10/11/2025
๐๐จ๐ฆ๐ง๐๐ฆ๐ฌ๐ ๐ฃ๐๐ฅ๐ ๐ฆ๐ ๐ง๐๐ข. ๐๐จ๐ฆ๐ง๐๐ฆ๐ฌ๐ ๐ฃ๐๐ฅ๐ ๐ฆ๐ ๐๐๐๐๐๐๐ฆ๐๐ก.
Taon-taon, laging sinasalubong ang ating bansa ng mga malalakas na bagyo na sumisira sa kabuhayan, kalikasan at buhay ng mga Pilipino. Ngunit, taon-taon ding mag-isang bumabangon ang mamamayan mula sa bangungot ng hagupit ng kalikasan, habang ang mga nasa kapangyarihan ay pilit tinatakasan ang kanilang responsibilidad, bitbit ang yaman na dapat pumoprotekta sa masa.
Sa halip na unahin ang mga imprastraktura at sistemang magpapanumbalik sa sigla ng kalikasan, inuuna ng mga ganid na kapitalista, kasabwat ang mga korap na politiko ang pagputol sa mga kagubatan, pagmina ng ating mga kabundukan, at higit sa lahat ang pagbubulsa ng pondo para sa proyektong pang-baha.
Kung tutuusin, hindi bagyo, lindol o anumang kalamidad ang tunay na pumapatay sa ating bansa, kundi ang kapalkpakan at kasakiman ng mga naghaharing uri na inuuna ang personal na interes bago ang kapakanan ng bayan. Ang tunay na pumapatay sa ating bayan ay ang mga buwayang kurakot na nagpapakasasa sa yaman ng bayan.
Mula sa Monterrazas de Cebu na nagdulot ng matinding pagbaha, hanggang sa Bulacan Airport na patuloy na nagpapalubog sa ating bayan, at sa tuloy-tuloy na pagkalbo sa kagubatan ng Sierra Madre, patunay itong ang ating bayan ay isinuko sa kasakiman ng iilan. Hindi makatarungan na ang mga ordinaryong Pilipino ang sasalo ng pinsala dinulot ng mga naghaharing uri. Hindi makatarungan na hayaang malunod ang mamamayang Pilipino sa kapabayaan at kawalan ng maayos na aksyon laban sa hagupit ng kalikasan.
Hustisya ang kailangan ng bayan.
Habang patuloy tayong bumabangon at umaalalay sa mga kababayang sinalanta ng bagyo, ipagpatuloy din natin ang pagbaha ng galit laban sa mga kurakot. Wala nang buhay ang dapat maputol dahil sa kapalpakan ng pamahalaan at wala nang bayan ang dapat lumubog dahil sa korapsyon at kasakiman.
Panahon na para maningil ang sambayanan. Singilin ang mga pulitikong inuuna ang ginto bago ang buhay ng masa, at igiit ang hustisyang matagal nang ipinagkait sa mamamayan.
๐ ๐๐ก๐๐ก๐๐ก๐๐๐ ๐๐ก๐ ๐ง๐๐ข๐ก๐-๐๐๐ฌ๐๐ก.
