The Barrister

The Barrister The Official Student Publication of the San Beda University-College of Law, Mendiola, Manila.

IMPEACHMENT TRIAL NI VP SARA DUTERTE, BABALIK SA DATING ORASIbabalik sa dating oras na alas-tres ng hapon ang impeachmen...
22/08/2026

IMPEACHMENT TRIAL NI VP SARA DUTERTE, BABALIK SA DATING ORAS

Ibabalik sa dating oras na alas-tres ng hapon ang impeachment trial ni Vice President Sara Duterte, ayon kay Senate President Win Gatchalian.

Nalilimitahan daw ang oras na nilalaan para sa trial gawa ng regular na sesyon ng Senado tuwing hapon.

Dagdag pa ni Gatchalian, isang dahilan din ang mga kanselasyon ng pasok dala ng mga pagulan dahil sa habagat.

May posibilidad din daw na abutin ng bagong taon ang paglilitis sa pangalawang pangulo.

Sulat ni Ezra Viola
Grapiks ni Aubrey Pahilga | thebarrister

MANILA City – Dalawampu’t walong testigo ang handang magbigay ng direktang impormasyon sa Office of the Ombudsman kaugna...
21/08/2026

MANILA City – Dalawampu’t walong testigo ang handang magbigay ng direktang impormasyon sa Office of the Ombudsman kaugnay sa mga transaksyong may kinalaman kay dating House Speaker Martin Romualdez.

Si Romualdez ay isa sa mga pinangalanan sa supplemental complaint-affidavit na inihain ng mga imbestigador ng Ombudsman noong Hulyo 20 para sa kasong plunder, direct bribery, graft and corruption, at money laundering, kaugnay ng umano’y kickbacks mula sa anomalyang flood control projects mula 2022 hanggang 2025.

Patuloy naman naging matatag ang dating House Speaker.

“It should be dismissed kasi walang ebidensya maliban sa kuwento, at ang kuwento ay iba-iba; ang kuwento ay nababaliktad,” ani Ade Fajardo, ang abogado at spokesperson ni Romualdez.

Ayon sa Ombudsman, kabilang sa mga testigo ang mga aktibong uniformed personnel na kasalukuyang dumaraan sa legal na proseso.

Binigyang-diin ng ahensya na obligasyon sa ilalim ng batas ang pakikipagtulungan sa imbestigasyon. Samantala, inatasan ng Malacañang ang mga law enforcement agencies na habulin ang mga taong umano’y gumagawa ng huwad na testimonya.

Sulat ni Karmela Melgarejo
Grapiks ni Lei Mercado | thebarrister

Nakikiisa ang thebarrister sa paggunita ng kabayanihan ni Senador Benigno “Ninoy” Aquino Jr., isang lider na buong tapan...
21/08/2026

Nakikiisa ang thebarrister sa paggunita ng kabayanihan ni Senador Benigno “Ninoy” Aquino Jr., isang lider na buong tapang na nanindigan para sa demokrasya sa kabila ng pagbabanta, pagkakabilanggo, at panganib sa kaniyang buhay.

Sa bisa ng batas militar, inaresto at ikinulong si Ninoy sa taong 1972. Gayunpaman, sa kaniyang talumpati sa Asia Society sa New York noong 1980, ipinahayag ni Ninoy: “I have carefully weighed the virtues and the faults of the Filipino and I have come to the conclusion that he is worth dying for.”

Noong ika-21 Agosto, 1983, siya ay pinaslang sa Manila International Airport, na kalauna’y ipinangalan sa kaniya bilang paggunita sa kanyang buhay at sakripisyo. Ang kaniyang pagpaslang ay nagpaalab sa sumisidhing damdamin ng sambayanang Pilipino at naging isang hudyat sa paglunsad ng People Power Revolution noong 1986.

Ang paggunita sa ika-43 anibersaryo ng pagpanaw ni Ninoy ay hindi lamang pag-alala sa isang taong nag-alay ng buhay para sa bayan. Ang kaniyang sakripisyo ay nananatiling hamon sa kasalukuyang henerasyon na labanan ang samu’t-saring katiwalian at pang-aabuso sa bansa.

Tuloy ang laban, para sa bayan!

Sulat ni Ryan Julianne Monzon
Grapiks ni Aubrey Pahilga |thebarrister

BAGYONG NENENG, HIHINA; BAGONG BAGYO, POSIBLENG PUMASOK SA SUSUNOD NA LINGGO Asahan ang magandang panahon sa mga susunod...
20/08/2026

BAGYONG NENENG, HIHINA; BAGONG BAGYO, POSIBLENG PUMASOK SA SUSUNOD NA LINGGO

Asahan ang magandang panahon sa mga susunod na araw dala ng paghina at paglayo ng Bagyong Neneng, ayon sa Philippine Atmospheric, Geophysical, and Astronomical Services Administration (PAGASA).

