Department of Italian, Yangon University of Foreign Languages

05/02/2021

🇲🇲ချစ်ရပါသော သူငယ်ချင်းတို့ရေ၊ အီတာလျံဘာသာစကားကို ဘာကြောင့် လေ့လာကြပါသလဲ။ ဒီနှစ်ပိုင်းအတွင်း အီတာလျံဘာသာစကားကို လေ့လာခဲ့ကြတဲ့ ကျွန်တော်တို့ရဲ့ ကျောင်းသားတချို့နဲ့ မိတ်ဆက်ပေးချင်ပါတယ်။ ဒါတွေကတော့ သူတို့ရဲ့ ပြောပြချက်တွေပါ။ ဒီနေ့ကတော့ Monnie Mon ရဲ့ အလှည့်ပဲဖြစ်ပါတယ်။

February 5ရက်နေ့သည် World Nutella Day ဖြစ်ပါသည်။ World Nutella Day ကို ၂၀၀၇ ခုနှစ်တွင်ပထမဆုံးအကြိမ်ကျင်းပခဲ့သည်။ထိုနေ့အတွက် အိုင်ဒီယာမှာ ထိုအချိန်က အီတလီ၌ နေထိုင်သော အမေရိကန် blogger တစ်ယောက်ဖြစ်သော Sara Rosso၏ အိုင်ဒီယာဖြစ်သည်။ Nutella ကို ပေါင်မုန့်မီးကင်တွင်ဖြန့်ခြင်း၊ ကိတ်မုန့်တွင်ရောစပ်ခြင်း နှင့် အသားညှပ်ပေါင်မုန့်တို့တွင်သုံးခြင်းအတွက် အကောင်းဆုံးဖြစ်သည်။ Nutella သည် အခွံမာသီးနှင့် cocoa ရောစပ်ထားသည်။

02/02/2021

Italian ဌာနမှ Part-time ဆရာ/ ဆရာမလျောက်ထားသူ ၉ ဦး Part-time ခန့်ခွင့်ရပါပြီ
မကြာမီ ကျောင်းမှ online training သင်တန်းများပြုလုပ်ပေးပါမည် အားလုံးတက်ရောက်ရပါမည်။

01/02/2021

🇲🇲ချစ်ရပါသော သူငယ်ချင်းတို့ရေ၊ အီတာလျံဘာသာစကားကို ဘာကြောင့် လေ့လာကြပါသလဲ။ ဒီနှစ်ပိုင်းအတွင်း အီတာလျံဘာသာစကားကို လေ့လာခဲ့ကြတဲ့ ကျွန်တော်တို့ရဲ့ ကျောင်းသားတချို့နဲ့ မိတ်ဆက်ပေးချင်ပါတယ်။ ဒါတွေကတော့ သူတို့ရဲ့ ပြောပြချက်တွေပါ။ ဒီနေ့ကတော့ Aye De Par Naingရဲ့ အလှည့်ပဲဖြစ်ပါတယ်။
⤵️ ⬇️ ⬇️

29/01/2021

🇲🇲ချစ်ရပါသော သူငယ်ချင်းတို့ရေ၊ အီတာလျံဘာသာစကားကို ဘာကြောင့် လေ့လာကြပါသလဲ။ ဒီနှစ်ပိုင်းအတွင်း အီတာလျံဘာသာစကားကို လေ့လာခဲ့ကြတဲ့ ကျွန်တော်တို့ရဲ့ ကျောင်းသားတချို့နဲ့ မိတ်ဆက်ပေးချင်ပါတယ်။ ဒါတွေကတော့ သူတို့ရဲ့ ပြောပြချက်တွေပါ။ ဒီနေ့ကတော့ Mal Ei ရဲ့ အလှည့်ပဲဖြစ်ပါတယ်။
Giuseppe Verdi ဆိုတာ ဘယ်သူလဲ

