University of Yangon Students’ Union - UYSU

14/09/2026

ဗကသကျောင်းသားခေါင်းဆောင်ဟောင်းနှင့် နိုင်ငံရေးအကျဉ်းသားဟောင်း၊ စာရေးဆရာ ဦးလှကွန့် (သိုမဟုတ်) ဦးလေးမြင့် ကွယ်လွန်ခြင်းအတွက် ဝမ်းနည်းကြောင်း သဝဏ်လွှာ
________________________________

ဗကသများအဖွဲ့ချုပ် ၁၉၅၆ ခုနှစ် ကျောင်းသားခေါင်းဟောင်းတဦးအဖြစ် တာဝန်ထမ်းဆောင်ခဲ့သည့် ဦးလှကွန့်သည် စက်တင်ဘာလ ၁၁ ရက် ညနေပိုင်းတွင် ကွယ်လွန်သွားကြောင်း ကြားသိရသဖြင့် ရန်ကုန်တက္ကသိုလ်ကျောင်းသားများသမဂ္ဂ (ဗကသများအဖွဲ့ချုပ်) အနေနှင့် အထူးပင် ဝမ်းနည်းမိပါသည်။

ဦးလှကွန့်သည် ဗကသများအဖွဲ့ချုပ်တွင်လည်း ကျရာနေရာမှာ ကျေပွန်စွာ တာဝန်ထမ်းဆောင်ခဲ့ပြီး စစ်အာဏာရှင်စနစ်ကို ဆန့်ကျင်တိုက်ပွဲဝင်ရင်း မတရားဖမ်းဆီးခံခဲ့ရသူလည်း ဖြစ်သည်။ ထို့အပြင် သူသည် သမိုင်းသုတေသီတဦးအဖြစ်လည်း ဆည်းပူးလေ့လာဝေမျှရင်း လူထုအထံ အသိပညာ ဖြန့်ဝေခဲ့သူဖြစ်သည်။

ဗကသများအဖွဲ့ချုပ်အနေနှင့် ဦးလှကွန့်၏ ဖြတ်သန်းမှု၊ စစ်အာဏာရှင်ဆန့်ကျင်ရေးစိတ်ဓာတ်နှင့် အသိပညာတ်ို့ကို ဂုဏ်ယူတန်ဖိုးထားရသည့်အပြင် ဦးလှကွန့် ကွယ်လွန်သွားခြင်းအတွက်လည်း မိသားစုနဲ့ထပ်တူ ဝမ်းနည်းမိကြောင်း ပြောကြားရင်း ဤသဝဏ်လွှာကို ပေးပို့အပ်ပါသည်။

05/05/2026

"ဗကသများအဖွဲ့ချုပ် နှစ် (၉၀) ပြည့် ရန်ပုံငွေကမ်ပိန်း"

လာမဲ့ မေလ ၈ ရက်နေ့၊ ဗကသများအဖွဲ့ချုပ်ရဲ့ နှစ် (၉၀) ပြည့် အထိမ်းအမှတ်အဖြစ် ဗကသ အမှတ်တရ၊ တော်လှန်ရေးအမှတ်တရ ပစ္စည်းတွေကို ရောင်းချ ပေးသွားမှာ ဖြစ်ပါတယ်။

ပထမဆုံး အမှတ်တရပစ္စည်းကတော့ "ဟောင်းနွမ်းတဲ့ အဆောက်အအုံတွေ ဖြိုဖျက်ပစ်ဖို့"၊ "ဖောက်ပြန်တဲ့လူတန်းစားတွေ တိုက်စားပစ်ဖို့" ဆိုတဲ့ စာသားပါ အင်္ကျီတွေကို ရောင်းချပေးသွားမှာ ဖြစ်ပါတယ်။

ဒီစာသားတွေက အဆိုတော်မွန်းအောင်ရဲ့ "သွေးမုန်တိုင်း"ထဲက သီချင်းစာသားတွေဖြစ်ပြီး တော်လှန်ရေးထဲက ပေါ်ထွက်လာတဲ့ သီချင်းတပုဒ်ပဲ ဖြစ်ပါတယ်။

လက်ရှိမှာတော့ အမေရိက၊ ဩစတြေးလျနဲ့ ထိုင်းနိုင်ငံတွေကို ရောင်းချဖို့ စီစဉ်ထားပြီး နောက်ရက်တွေမှာလည်း ထပ်တိုးလာမဲ့ နိုင်ငံတွေရှိပါက ဆက်လက်ကြေညာပေးသွားမှာ ဖြစ်ပါတယ်။
____

