HVK Studiesenter

21/10/2026

No er kompetansekartlegginga klar, med rykande ferske tal!

250 verksemder i Hardanger, Voss og Kvinnherad har svart på kva kompetanse dei treng. Og det er innmari viktig for deg.

HVK Studiesenter har betalt for undersøkinga, DU får rapporten gratis: https://hvkstudiesenter.no/kompetansebehov/

Vestland fylkeskommune Hardanger og Voss Næringshage Kvinnherad Næringsservice Visit Voss Visit Hardangerfjord Visit Sunnhordland ViKallar Voss herad Kvam herad Kvinnherad kommune Ullensvang kommune Ulvik herad Eidfjord

28/09/2026

Vi har flytta bookinga av Studentstova på Voss over til turistinformasjonen som ligg i same bygg. Frå no av bookar du ved å senda e-post til [email protected].

Når du kjem, møter du hyggjelege Thea, Olesia, Amanda og resten av gjengen i resepsjonen. Dei hjelper deg gjerne og viser deg rundt.

Velkomen innom!

https://hvkstudiesenter.no/studentstove/voss/

23/09/2026

Sjå her! 📣
Visste du at Fagskulen Vestland har fleire deltidsstudiar med opptak også etter den ordinære søknadsfristen?

Eit av tilboda er Innføring i prosjektleiing (5 studiepoeng), med søknadsfrist 8. oktober. Studiet går over seks veker og er 100 % nettbasert, noko som gjer det enkelt å kombinere med jobb og kvardagsliv.

Ynskjer du å styrkje kompetansen din innan prosjektleiing eller ta eit nytt steg i karrieren? Då kan dette vere ein spanande moglegheit!

👉 Les meir og søk på innføring i prosjektleiing: https://www.fagskulen.no/utdanning/bygg-og-anlegg/innforing-i-prosjektleiing/
👉 Sjå alle utdanningane med lokalt opptak: https://www.fagskulen.no/for-studentar/lokale-opptak/

Del gjerne vidare med nokon som kan ha nytte av dette! 📚

20/09/2026

Vi er så stolte over studentane våre, og det gode samarbeidet med kommunane og HVL. For ein gjeng! 🌳🎓

– Familielivet kom fyrst.

17/09/2026

27 barnehagelærarstudentar starta i dag på andre året av den arbeidsplassbaserte barnehagelærarutdanninga, og for første gong var samlinga på Voss.

Studentane kjem frå heile regionen. Alle jobbar i barnehage medan dei tek utdanninga, og i år vekslar undervisninga mellom Voss og Odda.

To av studentane hadde med seg baby på første samling - kor kult er ikkje det? Det er akkurat dette desentralisert utdanning skal gjere mogleg: at folk kan ta høgare utdanning utan å reise for langt frå jobb, familie og lokalsamfunn. Og at regionen får kompetansen den treng.

Utdanninga er eit resultat av at kommunane i regionen, Høgskulen på Vestlandet HVL og HVK Studiesenter gjekk saman om å få ho hit. Det er første gong ei arbeidsplassbasert barnehagelærarutdanning blir gjennomført i regionen.

Takk til FBK Voss, Voss IL og Voss ungdomsskule for gode lokale, til kommunane som stiller opp, Henriette Gustavsen frå Hardanger/Voss Kompetanseregion og alle andre som bidreg for å få sette til å skje. Lukke til med andre året, studentar! ⭐

Hardanger og Voss Næringshage Fonna Næringshage Kvinnherad Næringsservice Visit Voss Visit Sunnhordland Visit Hardangerfjord ViKallar Voss herad Ullensvang kommune Ulvik herad Kvinnherad kommune Kvam herad Eidfjord kommune

10/09/2026

Denne veka gjekk startskotet for helseleiarutdanninga på Voss! 👩🏼‍⚕️👨🏽‍⚕️

22 studentar frå helsetenestene i Voss herad, Eidfjord kommune, Ulvik herad, Ullensvang kommune og Vaksdal møttest til første samling - leiarar, tilsette og rådgjevarar. Det er første gong denne utdanninga blir gjennomført her! 👩🏼‍⚕️👨🏽‍⚕️

HVK Studiesenter er lokal arrangør, Voss herad er vertskommune, og utdanninga kjem frå Universitetet i Innlandet. Kursleiar Anja Tjelflaat frå Ambia og førelesar Henriette Melsom stod for opplegget på samlinga.