Giuseppe Verdi ဆိုသည်မှာ ၁၉ရာစု အီတလီနိုင်ငံ ၏ ကျော်ကြားသော ဂီတပညာရှင် ပြဇာတ်ရေးဆရာ တစ်ယောက်ဖြစ်သည်။ Giuseppe Verdi ကို အီတလီ နိုင်ငံ မြောက်ပိုင်းတွင်ရှိသော Le Roncole မြို့လေး တွင် မွေးဖွားခဲ့ပါသည်။ ၁၈၁၃ ခုနှစ်တွင် Le Roncole မြို့သည် Parma ပိုင်နက် ပြင်သစ်အင်ပါယာ ၏ လက်အောက်ခံမြို့တစ်မြို့ ဖြစ်ခဲ့သည်။
မိခင် Luigia Uttini သည် ဗိုင်းငင်ခြင်း အလုပ်ကို လုပ်ကိုင်ပြီး ဖခင် Carlo Giuseppe Verdi မှာ တည်းခိုခန်းပိုင်ရှင်လည်း ဖြစ်သည်။
မိဘ များမှာ ပညာတတ်များ မဟုတ်သော်လည်း သားဖြစ်သူအား အကောင်းဆုံးပညာရေးပေးခဲ့ကြပါသည်။

Verdi ၏ ငယဘြဝ

Verdiကို မြို့တွင်းမှ နီးစပ်ရာ ခရစ်ယာန် ကျောင်းတွင် ပညာသင်ကြားစေခဲ့ပါသည်။ ဤသို့ဖြင့် အသက် (၉)နှစ် အရွယ် ထိုခရစ်ယာန် ကျောင်းတွင် အော်ဂင်တီးသူဖြစ်လာခဲ့သည်။
၁၈၂၃ ခုနှစ်တွင် ဂီတပညာကို ပိုမိုလေ့လာနိုင်ရန် Busseto မြို့သို့ပြောင်း ရွေ့ ခဲ့သည်။ ထို့နောက် တွင် အပျော်တမ်း ဂီတပညာရှင် ကုန်သည်တစ်ဦး ဖြစ်သော Antonio Barezzi ထံသို့ ပြောင်းရွေ့သင်ယူပြန်သည်။
ထိုဂီတပညာရှင် Antonio Barezzi သည် Verdi ကို သမီးဖြစ်သူ Margherita အား အဆိုပညာနှင့် စန္ဒယားပညာ သင်ကြားစေခဲ့သည်။
Margherita သည် နောက်ပိုင်းတွင် Verdi လက်ထပ်ယူရသောမိန်းကလေး လည်းဖြစ်ပါသည်။

Verdi ၏ ဂီတပညာရှင်ဘဝ အစ

၁၈၃၉ နိုဝင်ဘာလ တွင် Verdi ၏ ပထမဆုံးပြဇာတ် Oberto ကို La Scala Milan ထုတ်လုပ်ရေးက ကထုတ်လွှင့်ခဲ့ပြီး အောင်မြင်မှုလည်း ရရှိခဲ့ပါသည်။ ထိုအောင်မြင်မှုကြောင့် Verdi လည်း La Scala မှ (၃)နှစ်စာချုပ် ထပ်မံချုပ်ဆိုဖို့ အခွင့်အရေး ရခဲ့သည်။ထို့နောက် Verdi သည် ဒုတိယ ပြဇာတ် Un giorno di regno အတွက် ကြိုးစားရေးနေစဥ်တွင် Verdi၏ အမျိုးသမီး ကွယ်လွန်သည်။
ပြဇာတ်သည်လည်း ထင်သလောက်အောင်မြင်မှုမရရှိခဲ့ပေ။ အမျိုးသမီးဆုံးသွာသည်နှင့် စိတ်ဓာတ်ပျက်ပြားကာ Verdi သည် ပြဇာတ်ရေးခြင်းကို စွန်လွှတ်ရန် ဆုံးဖြတ်ခဲ့သည်။

