HIBS

11/05/2026

ပြုစုခြင်း တည်ဆောက်ခြင်းတိုင်းမှာ ခွန်အားတွေ အချိန်တွေ ပေးဆပ်မှုတွေ အမြဲပါဝင်ရပါတယ်။
သို့သော် အသီးအပွင့်ကို မြင်ရတဲ့အခါ ဝမ်းမြောက်ရတတ်ပါတယ်။

08/05/2026

ဘုရားရဲ့ခေါ်ခြင်းထဲမှာ သင်လုပ်ဆောင်ပြီဆို အနှောက်အယှက် သေချာပေါက်ရှိပါတယ်။
သင့်တဖက်မှာ ညီညွတ်စွာ ထကြွမယ့်အဖွဲ့လည်း ပေါ်လာမယ်။
အမှတ်တမဲ့ မနေဘဲ ဆုတောင်းပါ။
ဘုရားကို အားကိုးပါ။
သင့်ကိုစေခိုင်းသောဘုရားက အဆုံးထိ ပို့ဆောင်မယ်။

နေ​ဟ​မိ ၄:၇-၁၁
ယေရုရှလင်မြို့ရိုးမြင့်၍ ပြိုပျက်ရာတို့ကို ပြင်စ ပြုကြသည်ဟု သမ္ဘာလတ်နှင့် တောဘိအစရှိသော (အာရပ်လူ၊ အမ္မုန်လူ၊ အာဇုတ်လူ) တို့သည် ကြားသောအခါ၊ အလွန်ဒေါသစိတ်ရှိသဖြင့်၊
ယေရုရှလင်မြို့ကို စစ်ချီ၍တိုက်မည်။
ထိုအမှုကို ဖျက်မည်ဟု “တညီတညွတ်တည်း တိုင်ပင်ကြ၏။”

သို့ရာတွင် ငါတို့သည် “ငါတို့၏ဘုရားသခင်ကို ဆုတောင်း၍” ရန်သူကြောင့် “နေ့ညဉ့်မပြတ် ကင်းစောင့်ထားကြ၏။”

ယုဒလူအချို့ကလည်း၊ ဝန်ထမ်းသောသူတို့ သည် အားကုန်ကြပြီ။ အမှိုက်များလှ၏။ မြို့ရိုးပြီးစီးအောင် မတတ်နိုင်ကြဟု ဆိုကြ၏။

ရန်သူတို့ကလည်း၊ #သူတို့သည်အမှတ်တမဲ့သတိမရှိဘဲနေစဉ်တွင်၊ ငါတို့သည် သူတို့အထဲသို့ဝင်၍ လုပ်ကြံသဖြင့်၊ ထိုအလုပ်ကို ဖျက်မည်ဟု ဆိုကြ၏။

07/05/2026

ခေါင်းဆောင်ဆိုတာ ဝန်တင်မှုကနေ စတင်တယ်။
- ပြတ်သားသော ရူပါရုံ
- စနစ်ကျသော အကြံအစည်
- ပူးပေါင်းလုပ်ဆောင်ခြင်း
- နှိမ့်ချခြင်း
- ဆုတောင်းအားကြီးခြင်း
- အသေးစိတ် ဘုရားကို အားကိုးခြင်း
- ယုံကြည်ခြင်း အားကြီးခြင်း
- လုပ်ဆောင်ရမည့်အရာတိုင်းကို စနစ်တကျ ကြိုတင်ပြင်ဆင် စဉ်းစားခြင်း

အရေးကြီးဆုံးကတော့ လုပ်သမျှကို ဘုရားဘုန်းတော်အတွက် လုပ်ဆောင်ခြင်း

06/05/2026

အလိုတော်ကိုဆောင်လျှက် သွားသောလမ်းခရီးမှာ အနှောက်အယှက် အတားအဆီးဆိုတာ အမြဲ ရှိနေတာပါ။ ရပ်တန့်ဖို့မဟုတ်။ ဆုတောင်း + ပြင်ဆင် + ကိုးစား ယုံကြည်လျှက် ရှေ့ဆက်ပါ။

05/05/2026

ဘုရားရဲ့ နှလုံးသားကို သယ်ဆောင်ပြီး ဘုရားအသံကို အကင်းပါးစွာနားထောင်သောသူအတွက် သာမန်နေ့လေးတနေ့ဟာလည်း ကြီးသောအမှု အစပြုရာနေ့ ဖြစ်လာမယ်။

