23/06/2026
🇲🇳🤝🇰🇷 Рояаль Олон Улсын Их Сургууль болон БНСУ-ын Soongsil University School of Law-ийн Хуулийн сургууль хоорондын хамтын ажиллагааг өргөжүүлэх чиглэлээр үр дүнтэй уулзалт зохион байгуулагдлаа.
Энэ хүрээнд өнөөдөр Soongsil University-ийн Хуулийн хөтөлбөрийн оюутнууд Рояаль Олон Улсын Их Сургуульд зочлон ирж, сургалтын үйл ажиллагаатай танилцлаа.
Зочин оюутнууд Монгол Улсын хууль тогтоомжийн талаарх сонсгол хичээлд хамрагдаж, хоёр улсын оюутнуудын соёлын солилцоо, академик хамтын ажиллагааг бэхжүүлэхэд чиглэсэн олон талт хэлэлцүүлэг өрнүүлэв.
Энэхүү уулзалт нь хоёр сургуулийн хамтын ажиллагааг шинэ шатанд гаргах, оюутан солилцоо, хамтарсан сургалт, судалгаа шинжилгээний ажлыг өргөжүүлэх чухал алхам болж байгаагаараа онцлог юм.
Рояаль Олон Улсын Их Сургууль нь олон улсын хамтын ажиллагаагаа тасралтгүй өргөжүүлж, Дэлхийн түвшний боловсролыг оюутнууддаа хүргэх зорилтын хүрээнд гадаадын их, дээд сургуулиудтай үр өгөөжтэй түншлэлийг хөгжүүлсээр байна.
Монгол, Солонгосын ирээдүйн хуульчид та бүхэнд сурлага, хөдөлмөрийн өндөр амжилтыг хүсэн ерөөе!