Verdi ၏ ကျော်ကြားမှု

သို့သော်လည်း Nabucco ဟုခေါ်သော ပြဇာတ်တစ်ခုရေးသားရန် ဆွဲဆောင်ခြင်းခံရသည်။ ထိုပြဇာတ်သည် Verdi ၏ တတိယမြောက် ရေးသားသောပြဇာတ်ဖြစ်သည်။
ထိုပြဇာတ်သည် မျိုးချစ်စိတ်ဓာတ်ကို ဖော်ကျူးသော ပြဇာတ်တစ်ပုဒ်ဖြစ်သည်။ Nabucco ဆိုသည်မှာ Babylonian King Nabucco ကြောင့် တိုင်းပြည် မှ ပြည်နှင်ထွက်ခွာရသော အစ္စရေးများ အကြောင်း ဖြစ်သည်။
Nabucco ပြဇာတ်မှ သံပြိုင်သီဆိုရသော Va Pensiero သည် လွန်စွာကျော်ကြားသည်။ Va Pensiero သည် အစ္စရေး တို့ ၏ သူတို့တိုင်းပြည်ပြန်လည်ရရှိရေး တမ်းတ လွမ်းမော နေပုံကို ဖော်ကျူးသော သံစဥ်ဖြစ်သည်။ ထိုသံစဥ်သည် သြစတြီးယား တို့၏ ကြီးစိုးခြင်းကို ခံရဖူးသော အီတလီ လူမျိုးများအတွက် မျိုးချစ်စိတ် ဓာတ်ကို လွန်စွာ တတ်ကြွစေခဲ့သည်။
ထိုပြဇာတ်ကို ၁၈၄၂ ခုနှစ် မတ်လတွင် ပွဲဦးထွက်ပြသခဲ့ကာ ထိုပြဇာတ်ကြောင့် ပင် Verdi သည် ဂုဏ်သတင်းကြီးမားကာ ထင်ပေါ်ကျော်ကြားခဲ့သည်။

Verdi နှင့် သူ၏ပြဇာတ် များ

Rossini, Bellini, Giacomo Meyerbeer, Gaetano Donizetti နှင့် Mercadante တို့သည် Verdi အပေါ်လွမ်းမိုးမှုရှိသော ပညာရှင်များဖြစ်သည်။
နောက်ဆယ်စုနှစ်များကြာသောအခါ Verdi သည် ပြဇာတ် ၁၆ ပုဒ်တိတိ ရေးသားပြီးစီးခဲ့သည်။
၁၈၅၀ ခုနှစ်များတွင် ရေးသားသည့် Rigoletto (1851), Il trovatore (1853), La traviata (1853) တို့သည် အလွန်ပြောင်မြောက်ကာ ဘယ်သောအခါမှ ပျောက်ကွယ်မည်မဟုတ်သော ပြဇာတ် များဖြစ်ခဲ့ပါသည်။
ထို့ပြင် ၁၈၆၀ နှင် ၁၈၇၀ ခုနှစ်များတွင် လည်း Don Carlos (1867) နှင့် Aida ကိုရေးသားခဲ့ပြန်ကာ ၁၈၇၁ ခုနှစ်တွင် Cairo Opera House တွင် တင်ဆက်ပြသခဲ့ပါသည်။
(၄)နှစ်ကြာပြီးသော အခါတွင် Verdi သည် နောက်ဆုံးပြဇာတ်အနေဖြင့် Requiem ဟု လူသိများသော
Messa da Requiem ကိုရေးသားပြီး ပြဇာတ်ရေးခြင်းအားရပ်နားကာ ခတ္တအငြိမ်းစားယူခဲ့သည်။

