https://www.facebook.com/100540629274314/

Kapisanan ng mga Mag-aaral sa Filipino, ICCT Colleges

Home
Philippines
Cainta
Kapisanan ng mga Mag-aaral sa Filipino, ICCT Colleges

Directions

Pahinang makakasangkapan sa paghubog ng ating kasanayan at dunong sa wika, linggwistika at panitikan sa asignaturang Filipino.

Layon nitong makaambag sa paglinang at pagpapa-unlad ng wikang Filipino sa isang kontekstwalisadong pamamaraan.

05/10/2026

‎𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, Bb. H𝘢zel Abinal — 𝘚𝘦𝘯𝘪𝘰𝘳 𝘖𝘧𝘧𝘪𝘤𝘦𝘳
‎
‎Sa espesyal na araw na ito, buong puso naming pinaaabot ang aming taos pusong pagbati sa isang 𝘚𝘦𝘯𝘪𝘰𝘳 𝘖𝘧𝘧𝘪𝘤𝘦𝘳 ng Kapisanan ng mga Mag-aaral sa Filipino.
‎
‎Sa bagong kabanata ng iyong buhay, sana ay mas marami pang oportunidad ang dumating sa iyo at sana ay magkaroon ka ng lakas sa bawat hamon ng iyong buhay.
‎
‎Patuloy kang maging mabuting halimbawa at inspirasyon sa iba.
‎
‎Muli, isang 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣 mula sa Kapinsanan ng mga Mag-aaral sa Filipino! 🎉
‎
‎
‎

25/09/2026

Narito na ang mga bagong opisyales ng 𝗞𝗮𝗽𝗶𝘀𝗮𝗻𝗮𝗻 𝗻𝗴 𝗺𝗴𝗮 𝗠𝗮𝗴-𝗮𝗮𝗿𝗮𝗹 𝘀𝗮 𝗙𝗶𝗹𝗶𝗽𝗶𝗻𝗼 para sa Taong Panuruan 2026–2027!

Isang panibagong taon, panibagong pamunuan, at panibagong pagkakataon upang ipagmalaki at pagyamanin ang Wikang Filipino.

𝘗𝘢𝘨𝘱𝘶𝘱𝘶𝘨𝘢𝘺 𝘢𝘵 𝘵𝘢𝘨𝘶𝘮𝘱𝘢𝘺 𝘴𝘢 𝘪𝘯𝘺𝘰𝘯𝘨 𝘱𝘢𝘮𝘶𝘮𝘶𝘯𝘰, 𝘮𝘨𝘢 𝘣𝘢𝘨𝘰𝘯𝘨 𝘰𝘱𝘪𝘴𝘺𝘢𝘭𝘦𝘴!!

𝙋𝘼𝘿𝘼𝙔𝙊𝙉, 𝙆𝘼𝙈𝙁𝙄𝙇! ✨

15/09/2026

Maligayang Kaarawan, G. Mark John Ghian Reniva — Senior Officer

Maraming salamat sa walang sawang paglilingkod at lalo pang paningningin ang kahusayan sa Kapisanan ng mga Mag-aaral sa Filipino. Hangad namin ang iyong kaligayahan para sa araw na ito.

Maligayang kaarawan!

13/09/2026

𝗣𝗔𝗟𝗜𝗛𝗔𝗡 𝟮𝟬𝟮𝟲 | 𝗟𝗲𝗮𝗿𝗻𝗲𝗿-𝗖𝗲𝗻𝘁𝗲𝗿𝗲𝗱 𝗧𝗲𝗮𝗰𝗵𝗶𝗻𝗴

“𝘗𝘳𝘢𝘤𝘵𝘪𝘤𝘦 𝘮𝘢𝘬𝘦𝘴 𝘱𝘳𝘰𝘨𝘳𝘦𝘴𝘴.”

Noong ika-12 ng Setyembre, ginanap ang palihang “Learner-Centered Teaching” na pinangunahan ni 𝗠𝗿. 𝗗𝗮𝗿𝘄𝗶𝗻 𝗥𝗲𝗴𝗶𝗻𝗶𝗼 𝘆 𝗠𝗼𝗻𝘁𝗲𝗿𝗲𝘆, 𝗟𝗣𝗧, 𝗠𝗔𝗘𝗱. Tinalakay dito ang kahalagahan ng paglalagay sa mga mag-aaral sa sentro ng pagkatuto—aktibong nakikilahok, nakikipagtulungan, at nabibigyan ng pagkakataong umunlad ayon sa kanilang kakayahan at pangangailangan.

Binigyang-diin din na walang mag-aaral ang dapat maiwan. Bilang mga hinaharap na g**o, baon natin ang paalala na ang pagtuturo ay hindi lamang pagbabahagi ng kaalaman, kundi pakikinig, paggabay, at pagbibigay-inspirasyon.

Maraming salamat sa isang makabuluhang palihan!