နောက်ထပ်ရောင်းချသွားမဲ့ ပစ္စည်းတွေနဲ့ ဝယ်ယူနိုင်မဲ့ နိုင်ငံအလိုက် ဈေးနှုန်းတွေကိုလည်း နောက်ရက်နောက်ရက်တွေမှာ ဆက်လက်ကြေညာသွားပါမယ်။

အမှတ်တရပစ္စည်းတွေကိုတော့ ABFSU Fundraising ဖေ့ဘုတ်စာမျက်နှာရဲ့ messenger ကတဆင့် မှာယူနိုင်ပါတယ်။

30/04/2026

"ဗကသများအဖွဲ့ချုပ် နှစ် (၉၀) ပြည့် အထိမ်းအမှတ် ရန်ပုံငွေကမ်ပိန်း"

၁၉၃၆ ခုနှစ်မှာ စတင်သန္ဓေတည်လာခဲ့တဲ့ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) ဟာဆိုရင် လာမဲ့ မေလ ၈ ရက်နေ့မှာ နှစ် (၉၀) ပြည့်တော့မှာ ဖြစ်ပါတယ်။

နယ်ချဲ့ဆန့်ကျင်ရေးတိုက်ပွဲထဲကနေ ပေါက်ဖွားလာခဲ့တဲ့ ဗကသများအဖွဲ့ချုပ်ဟာ ယနေ့ထက်ထိ စစ်အာဏာရှင်ဆန့်ကျင်ရေးလမ်းကြောင်းပေါ်မှာ မယိုင်မလဲ ဆက်လက်လျှောက်လှမ်းနေဆဲ ဖြစ်ပါတယ်။

အဖွဲ့ချုပ်ရဲ့ နှစ် (၉၀) ပြည့် အထိမ်းအမှတ်အနေနဲ့ ဗကသ အမှတ်တရ၊ တော်လှန်ရေးအမှတ်တရ ပစ္စည်းတွေကို ရန်ပုံငွေရှာဖွေရေးအတွက် ရောင်းချသွားမှာ ဖြစ်ပါတယ်။

ဘာပစ္စည်းတွေ ရောင်းချသွားမလဲ၊ ဘယ်နိုင်ငံတွေကို ပို့လို့ရမလဲ၊ ဘယ်နှရက်ကြာ ရောင်းချသွားမလဲ၊ ဘယ်ကိုဆက်သွယ်ရမလဲ စတာတွေကိုတော့ နောက်ရက်နောက်ရက်တွေမှာ ဆက်လက်တင်ပြပေးသွားမှာ ဖြစ်ပါတယ်။

22/03/2026

ယခင် ၂၀၂၅ ခုနှစ်တွင် ပြုလုပ်ခဲ့သော "မျိုးဆက်သစ်"ကမ်ပိန်းမှ ရရှိလာသည့် အလှူငွေများဖြင့် ကျောင်းဆောင်များဆောက်လုပ်ခြင်း၊ စာရေးကိရိယာ အစရှိသည့် လိုအပ်ချက်များနှင့် ဆရာ/ဆရာမများအား ကူညီဖြည့်စွက်ထောက်ပံ့မှူများ ပြုလုပ်နိုင်ခဲ့သည့်အတွက်ကြောင့် လှူဒါန်းခဲ့သည့် အလှူရှင်တဦးချင်းစီအား ဂါရဝပြုလျက်ဂုဏ်ပြုမှတ်တမ်းတင်အပ်ပါသည်။

ယခု ၂၀၂၆ ခုနှစ်တွင် ယခင် စစ်ရှောင်ကျောင်းသားဦးရေထက် ကျောင်းသူ/သားများ ထပ်တိုးလာခြင်း၊ ကျောင်းဆောင်မလုံလောက်ခြင်း၊ စာရေးကိရိယာများ အလုံအလောက်မပြီးနိုင်ခြင်းတို့ကြောင့် ထပ်မံ လိုအပ်ချက်ရှိနေပါသည်။ စ်ရှောင်ကျောင်းသား/သူများ အတွက်ရှေးရှု၍ "အနာဂတ်လှိုင်း" ကမ်ပိန်းကို ပြုလုပ်လိုက်ပါသည်။

