YADAV SIR

24/09/2026

आदरणीय आमाबुवा, दाजुभाइ तथा दिदीबहीनीहरु,

आज बिहानदेखि देशका विभिन्न स्थानमा वर्षा भइरहेको छ । जल तथा मौसम विज्ञान विभागले भोलि असोज ९ गतेदेखि ११ गतेसम्म देशका विभिन्न स्थानमा भारि देखि अति वर्षा र हावाहुरि आउन सक्ने पूर्वानुमानमा गरेको छ । पूर्व सावधानी अपनाउनु र सतर्कताका साथ कार्य गर्नु नै विपद् व्यवस्थापनको मुख्य आधार हो । यसै सन्दर्भमा नेपाल सरकारका सबै मन्त्रालय तथा मातहतका निकायहरुले पछिल्लो २४ घण्टामा विभिन्न निर्देशन, सार्वजनिक सूचना, नागरिक अपिल तथा प्रेष विज्ञप्तिहरु जारि गरि पूर्वतयारीलाई तिव्र बनाइएको छ :

- ७७ वटै जिल्लाका प्रमुख जिल्ला अधिकारीलाई उच्च सतर्कता अपनाउन परिपत्र गरिएको छ । जिल्ला सुरक्षा समितिको बैठक बसी नेपाली सेना, नेपाल प्रहरी र सशस्त्र प्रहरी बललाई तयारी अवस्थामा राखिएको छ । तीनवटै सुरक्षा निकायले नदी तटिय क्षेत्रमा माइकिंग गरि स्थानीयलाई सचेत गराउदै विपद् प्रतिकार्यका लागी पूर्ण तयारी गरिएको छ ।

- रातीमा सकेसम्म राजमार्गमा यात्रा नगर्न, अनावश्यक लामो दुरीको यात्रा नगर्न तथा सुरक्षित स्थानमा रहन सबैमा आग्रह गर्दछु ।

- राजमार्गका प्रत्येक सुरक्षा जाँच चौकी (चेकपोइन्ट) ले अघिल्लो चेकपोइन्टसँग सम्पर्क गरी सडकखण्ड सुरक्षित रहेको पूर्ण सुनिश्चितता भएपछि मात्र सवारी साधन अघि बढाउने “रोक, पर्ख र हेर” (Stop, Hold and Go) नीति लागु गरिएको छ । जोखिमयुक्त सडकखण्डमा राति सवारि संचालन नगर्न पनि निर्देशन दिइएको छ ।

- सम्भावित बाढी, पहिरो तथा नदी कटानलाई ध्यानमा राखी एक्स्काभेटर, लोडर, डोजरलगायत भारी उपकरण(Heavy Equipment) को पूर्वव्यवस्था गरी जोखिमयुक्त सडकखण्ड नजिक परिचालन गर्ने गरि तयारी राखिएको छ । सबै सडक डिभिजन कार्यालयलाई २४ सै घण्टा सक्रिय रहन तथा सडकको अवस्था (खुला/अवरुद्ध) सम्बन्धी अद्यावधिक सूचना नियमित सार्वजनिक गर्न निर्देशन दिइएको छ।

- हिमाली तथा पहाडी क्षेत्रमा पदयात्रा (ट्रेकिङ) र पर्वतारोहणमा रहनुभएका आन्तरिक तथा विदेशी पर्यटकलाई आवश्यक परेमा सुरक्षित स्थानमा सार्न सम्बन्धित व्यवसायीलाई समन्वय गर्न तथा होटल व्यवसायी र स्थानीय बासिन्दालाई सुरक्षित बासस्थान र सहयोग उपलब्ध गराउन अनुरोध गरिएको छ। मौसमको अवस्थाअनुसार आन्तरिक उडानमा सुरक्षा मापदण्ड कडाइका साथ पालना गर्दै उद्धार उडानलाई प्राथमिकता दिन निर्देशन दिइएको छ।

- सबै ७५३ स्थानीय तहलाई स्थानीय विपद् व्यवस्थापन समितिको बैठक बसी आवश्यक पूर्व तयारी गर्न, जोखिमयुक्त बस्तीका नागरिकलाई तत्काल सुरक्षित स्थानमा सार्न साथै सबै प्रमुख प्रशासकिय अधितृतलाई मन्त्रालय संग नियमित सम्पर्कमा रहन भनिएको छ । सार्वजनिक बिदाको अवधिमा पनि राष्ट्रसेवक कर्मचारीलाई आफू सुरक्षित रहँदै सम्भावित विपद् प्रतिकार्यमा तत्पर रहन निर्देशन दिइएको छ।

