https://www.facebook.com/259011314110174/

Gupteshwor Mahadev Multiple Campus, Kaski, Pokhara 17, Chhorepatan, Pokhara (2026)

18/05/2026

🎓 Admission Query Open for +2 Appeared Students!
Shape your future with quality education at
🏫 GMMC – Gupteshwor Mahadev Multiple Campus
📍 Pokhara-17, Chhorepatan
📚 Programs Available:
✅ BBS
✅ B.Ed
✅ BHM
✅ BITM
✨ Build Your Bright Future With Us!
💡 Quality Education | Practical Learning | Promising Career
📞 For More Information: 061-455677

15/05/2026

छात्रावृत्तिको नतिजा प्रकाशन सम्बन्धमा ।

13/05/2026

गुप्तेश्वर महादेव बहुमुखी क्याम्पस र जनभावना क्याम्पस विच अन्तरक्रिया कार्यक्रम सम्पन्न

पोखरा, बैशाख ३० गते, गुप्तेश्वर महादेव बहुमुखी क्याम्पस र जनभावना क्याम्पस, काठमाण्डौं विच अन्तरक्रिया कार्यक्रम सम्पन्न भएको छ । क्याम्पस सञ्चालक समितिका अध्यक्ष ज्ञाज शर्माको अध्यक्षतामा भएको कार्यक्रममा उहाँले क्यू.ए.ए. को दोस्रो चरणका गतिविधि बारे प्रकाश पार्नुभएको थियो ।

जनभावना क्याम्पसका अध्यक्ष चरसुन्दर महर्जनले क्याम्पसका असल अभ्यासका बारेमा चर्चा गर्दै सामुदायिक क्याम्पसका चुनौतीका बारेमा आफ्ना कुराहरु राख्नुभएको थियो ।

त्यसै गरी क्याम्पस प्रमुखद्वय धर्मराज बराल र शिवराज सञ्जेलले आफ्ना क्याम्पसका शैक्षिक, आर्थिक, जनशक्ति व्यवस्थापन, भौतिक पक्ष तथा क्यू.ए.ए. दोस्रो चरणका लागि गरिएका गतिविधि बारे अनुभव र अभ्यास जानकारी गराउनु भएको थियो ।

जनभावना क्याम्पसको तर्फबाट उपाध्यक्ष रामहरी घिमिरे, सदस्यहरु शेखर न्यौपाने, डिल्ली घिमिरे, कपिलदेव न्यौपाने र पिताम्बर सञ्जेलको सहभागीता रहेको थियो ।

13/05/2026

Notice regarding BBS B.Ed 4th year Exam Routine https://portal.tu.edu.np/notice/12772/1778477869.pdf
नोट: परीक्षा फारम भर्न छुटेका विद्यार्थीहरूले मिति २०८३ जेठ ३ गतेभित्र दोब्बर दस्तुर सहित परीक्षा फारम भर्नुहुन सूचित गरिन्छ ।

11/05/2026

यस गुप्तेश्वर महादेव बहुमुखी क्याम्पसको मिति २०८३ बैशाख २७ गते भएको १६ औं साधारण सभा तथा छैठौं अधिवेशनबाट अध्यक्ष पदमा श्री ज्ञाज शर्मा एवम् सदस्य पदमा श्री ईश्वरीप्रसाद लम्साल, श्री कृष्णप्रसाद लम्साल, श्री बिन्दु कार्की, श्री नारायणप्रसाद बराल र श्री दिपकराज बराल चयन हुनुभएकोमा सफल कार्यकालको शुभकामना सहित हार्दिक बधाईं ज्ञापन गर्दछौं ।

