02/05/2026
𝐏𝐀𝐁𝐀𝐓𝐈𝐃!
𝐏𝐀𝐑𝐀 𝐒𝐀 𝐋𝐀𝐇𝐀𝐓 𝐍𝐆 𝐀𝐏𝐋𝐈𝐊𝐀𝐍𝐓𝐄𝐍𝐆 𝐊𝐔𝐊𝐔𝐇𝐀 𝐍𝐆 𝐁𝐓𝐄𝐂𝐇 𝐂𝐎𝐋𝐋𝐄𝐆𝐄 𝐄𝐍𝐓𝐑𝐀𝐍𝐂𝐄 𝐓𝐄𝐒𝐓 (𝐁𝐂𝐄𝐓)
Ipinababatid sa lahat na narito ang opisyal na talaan ng mga nakatalagang kampus, room assignment, at oras ng pagsusulit para sa mga rehistradong aplikante ng 𝐁𝐓𝐄𝐂𝐇 𝐂𝐨𝐥𝐥𝐞𝐠𝐞 𝐄𝐧𝐭𝐫𝐚𝐧𝐜𝐞 𝐓𝐞𝐬𝐭 (𝐁𝐂𝐄𝐓) para sa 𝐔𝐧𝐚𝐧𝐠 𝐒𝐞𝐦𝐞𝐬𝐭𝐫𝐞 𝐧𝐠 𝐓𝐚𝐨𝐧𝐠 𝐏𝐚𝐧𝐮𝐫𝐮𝐚𝐧 𝟐𝟎𝟐𝟔–𝟐𝟎𝟐𝟕, na gaganapin sa 𝐢𝐤𝐚-𝟏𝟎 𝐧𝐠 𝐌𝐚𝐲𝐨, 𝟐𝟎𝟐𝟔.
Ang nasabing opisyal na talaan ay nakapaskil din sa mga bulletin board ng dalawang (2) kampus ng Dalubhasaan.
𝐏𝐀𝐑𝐀 𝐒𝐀 𝐎𝐏𝐈𝐒𝐘𝐀𝐋 𝐍𝐀 𝐓𝐀𝐋𝐀𝐀𝐍, 𝐌𝐀𝐀𝐀𝐑𝐈𝐍𝐆 𝐈-𝐀𝐂𝐂𝐄𝐒𝐒 𝐀𝐍𝐆 𝐌𝐆𝐀 𝐈𝐓𝐎 𝐒𝐀 𝐏𝐀𝐌𝐀𝐌𝐀𝐆𝐈𝐓𝐀𝐍 𝐍𝐆 𝐏𝐀𝐆-𝐒𝐂𝐀𝐍 𝐒𝐀 𝐌𝐆𝐀 𝐐𝐑 𝐂𝐎𝐃𝐄 𝐒𝐀 𝐈𝐁𝐀𝐁𝐀.
Para sa karagdagang impormasyon at paglilinaw, maaaring magtungo sa Tanggapan ng Pagtanggap ng mga Mag-aaral, o makipag-ugnayan sa pamamagitan ng telepono o mensahe sa 𝟎𝟗𝟒𝟓-𝟏𝟔𝟔-𝟖𝟏𝟔𝟎, o magpadala ng mensahe sa page na 𝐁𝐓𝐄𝐂𝐇 𝐀𝐝𝐦𝐢𝐬𝐬𝐢𝐨𝐧𝐬 𝐎𝐟𝐟𝐢𝐜𝐞.
𝐏𝐀𝐍𝐆𝐊𝐀𝐋𝐀𝐇𝐀𝐓𝐀𝐍𝐆 𝐓𝐀𝐆𝐔𝐁𝐈𝐋𝐈𝐍:
1. Dumating nang hindi bababa sa tatlumpung (30) minuto bago ang itinakdang oras ng pagsusulit.
2. Dalhin ang mga kinakailangang kagamitan tulad ng itim na panulat (ballpen), lapis na Mongol #2, admission examination slip, at balidong kard ng pagkakakilanlan (ID).
3. Siguraduhing makapirma sa attendance sheet.
4. Magsuot ng puting t-shirt o polo shirt, disenteng kasuotan sa ibaba, at saradong sapatos sa araw ng pagsusulit.
5. Isagawa ang mga personal na pangangailangan bago magsimula ang pagsusulit.
6. Agad na lisanin ang silid-aralan matapos sagutan ang test paper.
7. Iwasan ang pagtanggap o pagkuha ng anumang bagay, kabilang ang pagkain, mula sa sinuman habang isinasagawa ang pagsusulit.
8. Iwasan ang pag-iikot, pakikipag-usap, o pagtalakay ng mga sagot sa loob ng silid o sa pasilyo.
9. Mahigpit na ipinagbabawal ang anumang uri ng pandaraya tulad ng panunuhol, pangongopya, paggamit ng kodigo, at pagdadala ng electronic devices.
10. Panatilihin ang kaayusan at disiplina sa lahat ng oras.
Dahil sa inaasahang mainit na panahon, pinapayuhan ang lahat na magdala ng sapat na tubig upang maiwasan ang dehydration. Maaari ring magdala ng mini fan o pamaypay upang makatulong sa pagpapanatili ng kaginhawaan habang isinasagawa ang pagsusulit.
𝐌𝐀𝐑𝐀𝐌𝐈𝐍𝐆 𝐒𝐀𝐋𝐀𝐌𝐀𝐓.