Verdi နှင့် ကမ္ဘာကျော် Shakespeare

ဆယ်စုနှစ်စာ ကြာပြီးနောက် ၁၈၇၁ ခုနှစ် တွင် Verdi သည် Shakespeare ၏ Otello ပြဇာတ်အား အခြေခံပြီး Arrigo Boito နှင့်ပူးပေါင်းကာ ပြဇာတ်တစ်ပုဒ်ရေးသား ပြန်သည်။
ထိုပြဇာတ်ကို ၁၈၈၇ တွင်ပြသခဲ့ပြီး လှပသေသပ်သော တေးဂီတ နှင့် ကောင်းမွန်သော ဇာတ်ဆောင် စရိုက်များကြောင့် လက်ရာမြောက်လွန်းသော အဆွေးပြဇာတ်အဖြစ် တစ်ရှိန်ထိုးထင်ရှား ကျော်ကြားခဲ့ပြန်သည်။
Otello ပြဇာတ် ၏ အောင်မြင်မှုနှင့်အတူ Verdi သည် Falstaff ပြဇာတ်အား ဆက်လက်ရေးသားကာ ၁၈၉၀ တွင်ရေးသားပြီးစီးခဲ့သည်။ Falstaff သည်လည်း ကမ္ဘာကျော် Shakespeare ၏ The Merry Wives of Windsor and Henry IV ကို မှီငြမ်းရေသားခဲ့သည်။
Falstaff သည် လည်း Verdi ၏ ပြောင်မြောက်သော ရေးသားမှု
ထူးခြားသော ဂီတသံစဥ် များကြောင့် ကမ္ဘာတစ်ဝှမ်းတွင် လူကြိုက်များကျော်ကြားခဲ့ပါသည်။

Verdi ၏ နေဝင်ချိန်

Verdi သည် ၁၉၀၁ ခုနှစ် ဇန်နဝါရီ လ (၂၇) ရက်နေ့တွင် Milan တွင်နေထိုင်ရင်း ကွယ်လွန်ခဲ့ပါသည်။ Verdi ၏ စျာပန အခမ်းအနားသည် အီတလီ တစ်နိုင်ငံလုံးရှိ လူဦးရေ (၃)သိန်းကျော် တက်ရောက်သော အစည်ကားဆုံး စျာပန အခမ်းအနား တစ်ခု လည်း ဖြစ်ခဲ့သည်။
Verdi သေဆုံးခဲ့ပါသော်လည်း သူ၏ အောင်မြင်မှုနှင့် ပြဇာတ်များစွာသည် ယနေ့အထိ ကမ္ဘာတစ်ဝှမ်း လူကြိုက်များ ထင်ပေါ်ကျော်ကြားဆဲဖြစ်သည်။
Verdi သည် ထူးခြားသော ဇာတ်ကွက်များနှင့် မတူကွဲပြားသော သံစဥ်များပေါင်း စပ်ကာ အီတလီ နိုင်ငံ ၏ ပြဇာတ်လောက ကို တစ်ခေတ်ဆန်းသစ်စေခဲ့သည့် ဂီတပညာရှင်ကြီး ဖြစ်ပေသည်။

27/01/2021

🇲🇲ချစ်ရပါသော သူငယ်ချင်းတို့ရေ၊ အီတာလျံဘာသာစကားကို ဘာကြောင့် လေ့လာကြပါသလဲ။ ဒီနှစ်ပိုင်းအတွင်း အီတာလျံဘာသာစကားကို လေ့လာခဲ့ကြတဲ့ ကျွန်တော်တို့ရဲ့ ကျောင်းသားတချို့နဲ့ မိတ်ဆက်ပေးချင်ပါတယ်။ ဒါတွေကတော့ သူတို့ရဲ့ ပြောပြချက်တွေပါ။ ဒီနေ့ကတော့ Aye De Par Naingရဲ့ အလှည့်ပဲဖြစ်ပါတယ်။
International Holocaust Remembrance Day 27 January: The Italian writer Primo Levi

26/01/2021

25/01/2021

ချစ်ရပါသော သူငယ်ချင်းတို့ရေ၊ အီတာလျံဘာသာစကားကို ဘာကြောင့် လေ့လာကြပါသလဲ။ ဒီနှစ်ပိုင်းအတွင်း အီတာလျံဘာသာစကားကို လေ့လာခဲ့ကြတဲ့ ကျွန်တော်တို့ရဲ့ ကျောင်းသားတချို့နဲ့ မိတ်ဆက်ပေးချင်ပါတယ်။ ဒါတွေကတော့ သူတို့ရဲ့ ပြောပြချက်တွေပါ။ ဒီနေ့ကတော့ Monnie Mon အလှည့်ပဲဖြစ်ပါတယ်။