"အနာဂါတ်လှိုင်း"ကမ်ပိန်းကို ဝိုင်းဝန်းကူညီကြဖို့ ဂါရဝပြုတောင်းဆိုလိုက်ရပါသည်။

ကမ်ပိန်းတားဂိတ် - သိန်း(၂၀၀)ကျပ်
ကမ်ပိန်းကာလ - (၂၂.၀၃.၂၀၂၅)မှ (၂၂.၀၄.၂၀၂၅)ထိ
ကမ်းပိန်းမှရရှိသော အလှူငွေများအား သုံးစွဲသွားမည့် ကဏ္ဍများအား ရှင်းလင်းတင်ပြပါမည်။
၁။ ကျောင်းသား-(၁၀၀)ဦး
၂။ ကျောင်းသား (၁)ယောက်ကို စာအုပ်(၂)ဒါဇင်
တန်ဖိုး- ၅၀,၀၀၀ကျပ်(မြေပြင်ပေါက်ဈေး)
ကျောင်းသား (၁၀၀)ယောက်ကို စာအုပ်(၂၀၀)ဒါဇင်
တန်ဖိုး- ၁,၀၀၀,၀၀၀ကျပ်(မြေပြင်ပေါက်ဈေး)
၃။ ကျောင်းသား (၁)ယောက်ကို ဘောပင် (၅)ချောင်း
တန်ဖိုး -၅၀၀၀ကျပ်(မြေပြင်ပေါက်ဈေး)
ကျောင်းသား (၁၀၀)ယောက်ကို ဘောပင် (၅၀၀)ချောင်း
တန်ဖိုး-၅၀၀,၀၀၀ကျပ်(မြေပြင်ပေါက်ဈေး)
၄။ ကျောင်းသား (၁)ယောက်လျှင် ခဲတံ+ပေတံ+ခဲဖျက်+ချွန်စက်
(၁)ခု
တန်ဖိုး-၅၀၀၀ကျပ် (မြေပြင်ပေါက်ဈေး)
ကျောင်းသား(၁၀၀)ယောက်ကို ခဲတံ+ပေတံ+ခဲဖျက်+ချွန်စက်
(၁၀၀)ခု
တန်ဖိုး- ၅၀၀,၀၀၀ကျပ် (မြေပြင်ပေါက်ဈေး)
၅။ ကျောင်းရှိ ဆရာ/မ (၁)ယောက်ကို (၁)လလျှင် ထောက်ပံ့ကြေး-၃၀,၀၀၀ကျပ်
ဆရာ/မ (၂၀)ယောက် (၇)လ လျှင်
ထောက်ပံ့ကြေး-၄,၂၀၀,၀၀၀ကျပ်
၆။ အိမ်သာ ၈ လုံး -၁၀သိန်းကျပ်
၇။ ကျောက်ဆောက်ရန်၊ ဆရာ/မ အတွက် အခြေခံရိက္ခာ၊
ကျောင်းတွင်း တဇာပလာ ပစ္စည်းဝယ်ရန်နှင့် လမ်းစရိတ်၊အရန်ငွေ- ၆,၈၀၀,၀၀၀
၈။ အပိုရရှိသည့် အလှူငွေများအား ကျောင်းတွင်းလိုအပ်ချက်ပစ္စည်းများဝယ်ယူရန်နှင့် ကျောင်းရံပုံငွေအဖြစ်ထားရှိမည်ဖြစ်ပါသည်။

အလှူချင်များ ဆက်သွယ်ချင်ပါက Arakha Student's Voice pageနန့် Arakan Students' Union page မှတဆင့် ဆက်သွယ်နိုင်ပါသည်။

'Voice
'Union
#ရကသ

14/02/2026

ပဒိုမန်းရှာ ကျဆုံးခြင်း (၁၈) နှစ်ပြည့် အထူးထုတ်စာစောင်

အိုးဝေအနေနဲ့ ဒီတခေါက်မှာတော့ ပဒိုမန်းရှာအကြောင်း အမှတ်တရတွေကို တနေရာတည်းမှာ စုစည်းပေးထားတဲ့ စာစောင်တခုကို ထုတ်ဝေလိုက်ပါပြီ။

ဒီစာစောင်မှာတော့ ပဒိုမန်းရှာလားဖန်းရဲ့ စစ်အာဏာရှင်စနစ် ဆန့်ကျင်ရေး ဖြတ်သန်းမှု၊ ဘဝဖြတ်သန်းမှုတွေအကြောင်း အမှတ်တရ ဆောင်းပါးတွေ၊ ကဗျာတွေအပြင် သူ့ရဲ့ ကိုယ်ပိုင်အရေးအသားတွေလည်း ပါဝင်ပါတယ်။ ဒါ့အပြင် အိုးဝေကိုယ်တိုင် အင်တာဗျူးမေးမြန်းထားတဲ့ ဆောင်းပါးကိုလည်း ထည့်သွင်းဖော်ပြထားပြီး သူ့ရဲ့ ဖြတ်သန်းမှုကိူ ဒီနေရာကနေ ဂုဏ်ပြုလိုက်ရပါတယ်။