11/05/2026

गुप्तेश्वर महादेव बहुमुखी क्याम्पसको साधारण सभा तथा अधिवेशन कार्यक्रम सम्पन्न

पोखरा, बैशाख २७ गते आइतबार, गुप्तेश्वर महादेव बहुमुखी क्याम्पसको १६औं साधारण सभा तथा छैटौ अधिवेशन कार्यक्रम आइतबार सम्पन्न भएको छ । क्याम्पसका पूर्व अध्यक्ष तथा सल्लाहकार प्रा.डा. टंकराज अधिकारीको प्रमुख आतिथ्यतामा भएको कार्यक्रममा उहाँले क्याम्पसले अनुसन्धानको क्षेत्रमा प्रगति गरेको देख्दा आफुलाई खुसी लागेको कुरा व्यक्त गर्नुभएको थियो । उहाँले क्याम्पस शैक्षिक केन्द्रको रुपमा स्थापित हुदै गएको बताउनु भएको थियो । क्याम्पसले भौतिक विकासका साथ नयाँ नयाँ कार्यक्रमहरु सञ्चालनमा जोड दिनुपर्ने कुरा समेत उहाँले बताउनु भएको थियो ।

क्याम्पस सञ्चालक समितिका अध्यक्ष श्रीराम सुवेदीको सभाध्यक्षतामा भएको कार्यक्रममा उहाँले क्याम्पस सामुदायिक भएकाले समुदायसँगै साथमा अघि बढदै गएको बताउनु भएको थियो । नयाँ बन्ने समितिले क्याम्पसलाई शिरोधार्य गरी सवैको साथ सहयोगमा अघि बढ्दै जानु पर्ने कुरामा जोड दिनुभएको थियो ।

क्याम्पस प्रमुख धर्मराज बरालले क्याम्पसका गतिविधि समेटिएको वार्षिक प्रतिवेदन पेश गर्नुभएको थियो भने कोषाध्यक्ष युवराज लामिछानेले आर्थिक प्रतिवेदन पेश गर्नुभएको थियो ।
कार्यक्रममा पोखरा १७ का पूर्व वडा अध्यक्ष तीर्थराज अधिकारी, पोखरा–१७ का कार्यवाहक अध्यक्ष विक्रम गुरुङ, पूर्व अध्यक्ष तथा सल्लाहकार प्रा.डा. भूपति ढकाल ‘‘कमल’, प्रमुख संरक्षक संस्था गुप्तेश्वर महादेव गुफा व्यवस्थापन समितिका अध्यक्ष लछुमण बास्तोला, सल्लाहकार तीर्थराज अधिकारीले प्रतिवेदन माथि प्रशंसा गर्दै शुभकामना व्यक्त गर्नुभएको थियो ।

कार्यक्रममा वार्षिक तथा आर्थिक प्रतिवेदनमाथि संस्थापक संदस्यहरु ऋषभ तिमिला, लक्ष्मण थापा, चिजकाजी गुरुङ, साथै क्याम्पस सिनेटर भेषराज बराल, कृष्ण लम्साल, राजन अधिकारी, ई. बाबुराम बराल, घनश्याम तिवारीले जिज्ञासा तथा सुझाव राख्नु भएको थियो ।

निर्वाचन समितिका संयोजक अधिवक्ता हरिराज पोख्रेल र सदस्यद्वय नरनाथ बराल र चिजकाजी गुरुङले सञ्चालक समिति चयन गर्नका लागि आवश्यक प्रक्रिया सम्पन्न गर्नुभएको थियो । साधारण सभाले अध्यक्षमा ज्ञाज शर्मा र सदस्यहरुमा ईश्वरीप्रसाद लम्साल, बिन्दु कार्की, कृष्ण लम्साल, नारायणप्रसाद बराल र दिपकराज बराललाई चयन गरेको थियो । चयन हुनुभएका सञ्चालक समितिका अध्यक्ष तथा सदस्यहरुलाई निर्वाचन समितिका संयोजक अधिवक्ता हरिराज पोख्रेलले सपथ ग्रहण गराउनु भएको थियो ।

अध्यक्षमा चयन हुनुभएका ज्ञाज शर्माले क्याम्पसको बिकासका लागि सबैलाई साथमा लिएर अघि बढ्ने साथै क्याम्पसको हितका लागि आफुले सदैव सल्लाह सुझाव लिएर अघि बढ्ने कुरामा प्रतिवद्धता व्यक्त गर्नुभएको थियो ।