Who invented the piano🎹?Bartolomeo Cristofori သည် ကမ္ဘာ့ပထမဆုံးစန္ဒရားကိုတီထွင်သူအဖြစ်သမိုင်းအရအသိအမှတ်ပြုခံခဲ့ရသည့် အီတလီလူမျိုးဖြစ်သည်။ သူသည် ၁၆၅၅ခုနှစ် မေလ၄ရက်နေ့ အီတလီမြောက်ပိုင်း Padua တွင်မွေးဖွားခဲ့သည်။ သူသည် ၁၆၉၀ ခုနှစ်တွင် Medici တွင် Florenceတွင် တရားရုံးတွင်အလုပ်လုပ်ခဲ့သည်။ Bartolomeo Cristofori သည် ဂီတသမများသည် စောင်း၏ အသံအတိုးအကျယ်ကို ထိန်းချုပ်နိုင်ခြင်းမရှိခြင်းကြောင့် မကျေမနပ်ဖြစ်ခဲ့သည်။ ထိုကြောင့် ၁၆၉၈နှင့်၁၇၀၀ကြားတွင် သူသည် “Gravicembalo col piano e forte” ကိုတီထွင်ခဲ့သည်။အဓိပ္ပါယ်ကတော့ အသံအတိုးအကျယ်ရတဲ့ လက်နှိပ်တူရိယာ ဖြစ်သည်။ “ပျော့ပျောင်းသောအသံနှင့် clavichord” ဖြစ်သည်။ “Clavichord” သည် harpsichord နှင့်ဆင်တူသည့် keyboard တူရိယာတစ်မျိုးဖြစ်သည်။ မကြာမီအနာဂတ်ဂီတတူရီယာတစ်ခုဖြစ်သော “Pianoforte” အမည်ကိုတီထွင်ခဲ့သည်။ Bartolomeo Cristofori ၏ Gravicembalo သည် စန္ဒရား၏ရှေ့ပြေးဂီတတူရိယာဖြစ်သည်။ အချိန်ကြာလာသည်နှင့်အမျှ pianoforte သည် ရှုပ်ထွေးပြီး မရှုပ်ထွေးသောယန္တရားကိုအသုံးပြုသည့် harpsichord ကို အစားထိုးခဲ့သည်။ စန္ဒရား၏တီထွင်မှုကြောင့် ဥပမာအားဖြင့် အသံ၏ပြင်းထန်မှုကို ပြောင်းလဲစေခဲ့သည်။ အစပိုင်းတွင် Bartolomeo Cristofori ၏ ဂီတတူရိယာများသည် ကြီးမားသောအောင်မြင်မှာကိုမရရှိခဲ့ပါ။ Cristofori ၏ တီထွင်မှုသည် ဂီတလောကတွင် ကျယ်ပြန့်စွာ စမ်းသပ်ရန် လမ်းခင်းခဲ့ပုံကို မှတ်မိရန် အရေးကြီးသည်။ ဤသုတေသနများက ခေတ်မီစန္ဒယားကိုမွေးဖွားခြင်းဖြင့်တူရိယာ၏တိုးတက်မှုကို ဦးတည်ခဲ့သည်။ Bartolomeo Cristofori သည် Florence ၌ ၇၃နှစ်၊ ၁၇၃၁ခုနှစ် ဇန်နဝါရီ ၂၇ရက်နေ့တွင် သေဆုံးခဲ့သည်။ သူ၏အသက်မွေးကျောင်းမှုတွင် သူသည် စန္ဒရားမြောက်မြားစွာကိုတည်ဆောက်ခဲသည်။ ကံမကောင်းစွာဖြင့်ယနေ့တွင် သာဓက သုံးခုသာကျန်ခဲ့သည်။ ပထမတစ်ခုမှာ ၁၇၂၀ မှစတင်ခဲ့သောတူရိယာသည် နယူးယောက်ရှိ Metropolitan အနုပညာပြတိုက်တွင်ရှိပြီး၊ ဒုတိယတစ်ခုမှာ Rome ရှိ Museo Strumenti Musicali (၁၇၂၂)တွင်ရှိပြီး၊ တတိယတစ်ခုမှာ Leipzig တက္ကသိုလ် ရှိ Musikinstrumentan ပြတိုက်(၁၇၂၆) တွင်လည်း‌ကောင်း စုဆောင်းထားသည်။ ၁၇၀၂ရက်စွဲပါ Cristofori မှတည်ဆောက်ခဲ့သော keyboard သုံးခုပါသောစောင်း နှင့် မင်းသားဖာဒီနန်၏လက်ရုံးသည် Ann Arbor ရှိမီချီဂန်တက္ကသိုလ်တွင် ဖြစ်သည်။