- सबै विद्यार्थी, बालबालिका, शिक्षक तथा कर्मचारी सुरक्षित रहने गरि स्थानीय तह संगको समन्वयमा आवश्यकता अनुसार असोज ९ गते विधालयको पठन पाठन संचालन नगर्न तथा यस अवधिमा तोकिएका परिक्षा सम्बन्धित विश्वविधालय र परिक्षा संचालन गर्ने निकायले आवश्यकता अनुसार स्थगित गर्न निर्देशन दिइएको छ।

- अभिभावकहरुलाई आफ्ना बालबालिकालाई नदी, खोला, पोखरी तथा पहिरोको जोखिम भएका स्थानमा जान नदिन विशेष अनुरोध गर्दछु।

- सबै अस्पताल तथा स्वास्थ्य चौकीहरुलाई आवश्यक जनशक्ति र औषधी-सामाग्री तयारी अवस्थामा राखी आकस्मिक स्वास्थ्य सेवा निरन्तर संचालन गर्न निर्देशन दिइएको छ । स्वास्थ्य आपतकालीन कार्य संचालन केन्द्र (HEOC) लाई क्रियाशिल अवस्थामा राखिएको छ।

- खाद्य व्यवस्था तथा व्यापार कम्पनीका सबै गोदाममा आवश्यक मौज्दात कायम गर्न निर्देशन गरिएको छ । राजमार्ग अवरुद्ध भएमा वैकल्पिक मार्गबाट अत्यावश्यक वस्तुको ढुवानी गरिनेछ। मौसमको अवस्था देखाउदै कृत्रिम अभाव सिर्जना गर्ने, कालोबजारी वा अनुचित मूल्यवृद्धि गर्ने माथि कडा कारबाही गर्न बजार अनुगमन गर्न निर्देशन गरिएको छ।

- नेपाल दूरसञ्चार प्राधिकरणको निर्देशनमा देशभर नागरिकसाई SMS ALERT पठाइएको छ । स्थानीय सञ्चार माध्यममार्फत मौसमसम्बन्धी नियमित अपडेट तथा सावधानीका उपाय निरन्तर प्रसारण गर्न सञ्चार तथा सूचना मन्त्रालयमार्फत निर्देशन दिइएको छ। दूरसञ्चार सेवा अवरुद्ध भएमा तत्काल सुचारु गर्न आवश्यक जनशक्ति तयारी अवस्थामा राखिएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरण र जल तथा मौसम विज्ञान विभागका आधिकारिक सूचनालाई आधार मानी सचेत रहन आग्रह गर्दछु। कुनै पनि आपत्कालीन अवस्थामा हेलो सरकार ११११ वा ९८५११४५०४५, हेलो गृह १११२, नेपाल प्रहरी १००, सशस्त्र प्रहरि बल १११४, जिल्ला आपतकालीन कार्य संचालन केन्द्र १२३४, स्वास्थ्य हेल्पलाइन १११५, नजिकको जिल्ला प्रशासन कार्यालय वा सुरक्षा निकायमा सम्पर्क गर्नुहोला। मौसम पूर्वानुमानका लागि ११५५ मा डायल गरि प्राप्त गर्न सकिन्छ।