03/05/2026

ဘုရားစိတ်တော်နှင့်တွေသော ဆုတောင်းခြင်း

CCL-8th week 2026

01/05/2026

လည်ဆွဲ
_______

ပန်းထိမ်ဆရာတစ်ဦး ကွယ်လွန်သွားပြီးနောက်...
သူ၏မိသားစုမှာ စီးပွားရေးအခြေအနေ ကျဆင်းလာခဲ့သည်။
နေ့စဉ်စား၀တ်နေရေး ဖြေရှင်းရန်အတွက် မိသားစုမှာ ငွေကြေးအခက်အခဲ နှင့်ရင်ဆိုင်နေရသည်။

တစ်နေ့မှာ ...
ပန်းထိမ်ဆရာရဲ့ဇနီးက နီလာလည်ဆွဲလေးတစ်ခုကို သိမ်းထားရာမှထုတ်လိုက်ပြီး...သူမ၏သားကို ပေးပြီး...
'' သားရေ...ဒီလည်ဆွဲကို ယူပြီး မင်းဦးလေး ဆိုင်ကိုသွား...လည်ဆွဲကိုပေးလိုက်...လည်ဆွဲအတွက်တန်ဖိုးငွေကို...သားပြန်ယူလာခဲ့ပါ...''...လို့ ပြောတယ်။

ကောင်လေးလည်း မိခင်ပြောသည့်အတိုင်း လည်ဆွဲကိုယူပြီး သူ့ဦးလေးဆီသွားပေးသည်။

ဦးလေးသည် လည်ဆွဲကိုယူကြည့်ပြီး ကောင်လေးကို ပြောတယ်...

'' သားရေ...လည်ဆွဲကို မင်းအမေဆီပြန်ယူသွားလိုက်ဦး...
သူ့ကိုပြောလိုက် ... အခု ကျောက်မျက်စျေးတွေကျနေတယ်...
နောက်...စျေးကောင်းတဲ့အခါမှရောင်းပါလို့ ပြော ....
အခုတော့ မင်းအမေစျေးသုံးဖို့ ငွေအနည်းငယ်ပေးလိုက်မယ်...
သြော်....ဒါနဲ့ မင်းအခုအလုပ်မရှိဘူး...အားနေတယ်မဟုတ်လား
နက်ဖြန်.... ဦးလေးရဲ့ကျောက်မျက်ဆိုင်မှာ...အလုပ်လာလုပ်ကွာ...
ဦးလေးကမင်းကို...လုပ်အားခပေးမှာပေါ့ကွ'' .. လိုပြောလိုက်တယ်။

ကောင်လေးလည်း ....
သူ့ဦးလေးပေးလိုက်သည့် ငွေအနည်းငယ်နဲ့
သူတို့မိသားစု ရေရှည်ရပ်တည်နိုင်မည်မဟုတ်... နက်ဖြန်ကစလို့ ဦးလေးဆိုင်မှာ အလုပ်ဆင်းမှဖြစ်မယ်လို့ စဉ်းစားမိတယ်။

နောက်နေ့ကစ၍ ကောင်လေးသည် သူ့ဦးလေးဆိုင်သို့သွားရောက်ပြီး အလုပ်ဆင်းသည်။
သူသည် အလုပ်လုပ်နေရင်း အဖိုးတန်ကျောက်မျက် တို့၏အကြောင်းကို လေ့လာသင်ယူခဲ့သည်။

လုပ်သက်ရင့်လာတာနဲ့အမျှ ကျောက်မျက်အကြောင်းကို အတော်လေး စစ်ဆေးအကဲဖြတ်နိုင်လာသည်။ ကျောက်မျက်ကို ကြည့်ရှုပြီး စျေးဖြတ်နိုင်သည့်အဆင့်သို့ပင် ကျွမ်းကျင်တတ်မြောက်လာခဲ့လေသည်။

တစ်နေ့မှာ...ဦးလေးက
''လူလေးရေ...မင်းအမေဆီသွားလိုက်ဦး အခုကျောက်မျက်စျေးတွေကောင်းနေတယ်...ဒီအချိန်ရောင်းရင်စျေးကောင်းရမှာလို့ ပြောပြီး
နီလာဘယက်ကို ယူလာခဲ့...'' ပြောသည်။
ကောင်လေးလည်း အိမ်ပြန်ခဲ့သည်။

သူ့အမေဆီမှ နီလာလည်ဆွဲကိုယူပြီး စစ်ဆေးကြည့်ရှုရာ....
လည်ဆွဲမှာ...အစစ်မဟုတ်...အတုဖြစ်ကြောင်း သိရလေသည်။