क्याम्पस सञ्चालक समितिका उपाध्यक्ष ऋतुनाथ लम्सालले स्वागत मन्तव्य राख्नु भएको कार्यक्रमको सञ्चालन सहायक क्याम्पस प्रमुख मोहन भण्डारीले गर्नुभएको थियो ।

09/05/2026

वैशाख २५, पोखरा
गुप्तेश्वर महादेव बहुमुखी क्याम्पसमा विदाई कार्यक्रम सम्पन्न
पोखरा–१७ छोरेपाटनस्थित गुप्तेश्वर महादेव बहुमुखी क्याम्पसमा स्नातक तह अन्तर्गत बीबीएस तथा बीएड चौथो वर्ष (भर्ना वर्ष २०७८) मा अध्ययनरत विद्यार्थीहरूको विदाई कार्यक्रम विविध सांस्कृतिक तथा मनोरञ्जनात्मक प्रस्तुतिसहित सम्पन्न भएको छ। क्याम्पसको सभाहलमा आयोजित उक्त कार्यक्रम उत्साहपूर्ण वातावरणमा सम्पन्न भएको हो।
बीबीएस कार्यक्रम संयोजक दुर्गानाथ पौडेलको अध्यक्षतामा सम्पन्न कार्यक्रममा क्याम्पस सञ्चालक समितिका अध्यक्ष श्रीराम सुवेदी प्रमुख अतिथि तथा क्याम्पस प्रमुख धर्मराज बराल विशेष अतिथिका रूपमा सहभागी हुनुहुन्थ्यो।
कार्यक्रमलाई सम्बोधन गर्दै प्रमुख अतिथि सुवेदीले विदाई भएर नयाँ यात्रामा अघि बढ्न लागेका विद्यार्थीहरूको उज्ज्वल भविष्यको शुभकामना व्यक्त गर्नुभयो। उहाँले विद्यार्थीहरू सधैँ जिज्ञासु, सिर्जनशील तथा आत्मविश्वासी हुनुपर्नेमा जोड दिँदै अनुशासनको अर्थ मौन बस्नु मात्र नभई आवश्यक समयमा आफ्ना विचार स्पष्ट रूपमा राख्न सक्ने क्षमता विकास गर्नु पनि रहेको बताउनुभयो।
विशेष अतिथि तथा क्याम्पस प्रमुख बरालले शिक्षकहरूले कक्षा कोठा तथा क्याम्पस परिसरमा कायम राखेको अनुशासन र मेहनती संस्कारले विद्यार्थीहरूलाई भावी जीवनमा अझ जिम्मेवार र सफल बन्न प्रेरित गर्ने धारणा राख्नुभयो। उहाँले कक्षामा आर्जित ज्ञानलाई व्यवहारमा रूपान्तरण गर्न चुनौतीसँगै प्रशस्त अवसरहरू रहेको उल्लेख गर्नुभयो।
कार्यक्रमको प्रारम्भमा शिक्षिका जमुना अर्यालले स्वागत मन्तव्य राख्नुभएको थियो। विद्यार्थीहरूको तर्फबाट बीबीएस चौथो वर्ष २०७९ का छात्र ख्यामबहादुर क्षेत्री तथा बीएडका छात्र प्रवीण धमलाले स्वागत मन्तव्य व्यक्त गरेका थिए।
यस अवसरमा विदाई हुन लागेका चौथो वर्षका विद्यार्थीहरूको तर्फबाट क्याम्पस प्रमुखलाई मायाको चिनो हस्तान्तरण गरिएको थियो। त्यस्तै बीबीएसकी छात्रा स्मृति थापा तथा बीएडकी छात्रा दिप्ति परियारले विद्यार्थीहरूको तर्फबाट धन्यवाद ज्ञापन प्रस्तुत गरेका थिए।
कार्यक्रममा विदाई हुन लागेकी छात्रा प्रतिक्षा लामिछाने तथा आयोजक समूहको तर्फबाट बीएड चौथो वर्षकी छात्रा प्रतिमा गिरीले गजल प्रस्तुत गरी कार्यक्रमलाई थप आकर्षक बनाएका थिए। त्यसैगरी बीबीएस चौथो वर्षका छात्र यमबहादुर रोकाहाले हास्य प्रस्तुति प्रस्तुत गरेका थिए।
सांस्कृतिक कार्यक्रम अन्तर्गत बीएड चौथो वर्षकी छात्रा सुनार तथा बीबीएस चौथो वर्षका छात्राहरू अंशु उचाइ, सबिना शर्मा, एलिसा क्षेत्री, स्मृति लम्साल, अपेक्षा थापा र सञ्जना कार्कीले आकर्षक नृत्य प्रस्तुत गरेका थिए।
कार्यक्रममा मोहन भण्डारी IQAC प्रमुख राजकुमार भण्डारी प्राध्यापक संघ गुप्तेश्वर महादेव बहुमुखी क्याम्पस एकाइ अध्यक्ष लेखनाथ बराल GRM संयोजक मनोरञ्ज शर्मा लगायत शिक्षक शिक्षिकाहरूको उपस्थिति रहेको थियो।
कार्यक्रमको सञ्चालन बीबीएस चौथो वर्षमा अध्ययनरत छात्रहरू सौरभ गिरी र साजन भण्डारीले गरेका थिए।