सावधान रहौँ, सुरक्षित रहौँ।

22/09/2026

फोटो होइन, काम देखाऔँ।
पद होइन, जनताको विश्वास कमाऔँ। 🇳🇵

#युवा_नेतृत्व #जनताको_विश्वास #समाजसेवा #जिम्मेवार_राजनीति

21/09/2026

Some movements Never Come Back

20/09/2026

Power changes, but the truth remains. 🇳🇵

19/09/2026

Accountancy Tuition Center

19/09/2026

Choose The Person Not The Party
le

19/09/2026

Paracetamol → ज्वरो र दुखाइ कम गर्ने औषधि
Amoxicillin → जीवाणुको सङ्क्रमण मार्ने औषधि
Cetirizine → एलर्जी र सिँगान बग्ने रोक्ने औषधि
Pantoprazole → ग्यास्ट्रिक र अम्लपित्त कम गर्ने औषधि
Omeprazole → छाती पोल्न र ग्यास्ट्रिक रोक्ने औषधि
Azithromycin → घाँटी र छातीको सङ्क्रमण मार्ने औषधि
Ibuprofen → सुन्निएको र कडा दुखाइ घटाउने औषधि
Flexon → दुखाइ र सुन्निएको दुवै कम गर्ने औषधि
Ciprofloxacin → पेट र पिसाबको सङ्क्रमण रोक्ने औषधि
Metronidazole → पखाला र पेटको सङ्क्रमण मार्ने औषधि
Dicyclomine → पेट मडारिएको र दुखेको कम गर्ने औषधि
DOM-P → वाकवाकी र उल्टी रोक्ने औषधि
Amlodipine → उच्च रक्तचाप नियन्त्रण गर्ने औषधि
Atenolol → मुटुको धड्कन र रक्तचाप घटाउने औषधि
Metformin → मधुमेह र चिनीको मात्रा घटाउने औषधि
Glibenclamide → रगतमा चिनीको मात्रा सन्तुलन गर्ने औषधि
Atorvastatin → कोलेस्ट्रोलको मात्रा घटाउने औषधि
Ranitidine → पेटको ग्यास्ट्रिक कम गर्ने औषधि
Salbutamol → सास फेर्न सजिलो बनाउने दमाको औषधि
​Cefixime → कडा जीवाणु सङ्क्रमण नष्ट गर्ने औषधि
Diclofenac → जोर्नी र हाडको कडा दुखाइ घटाउने औषधि
Sinex → रुघाखोकी र नाक बन्द खुलेर जाने औषधि
Decold → रुघा, ज्वरो र ज्यान दुखेको निको पार्ने औषधि
Ascoril → छातीको कफ र खोकी खुलाउने औषधि
Benadryl → सुक्खा खोकी र घाँटीको खसखस रोक्ने औषधि
Povidone Iodine → घाउ सफा गर्ने र सङ्क्रमण रोक्ने मलम
Neosporin → कटेको वा पाकेको घाउ सुकाउने मलम
Moov → मांसपेशी मर्किएको र दुखेकोमा घस्ने मलम
Loperamide → कडा पखाला तत्काल रोक्ने औषधि
Albendazole → पेटको जुका मार्ने औषधि
Fluconazole → छाला र गुप्ताङ्गको ढुसी मार्ने औषधि
Deriphyllin → दमा र सास फेर्न गाह्रो भएको खुलाउने औषधि
Montelukast → दमा र एलर्जीको खोकी रोक्ने औषधि
Prednisolone → कडा सुन्निएको र एलर्जी दबाउने औषधि
Dexamethasone → कडा एलर्जी र सुन्निएको घटाउने औषधि
Vitamin B-Complex → भोक जगाउने औषधि
Iron and Folic Acid → रगतको कमी पूरा गर्ने औषधि
Calcium with V- D3 → हाड र दाँत बलियो बनाउने औषधि
Zinc Sulfate → झाडापखालामा शक्ति फर्काउने औषधि
​Ofloxacin → आँखा, कान र पिसाबको सङ्क्रमण मार्ने औषधि
Levofloxacin → छाती र फोक्सोको सङ्क्रमण मार्ने औषधि
Candid → छालाको रगत र काछको ढुसी मार्ने मलम
Volini → जोर्नी र ढाडको दुखाइमा घस्ने स्प्रे/मलम
Erythromycin→छाला र डन्डीफोरको सङ्क्रमण रोक्ने औषधि
Clotrimazole → छाला चिलाउने र ढुसी हटाउने मलम
Ciplox Eye Drops → आँखा रातो भएको निको पार्ने औषधि
Otrivin → बन्द भएको नाक तत्काल खुलाउने औषधि
Dulcolax → कब्जियत हटाएर दिसा खुकुलो बनाउने औषधि
Digene → पेट पोलेको र ग्याँस भएको तुरुन्त शान्त पार्ने औषधि

19/09/2026

निर्वाचन आयोगले स्थानीय तह निर्वाचन आगामी फागुनमा गर्नेगरी तयारी सुरु गरेको छ। 😮

17/09/2026

13/09/2026

एक्लै छु, तर शान्त छु।