Msu-Tcto Sentro ng Wika at Kultura

02/05/2026

“𝗣𝗮𝗞𝗮𝗻” 𝗣𝗮𝗿𝗮 𝘀𝗮 𝗣𝗮𝗻𝗶𝘁𝗶𝗸𝗮𝗻 𝗮𝘁 𝗞𝗮𝗹𝗶𝗸𝗮𝘀𝗮𝗻: 𝗠𝗦𝗨 𝗧𝗖𝗧𝗢 𝗦𝗪𝗞, 𝗞𝗮𝗮𝗴𝗮𝗽𝗮𝘆 𝗮𝗻𝗴 𝗞𝗪𝗙, 𝗡𝗮𝗴𝘁𝗮𝗴𝘂𝗺𝗽𝗮𝘆 𝘀𝗮 𝗧𝗲𝗿𝘁𝘂𝗹𝘆𝗮𝗻𝗴 𝗣𝗮𝗺𝗽𝗮𝗻𝗶𝘁𝗸𝗮𝗻 𝟮𝟬𝟮𝟲

Noong Abril 29, 2026, matagumpay na isinagawa ng MSU Sentro ng Wika at Kultura (SWK), sa pakikipagtulungan ng Komisyon sa Wikang Filipino (KWF), ang Tertulyang Pampanitikan 2026 sa Marine Science Museum bilang pakikiisa sa Pambansang Buwan ng Panitikan.

Ang pambansang tema ng pagdiriwang ay “Bekët Panitikan: Para sa Katwiran at Kalikasan,” at bilang tugon dito ay inilunsad ng MSU TCTO SWK ang programang may pamagat na “PaKan (Panitikan at Kalikasan): Palihan sa Malikhaing Pagsulat Para sa Kamalayang Pangkalikasan.” Ang salitang “pakan” ay mula sa wikang Sinama na nangangahulugang “magpakain.” Sa konteksto ng programa, ipinahihiwatig nito ang layuning magbusog sa diwa at kamalayan ng mga mag-aaral sa pamamagitan ng panitikan, isang anyo ng “nutrisyon” na hindi lamang para sa isip, kundi para rin sa pagpapalalim ng malasakit sa kalikasan.

Bilang tagapanayam, tinalakay ni Kaw. Prop. Sitti-Rasham S. Alang, Miyembro ng Fakultad ng Departamento ng Edukasyong Pangwika, ang malikhaing pagsulat ng tula, habang inilahad naman ni Kaw. Prop. Glenda O. Abdul, PhD, Tagapangulo ng Departamento ng Araling Pampanitikan at Kultuural, ang ecocriticism bilang lente sa ugnayan ng panitikan at kalikasan. Sa palihan, nakalikha ang mga BSEd-Filipino na mag-aaral ng mga tulang pangkat at indibidwal na sanaysay na tumugon sa temang pangkalikasan. Sa kabuuan, napalalim ng gawain ang pagtingin sa panitikan bilang tinig ng katwiran at daluyan ng kamalayang pangkalikasan.

Lubos na pinasasalamatan ng MSU TCTO SWK ang KWF, na pinangungunahan ni Atty. Marites A. Barrios-Taran, sa patuloy na suporta at pakikipagtulungan. Taos-pusong pasasalamat din sa aming butihing Tsanselor, Prop. Mary Joyce Z. Guinto-Sali, PhD sa walang sawang pagsuporta sa mga programang pangwika at pampanitikan. Gayundin, ipinapaabot ang aming pasasalamat kay Direktor Rasul M. Sabal sa pagpapahiram ng venue na naging mahalagang bahagi ng matagumpay na pagsasagawa ng tertulya.

28/04/2026

𝗧𝗔𝗥𝗔 𝗡𝗔 𝗦𝗔 𝗧𝗘𝗥𝗧𝗨𝗟𝗬𝗔𝗡𝗚 𝗣𝗔𝗠𝗣𝗔𝗡𝗜𝗧𝗜𝗞𝗔𝗡 𝟮𝟬𝟮𝟲!

Isang makabuluhang pagtitipon ang naghihintay para sa buong pamilya ng BSEd-Filipino!

Inihahandog ng MSU TCTO Sentro ng Wika at Kultura, sa pakikipagtulungan ng Komisyon sa Wikang Filipino (KWF), ang 𝗧𝗘𝗥𝗧𝗨𝗟𝗬𝗔𝗡𝗚 𝗣𝗔𝗠𝗣𝗔𝗡𝗜𝗧𝗜𝗞𝗔𝗡 𝟮𝟬𝟮𝟲.

Inaanyayahan ang lahat ng mga mag-aaral ng BSEd-Filipino, mula sa Unang Taon hanggang Ikaapat na Taon, pati na ang lahat ng miyembro ng Filipino faculty ng ating pamantasan, na makibahagi sa kaganapang ito.