09/05/2026

BBS B.Ed 1st year Partial Chance Exam Center
-Prithvi Narayan Campus, Bagar

08/05/2026

BBS/B.Ed प्रथम वर्षको छात्रवृत्तिको नतिजा सम्बन्धी सूचना ।

08/05/2026

BBS/B.Ed दोस्रो वर्ष ( परीक्षा वर्ष २०८२) का आंशिक परीक्षा आवेदन फारम भर्ने सम्बन्धी सूचना

07/05/2026

गुप्तेश्वर महादेव बहुमुखी क्याम्पसद्वारा दुई विद्यालयलाई खेलकुद तथा शैक्षिक सामग्री हस्तान्तरण
वैशाख २३, पोखरा।
गुप्तेश्वर महादेव बहुमुखी क्याम्पस द्वारा आफ्नो विस्तार तथा बाह्य पहुँच Extension and Outreach कार्यक्रम अन्तर्गत समुदायप्रतिको शैक्षिक उत्तरदायित्व बहन गर्दै स्याङ्जाका दुई माध्यमिक विद्यालयलाई खेलकुद तथा शैक्षिक सामग्री हस्तान्तरण गरिएको छ।
क्याम्पसले जन आदर्श माध्यमिक विद्यालय तथा प्रदुम्न पनेरु माध्यमिक विद्यालयमा एक कार्यक्रमका बीच विविध खेलकुद तथा शैक्षिक सामग्री प्रदान गरेको हो।
फेदीखोला गाउँपालिका वडा नं. ४ स्थित जन आदर्श माध्यमिक विद्यालयमा आयोजित कार्यक्रममा विद्यालयका प्रधानाध्यापक कलाधर तिमिल्सिनाको अध्यक्षता भएको थियो भने फेदीखोला गाउँपालिका वडा नं. ४ का वडा अध्यक्ष ख्यामनारायण पौडेल प्रमुख अतिथि रहनुभएको थियो। कार्यक्रममा क्याम्पस सञ्चालक समितिका अध्यक्ष श्रीराम सुवेदी विशेष अतिथि तथा क्याम्पस प्रमुख धर्मराज बराल अतिथिका रूपमा सहभागी हुनुभएको थियो।
कार्यक्रमलाई सम्बोधन गर्दै वडा अध्यक्ष ख्यामनारायण पौडेलले क्याम्पस र विद्यालयबीचको सम्बन्धलाई अझ प्रगाढ बनाउन यस्ता सहयोगात्मक कार्यक्रमले सकारात्मक भूमिका खेल्ने बताउनुभयो। त्यसैगरी क्याम्पस सञ्चालक समितिका अध्यक्ष श्रीराम सुवेदीले क्याम्पस आफैमा विभिन्न निकाय तथा संस्थाहरूको सहयोगबाट सञ्चालन हुने भएतापनि ग्रामीण भेगका सरकारी विद्यालयहरूमा शैक्षिक तथा खेलकुद सामग्री मात्र नभई आवश्यकताका आधारमा मानव स्रोत र अन्य स्रोत–साधनसमेत उपलब्ध गराउन सकिने धारणा व्यक्त गर्नुभयो।
