Өмнөговь аймгийн Боловсролын газар, Umnugovi, Dalandzadgad (2026)

12/06/2026

“ЭРСДЭЛГҮЙ ӨМНӨГОВЬ"
Иргэдийн аюулгүй орчинд амьдрах нөхцөлийг бүрдүүлэх, эрсдэлтэй нөхцөл байдалд шуурхай хариу арга хэмжээ авах, төрийн байгууллагын үйл ажиллагааны уялдаа холбоог сайжруулах зорилгоор “Эрсдэл мэдээлэх систем”-ийг ашиглалтад оруулан ажиллаж байна.
Тус системээр дамжуулан иргэн, аж ахуйн нэгж, байгууллагууд өөрийн оршин суугаа орчинд тулгамдаж буй эрсдэл, аюул, осол, зөрчилтэй холбоотой мэдээллийг цахимаар илгээх боломжтой. Мөн зураг болон холбогдох баримт материалыг хавсарган илгээж, тухайн мэдээллийн шийдвэрлэлтийн явцыг бодит цаг хугацаанд хянах нөхцөл бүрдсэн.
Системийн үндсэн давуу тал нь:
• Эрсдэлийн мэдээллийг шуурхай хүлээн авах
• Фото зураг, баримт материал хавсаргах боломжтой
• Шийдвэрлэлтийн явцыг ил тод хянах боломжтой
• Иргэдийн оролцоог нэмэгдүүлж, эрсдэлээс урьдчилан сэргийлэхэд дэмжлэг үзүүлэх
🌐 Цахим хаяг: https://ersdel.site/

12/06/2026

ТӨСВИЙН ТӨСӨӨЛӨЛ ХҮЛЭЭН АВАХ СИСТЕМ НЭЭГДЛЭЭ

Нэгжүүд илгээгээд БГ,БХ хянаад баталгаажуулсан байх хугацаа🤗

11/06/2026

🏫 ГУРВАНТЭС СУМАНД 320 ХҮҮХДИЙН ШИНЭ СУРГУУЛЬ ҮЙЛ АЖИЛЛАГААГАА ЭХЛҮҮЛНЭ

Гурвантэс сумын орон нутгийн удирдлагуудтай албан ёсны уулзалт хийж, тус сумын боловсролын салбарын хөгжил, бүтээн байгуулалтын асуудлаар хамтран ажиллалаа.

Уулзалтын гол зорилго нь ирэх 2026-2027 оны хичээлийн жилд шинээр үйл ажиллагаагаа эхлүүлэх гэж буй 320 хүүхдийн хүчин чадалтай шинэ сургуулийн бэлтгэл ажлыг хангах, тулгамдаж буй асуудлуудыг шийдвэрлэхэд чиглэв.

🤝 Уулзалтаар дараах асуудлуудыг хэлэлцэж, санал солилцлоо:

Бэлтгэл ажлыг эрчимжүүлэх: Шинэ сургуулийн барилга байгууламжийн гүйцэтгэл, дотоод тохижилт болон хичээлийн шинэ жилээс өмнө бүрэн ашиглалтад оруулах ажлын явцыг дүгнэв.

Хамтын ажиллагааг бэхжүүлэх: Орон нутгийн удирдлагуудтай хамтран багшлах боловсон хүчний хангамж, сургалтын материаллаг баазыг бэхжүүлэх тал дээр нягт уялдаатай ажиллахаар тохиролцлоо.

Чанартай боловсролын орчин: Тус сургууль үүд хаалгаа нээснээр Гурвантэс сумын хүүхэд багачууд орчин үеийн стандартад нийцсэн, таатай, аюулгүй орчинд сурч боловсрох томоохон боломж бүрдэж байна.

Сум орон нутгийнхаа ирээдүй болсон хүүхэд багачуудын боловсролд онцгойлон анхаарч, идэвх санаачилгатай ажиллаж буй Гурвантэс сумын удирдлагууд болон хамтран ажилласан баг хамт олонд гүн талархал илэрхийлье.

Шинэ сургуулийн нээлтийн бэлтгэл ажилд нь өндөр амжилт хүсье.