ပဒိုမန်းရှာဟာ ကရင့်တော်လှန်ရေးအပြင် လူမျိုးစုပေါင်းစုံတို့ရဲ့ စစ်အာဏာရှင်ဆန့်ကျင်ရေးတခုလုံးအတွက်လည်း အရေးပါတဲ့ တိုးတက်တဲ့ ခေါင်းဆောင်ကောင်းတယောက်ဖြစ်ခဲ့ပါတယ်။ ဒါ့ကြောင့်လည်း သူ့ရဲ့ ကျဆုံးမှုဟာ ဖိနှိပ်ခံပြည်သူလူထုတရပ်လုံးရဲ့ ဆုံးရှုံးမှုဖြစ်သလို ကျမတို့ကလည်း သူ့ရဲ့ ဖြတ်သန်းမှုတွေကို အခုထိ မှတ်တမ်းတင်နေရဆဲ ဖြစ်ပါတယ်။

လွန်ခဲ့တဲ့ ၁၈ နှစ် ဒီကနေ့မှာတော့ ပဒိုမန်းရှာလာဖန်းဟာ စစ်အုပ်စုနဲ့အပေါင်းအပါတွေရဲ့ လက်ချက်နဲ့ ဂုဏ်ရောင်ပြောင်စွာ ကျဆုံးသွားခဲ့ပါတယ်။

စာစောင်ကိုတော့ အောက်ပါလင့်ကနေတဆင့် ရယူနိုင်ပါတယ်။
https://tinyurl.com/owayjournal

ဒီစာစောင်ကို လွတ်လပ်စွာ ပြန်လည်ကူးယူဖြန့်ဝေနိုင်ပါတယ်။

ပဒိုမန်းရှာ ကျဆုံးခြင်း (၁၈) နှစ်ပြည့် အထူးထုတ်စာစောင်

အိုးဝေအနေနဲ့ ဒီတခေါက်မှာတော့ ပဒိုမန်းရှာအကြောင်း အမှတ်တရတွေကို တနေရာတည်းမှာ စုစည်းပေးထားတဲ့ စာစောင်တခုကို ထုတ်ဝေလိုက်ပါပြီ။

ဒီစာစောင်မှာတော့ ပဒိုမန်းရှာလားဖန်းရဲ့ စစ်အာဏာရှင်စနစ် ဆန့်ကျင်ရေး ဖြတ်သန်းမှု၊ ဘဝဖြတ်သန်းမှုတွေအကြောင်း အမှတ်တရ ဆောင်းပါးတွေ၊ ကဗျာတွေအပြင် သူ့ရဲ့ ကိုယ်ပိုင်အရေးအသားတွေလည်း ပါဝင်ပါတယ်။ ဒါ့အပြင် အိုးဝေကိုယ်တိုင် အင်တာဗျူးမေးမြန်းထားတဲ့ ဆောင်းပါးကိုလည်း ထည့်သွင်းဖော်ပြထားပြီး သူ့ရဲ့ ဖြတ်သန်းမှုကိူ ဒီနေရာကနေ ဂုဏ်ပြုလိုက်ရပါတယ်။

ပဒိုမန်းရှာဟာ ကရင့်တော်လှန်ရေးအပြင် လူမျိုးစုပေါင်းစုံတို့ရဲ့ စစ်အာဏာရှင်ဆန့်ကျင်ရေးတခုလုံးအတွက်လည်း အရေးပါတဲ့ တိုးတက်တဲ့ ခေါင်းဆောင်ကောင်းတယောက်ဖြစ်ခဲ့ပါတယ်။ ဒါ့ကြောင့်လည်း သူ့ရဲ့ ကျဆုံးမှုဟာ ဖိနှိပ်ခံပြည်သူလူထုတရပ်လုံးရဲ့ ဆုံးရှုံးမှုဖြစ်သလို ကျမတို့ကလည်း သူ့ရဲ့ ဖြတ်သန်းမှုတွေကို အခုထိ မှတ်တမ်းတင်နေရဆဲ ဖြစ်ပါတယ်။