Sa temang "𝘉𝘦𝘬𝘦̈𝘵 𝘗𝘢𝘯𝘪𝘵𝘪𝘬𝘢𝘯: 𝘗𝘢𝘳𝘢 𝘴𝘢 𝘒𝘢𝘵𝘸𝘪𝘳𝘢𝘯 𝘢𝘵 𝘒𝘢𝘭𝘪𝘬𝘢𝘴𝘢𝘯," at sa paksang "𝘗𝘢𝘒𝘢𝘯 (𝘗𝘢𝘯𝘪𝘵𝘪𝘬𝘢𝘯 𝘢𝘵 𝘒𝘢𝘭𝘪𝘬𝘢𝘴𝘢𝘯): 𝘗𝘢𝘭𝘪𝘩𝘢𝘯 𝘴𝘢 𝘔𝘢𝘭𝘪𝘬𝘩𝘢𝘪𝘯𝘨 𝘗𝘢𝘨𝘴𝘶𝘭𝘢𝘵 𝘗𝘢𝘳𝘢 𝘴𝘢 𝘒𝘢𝘮𝘢𝘭𝘢𝘺𝘢𝘯𝘨 𝘗𝘢𝘯𝘨𝘬𝘢𝘭𝘪𝘬𝘢𝘴𝘢𝘯,” sabay-sabay nating tuklasin ang kapangyarihan ng panulat sa paghubog ng ating kamalayang pangkalikasan.

Ikinagagalak nating makasama ang ating mga kagalang-galang na tagapanayam:

𝗞𝗔𝗪. 𝗣𝗥𝗢𝗣. 𝗦𝗜𝗧𝗧𝗜-𝗥𝗔𝗦𝗛𝗔𝗠 𝗦. 𝗔𝗟𝗔𝗡𝗚
Kasapi ng Fakultad
Departamento ng Edukasyong Pangwika

𝗞𝗔𝗪. 𝗣𝗥𝗢𝗣. 𝗚𝗟𝗘𝗡𝗗𝗔 𝗢. 𝗔𝗕𝗗𝗨𝗟, 𝗣𝗵𝗗
Tagapangulo
Departamento ng Araling Pampanitikan at Kultural

🗓 Kailan? Abril 29, 2026
🕗 Anong oras? 8:00 n.u. - 5:00 n.h.
📍 Saan? Marine Science Museum

Huwag palampasin ang pagkakataong ito na matuto, makibahagi, at mag-ambag sa pag-aalaga ng ating kalikasan sa pamamagitan ng panitikan. Magkita-kita tayo roon!

01/04/2026

𝗣𝗔𝗠𝗕𝗔𝗡𝗦𝗔𝗡𝗚 𝗕𝗨𝗪𝗔𝗡 𝗡𝗚 𝗣𝗔𝗡𝗜𝗧𝗜𝗞𝗔𝗡

Sa panahong higit na kailangan ang pagkakaisa at pagbibigkis para sa katwiran at pangangalaga sa kalikasan, hindi ba’t panitikan ang isa sa pinakamakapangyarihang ugnayan na nagbubuklod sa bayan?

Nakikiisa ang MSU TCTO Sentro ng Wika at Kultura sa pagdiriwang ng Pambansang Buwan ng Panitikan ngayong Abril, kasama ang National Commission for Culture and the Arts (NCCA), Komisyon sa Wikang Filipino (KWF), at National Book Development Board – Philippines (NBDB), sa temang: 𝘽𝙚𝙠ë𝙩 𝙋𝙖𝙣𝙞𝙩𝙞𝙠𝙖𝙣: 𝙋𝙖𝙧𝙖 𝙨𝙖 𝙆𝙖𝙩𝙬𝙞𝙧𝙖𝙣 𝙖𝙩 𝙆𝙖𝙡𝙞𝙠𝙖𝙨𝙖𝙣.

May gaganaping Tertulyang Pampanitikan ang Sentro sa loob ng buwan bilang espasyo ng pagninilay, pagbibigkis, at kritikal na talakayan. Abangan ang mga detalye!