06/09/2026

‎“𝐒𝐚 𝐛𝐚𝐰𝐚𝐭 𝐩𝐚𝐡𝐢𝐧𝐚𝐧𝐠 𝐚𝐭𝐢𝐧𝐠 𝐧𝐢𝐥𝐚𝐥𝐚𝐤𝐛𝐚𝐲, 𝐠𝐮𝐫𝐨 𝐚𝐧𝐠 𝐤𝐚𝐭𝐮𝐰𝐚𝐧𝐠 𝐬𝐚 𝐩𝐚𝐠𝐛𝐮𝐨 𝐧𝐠 𝐚𝐭𝐢𝐧𝐠 𝐤𝐮𝐰𝐞𝐧𝐭𝐨.”

Ngayong ika-5 ng Setyembre hanggang ika-5 ng Oktubre, ipinagdiriwang natin ang National Teachers’ Month. Ating bigyang-pugay ang mga g**ong hindi lamang nagtuturo, kundi humuhubog ng isip, nagpapalakas ng loob, at gumagabay sa bawat mag-aaral. Sa bawat aral at kuwentong ibinabahagi, may pangarap na unti-unting nahuhubog.

Maligayang Buwan ng mga G**o!
Mabuhay ang mga g**ong patuloy na nagbibigay-liwanag sa landas ng bawat mag-aaral!

‎

04/09/2026

Mabuhay, ICCTians!

Tatlong araw ng pakikiisa, pagkakaisa, at pagbabahagi—maraming salamat sa inyong walang sawang suporta sa OSO Membership Day & Share for a Cause! Ang bawat pagbisita, pakikilahok, at pagtangkilik sa booth ng KAMFIL ay naging bahagi ng isang makabuluhang layunin.

Mula sa unang araw hanggang sa huling araw, kayo ang naging dahilan kung bakit naging mas masaya at matagumpay ang aming pakikilahok. Maraming salamat sa pakikiisa, ICCTians! Hanggang sa muli!

31/08/2026

Ngayong ika-31 ng Agosto, ating ginugunita ang Araw ng mga Bayani bilang pagkilala sa katapangan, sakripisyo, at pagmamahal sa bayan ng mga Pilipinong nag-alay ng kanilang sarili para sa kalayaan at kinabukasan ng ating bansa.

Nawa’y magsilbing inspirasyon ang kanilang mga ipinaglaban upang patuloy nating pahalagahan ang kasaysayan, ipagtanggol ang ating mga karapatan, at maging mabuting bahagi ng lipunang ating ginagalawan.

Mabuhay ang mga bayani! Mabuhay ang sambayanang Pilipino!

30/08/2026

DAY 2 | BUWAN NG WIKA 2026: WIKANG FILIPINO AT AI: Kasangkapan sa Pananaliksik at Tulay sa Yaman ng Impormasyon

Isang mapagpalayang araw, ICCTians! Narito ang mga kaganapan sa ikalawang araw ng ating pagdiriwang. Halina’t tuklasin, kilalanin, at payabungin ang yaman ng ating kultura, wika, at pagkamalikhain bilang mga Pilipino.

Sa ikalawang araw, nasaksihan natin ang makulay na pagtatanghal sa Madulang Sabayang Pagbigkas at ang makapigil-hiningang pagpapamalas ng kultura sa Rampakultura. Sa bawat tinig, galaw, at pagtatanghal, higit na namayani ang pagkakaisa, pagtutulungan, at sama-samang pagnanais na maipakita ang husay at pagmamalaki sa ating kultura. Tunay ngang mas nagiging makabuluhan ang bawat pagtatanghal kapag ito ay bunga ng pagkakaisa at pagtutulungan.

29/08/2026

DAY 1 | BUWAN NG WIKA 2026: WIKANG FILIPINO AT AI: Kasangkapan sa Pananaliksik at Tulay sa Yaman ng Impormasyon

Isang mapagpalayang araw, ICCTians! Narito ang mga kaganapan sa unang araw ng ating pagdiriwang. Halina’t tuklasin, kilalanin, at payabungin ang yaman ng ating kultura, wika, at pagkamalikhain bilang mga Pilipino.

Sa unang araw, nasaksihan natin ang iba’t ibang husay at talento ng mga mag-aaral ng ICCT Colleges. Mula sa malikhaing pagpapahayag hanggang sa mga natatanging pagtatanghal, bawat isa ay naging patunay na buhay na buhay ang ating wika at kultura sa puso ng kabataan. Tunay ngang napakayaman ng ating pinagmulan, at higit itong nagiging makulay kapag sama-sama nating ipinagdiriwang at pinahahalagahan.

Address

Cainta

Website

facebook.com

Alerts

Be the first to know and let us send you an email when Kapisanan ng mga Mag-aaral sa Filipino, ICCT Colleges posts news and promotions. Your email address will not be used for any other purpose, and you can unsubscribe at any time.

Want your university to be the top-listed university in Cainta?