လွန်ခဲ့တဲ့ ၁၈ နှစ် ဒီကနေ့မှာတော့ ပဒိုမန်းရှာလာဖန်းဟာ စစ်အုပ်စုနဲ့အပေါင်းအပါတွေရဲ့ လက်ချက်နဲ့ ဂုဏ်ရောင်ပြောင်စွာ ကျဆုံးသွားခဲ့ပါတယ်။

စာစောင်ကိုတော့ အောက်ပါလင့်ကနေတဆင့် ရယူနိုင်ပါတယ်။
https://tinyurl.com/owayjournal

ဒီစာစောင်ကို လွတ်လပ်စွာ ပြန်လည်ကူးယူဖြန့်ဝေနိုင်ပါတယ်။

05/02/2026

စစ်အစိုးရနောက်မြီးဆွဲ ရန်ကုန်တက္ကသိုလ်အထူးဘွဲ့နှင်းသဘင်နှင့် စစ်ခေါင်းဆောင်ထံ ဂုဏ်ထူးဆောင်ပါရဂူစက္ကူကတ်ပြား ပေးအပ်ခြင်းနှင့် ပတ်သက်၍ ပူးတွဲသဘောထားထုတ်ပြန်ခြင်း

(၂၀၂၆ ခုနှစ်၊ ဖေဖော်ဝါရီလ ၅ ရက်)

27/01/2026

"နှစ်ကူးကမ်ပိန်း" ❗📣

စစ်ဘေးသင့် အညာဒေသ ကျောင်းသားကလေးငယ်များရဲ့ ကျောင်းဖွင့်ချိန်တွေအတွက် စာရေးကိရိယာနဲ့ ကျောင်းသုံးပစ္စည်းတွေ ပြင်ဆင်ဖို့ လိုအပ်ချက်တွေများလာပါပြီရှင်။

ရန်ကုန်တက္ကသိုလ် ကျောင်းသားသမဂ္ဂ၊ Students Without Borders တို့နဲ့ လက်တွဲပြီး ကလေးတွေကို ထောက်ပံ့နိုင်ဖို့ "နှစ်ကူးကမ်ပိန်း"မှာ ပါဝင်နိုင်ပါတယ်။

ပမာဏနည်းများမဆို ကူညီနိုင်သလို၊
ကျောင်းသားတယောက်စီအတွက် တဦးလျှင် ၃၅,၀၀၀ ကျပ်နှုန်းဖြင့်လည်း ပါဝင်ကူညီနိုင်ပါတယ်။

ကမ်ပိန်းအကြောင်းအရာ အသေးစိတ်ကိုတော့ ဒီ link မှာ ဖတ်ရှူနိုင်ပါတယ်။
👉 https://www.facebook.com/share/v/1G7BFRWetB/?mibextid=wwXIfr

‎👉 "နှစ်ကူးကမ်ပိန်း" မှာ ပါဝင်နိုင်ဖို့ Students Without Borders နဲ့ University of Yangon Students’ Union - UYSU တို့ရဲ့ page Messenger ကနေတဆင့် ဆက်သွယ်ကူညီနိုင်ပါပြီရှင်။

#နှစ်ကူးကမ်ပိန်း #ပညာရေး

21/01/2026

အညာဒေသမှ စစ်ရှောင်ကျောင်းသား ကလေးငယ်များဆီသို့ ❗📣

"နှစ်ကူးကမ်ပိန်း"

ကာလကြာရှည် စ*စ်ဘေးဒဏ်ကို ခံစားနေရတဲ့ အညာဒေသက ကျောင်းနေအရွယ် ကျောင်းသူကျောင်းသား ကလေးငယ်များအတွက် စာရေးကိရိယာ၊ ကျောင်းသုံးပစ္စည်းတွေ လက်ဆောင်ပေးကြဖို့ ကျမတို့ ရန်ကုန်တက္ကသိုလ် ကျောင်းသားသမဂ္ဂ၊ Students Without Borders တို့နဲ့ လက်တွဲပြီး တတ်စွမ်းသမျှ ပါဝင်ကူညီနိုင်ပါပြီရှင်။