Tinataya ng PAGASA ang patuloy na paghina ni Neneng habang patuloy itong kumikilos patungong Mainland Asia, kung saan ito hihina at tuluyang malulusaw.

Samantala, posible naman ang pagpasok sa Philippine Area of Responsibility (PAR) ng Tropical Storm Saudel na tatawagin namang Obet. Huli itong namataan sa layong 2780 km sa silangan ng CARAGA Region na may maximum sustained winds na 75 kph at pagbugso na umaabot sa 90 kph.

Sa kasalukuyan, wala pa itong direktang epekto sa bansa dahil sa layo nito. Gayunpaman, maaari pa itong lumakas sa katapusan ng linggo, at posibleng pumasok ng PAR ngayong Linggo, ika-23 ng Agosto, o sa Lunes, ika-24 ng Agosto.

Sulat ni Ridwan Anam
Grapiks ni Carli Recio III | thebarrister

‘ROBIN PADILLA’ LAW, DAPAT NANG AMYENDAHAN, AYON KAY DILG SEC. REMULLANanawagan si Department of the Interior and Local ...
19/08/2026

‘ROBIN PADILLA’ LAW, DAPAT NANG AMYENDAHAN, AYON KAY DILG SEC. REMULLA

Nanawagan si Department of the Interior and Local Government (DILG) Secretary Jonvic Remulla sa Kongreso na amyendahan ang tinaguriang “Robin Padilla Law” o Republic Act 8294 upang gawin muling non-bailable ang ilegal na pagmamay-ari ng mga loose firearm.

Ang RA 8294 ay ipinasa noong 1997, o taong nakakulong si Padilla dahil sa illegal possession of fi****ms, kung saan ibinaba ang parusa mula 12 hanggang 30 taon na pagkakabilango. Sa bisa ng batas, ang parusa na lamang sa naturang krimen ay apat hanggang walong taon na pagkakakulong kalakip ng multa.

Sa isang press briefing sa Camp Crame nitong Miyerkules, ika-19 Agosto, sinabi ni Remulla na ang kasalukuyang mga probisyon ukol sa loose fi****ms ay nakapagpapalala umano ng kriminalidad dahil bailable na ang naturang paglabag.

Iginiit din ng kalihim na kailangang repasuhin ang mga umiiral na batas dahil hindi na umano sapat ang mga kasalukuyang parusa upang matugunan ang paglaganap ng mga loose firearm at mga krimeng may kaugnayan sa baril.

Ang panawagan ni Remulla ay bunsod ng sunod-sunod na insidente ng karahasan na kinasangkutan ng mga baril, kabilang ang pamamaril sa Ateneo de Zamboanga University kahapon, ika-18 ng Agosto, na ikinasawi ng dalawang estudyante. Ayon sa mga awtoridad, ang mga baril na ginamit sa insidente ay pagmamay-ari ng ama ng estudyanteng shooter.

Bukod sa paghihigpit sa mga parusa para sa illegal possession of fi****ms, nanawagan din si Remulla ng mas mahigpit na pananagutan para sa mga gun owner na nabigong tiyakin ang wastong pag-iingat at seguridad ng kanilang mga armas.

Sulat ni Myle Ysobel Bayani
Grapiks ni Rhoan Fiel | thebarrister

MGA HEPE NG LTFRB AT OTC, SINUSPINDE NG OMBUDSMAN DAHIL SA PATULOY NA PAGGAMIT NG STRADCOMPinatawan ng anim na buwan na ...
18/08/2026

MGA HEPE NG LTFRB AT OTC, SINUSPINDE NG OMBUDSMAN DAHIL SA PATULOY NA PAGGAMIT NG STRADCOM

Pinatawan ng anim na buwan na preventive suspension ng Ombudsman sina Land Transportation Franchising and Regulatory Board (LTFRB) Chief Vigor Mendoza at Office of Transportation Cooperatives (OTC) Chairman Teofilo Guadiz kaugnay sa patuloy na paggamit ng sistema ng STRADCOM noong sila pa ay nanilbihang hepe ng Land Transportation Office.

Ang preventive suspension order at inilabas kahapon, ika-17 ng Agosto, ayon kay Assistant Ombudsman Mico Clavano.

Ang STRADCOM ang nagsilbing IT service provider ng LTO mula 2003 na may 10-year concession period. Natapos ang kontrata noong 2013, ngunit ito ay buwan-buwan na ni-renew hangga’t sa nagkaroon ng Phase Out Agreement noong 2016.

Nitong Mayo 2026, ipinag-utos ng Ombudsman na itigil ng LTO ang paggamit ng STRADCOM dahil sa kawalan ng kontrata at sa halip, gamitin ang Land Transportation Management System (LTMS). Ang LTMS ang itinalagang bagong IT system ng LTO noong 2021. Sakop nito ang mga pagpaparehistro ng sasakyan, pag-iisyu ng lisensya, at iba pang transaksyon sa LTO.