11/06/2026

🏫 ГУРВАНТЭС СУМЫН ЕБС-ИЙН САЛБАР ОВООТЫН БАГА СУРГУУЛЬ, ЦЭЦЭРЛЭГИЙН НӨХЦӨЛ БАЙДАЛТАЙ ТАНИЛЦЛАА

Хилийн цэргийн 0166 дугаар ангийн салбар сургууль, цэцэрлэгийн үйл ажиллагаатай танилцлаа.
2026.06.10-ны өдөр Боловсролын газрын дарга Д.Баасанхүүгээр ахлуулсан ажлын хэсэг төлөөлөл Өмнөговь аймгийн Гурвантэс суманд байрлах Улсын Хилийн цэргийн 0166 дугаар анги (Овоотын отряд)-д ажиллалаа.

Энэхүү томилолтын онцлох нэг хэсэг нь тус цэргийн ангийн байрлалд үйл ажиллагаа явуулдаг Ерөнхий боловсролын салбар сургууль болон цэцэрлэгийн нөхцөл байдалтай биечлэн танилцсан явдал байв. Алслагдсан бүсэд, эх орныхоо торгон хилийг манаж буй хилчдийн маань ар гэр, үр хүүхдүүдийн сурч боловсрох таатай орчин нөхцөлийг бүрдүүлэх нь хамгийн чухал асуудлуудын нэг билээ.

Газар дээр нь ажиллах үеэр дараах зүйлсэд анхаарал хандууллаа:

- Эх орны манаанд зогсож буй хилчин дайчид болон тэдний бяцхан үрсийг сурган хүмүүжүүлж буй сургууль, цэцэрлэгийн багш нартай уулзаж, тулгамдаж буй асуудлуудыг сонслоо.

- Хүүхэд багачуудын сургалтын орчин, барилга байгууламж, материаллаг баазын өнөөгийн нөхцөл байдлыг үзэж танилцав.

Цаашдын дэмжлэг: Цэргийн алба хаагчдын нийгмийн баталгааг хангах, хүүхдүүдийн сурч хөгжих дулаан, аюулгүй орчныг сайжруулах чиглэлээр хамтарч ажиллах талаар хэлэлцлээ.

Эх орныхоо өмнөд хязгаарт үүргээ нэр төртэйгөөр гүйцэтгэж буй Овоотын отрядын нийт бие бүрэлдэхүүн болон ирээдүй хойч үеийг соён гэгээрүүлэх үйлсэд зүтгэж буй багш нартаа гүн талархал илэрхийлж, ажлын өндөр амжилт хүсье🥰😁

11/06/2026

2026 оны "Элсэлтийн шалгалт"-ын суудлын хуваарь гарлаа

Элсэлтийн шалгалтад бүртгүүлсэн шалгуулагчид та бүхэн өөрийн бүртгэлийн дугаар, нууц үгээ ашиглан eyesh.eec.mn
/ https://eyesh.eec.mn/profile/login / цахим хуудасны "шалгуулагчийн булан" хэсэгт нэвтрэн холбогдох асуулга судалгааг бөглөөд суудлын хуваариа хэвлэж авна уу.