24/01/2021

🇲🇲ချစ်ရပါသော သူငယ်ချင်းတို့ရေ၊ အီတာလျံဘာသာစကားကို ဘာကြောင့် လေ့လာကြပါသလဲ။ ဒီနှစ်ပိုင်းအတွင်း အီတာလျံဘာသာစကားကို လေ့လာခဲ့ကြတဲ့ ကျွန်တော်တို့ရဲ့ ကျောင်းသားတချို့နဲ့ မိတ်ဆက်ပေးချင်ပါတယ်။ ဒါတွေကတော့ သူတို့ရဲ့ ပြောပြချက်တွေပါ။ ဒီနေ့ကတော့ Harry Soe အလှည့်ပဲဖြစ်ပါတယ်။

CALIGOLA
ဒီ​နေ့ဟာဆိုရင်ဖြင့် ​ရောမအင်ပါယာ ဘုရင် Caligola ​သေဆုံးသည့် နှစ်ပတ်လည်နေ့ဖြစ်ပါသည်။ Caligola ဘုရင်သည် ရောမအင်ပါယာ၏ တတိယမြောက် ဘုရင်ဖြစ်ပြီး AD 37 မှ 41 အထိ နို​င်ငံကို အုပ်ချုပ်​ခဲ့သော ဘုရင်တစ်ပါးဖြစ်ပါသည်။
ကာလီ​ဂူ​လာ ဘုရင်​ကို ဂူလီရို ကလောက်ဒီယန်း မင်းဆက်အုပ်စိုးသော ပထမရော​မ အင်ပါယာတွင် Germanicus နှင့် Agrippina the Elder တို့မှ မွေးဖွား​ခဲ့ပြီး အမည်​အရင်း​မှာ Gaius Caesar Augustus Germanicus ဖြစ်​သော်လဲ caligula (Caligula မှာ Latin အမည်မှ ဆင်းသက်လာပြီး စစ်သား​ငယ်လေး​ရဲ့ ဖိနပ်​လို့ အဓိပ္ပါယ်ရပါသည်။) အမည်​ကို ဂျာမနီစစ်ပွဲအတွင်း cali ဖိနပ်စီး​သော​ကြောင့် သူ့ ဖခင်​၏ စစ်သားများက ​ခေါ် ဆို​ရင်း အမည်တွင်ခဲ့ပါသည်။
ဖခင်​သည် အန်းနီရခ် မှာ သေဆုံးသောအခါ သူ​အပါအဝင် ​မောင်နှမ ၆ယောက် မိခင်နဲ့အတူ ရောမမြို့​သို့ ပြန်​ရောက်လာခဲ့သည်။ ​ရော​မရောက်​သောအခါ မိခင်​ဖြစ်သူ​မှာ ဘုရင် Tiberius နှင့်အဆင်မ​ပြေဖြစ်ပြီးဘုရင်​မှ အငြိုးထားခဲ့ပါသည်။ ဒီအငြင်းပွားမှုမှ မိသားစုဝင်အချို့ဆုံးရှုံး​ရကာ Caligula သာ နောက်ဆုံး​ကျန်ရစ်သော​ယောကျ်ား ဖြစ်သည်။
Tiberius ကို လက်စားချေ​ရန်အတွက် သေစေလောက်သော ပရောဂတွေရှိတယ်လို့နာမည်ကြီးသောကြောင့် Tiberius မသိမ်းယူ​သော Capri ကျွ​န်းရှိ ဘုရင်​နဲ့ ပူးပေါင်း​ရန် AD 31 တွင် ဖိတ်ကြား​ချက်ကို တိတ်တိတ်ဆိတ်ဆိတ် လက်ခံ​လိုက်သည်။