Makiisa sa mga gawain at pagdiriwang. Para sa karagdagang impormasyon, mangyaring bisitahin ang: https://ncca.gov.ph/nlm-2026/

07/03/2026

13/11/2025

12/11/2025

𝗦𝗪𝗞 𝗡𝗮𝗴𝘁𝗮𝗴𝘂𝗺𝗽𝗮𝘆 𝘀𝗮 𝗧𝗲𝗿𝘁𝘂𝗹𝘆𝗮𝗻𝗴 𝗣𝗮𝗻𝗴𝘄𝗶𝗸𝗮 𝟮𝟬𝟮𝟱: 𝗣𝗮𝗴𝘁𝗮𝘁𝗮𝗴𝘂𝘆𝗼𝗱 𝗻𝗴 𝘔𝘶𝘭𝘵𝘪𝘭𝘪𝘯𝘨𝘶𝘢𝘭 𝘌𝘥𝘶𝘤𝘢𝘵𝘪𝘰𝘯 𝗮𝘁 𝘐𝘤𝘰𝘯𝘰𝘭𝘰𝘨𝘺

Matagumpay na idinaos ng Sentro ng Wika at Kultura (SWK) ang Tertulyang Pangwika 2025 noong Nobyembre 12, 2025, 8:00 nu - 5:00 nh, sa Marine Science Museum, katuwang ang Komisyon sa Wikang Filipino (KWF).

Sa temang “SalikSiKan (Salik–Pananaliksik–Wika–Panitikan): Makabagong-Silid ng Karunungang Pangwika,” pinagsama nito ang 60 mag-aaral ng BSEd–Filipino at mga g**o sa Filipino sa isang makabuluhang araw ng pagkatuto, pagninilay, at malikhaing pagbabahaginan.

Tampok sina Kaw. Prop. Fernigil L. Colicol, PhD, Tagapangulo ng Department of Language Education, na binigyang-diin ang agency sa Multilingual Education bilang susi sa pag-igting ng pagkakakilanlang pangwika, at Kat. Prop. Nelson S. Dino, Direktor ng Office of Creative Works, na tinalakay ang Iconology na nagbukas sa mas malalim na pag-unawa sa mga simbolo bilang daluyan ng kulturang Filipino.

Mula sa panukala ni dating Direktor Kaw. Prop. Cherry B. Alih, at sa pamumuno ngayon ni Direktor Kaw. Prop. Bonjovi H. Hajan, isinakatuparan ng SWK ang tertulya bilang espasyo ng talastasan, sining, at pananaliksik. Bilang pagtatapos, nagsulat ang mga kalahok ng mga replektibong sanaysay, at ang tatlong pinakamahusay ay itatampok sa opisyal na SWK page.

Nagbahagi rin ng mga mensahe ng inspirasyon sina Atty. Marites A. Barrios-Taran, Tagapangulo ng Komisyon sa Wikang Filipino (KWF), at Direktor Hajan, na kapwa nagpatibay sa kahalagahan ng wika sa pagbubuo ng bansa at edukasyon.

Taos-pusong pasasalamat ang inihahandog ng pamunuan ng SWK kay Tsanselor Prop. Mary Joyce Z. Guinto-Sali, PhD, sa kanyang walang sawang suporta. Alinsunod sa SDG 4 (Quality Education), SDG 10 (Reduced Inequalities), at SDG 11 (Sustainable Cities and Communities), ipinapakita ng Tertulyang Pangwika 2025 ang layunin ng SWK na buhayin ang wika bilang sandigan ng kaisipan, kultura, at pagkakaisa.

10/11/2025

PABATID:
Nobyembre 12, Miyerkules, ang bagong iskedyul ng Tertulyang Pangwika 2025. Gaganapin ito sa Marine Science Museum, 8 nh–5 hu. Kita-kits!

29/10/2025

Alinsunod sa nakatakdang holiday sa Oktubre 31, 2025, ang Tertulyang Pangwika 2025 ay ipinagpaliban sa ibang petsa. Mangyaring abangan ang anunsyo ng bagong iskedyul. Maraming salamat 🙏

21/10/2025

𝗧𝗲𝗿𝘁𝘂𝗹𝘆𝗮𝗻𝗴 𝗣𝗮𝗻𝗴𝘄𝗶𝗸𝗮 𝟮𝟬𝟮𝟱

Oktubre 31, 2025 | 8:00 n.u. – 5:00 n.h.
Integrated Science Laboratory Audio-visual Room

Sa pangunguna ng Sentro ng Wika at Kultura ng Mindanao State University – Tawi-Tawi College of Technology and Oceanography, kaagapay ang Komisyon sa Wikang Filipino (KWF), muling idaraos ang taunang Tertulyang Pangwika na may temang: “𝙎𝙖𝙡𝙞𝙠𝙎𝙞𝙆𝙖𝙣 (𝙎𝙖𝙡𝙞𝙠–𝙋𝙖𝙣𝙖𝙣𝙖𝙡𝙞𝙠𝙨𝙞𝙠–𝙒𝙞𝙠𝙖–𝙋𝙖𝙣𝙞𝙩𝙞𝙠𝙖𝙣): 𝙈𝙖𝙠𝙖𝙗𝙖𝙜𝙤𝙣𝙜 𝙎𝙞𝙡𝙞𝙙 𝙣𝙜 𝙆𝙖𝙧𝙪𝙣𝙪𝙣𝙜𝙖𝙣𝙜 𝙋𝙖𝙣𝙜𝙬𝙞𝙠𝙖.”