Та бүхэнд амжилт хүсье

10/06/2026

📌ШИВЭЭХҮРЭН БООМТЫН ХҮҮХЭД ХАРАХ ҮЙЛЧИЛГЭЭНИЙ ҮЙЛ АЖИЛЛАГААТАЙ ТАНИЛЦЛАА

Гурвантэс сумын удирдлагууд болон холбогдох албаны төлөөллүүд Шивээхүрэн боомтод ажиллаж, тус боомтын салбар цэцэрлэгийн үйл ажиллагаа, сургалтын орчин, хүүхэд багачуудын хөгжил, аюулгүй байдалтай танилцлаа.
Боомтын бүсэд ажиллаж, амьдарч буй иргэдийн хүүхэд багачуудыг Сургуулийн өмнөх боловсролд бүрэн хамруулах, тэдний сурч боловсрох таатай орчныг бүрдүүлэх нь манай сумын нэн тэргүүний зорилтуудын нэг юм.
Хүүхэд харах үйлчилгээний анги танхимын тохижилт, ариун цэвэр, стандартын шаардлага,
Хүүхдийн хоол хүнсний чанар, хангамж,
Багш, ажилчдын ажиллах нөхцөл, тулгарч буй асуудлуудыг газар дээр нь үзэж танилцан, цаашид авах арга хэмжээний талаар санал солилцлоо.
Хүүхэд бүр хаана амьдарч байгаагаасаа үл хамааран чанартай боловсрол, эрүүл аюулгүй орчинд өсөн торних эрхтэй. Хүүхэд харах үйлчилгээний хамт олондоо ажлын амжилт хүсье😊

10/06/2026

МЭДЭЭЛЭЛ:

Хөрөнгө оруулалт, бүтээн байгуулалт
Гурвантэс суманд хэрэгжиж буй 320 хүүхдийн шинэ сургуулийн барилга угсралтын ажил гэрээт хугацааны дагуу үргэлжилж байна.
2025 оны 07 дугаар сарын 21-ний өдөр эхэлсэн 2026 оны 12 дугаар сарын 01-ний өдөр бүрэн ашиглалтад орохоор төлөвлөгдөн ажиллаж байна.
Нийт 14,229,924,813 төгрөгийн гэрээний дүнтэй тус төсөлд одоогоор 4,510,600,000 төгрөгийн санхүүжилт олгогдоод байна.
Зураг төслийг: “Хязгааргүй шулуун” ХХК, Барилгын засвар, гүйцэтгэлийн ажлыг: “Хос бор морь” ХХК хийж гүйцэтгэж байгаа бөгөөд Гурвантэс сумын Засаг Даргын Тамгын Газраас захиалагчийн хяналтыг тогтмол тавин ажиллаж байна. Ажлын гүйцэтгэл 35%-тай үргэлжилж байна.

10/06/2026

ГУРВАНТЭС СУМЫН УЛСЫН ШАЛГАЛТ АМЖИЛТТАЙ ҮРГЭЛЖИЛЖ БАЙНА.

2025-2026 оны хичээлийн жилийн Улсын шалгалт 2026 оны 6 дугаар сарын 08-наас 11-ний өдрүүдэд зохион байгуулагдаж байна.
Шалгалтад хамрагдаж буй сурагчдын тоо:
✅5-р анги: 1,714 суралцагч
✅9-р анги: 1,398 суралцагч
✅12-р анги: 890 суралцагч
Шалгалтандаа орж буй нийт сурагчиддаа амжилт хүсье😁 Эрдэм ухаан дэлгэрэх болтугай.

10/06/2026

🔊Албан тушаалын эрх мэдэл нь хувь хүний ашиг сонирхлыг хангах хэрэгсэл бус, иргэдэд шударгаар үйлчлэх хариуцлага юм.
Албан тушаалаа ашиглан давуу байдал бий болгох, танил тал харгалзах, ашиг сонирхлын зөрчил гаргах нь авлигын нэг хэлбэр бөгөөд төрийн байгууллагад итгэх иргэдийн итгэлийг алдагдуулдаг.
👍Шударга ёс нь мөнгө, эрх ашиг, хувийн харилцаанаас дээгүүр байх ёстой. Бид өдөр тутмын үйл ажиллагаандаа хууль дээдлэх, ёс зүйг эрхэмлэх, ашиг сонирхлын зөрчлөөс ангид байх замаар авлигаас урьдчилан сэргийлэх боломжтой.
✅ Шударга байя.
✅ Хуулиа дээдэлье.
✅ Авлигаас ангид байя.👌👌👌

