26/08/2024
๐๐๐๐๐ ๐๐๐
๐ ๐ฎ๐ฝ๐ฎ๐ด๐ฝ๐ฎ๐น๐ฎ๐ป๐ด ๐ฎ๐ฟ๐ฎ๐, ๐บ๐ด๐ฎ ๐๐ฆ๐ฃ๐ฆ๐๐ถ๐ฎ๐ป๐ผ!
Ipinagdiriwang natin ngayon ang Araw ng mga Pambansang Bayani bilang parangal sa mga bayaning Pilipino na lumaban para sa ating kalayaan. Ang kanilang katapangan ang nagbigay sa atin ng mga karapatan at kasarinlan na mayroon tayo ngayon. Sa paggunita natin sa kanilang mga sakripisyo, nawa'y makakuha tayo ng inspirasyon mula sa kanila na magtulungan at bumuo ng masaganang kinabukasan para sa lahat.
Handog ni Cheryl Tamayo ang tulang napamagatang "Pagpupugay" upang pasalamatan ang mga bayaning nagbuwis ng kanilang mga buhay para sa bansang Pilipinas.
-------------------
Pagpupugay mula sa puso't diwa,
Para sa mga bayaning nag-iwan ng katangi-tanging marka.
Upang sa ati'y magsilbing paalala,
Kailangan tayo ng ating bansa.
Si Ga't Jose Rizal man, o si Andres Bonifacio,
Mithii'y kalayaan at katahimikan para sa mga Pilipino.
Ninais putulin ang kadenang nakatali sa bayang tinubuan,
Upang sa gayon, makamit ang tinatamasang kapayapaan.
Sa bawat patak ng pawis, dugo, at luha sa lupa,
Pagtatanggol sa bayan ang kanilang ipinunla.
Ngayon, sa atin ay iniwan, isang hamon, isang tungkulin,
Ipagpatuloy ang laban, para sa bayang puno ng hangarin.
Mga bayaning nakatatak sa kasaysayan,
Nakakamanghang kwento ng kabayanihan.
Mithiing mahirap tumbasan,
Ng kahit anong salapi at yaman.
Pagpupugay, ang aming iniaalay.
Para sa mga sakripisyo, dangal at husay.
Mga adhikaing magsisilbing gabay,
Patungo sa kapayapaang walang humpay.
-------------------
Layout ni Arvin Boquilon
T A N D A A N: Patuloy pa rin ang pagtanggap ng aming publikasyon para sa mga tula na maaaring mailathala sa aming page, palaging bukas ang aming tanggapan para sa mga katanungan at mensahe para sa mga tula na nais ninyong ipasa.