နောက်တစ်နေ့တွင်...
ကောင်လေးသည်သူ့ဦးလေးဆိုင်သို့ ပြန်လာခဲ့သည်။
လည်ဆွဲကိုတော့ သူမယူလာခဲ့တော့ပေ။

ဦးလေးမှ လည်ဆွဲဘာလို့မယူလာကြောင်းမေးရာ...
'' လည်ဆွဲလား....မယူခဲ့တော့ဘူးလေ...
ကျွန်တော်သေသေချာချာ ... စစ်ဆေးကြည့်ခဲ့ပြီးပြီ...
အဲ့ဒါအတုကြီးဗျ...ဘာမှတန်ဖိုးမရှိပါဘူးဗျာ...'' ဟု ပြောလိုက်သည်။

ပြီးနောက်....
ကောင်လေးက ဦးလေးကို ပြန်မေးလိုက်သည်....
'' ဦးလေး...
အမေ့လည်ဆွဲဟာ အတုကြီးမှန်း ဦးလေးသိပြီးဖြစ်ပေမယ့် ဘာဖြစ်လို့... စျေးကောင်းရမှရောင်းပါဆိုပြီး...
သိမ်းခိုင်းထားရတာလဲခင်ဗျာ...''

'' ဒီမယ်...လူကလေး...မင်း...လည်ဆွဲကိုယူလာခဲ့စဉ်တုန်းက...
လည်ဆွဲကအတုပါလို့ ...ငါပြောလိုက်ရင်..
မင်းတို့မိသားစု စိတ်ဓာတ်ပိုကျသွားမယ်...နောက်ပြီး...ငါက....လိမ်ပြောတယ်လို့...မင်းတို့ထင်ကြလိမ့်မယ်...

အခုဆို...
မင်းလည်း...ကျောက်မျက်အကြောင်းသိနေပြီပဲ...
လည်ဆွဲက အတုဆိုတာကို မင်းကိုယ်တိုင်သိသွားရတာပေါ့ ...''

============================

အသိဥာဏ်မပါတဲ့ စောင့်ရှောက်ခြင်းဟာ အကျိုးမရှိသလို
အချိန်မတန်ဘဲ ပြောသော အမှန်တရားဟာ အထင်လွဲခြင်းနဲ့ ပျက်စီးခြင်းတို့ကို ဖြစ်စေနိုင်ပါတယ်။
ဒါကြောင့်... အရာရာမှာ အမြော်အမြင်ကြီးစွာ ဆောင်ရွက်နိုင်ကြပါစေ။

Crd

30/04/2026

HIBS ကျောင်းနဲ့အတူ အမြဲ ယုံကြည် ရပ်တည်ပေးရုံသာမက ကျောင်းတော်ကြီးရဲ့ လိုအပ်ချက်အတွက် အလှူငွေ ကျပ်သိန်း ၅၀ တိတိကို လှူဒါန်းပါဝင်ပေးသော HIC Singapore အသင်းတော်ရဲ့ သင်းအုပ်ဆရာ Rev Kairos Kim & Sm Nyo Mie မိသားစုကို အထူးပင် ကျေးဇူးတင်ရှိပါကြောင်း ဖော်ပြအပ်ပါသည်။

ကျောင်းတော်အတွက် စိုက်ပျိုးခြင်းဖြင့် ဆရာတို့မိသားစု အသက်တာတွင် သားစဉ်မြေးဆက် နှုတ်ကပါတ်တော်ကို ရတတ်သော မိသားစုဖြစ်စေကြောင်း ဆုတောင်းပေးပါသည်။

28/04/2026

ဘုရားက သင့်ကို ချီးမြှောက်တဲ့အခါ ထိုချီးမြှောက်ခြင်းဟာ လူအများကြီးအတွက် ကောင်းကြီးဖြစ်ပါစေ။

25/04/2026

Some of the greatest story begins with huge pains and deep hurts
But the choices you make in that situation will bring you to your next steps. 🙏🏻

Finding hope amidst deep-seated pain is impossible on our own. Tragedy struck the family of Dr. Peter Tan-chi and his wife Deonna Tan-Chi when they had left...

24/04/2026

ဘုရားပေးတဲ့ partnership ကတော့

နှစ်ဦးနှစ်ဖက် ပူးပေါင်းခြင်းအားဖြင့်

ခြင်္သေ့ထက် သာ၍ ခွန်အားကြီးစေပြီး

ရွှေလင်းယုန်ထက် သာ၍ လျှင်မြန်စေပါတယ်။

CCL-7th week 2026