क्याम्पस प्रमुख धर्मराज बरालले न्यूनतम शुल्कमा गुणस्तरीय शिक्षा प्रदान गर्ने उद्देश्यले सामुदायिक स्तरमा स्थापना भएको क्याम्पसले गरिब तथा जेहेन्दार विद्यार्थीहरूलाई विभिन्न छात्रवृत्ति प्रदान गर्दै अध्ययनलाई सहज बनाउने कार्य गरिरहेको र यो कार्यमा वडा तथा विद्यालयले वास्तविक गरिव तथा जेहनदार विद्यार्थीलाई सिफारिस गरी सहयोग गरिदिनुहुन अनुरोध समेत गर्नुभयो ।
कार्यक्रममा विद्यालय व्यवस्थापन समितिका सदस्यहरू लक्ष्मी हमाल, जानकी क्षेत्री, सीता आचार्य, रीता सुनार लगायत शिक्षक तथा विद्यार्थीहरूको उपस्थिति रहेको थियो। कार्यक्रम सञ्चालन विद्यालयका सहायक प्रधानाध्यापक वालकृष्ण सुवेदीले गर्नुभएको थियो। कार्यक्रममा क्याम्पसका सहायक क्याम्पस प्रमुख मोहन भण्डारी, IQAC प्रमुख राजकुमार सुवेदी तथा EOC प्रमुख दुर्गानाथ पौडेलको पनि उपस्थिति रहेको थियो।
यसैगरी सोही दिन आँधीखोला गाउँपालिका वडा नं. ५ स्थित प्रदुम्न पनेरु माध्यमिक विद्यालयमा पनि खेलकुद तथा शैक्षिक सामग्री हस्तान्तरण गरिएको थियो। विद्यालय व्यवस्थापन समितिका अध्यक्ष विष्णुप्रसाद पौडेलको अध्यक्षतामा सम्पन्न कार्यक्रममा क्याम्पस सञ्चालक समितिका अध्यक्ष श्रीराम सुवेदी प्रमुख अतिथि तथा क्याम्पस प्रमुख धर्मराज बराल विशेष अतिथिका रूपमा उपस्थित हुनुभएको थियो।
विद्यालयका शिक्षक, शिक्षिका तथा विद्यार्थीहरूको सहभागिता रहेको कार्यक्रममा सहायक क्याम्पस प्रमुख मोहन भण्डारी, IQAC प्रमुख राजकुमार सुवेदी, EOC प्रमुख दुर्गानाथ पौडेल तथा सृजनशील मञ्चकी सचिव, विद्यालयकी पूर्वविद्यार्थी एवं विद्यालय व्यवस्थापन समितिकी सदस्य स्मृति थापाको समेत उपस्थिति रहेको थियो।
क्याम्पसले समुदायसँगको सहकार्यलाई अझ प्रभावकारी बनाउँदै शैक्षिक गुणस्तर अभिवृद्धिका लागि आगामी दिनहरूमा पनि यस्ता कार्यक्रमलाई निरन्तरता दिने जनाएको छ।

Gupteshwor Mahadev Multiple Campus

18/05/2026

15/05/2026

13/05/2026

13/05/2026

11/05/2026

11/05/2026

09/05/2026

09/05/2026

08/05/2026

08/05/2026

07/05/2026

Address

Telephone

Website

Alerts

Contact The University

Shortcuts

Share

Category