31/05/2026
नेपाल बौद्ध परिषद् र सुगत बौद्ध महाविद्यालयको संयुक्त आयोजनामा ललितपुरको राजश्री महाविहार ईबहाबहिमा आयोजित "वज्रयान बौद्ध धर्म: सिद्धान्त र अभ्यास" विशेष धर्म देशना कार्यक्रम भव्य रूपमा सम्पन्न भएको छ।
कार्यक्रममा श्रद्धेय क्याब्जे छोग्याल रिम्पोछेज्यूले त्रिकाय (धर्मकाय, सम्भोगकाय, निर्माणकाय) र चित्तको स्वभावबारे गहन देशना तथा महायान र वज्रयान दर्शनबीचका गहन पक्षहरूबारे विशेष प्रकाश पार्नुभयो। सैद्धान्तिक ज्ञानलाई व्यवहारमा उतार्ने "बोधिसत्व इन एक्सन" (Bodhisattva in Action) र षटपारमिताको व्यावहारिक अभ्यासबारे विशेष मार्गदर्शन समेत गर्नुभयो।
आफ्नो पावन सान्निध्य र अमूल्य धर्म देशनाका लागि हामी श्रद्धेय क्याब्जे छोग्याल रिम्पोछेज्यूप्रति हृदयदेखि नै अगाध कृतज्ञता व्यक्त गर्दछौँ। साथै उपस्थित सम्पूर्ण श्रद्धालुमा हार्दिक धन्यवाद ज्ञापन गर्दछौँ।
यस धर्म देशनाबाट प्राप्त पुण्य र ज्ञानले सम्पूर्ण प्राणी जगत्मा करुणा र शान्तिको सञ्चार गरोस्।
सुगत बौद्ध महाविद्यालय परिवार, ललितपुर