Første emne handlar om å leie medarbeidarar med reelt handlingsrom, og om å utvikle seg i si eiga leiarrolle. Undervisninga tek utgangspunkt i studentane sin eigen arbeidskvardag - her blir praksis knytt til teori, ikkje omvendt.

Og kvifor betyr det så mykje at utdanninga skjer lokalt? Vi lét studentane svare sjølve:

"Tre ungar, leiarstilling og gard - heilt avgjerande for meg at dette er lokalt."

"Fantastisk moglegheit å få til når vi er godt vaksne. Det hadde nok ikkje blitt gjort elles. Vi er heldige som får vere med på dette."

Vi gler oss til å følgje kullet vidare gjennom året 💚

Foto: Åsmund Aarsand

Hardanger og Voss Næringshage Næringshagen i Ullensvang Kvinnherad Næringsservice Visit Voss Visit Hardangerfjord Vestland fylkeskommune

27/08/2026

Lyst til å heve nivået i haust?

Det er ikkje for seint, det er framleis fleire utdanningar du kan studera nettbasert og deltid (men ver rask!) 🚀

Sjekk dei ut:

🎓 https://www.fagskulen.no/for-studentar/lokale-opptak/
🎓 https://www4.uib.no/studier/nettstudier-og-videreutdanning/sok-deltidsstudier-hosten-2026
🎓https://www.hvl.no/studier/ledige-studieplassar/
🎓https://www.inn.no/studier/ledige-studieplasser/

Universitetet i Bergen Fagskulen Vestland Høgskulen på Vestlandet HVL Universitetet i Innlandet

27/08/2026

Forlenga søknadsfrist: 1. september!

Vil du forstå meir av korleis barn og unge har det på innsida?

«Barn og unge si psykiske helse» er ei utdanning frå Fagskulen Vestland på 60 studiepoeng du tek på deltid over to år – nettbasert med samlingar, ved sidan av jobb. Du kan også ta enkeltemne på 15 studiepoeng.

Utdanninga passar for deg som jobbar i barnehage, skule eller andre tenester for barn og unge, og som vil ha meir tyngd i møte med psykiske vanskar, utviklingspsykologi og førebyggjande arbeid.

💥 Søk innan 1. september

Meir om studiet: https://hvkstudiesenter.no/kurs-utdanning/barn-og-unge-si-psykiske-helse/

Voss herad Eidfjord Kvam herad Ulvik herad Ullensvang kommune Kvinnherad kommune

27/08/2026

Ikkje for å mase, men veit de at Fagskulen Vestland faktisk tilbyr deltidsstudiar i gastronomisk reiseliv og matkultur på vakre Hjeltnes? Som du kan studere ved sidan av jobb?

Om du ikkje rakk å melde deg på i denne omgangen kan du sende ein e-post til [email protected] og melde interesse, så sikrer vi at Fagskulen Vestland får sett opp studia til neste år. Sei og ifrå om de har spesifikke behov for kompetanseauke, så går vi i dialog om å få det til lokalt og nettbasert.

🥗https://hvkstudiesenter.no/kurs-utdanning/gastronomisk-reiseliv-2/
🥗https://hvkstudiesenter.no/kurs-utdanning/matkultur/
🥗https://www.fagskulen.no/utdanning/studiestad-hjeltnes/

Visit Voss Visit Hardangerfjord Visit Sunnhordland

17/08/2026

"Ved å flytte utdanningen nærmere menneskene, familiene og distriktene rekrutterer studiesentrene studenter til høyere utdanning som ellers kanskje aldri ville ha begynt.

Det er verdt gull."