ထို့နောက် သူသည် AD 37 တွင် Tiberius ကို အနိုင်​တိုက်​နိုင် ရော​မအ​င်​ပါ​ယာ​၏ တတိ​ယ​မြောက်ဘုရင်​ဖြစ်​လာခဲ့သည်။ အစပထမ​နှစ်အတွင်း သူ၏ ကြိုးပမ်းမှူများကြောင့် ပြည်သူလူထု၏ အားပေး​မှု ချီးမြောက်မှူတို့ကို ရရှိခဲ့သော်လဲ နောက်ပိုင်း နှစ်​များတွင် သူရဲ့ ရက်စက်မှု၊ ယုတ်မာ​မှု၊ ​ဖောက်ပြန်မှု၊ လက်​ဖွာ​မှု၊ အာဏာရှင်ဆန်မှု​၊ သားမယား​စော်ကားနှိပ်စက်မှုများကြောင့် သူ့ကို စိတ်မနှံ့သော ဘု​ရင်တစ်ယောက်​လို ပြောဆို​ဆက်ဆံ​ကြပြီး AD 41 ရာစုအ​စောပို​င်း​တွင် ထို​ခေတ်က အထက်အလွတ်​တော်​အမတ်​များ၊ အစောင့်အရှောက်များနှင့် နန်း​တွင်း​သူ နန်းတွင်းသားများ ပေါင်းပြီး လုပ်ကြံလိုက်ကြပါသည်။ နန်းသက်စံရသော နှစ်​နဲ​ရုံ သာမက အချို့​သော သမိုင်း​တွေကို ​ဖျောက်ဖျက်ခံရ​သော ဘုရင်​တစ်ပါး​ဖြစ်ပါသည်။
ကျန်ရစ်​ခဲ့သော မှူးမတ် ဝန်ကြီး နန်းတွင်းသူ နန်းတွင်းသားများ​သည် ​ရောမအင်ပါယာမပြိုကွဲအောင် ကြိုးပမ်းခဲ့ကြပါသည်။ Caligula ကို လုပ်ကြံသည့်နေ့မှာတွင် သူ၏ဦး​လေး Claudius ကို လာမည့် ရော​မအ​င်​ပါ​ယာ ၏ ဘုရင်​ဟု ​ကြေငြာခဲ့ပါသည်။
Caligula ရဲ့ တူ​တော် Nero အုပ်ချုပ်ပြီး Julio Claudian ခေတ်ကို AD 68 ရာစု​အထိ ဆက်လက် တည်တံ့​သော်လည်း Caligola ရဲ့ သေဆုံး​မှုဟာ Giulli Caesar အတွက် ထီးနန်းဟာ သက်မှတ်ပေးပြီးသား ဖြစ်​နေခဲ့​ပါသည်။
အ​စောဆုံး ကာလ များ မှာ Caligola ဟာ သူ၏ဘုန်းတန်ခိုးအာ​ဏာ ကြီးထွားလာ​အောင်ကြိုးပမ်း ခဲ့သလို အခြားတစ်ဖက်တွင်လဲ တစ်ဖက်​စောင်းနင်း​မ​ဖြစ်အောင် လုပ်ဆောင်​ခဲ့သည်။ သူ့ရဲ့ ကြီးကျယ်လှတဲ့ ဆောက်လုပ်ရေး​ခွင်​တွေကို ကိုယ်တိုင်ကြီးကြပ် ညွှန်ကြား​ပြီး သူအတွက်​လဲ ကောင်းပေ့ဆိုသော အရာ​တွေကို အသုံးပြု​လေ့ရှိ​သည်။
သူ့လက်ထက်​တွင် လုပ်ခဲ့ သော ​ရေသွယ်တံတား Acqua Claudia(Rome) နှင့် Anio Novus (Roma) တို့​ကို ယခု​ထက်​တိုင် မြင်နိုင်ပါ​သေး​သည်။

19/01/2021