Tau Gamma Phi Sorosoro Ibaba Chapter

11/04/2026

🥳HAPPY FIESTA BRGY. SOROSORO IBABA🥳

28/10/2025

Pagbati ng Happy 18th Anniversary TAU Gamma PHI Sorosoro Ibaba Chapter.

Saludo po ang Sorosoro Ibaba Sangguniang Kabataan sa inyong samahan at patuloy serbisyo lalo't higit sa ating barangay.

Mabuhay po kayo!

28/10/2025

26/10/2025

HAPPY 18TH FOUNDING ANNIVERSARY
SOROSORO IBABA CHAPTER
TAU GAMMA PHI

03/10/2025

HAPPY 57TH FOUNDING ANNIVERSARY
TAU GAMMA PHI
TRISKELIONS' GRAND FRATERNITY

07/09/2025

LINISAN SA MT.GAHIS

Kaming Tau Gamma Phi – Sorosoro Ibaba Chapter ay nagsagawa ng paglilinis sa Mt. Gahis. Muli naming nilinis at binuhay ang lugar na ito sapagkat isa itong magandang pahingahan at may kaaya-ayang tanawin na pwedeng mapakinabangan ng lahat.

Ginawa namin ito hindi lang para sa sarili naming kasiyahan, kundi dahil hangarin namin ang makatulong at makiisa sa ating barangay. Nais naming ipakita na ang aming kapatiran ay handang tumulong anumang oras, basta’t ito ay para sa ikabubuti at ikagaganda ng ating komunidad.

Lubos din po kaming nagpapasalamat sa Sangguniang Barangay sa pagpapahiram ng mower na aming nagamit sa paglilinis, at kay Konsehal Emilio Quenery sa masarap na tanghalian na kanyang ipinagkaloob. Ang inyong suporta ang nagbibigay inspirasyon sa amin upang ipagpatuloy ang ganitong mga gawain.

Patuloy po kaming nakikiisa sa mga programa ng barangay at bukas kami sa mga adhikain na maghahatid ng kaayusan at kaunlaran para sa lahat.

07/09/2025

Triskelion Sorosoro Ibaba Chapter | Linis sa Mt. Gahis

🎥: Paul Quenery

31/08/2025

TULOY ANG LINISAN KAHIT UMULAN

Kahit bumuhos ang ulan, hindi ito naging hadlang sa ating pagkakaisa at pagtutulungan. Ang Sorosoro Ibaba Chapter Tau Gamma Phi ay nagsagawa ng paglilinis sa “Kantarilya”, ang daang nagdurugtong sa Purok 5 at Purok 6.

Kami ay nakiisa at tumulong sa ating barangay sapagkat naniniwala kami na ang paglilinis ay mahalaga hindi lamang para sa kalinisan ng paligid, kundi para na rin sa kaligtasan at kaayusan ng buong komunidad.

Lubos ang aming pasasalamat sa Sangguniang Barangay, lalo na kay Punong Barangay Jerry Bagsit sa pagpapahiram ng truck, kay Konsehal Sherwin Bagon sa pagpapahiram ng mower, at kay Konsehal Antonio Dimaano sa pagbubukas ng kanilang lugar upang doon tayo makapagpahinga at kumain. Maraming salamat din sa buong Sangguniang Barangay at sa mga tumulong sa pameryenda at suporta.

Sa pamamagitan ng ganitong mga gawain, ipinapakita ng Sorosoro Ibaba Chapter Tau Gamma Phi ang aming taos-pusong pakikiisa at walang sawang suporta sa mga proyekto ng barangay. Patuloy kaming magiging katuwang ng pamunuan at ng komunidad sa pagsusulong ng pagkakaisa, kalinisan, at kaunlaran para sa lahat.

06/07/2025

KALINISAN PARA SA LAHAT

Bilang patuloy na pakikiisa sa mga gawain para sa ikauunlad ng ating barangay, ang Tau Gamma Phi — Sorosoro Ibaba Chapter ay nagsagawa ng paglilinis sa pathway na nagdudugtong sa Purok 1 at Purok 7. Ito ay isang mahalagang daanan na araw-araw tinatahak ng mga estudyante papasok sa paaralan at ng mga residente sa kanilang mga gawain.

Naniniwala kami na ang malinis na kapaligiran ay salamin ng disiplinado at nagkakaisang komunidad. Hindi lamang nito pinapaganda ang ating paligid, kundi nakakatulong din ito upang maiwasan ang sakit at mas lalong mapanatili ang kaayusan at kaligtasan ng lahat.

Sa maliit naming paraan, kami ay buong puso na nakikiisa sa mga programa ng barangay upang itaguyod ang kalinisan at kaayusan. Sama-sama tayong kumilos para sa mas maayos, mas ligtas, at mas maaliwalas na Sorosoro Ibaba!

23/06/2025

HANDOG KAGAMITANG PAMPAARALAN

Namahagi ng mga kagamitang pampaaralan ang Tau Gamma Phi – Sorosoro Ibaba Chapter sa 40 batang mag-aaral ng daycare center sa Barangay Sorosoro Ibaba ngayong Hunyo 23, 2025.

Pinangunahan ito ni GT Christopher Ardid, kasama ang mga opisyal at miyembro ng kapatiran. Katuwang sa adhikain ang butihing Konsehal Sherwin Bagon, Punong Barangay Jerry Bagsit, at si Ma'am Marilou Lontoc na buong pusong tumulong upang maisakatuparan ang simpleng handog para sa mga bata.

Ang kapatiran ng Tau Gamma Phi – Sorosoro Ibaba Chapter ay naniniwala na ang pagtulong at pagbibigay halaga sa edukasyon ng mga bata ay isang mahalagang hakbang tungo sa mas maliwanag na kinabukasan. Sa simpleng pamamahagi ng school supplies, nawa’y magsilbing inspirasyon ito sa mga bata upang mas lalong magsikap sa pag-aaral.