ပြည်တွင်း ပြည်ပရောက် ပြည်သူလူထုအနေနဲ့ တတ်အားသမျှ ပမာဏနည်းများမဆို ကူညီနိုင်သလို၊

ကျောင်းသားတယောက်စီအတွက် တဦးလျှင် ၃၅,၀၀၀ ကျပ်နှုန်းဖြင့်လည်း ပါဝင်ကူညီနိုင်ပါတယ်။

အညာဒေသက တိုက်ပွဲပြင်းထန်နေရာများအတွက် ဦးစားပေး ထောက်ပံ့ပေးသွားမှာဖြစ်ပြီး ကနဦး ကျောင်းနေအရွယ် ကျောင်းသားကလေးငယ် (၃၀၀) ခန့်ကို ထောက်ပံ့ပေးနိုင်ဖို့ မျှော်မှန်းထားပါတယ်။

‎👉 "နှစ်ကူးကမ်ပိန်း" မှာ ပါဝင်နိုင်ဖို့ Students Without Borders နဲ့ University of Yangon Students’ Union - UYSU တို့ရဲ့ page Messenger ကနေတဆင့် ဆက်သွယ်ကူညီနိုင်ပါပြီရှင်။

👉 ဒီကမ်ပိန်းကိုတော့ အခု ဇန်နဝါရီလကုန်အထိ တိုးမြှင့်ထားပါတယ်။

#နှစ်ကူးကမ်ပိန်း #ပညာရေး

04/01/2026

အမေရိကန်ရဲ့နယ်ချဲ့လုပ်ရပ်ကို ဆန့်ကျင်ရှုတ်ချကြောင်း [English below]

ရက်စွဲ: ၂၀၂၆ ခုနှစ် ဇန်နဝါရီလ ၄ ရက်

ဒီနေ့ ဗင်နီဇွဲလား စံတော်ချိန် မနက် ၃ နာရီမှာ အမေရိကန်က ဗင်နီဇွဲလားစစ်စခန်းတခုကို တိုက်ခိုက်လိုက်တယ်။ သိပ်မကြာခင်မှာပဲ ဗင်နီဇွဲလားသမ္မတကို ဖမ်းလိုက်ပြီဆိုပြီး ဒေါ်နယ်ထရမ့်က ပြောခဲ့ပါတယ်။ ဒီနေရာမှာ ရှင်းရှင်းလင်းလင်းမြင်ရမှာက ဘယ်လိုပဲ ရှုပ်ထွေးမှုပေါင်းစုံ အကြောင်းရင်းပေါင်းစုံရှိပါစေ၊ အမေရိကန်ရဲ့လက်ရှိလုပ်ရပ်ဟာ လက်တွေ့မှာ ကျူးကျော်စစ်ပွဲတရပ် ထပ်မံဆင်နွှဲလိုက်တာဖြစ်တယ် ဆိုတဲ့အချက်ပဲ။ မိမိတို့အနေနဲ့ နိုင်ငံတနိုင်ငံက အခြားတနိုင်ငံကို ကျူးကျော်စစ်ဆင်နွှဲတာ၊ စစ်ရေးနည်းနဲ့ အကျပ်ကိုင်ဖိအားပေးတာကို ပြင်းပြင်းထန်ထန်ရှုတ်ချတယ်။ ဒါဟာ နယ်ချဲ့လုပ်ရပ်၊ ဖက်ဆစ်လုပ်ရပ်ဖြစ်တယ်။

ရဲဘော်အပေါင်း ပြည်သူအပေါင်းတို့ ...

ကမ္ဘာကြီးမှာ လက်ယာအစွန်းရောက်တွေ၊ ဖက်ဆစ်တွေက အင်အားကြီးထွားလာနေတယ်။ ဗင်နီဇွဲလားကနေ ဗမာပြည်အထိ၊ ဂျော်ဒန်မြစ်ကမ်းကနေ ဧရာဝတီအထိ ကမ္ဘာ့လူမျိုးပေါင်းစုံပြည်သူအပေါင်းဟာ ဖက်ဆစ်အရင်းရှင်တွေ၊ ဖက်ဆစ်အာဏာရှင်တွေရဲ့ ဖိနှိပ်မှုကို ခါးစည်းခံနေကြရတယ်။ လစ်ဘရယ်အရင်းရှင်နိုင်ငံရေးဟာ ဖက်ဆစ်စနစ်ကို ဘယ်တော့မှ အနိုင်ယူအလဲထိုးနိုင်စွမ်းမရှိခဲ့သလို အခုတခါမှာလည်း ရှုံးနိမ့်ဦးမှာပဲ။ စိတ်ရှိတိုင်းကျူးကျော်ရန်စပြီး အနိုင်ကျင့်ဖိနှိပ်တဲ့ ဖက်ဆစ်ဝါဒ၊ စစ်ဝါဒကို ဘယ်လို လစ်ဘရယ်နိုင်ငံရေးအဆောက်အအုံနဲ့မှ တားဆီးဖို့မဖြစ်နိုင်တာ ဗမာပြည်သမိုင်းက သက်သေပဲ၊ ကမ္ဘာ့သမိုင်းက သက်သေပဲ။ အဖိနှိပ်ခံ တော်လှန်တဲ့ပြည်သူလူထုချင်း သွေးစည်းမှုကသာ ဖက်ဆစ်ဝါဒကို အမြစ်ပြတ်ချေမှုန်းနိုင်မှာဖြစ်တယ်။ အမေရိကန် ရဲ့ ဗင်နီဇွဲလား သမ္မတကို ကျုးကျော်ဖမ်းဆီးမှုဟာ နယ်ချဲ့ကျူးကျော်စစ်လုပ်ရပ်တခုသာဖြစ်တယ်။