09/06/2026

ЭРҮҮЛ АЖ ТӨРӨХҮЙ МАССЫН ОЛИМПИАД ЗОХИОН БАЙГУУЛАГДАН ДҮНГЭЭ ГАРГАЛАА
Аймгийн Засаг даргын “Өсөлттэй Өмнөговь”, Иргэдийн эрүүл мэндийг дэмжих хөтөлбөрийн хүрээнд Ерөнхий боловсролын сургуулиудын суралцагчдын эрүүл мэндийн талаарх мэдлэг, ойлголтыг дээшлүүлэх, эрүүл зан үйл, дадал хэвшлийг төлөвшүүлж, хүүхэд нэг бүрийг эрүүл, аюулгүй амьдрахад хувь нэмэр оруулах зорилго бүхий “ЭРҮҮЛ АЖ ТӨРӨХҮЙ” наймдугаар олимпиадыг 6-12 дугаар ангийн суралцагчдын дунд цахимаар 4 төрлөөр зохион байгуулж 3359 суралцагч, бага ангийн 49, эрүүл мэндийн хичээл орж буй 41 багш оролцон дундаж гүйцэтгэл 47.4% байна. Өмнөх оны анги бүрийн дундаж гүйцэтгэл 2,7-11.0%-иар өссөн байна.
Энэ удаагийн массын олимпиадын онцлог нь:
• 6-12 дугаар ангийн суралцагчдаас Мексик консалтинг ХХК-тай хамтран цахим хэлбэрээр зохион байгуулав
• 6-12 дугаар анги болон эрүүл мэндийн хичээл ордог бага ангийн багш, дунд ангийн багш гэсэн 3 төрлөөр зохион байгууллаа.
• Сургалтын хөтөлбөрийн агуулгад нийцүүлэн МУБИС-ийн сургалтын хөтөлбөрийн багт ажилладаг багш нар сэдвийг боловсруулсан
• Эрүүл мэндийн газартай хамтран зохион байгуулж, өрхийн эрүүл мэндийн төв болон сумдын Эрүүл мэндийн төвийн эмч нар цахим шалгалтад хяналт тавив.
• Сургууль бүр нэгийн давааг сургууль дээрээ зохион байгуулж хоёрын даваанд бүлэг бүрээс нэг нэг анги шалгаран оролцсон
• Цахим олимпиад зохион байгуулснаар А4 цаас 450 хүн/цаг багшийн материал засах хугацааг хэмнэлээ.
Эрүүл мэндийн массын олимпиадын онцлог нь ангиараа оролцдогоороо онцлог юм . Ингээд байрыг танилцуулахад:
6-9 ангийн төрөлд
🥇Тэргүүн байр- 3-р сургууль 9А анги
🥈Дэд байр- 4-р сургууль 8А анги
🥉Гутгаар байр- Хүрмэн сум 8А анги
10-12 ангийн төрөлд
🥇Тэргүүн байр- 5-р сургууль 11А анги
🥈Дэд байр- 3-р сургууль 12А анги
🥉Гутгаар байр- 6-р сургууль 11Б анги
Бага ангийн багшийн төрөлд
🥇Тэргүүн байр- 6-р сургууль Э.Чаминцэцэг
🥈Дэд байр- 6-р сургууль Б.Бат-Отгон
🥉Гутгаар байр- Баяндалай сум Т.Нарандаваа
Эрүүл мэндийн багшнарын төрөлд
🥇Тэргүүн байр- 5-р сургууль Д.Болдмаа
🥈Дэд байр- 5-р сургууль И.Цогзолмаа
🥉Гутгаар байр- 5-р сургууль Э.Энхцэцэг
🎖️Эрүүл мэндийг дэмжигч “ШИЛДЭГ СУРГУУЛЬ”иар 5-р сургууль шалгарлаа.
Массын олимпиадад оролцож өөрийн болон ангийнхаа нийт суралцагчдыг сорьж оролцсон та бүхэндээ баярлалаа. Зуны амралтаараа цэвэр агаараар амьсгалж, байгалийн сайханд аялж, сүү цагаан идээгээ идэн, адал явдлаар дүүрэн байж, мартагдахааргүй дурсамжуудыг түүхийн хуудаснаа үлдээхийг хүсэн ерөөе. 👏👏👏

Өмнөговь аймгийн Боловсролын газар

12/06/2026

12/06/2026

11/06/2026

11/06/2026

11/06/2026

10/06/2026

10/06/2026

10/06/2026

10/06/2026

09/06/2026

Address

Website

Alerts

Contact The University

Shortcuts

Share

Category