Layunin ng gawaing ito na pagyamanin ang kamalayan at kasanayan ng mga BSEd-Filipino na mag-aaral at mga g**o sa Filipino sa mga haliging bumubuo ng makabagong silid ng karunungan sa ating panahon: pananaliksik, wika, at panitikan.

Mga Tagapanayam:
1. 𝗞𝗮𝘄. 𝗣𝗿𝗼𝗽. 𝗙𝗲𝗿𝗻𝗶𝗴𝗶𝗹 𝗟. 𝗖𝗼𝗹𝗶𝗰𝗼𝗹, 𝗣𝗵𝗗
2. 𝗞𝗮𝘁. 𝗣𝗿𝗼𝗽. 𝗡𝗲𝗹𝘀𝗼𝗻 𝗦. 𝗗𝗶𝗻𝗼

Lubos na pinapasalamatan ng kasalukuyang Direktor ng SWK ang dating Direktor, Kap. Prop. Cherry B. Alih, na siyang nagpanukala at nagpasimula ng makabuluhang gawaing ito. Patunay ito ng masiglang pagpapatuloy ng adhikaing pangwika at pangkultura sa ating pamantasan.

Ang Tertulyang Pangwika 2025 ay nakaugnay sa mga layunin ng United Nations Sustainable Development Goals (SDGs), partikular sa SDG 4 (Quality Education), SDG 5 (Gender Equality), and SDG 17 (Parnership for the Goals).

Tara, makisali sa SalikSiKan 2025. Isang pagdiriwang ng wika, panitikan, at pananaliksik!

18/10/2025

𝗠𝗦𝗨–𝗧𝗖𝗧𝗢 𝗦𝗪𝗞 𝗡𝗮𝗸𝗶𝗹𝗮𝗵𝗼𝗸 𝘀𝗮 𝗣𝗮𝗺𝗯𝗮𝗻𝘀𝗮𝗻𝗴 𝗣𝗮𝗴𝘀𝗮𝘀𝗮𝗻𝗮𝘆, 𝗣𝗮𝗹𝗶𝗵𝗮𝗻 𝗮𝘁 𝗣𝗮𝗴𝗽𝗮𝗽𝗹𝗮𝗻𝗼 𝗻𝗴 𝗞𝗪𝗙 𝘀𝗮 𝗨𝗦𝗠

Bilang kinatawan ng MSU–TCTO Sentro ng Wika at Kultura, dumalo si Direktor Bonjovi H. Hajan sa Pagsasanay, Palihan, at Pagpaplano ng Komisyon sa Wikang Filipino (KWF) at mga direktor ng Sentro ng Wika at Kultura (SWK) sa buong bansa, na ginanap noong Oktubre 14–17, 2025 sa University of Southern Mindanao (USM), Kabacan, North Cotabato. Ang pagtitipon ay naglayong pagtibayin ang pagkakaisa ng mga tagapagtaguyod ng wika at kultura tungo sa pamamaraan ng promosyon at pananaliksik sa Filipino at mga katutubong wika.

Sa apat na araw ng makabuluhang pagsasanay, tinalakay ang mga paksa tulad ng Filipino Sign Language, Baybayin, Pambangsang Ortograpiya, Korespondensiyang Opisyal, at Gramatikang Filipino, kalakip ang Cultural Night at lakbay-kultura sa Museyo Kotawato ng Cotabato. Mula sa mga gawaing ito ay umusbong ang panibagong sigla sa pagpapaigting ng mga inisyatibong pangwika at pangkultura sa bansa.

Lubos na pasasalamat sa aming mahal na Chancellor, Prof. Mary Joyce Z. Guinto-Sali, PhD at Vice Chancellor for Research and Extension, Prof. Richard N. Muallil, PhD sa patuloy na suporta sa mga programang pangwika at pangkultura ng pamantasan; sa Bagong Tagapangulo ng KWF, Atty. Marites A. Barrios-Taran sa inspiradong pamumuno; at sa Direktor ng SWK–USM, Prof. Radji A. Macatabon, PhD, sa mainit na pagtanggap at mahusay na pagho-host ng nasabing pagsasanay.

Ang MSU–TCTO SWK ay muling nagkamit ng inspirasyon upang higit na maitaguyod ang identidad at pamana ng Tawi-Tawi sa pamamagitan ng wika at kultura, isang hakbang na kaayon ng SDG 4 (Quality Education), SDG 10 (Reduced Inequalities) at SDG 11 (Sustainable Cities and Communities) at ng misyon ng pamantasan na isulong ang edukasyong inklusibo, kultural, at pangmatagalan para sa kapayapaan at kaunlaran ng Mindanao.