ဒါဟာ အမေရိကန်ဗိုလ်ကျလွှမ်းမိုးရေးဝါဒရဲ့‌ ဖက်ဆစ်လက္ခဏာကို ထင်ထင်ရှားရှားပြသလိုက်တာဖြစ်ပြီး ကမ္ဘာ့ငြိမ်းချမ်းရေးအတွက် ကြီးမားတဲ့ စိန်ခေါ်ချက်တရပ်ပါပဲ။ ဗင်နီဇွဲလားတခုထဲကိုသာမကဘဲ အမေရိကန်အကျိုးစီးပွား (အမေရိကန်တဖက်သတ်အလိုကျအကျိုးစီးပွား) ကို ဆန့်ကျင်တဲ့ဘယ်နိုင်ငံ၊ ဘယ်အင်အားစုကိုမဆို နှိပ်ကွပ်ပစ်မယ်ဆိုတဲ့ ခြိမ်းခြောက်သတင်းစကားကို ပေါ်ပေါ်ထင်ထင်ဖြန့်ချိလိုက်တာသာ ဖြစ်ပါတယ်။ ကမ္ဘာတလွှားက တိုးတက်တဲ့ အဖိနှိပ်ခံ လူတန်းစားပေါင်းစုံ၊ ဖိနှိပ်ခံ လူမျိုးပေါင်းစုံ ပြည်သူလူထုနဲ့အတူ မိမိတို့အနေနဲ့ အမေရိကန်ရဲ့ဒီလိုဖက်ဆစ်လုပ်ရပ်ကို ပြင်းပြင်းထန်ထန်ဆန့်ကျင်ကန့်ကွက် ရှုတ်ချလိုက်ပါတယ်။

အမေရိကန်ဗိုလ်ကျလွှမ်းမိုးရေးဝါဒ ဆန့်ကျင်ကြ
အဖိနှိပ်ခံလူမျိုးပေါင်းစုံပြည်သူလူထုနဲ့ အတူ စုစည်းတိုက်ပွဲဝင်ကြ
ကမ္ဘာ့ငြိမ်းချမ်းရေးအတွက် တိုက်ပွဲဝင်ကြ

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်)
ဗမာနိုင်ငံလုံးဆိုင်ရာအမျိုးသမီးများသမဂ္ဂ (ဗမသ)
ရတနာပုံတက္ကသိုလ်ကျောင်းသားများသမဂ္ဂ (ရတကသ)
တိုးတက်သော မွတ်စ်လင်မ် လူငယ်များအစည်းအရုံး
လီဆူလူငယ် အစည်းအရုံး
သွေးစွန်းငွေ ကမ်ပိန်း
စစ်ငြိမ်းပန်း ဖောင်ဒေးရှင်း

The People of Burma Stand Against the U.S. imperialist war on Venezuela

Date: 2026 January 4

Around 3:00 a.m. in Venezuela time today, the United States launched series of attacks targeting Venezuela’s military facilities in Caracas. Shortly after, Trump announced that the U.S. has captured the president of Venezuela, Nicolás Maduro. Regardless of the complex issues, it is clear that this violent act from the U.S. is nothing more than waging another imperialist war. We strongly condemn any country invading another or using military means to exert coercive pressure. This is an act of imperialism and fascism.

