02/02/2026
МБШИС-ийн 55 жилийн ойн ёслол
Өндөр гэгээн Занабазарын нэрэмжит Монголын Бурханы Шашны их сургууль үүсгэн байгуулагдсаны 55 жилийн ойн ёслол хүндэтгэлийн арга хэмжээ 17-р жарны элдэв эрдэнэт хэмээгдэх модон могой жилийн өвлийн адаг сарын шинийн 11-ны билигт сайн өдөр буюу 2026 оны 1 дүгээр сарын 29-н ы өдөр болж өндөрлөлөө.
Тус арга хэмжээнд МБШИС-ийн удирдах зөвлөл, эрдмийн зөвлөл, эрдэмтэн багш, хүндэт доктор, профессорууд, Боловсролын яам, хамтын ажиллагаатай байгууллагын төлөөлөл, төгсөгчдийн төлөөллүүд хүрэлцэн ирлээ.
Ойн арга хэмжээг нээж МБШИС-ийн удирдах зөвлөлийн дарга Хамба номун хан, гэвш лхаарамба, доктор (Ph.D), Д.Жавзандорж, МБШИС-ийн ректор, доктор (Ph.D) М.Ганхуяг, Ерөнхийлөгчийн тамгын газрын бичиг баримт, хяналт шинжилгээний газрын дарга, доктор (Ph.D), профессор С.Янжинсүрэн, МУИС-ийн философи шашин судлалын тэнхимийн эрхлэгч доктор (Ph.D), профессор М.Отгонбаяр нар баярын мэндчилгээ дэвшүүлэв.
Тус арга хэмжээнд боловсрол, шинжлэх ухааны салбарыг хөгжүүлэх үйлсэд бодитой хувь нэмэр оруулан, амжилттай ажилласан МБШИС-аас төрөн гарсан эрдэмтэн багш нараа шагнаж урамшуулсан баярт үйл явдал болж өнгөрлөө.
МУ-ын ЗГ-ын шагнал, Боловсролын яамны “ЖУУХ БИЧИГ”-ээр:
- Жаргалтогтохын Даваадорж (МБШИС-ийн Философи, Шашин судлалын тэнхимийн багш)
- Жаргалсайханы Өлзийбаяр (МБШИС-ийн номын санч)
- Мөнхбатын Төрмандах (МБШИС-ийн Хэл Шинжлэл, утга зохиолын тэнхимийн багш)
МУ-ын ЗГ-ын шагнал, “БОЛОВСРОЛЫН ТЭРГҮҮНИЙ АЖИЛТАН” цол тэмдгээр:
- Эрдэнэзаяагийн Төрболд (МБШИС-ийн Философи, Шашин судлалын тэнхимийн эрхлэгч, багш)
Монгол улсын төрийн дээд шагнал “АЛТАН ГАДАС” одонгоор:
- Гончигийн Амарсайхан (МБШИС-ийн Хэл Шинжлэл, утга зохиолын тэнхимийн эрхлэгч, багш)
- Рашийн Пүрэвжав (МБШИС-ийн нягтлан бодогч)
Монгол улсын төрийн дээд шагнал
“ХӨДӨЛМӨРИЙН ГАВЬЯАНЫ УЛААН ТУГИЙН ОДОН”-оор
- Шархүүхэний Алтан-Очир нар тус тус шагнагдсан бол,
МБШИС -ийн “ХҮНДЭТ ПРОФЕССОР”(Үлэмж цэцэн) цол тэмдгээр:
- Хөнхөрийн Бямбажав (МУСГЗ, МБШИС-ийн ахлах багш,)
- Цээцээ Лувсандорж (МБШИС-ийн ахлах багш)
- Батсүрэн Алтанхуяг (МБШИС-ийн ахмад багш)
- Тулгаа Ариунболд (Тарвалин хийдийн тэргүүн хамба)
МБШИС -ийн “ПРОФЕССОР” цолоор:
- Дуламрагчаа Жавзандорж (МБШТөв-Гандантэгчэнлин хийдийн тэргүүн их хамба, гэвш, лхаарамба, УЗ-ын дарга)
- Түмээхүү Булган (МБШИС-ийн зөвлөх багш, доктор (Ph.D), дэд профессор, гавж)
- Магсаржавын Ганхуяг (МБШИС-ийн ректор доктор (Ph.D))
МБШИС -ийн “ДЭД ПРОФЕССОР” цолоор:
- Содном Гантөмөр (МБШТөв-Гандантэгчэнлин хийдийн дэд хамба, гавж)
- Ганбаатарын Жалсрайжамц (МБШИС-ийн проректор доктор (Ph.D))
- Бяруузана Жамбал (МБШИС-ийн Хэл Шинжлэл, утга зохиолын тэнхимийн багш, доктор (Ph.D))
- Ж Лхагвадэмчиг (МУИС-ийн антропологийн тэнхимийн багш, доктор (Ph.D))
- Хүндэтгэлийн арга хэмжээний дараагийн онцлох үйл ажиллагаа нь ЭШ-ний хэлэлцүүлэг байв. Энэхүү үйл ажиллагааны хүрээнд “МБШИС-ийн түүхэн замнал” сэдвээр хэлэлцүүлэг өрнүүлэв.
Хэлэлцүүлгийн модератор: М.Ганхуяг (МБШИС-ийн ректор доктор (Ph.D))
Панлист:
Н.Амгалан (МБШТөв-Гандантэгчэнлин хийдийн дэргэдэх Эрдэм соёлын хүрээлэнгийн эрдэмтэн нарийн бичгийн дарга)
Д.Даваасүрэн (Доктор (Ph.D, СУИС-ийн Театр урлагийн сургуулийн захирал, дэд профессор)
Б.Жамбал (Доктор (Ph.D, МБШИС-ийн хэл уранзохиолын тэнхимийн багш) нар МБШИС-ийн өнгөрсөн үеийн түүхэн үйл явдал, оюутан насны дурсамж, ололт амжилтыг ярилцахын зэрэгцээ эрдэмтэн багш нараа санан дурслаа.
Хоёр дахь хэлэлцүүлэг “МБШИС-ийн орчин үеийн хөгжлийн чиг хандлага” сэдвээр Хэлэлцүүлгийн модератор Г.Жалсрайжамц
Панелистаар:
Ж.Лхагвадэмчиг (Доктор (Ph.D), МУИС-ийн антропологийн тэнхимийн багш)
Ж.Даваадорж (МБШИС-ийн Философи, шашин судлалын тэнхимийн багш, рамжамба)
П.Одгэрэл (Доктор (Ph.D), МУИС-ийн сэтгэл судлалын тэнхимийн багш, дэд профессор) нар МБШИС-ын алсын хараа, эрхэм зорилго, шинэ хөтөлбөр, ШУ, Буддын гүн ухааны ижил төстэй зүйлсийн талаар ярилцсан үр өгөөжтэй хэлэлцүүлэг болж өндөрлөлөө.