Ayon sa Commission on Audit, ang patuloy na paggamit ng sistema ng STRADCOM ay nagdulot ng karagdagang gastos sa gobyerno na umabot sa ₱13.3 bilyon mula 2019 hanggang 2025.

Itinanggi naman nina Mendoza at Guadiz ang mga alegasyon laban sa kanila. Iginiit ni Mendoza na ang kanyang mga naging hakbang ay para sa kapakanan ng mga motorista at ng publiko, habang sinabi naman ni Guadiz na ang kanyang mga ginawa ay naaayon sa batas at para sa interes ng publiko.

Sulat ni Ryan Julianne Monzon
Grapiks ni Zuleira Parra | thebarrister

PAMAMARIL SA PAARALANDalawa ang kumpirmadong nasawi sa insidente ng pamamaril sa loob ng isang pribadong paaralan sa Zam...
18/08/2026

PAMAMARIL SA PAARALAN

Dalawa ang kumpirmadong nasawi sa insidente ng pamamaril sa loob ng isang pribadong paaralan sa Zamboanga City kaninang umaga, ika-18 ng Agosto.

Ayon sa mga inisyal na ulat, dalawang estudyante ang binawian ng buhay. Kasama sa mga nasawi ang Grade 9 na estudyanteng namaril sa insidente. Kinumpirma ito ng pamunuan ng paaralan sa isang pahayag.

Nanawagan ang paaralan, gayundin ang Department of Education at ang Pamahalaang Lungsod ng Zamboanga, sa publiko na huwag magpakalat ng anumang impormasyon na walang sapat na batayan o kumpirmasyon kaugnay ng insidente.

Patuloy naman ang imbestigasyon ng mga awtoridad upang matunton ang buong katotohanan ng mga pangyayari sa likod ng insidente.

Samantala, sinibak na sa puwesto ni Customs Commissioner Ariel Nepomuceno ang ama ng namaril na kawani ng Bureau of Customs sa Zamboanga.

Sulat ni Allysa Tenefrancia
Grapiks ni Danica Chloe | thebarrister

VP SARA DUTERTE, NAGSAMPA NG PANIBAGONG KASONG PERJURY LABAN KAY RAMIL MADRIAGA Nagsampa si VP Sara Duterte ng panibagon...
17/08/2026

VP SARA DUTERTE, NAGSAMPA NG PANIBAGONG KASONG PERJURY LABAN KAY RAMIL MADRIAGA

Nagsampa si VP Sara Duterte ng panibagong reklamong perjury laban kay Ramil Madriaga sa Taguig City Prosecutor's Office nitong Lunes, ika-17 ng Agosto.

Ang naturang reklamo ay base sa karagdagang salaysay ni Madriaga noong siya ay tumestigo sa hearing ng Kamara kaugnay ng kinakaharap na impeachment ng VP.

Personal na inihain ni Duterte ang kaniyang reklamo, kasama ang kaniyang abogado na si Atty. Paolo Panelo.

Matatandaang sinampahan na rin ni Duterte si Madriaga ng perjury noong Marso 2026, kaugnay ng isinumiteng salaysay ni Madriaga sa Ombudsman noong Disyembre 2025.

Matatandaan ding umamin si Madriaga bilang aide at bagman ng pangalawang pangulo.

Sulat ni Aasta Varela
Grapiks ni Ayessa Pacalibre | thebarrister

Naging usap-usapan ang krimen na Grave Threats kaugnay ng pagsampa ng Kagawaran ng Katarungan (DOJ) ng tatlong bilang ng...
17/08/2026

Naging usap-usapan ang krimen na Grave Threats kaugnay ng pagsampa ng Kagawaran ng Katarungan (DOJ) ng tatlong bilang ng krimen laban kay Vice President Sara Duterte, sa kalagitnaan ng kanyang impeachment trial.

Noong Nobyembre 2024, sinabi ng Bise Presidente na may kinuha siyang isang hitman upang ipapatay sina Pangulong Ferdinand Marcos Jr., ang asawa nitong si Liza Araneta-Marcos, at ang House Speaker na si Martin Romualdez, kung siya man ay mamamatay.

Ang naturang pahayag ay naging sentro ng kontrobersiya at imbestigasyon na kalauna’y naging basehan sa Articles of Impeachment at humantong sa pagsasampa ng kasong Grave Threats ng laban sa Bise Presidente.

Alamin kung ano ang krimen na Grave Threats sa ilalim ng Revised Penal Code of the Philippines.

Sulat ni Rodolfo Joselito Narciso at Myle Ysobel Bayani
Grapiks ni Rcee Tenefrancia | thebarrister

Address

Barangay 66

Website

Alerts

Be the first to know and let us send you an email when The Barrister posts news and promotions. Your email address will not be used for any other purpose, and you can unsubscribe at any time.

Contact The University

Send a message to The Barrister:

Shortcuts

Share