Far-right and fascist forces are growing across the world. From Venezuela to Burma, from the banks of Jordan to the banks of Ayeyarwady , all people across the world are resisting the oppression of fascist capitalists and dictators. Liberalism has always been incapable of defeating fascism and it has fail again this time. The histories of Burma and the world are proves that liberal politics is no match against fascism and militarism that unleash aggression and invasion whenever they want. The international solidarity amongst all oppressed people is the only way to uproot fascism. The ‘capture’ of the Venezuelan president by the U.S. is nothing more than an act of imperialist aggression. This clearly exposes the fascist nature of the U.S. domination across the world and poses a serious threat to genuine peace around the world. This is an open threat declaring that any country or force, not just Venezuela, that opposes U.S.’s one-sided interests will be crushed and terrorized.

We strongly condemns this blatant fascist character of U.S. imperialism. We will continue to stand alongside all oppressed people across the world to struggle against imperialism and fascism.

Oppose U.S. Imperialism
Unite and fight alongside the oppressed people
Fight for genuine peace around the world

SIGNED
All Burma Federation of Student Unions (ABFSU)
All Burma Women's Union (ABWU)
Yadanabon University Students’ Union
Progressive Muslim Youth Association
Lisu Youth Congress
Blood Money Campaign
Sitt Nyein Pann Foundation

#ဗကသ #ဗမသ

21/12/2025

ဖိနှိပ်မှုတွေကို အိုးဝေကတဆင့် ဖော်ထုတ်လိုက်ပါ
____________________________________________

ဗမာပြည်တဝှမ်းက ကျောင်းသား၊ကျောင်းသူ ညီအကို၊ မောင်နှမ အပေါင်းတို့…

ဒီနေ့အချိန်ဟာ စစ်အုပ်စုရဲ့ အတုအယောင်ရွေးကောက်ပွဲကျင်းဖို့ နီးကပ်နေတဲ့ ကာလဖြစ်ပါတယ်။ စစ်အုပ်စုဟာဆိုရင် သူရဲ့ မတရားစစ်အာဏာကို တရားဝင်မှုပြုဖို့ရာအတွက် အတုအယောင်ရွေးကောက်ပွဲကို အတင်းကာရော ကျင်းပဖို့ စိုင်းပြင်းပြင်ဆင်နေပါတယ်။ ရွေးကောက်ပွဲအောင်မြင်ရေးအတွက်လည်း မသမာတဲ့ နည်းလမ်းပေါင်းစုံသုံးပြီး ကြိုးပမ်းနေပါတယ်။ ဒီလိုနည်းလမ်းတွေထဲက နည်းလမ်းတခုကတော့ စစ်အုပ်စု ထိန်းချုပ်နယ်မြေတွေမှာ၊ သူတို့လက်လှမ်းမှီရာဒေသတွေမှ ကျောင်းတက်နေတဲ့ ကျောင်းသားတွေကို ရွေးကောက်ပွဲမှာ အတင်းအကြပ်မဲပေးဖို့ ဖိအားပေးတာပဲဖြစ်ပါတယ်။

ဗမာပြည်တလွှားက ကျောင်းသားရဲဘော်တွေအနေနဲ့ စစ်အုပ်စုရဲ့ ရွေးကောက်ပွဲဆိုင်ရာ အတင်းအကြပ်ဖိအားပေးမှုမျိုး၊ အကြပ်ကိုင်မှုမျိုးကို ကိုယ်တိုင်ဖြစ်စေ အသိမိတ်ဆွေတွေထဲကဖြစ်စေ ကြုံတွေ့နေရတာမျိုးရှိတဲ့အခါ အိုးဝေကနေတဆင့် မိမိတို့ရဲ့ အသံကို ထုတ်ဖော်ပြောကြားဖို့ ဖိတ်ခေါ်ချင်ပါတယ်။

အခုလို ကြုံတွေ့နေရတဲ့ မတရားဖိနှိပ်မှုတွေကို သတင်းပေးပို့မယ်ဆိုရင်တော့ ဗကသများအဖွဲ့ချုပ် ပြန်ကြားရေးကော်မတီရဲ့ Telegram Account ဆီကို လျှို့ဝှက် လာရောက်ဆက်သွယ်နိုင်ပါတယ်။

➡️ t.me/ABFSUOway
➡️

မတရားမှု ဟူသမျှ ဆိတ်ကွယ်ရာ မရှိရလေအောင် အိုးဝေကတဆင့် ဖော်ထုတ်ကြေညာနိုင်ပါကြောင်း ကျောင်းသားရဲဘော်များအား သတင်းပါးအပ်ပါတယ်။

“စစ်အုပ်စုရဲ့ ဖိနှိပ်မှုဟူသမျှ ဆန့်ကျင်ဖော်ထုတ်ကြ”