊ အပိုင်း (၂)၊ အပိုင်း (၃)၊ အပိုင်း (၄)၊ အပိုင်း (၅) စ-ဆုံး
အားကျအတုယူစရာ စာရေးသူငလျင်အင်ဂျင်နီယာများသည် တရုတ်ရှာဖွေကယ်ဆယ်ရေးအဖွဲ့၏ အဖွဲ့ဝင်များအဖြစ် ငလျင်ဖြစ်ပွားပြီးနောက် အရေးပေါ်တုံ့ပြန်မှုတွင် ပါဝင်ခဲ့သည်။ ကယ်ဆယ်ရေးလုပ်ငန်းများအတွင်း ပြိုကျဖွဲ့စည်းပုံများ၏ လက္ခဏာများကို စုံစမ်းစစ်ဆေးခဲ့ပြီး ကယ်ဆယ်ရေးလုပ်ငန်းများ၏ ဘေးကင်းမှုကို သေချာစေရန် အဆောက်အအုံအပျက်အစီးများ၏ တည်ငြိမ်မှုကို အကဲဖြတ်ခဲ့ပြီး စာတမ်းကိုပြုစုခဲ့ကြသည်။

https://www.facebook.com/share/p/1B39eu6fa4/
https://www.facebook.com/share/p/1Fb2JC2imu/

အောက်မှာပေးထားတဲ့ Link မှာ မူရင်းစာတမ်းကို ဝင်ဖတ်လို့ရပါတယ်။
https://link.springer.com/article/10.1007/s11803-025-2325-5

On March 28, 2025, an Mw 7.7 earthquake struck near Mandalay, Myanmar, producing intense ground shaking. Strong motion recorded at a station close to the fault indicated a peak ground acceleration of 1.066 g in the vertical direction and 0.631 g in the horizontal direction. The earthquake caused col...

16/12/2024

Celebrating my 9th year on Facebook. Thank you for your continuing support. I could never have made it without you. 🙏🤗🎉

26/04/2024

*** SMCES Sunday Technical Talk 06/2024***
ဒီတပတ်မှာတော့ စလုံးမှာ အလုပ်လုပ်ရင်း နဲ့ part time တက်ပြီး MSc Degree ရယူခဲ့တဲ့ experience တွေကို အဓိက share ပေးပါမယ်။

ဆွေးနွေးမည့် ခေါင်းစဥ်
“ Civil Engineering Master Degree for Working Professionals in Singapore"

တက်ရောက်နားထောင် ဆွေးနွေးမေးမြန်းဖို့ စိတ်ဝင်စားတယ်ဆိုရင် အောက် Zoom link လေး မှတ်ထားပေးပါနော😊

Date / Time : 28 April 2024 (Sunday) / 14:00 to 15:30 hrs ( SG Time) , 12:30 to 14:00 hrs (MM Time) via Zoom
Panelists : Ma Hnin Ei Phyu / Ko Nyi Nyi / Ma Nwe Ni Win (NUS)

Ko Pyae Sone Myat Moe (NTU)

Moderator : Ko Kaung Htet / Ma Ei Sandar Aung Win
Join Zoom Meeting link https://tinyurl.com/bdfrbd9b

Meeting ID: 867 192 3397
Passcode: SMCES
Target Audience :
• စင်ကာပူရောက်စ အင်ဂျင်နီယာများ၊
• စင်ကာပူနိုင်ငံရှိ အင်ဂျင်နီယာဆက်စပ်လုပ်ငန်းများ သို့လာရောက် အလုပ်လုပ်ရန် ပြင်ဆင်နေသည့် အင်ဂျင်နီယာများ နှင့်
• စိတ်ပါဝင်စားသူများ

Zoom is the leader in modern enterprise video communications, with an easy, reliable cloud platform for video and audio conferencing, chat, and webinars across mobile, desktop, and room systems. Zoom Rooms is the original software-based conference room solution used around the world in board, confer...

24/03/2024

မြန်မာမင်္ဂလာမီနီမတ် နဲ့ Admiralty MRT

Adv Post: Dear Admiral, Myanmar Mini Mark "Mingalar Mart" opened at Wet Market near Admiralty MRT since Janaury 2024 for your information.

Woodlands/ Admiralty တွင် နေထိုင်ကြသော မြန်မာတို့အတွက် Admiralty MRT အနားရှိ Wet Market ထဲတွင် မြန်မာမီနီမတ် ကို “မင်္ဂလာမတ်” အမည်ဖြင့် ၂၀၂၄ ဇန္နဝါရီလ ကစတင် ဖွင့်လှစ်ထားပါ၍ Cityhall သို့ ဝေးဝေးသွားစရာမလိုဘဲ လိုအပ်သော မြန်မာအသုံးအဆောင် ဆေးဝါး စားသောက်စရာများကို အလွယ်တကူ ဝယ်ယူရရှိနိုင်ပါကြောင်း ကူညီကြေညာမောင်းခတ်ပေးလိုက်ပါတယ်။

နှလုံးစိတ်ဝမ်း အေးချမ်းသာယာရှိကြပါစေ….

05/01/2023