Kapisanan ng mga Guro at mga Magiging Guro sa Filipino

30/06/2026

21/05/2026

Larga na dito sa Filipino!💙🤍

20/05/2026

𝗔𝗡𝗡𝗢𝗨𝗡𝗖𝗘𝗠𝗘𝗡𝗧 | 𝗣𝗥𝗘-𝗟𝗜𝗦𝗧𝗜𝗡𝗚 𝗔𝗡𝗗 𝗜𝗡𝗧𝗘𝗥𝗩𝗜𝗘𝗪 𝗦𝗖𝗛𝗘𝗗𝗨𝗟𝗘

Please be guided by the Pre-Listing and Interview Schedule for Incoming First Year Students (Applicants) for the First Term, Academic Year 2026–2027.

All applicants are advised to prepare the necessary documents and requirements for the pre-listing and interview process.

15/05/2026

Isang mainit na pagbati ang ipinapaabot mula sa 𝙆𝙖𝙥𝙞𝙨𝙖𝙣𝙖𝙣 𝙣𝙜 𝙢𝙜𝙖 𝙂𝙪𝙧𝙤 𝙖𝙩 𝙢𝙜𝙖 𝙈𝙖𝙜𝙞𝙜𝙞𝙣𝙜 𝙂𝙪𝙧𝙤 𝙨𝙖 𝙁𝙞𝙡𝙞𝙥𝙞𝙣𝙤. Ang inyong tagumpay ay patunay ng inyong walang sawang pagsusumikap, dedikasyon, at pagmamahal sa wikang Filipino.

Sa bawat aralin at pananaliksik na inyong tinahak, naipakita ninyo ang kahalagahan ng ating wika bilang sandigan ng ating kultura at pagkakakilanlan. Ang inyong pagtatapos ay hindi lamang tagumpay para sa inyong sarili, kundi isang ambag sa pagpapalakas ng Filipino sa larangan ng edukasyon.

🏅Unise T. Soriano, MAT-FIL
🏅Juliet D. Abellon, MAT-FIL
🏅Marceline Joi B. Espiritu, MAT-FIL

13/05/2026

𝗣𝗔𝗚𝗕𝗔𝗧𝗜 𝗕𝗦𝗘𝗗 𝗙𝗜𝗟𝗜𝗣𝗜𝗡𝗢 𝟰!

Bukas, Mayo 14, 2026 ay isang makasaysayang araw para sa inyo ang araw ng inyong pagtatapos. Sa loob ng apat na taon, pinanday ninyo ang inyong sarili sa mga hamon ng akademya, at ngayon ay narito kayo, handang humakbang tungo sa mas mataas na yugto ng inyong buhay.

Kami, ang 𝗞𝗮𝗽𝗶𝘀𝗮𝗻𝗮𝗻 𝗻𝗴 𝗺𝗴𝗮 𝗚𝘂𝗿𝗼 𝗮𝘁 𝗺𝗴𝗮 𝗠𝗮𝗴𝗶𝗴𝗶𝗻𝗴 𝗚𝘂𝗿𝗼 𝘀𝗮 𝗙𝗶𝗹𝗶𝗽𝗶𝗻𝗼 (𝗞𝗮𝗚𝘂𝗠𝗮𝗚𝘂𝗙𝗶𝗹), ay buong puso ninyong kaagapay sa pagdiriwang na ito. Nawa’y magsilbing gabay ang inyong mga karanasan, alaala, at aral mula sa kolehiyo sa pagtahak ninyo sa landas ng pagiging mga Lisensyadong Propesyonal na G**o.
Huwag ninyong kalimutan na ang bawat hirap, puyat, at pagsubok ay naging hakbang upang marating ninyo ang tagumpay na ito.

Sa inyong paglalakbay bilang mga g**o, dalhin ninyo ang diwa ng pagtuturo ang pagbibigay ng kaalaman, paghubog ng karakter, at pag-aalay ng malasakit sa kabataan.

Muli, pagbati sa inyong lahat, mga Hinaharap na G**O ng ating Bayan!

25/04/2026

𝐏𝐀𝐆𝐁𝐀𝐓𝐈! 𝐍𝐒𝐓𝐏 𝟐𝟎𝟐𝟓-𝟐𝟎𝟐𝟔 𝐆𝐫𝐚𝐝𝐮𝐚𝐭𝐢𝐨𝐧 𝐃𝐚𝐲

Opisyal nang nagtapos ang mga mag-aaral ng National Service Training Program (NSTP) nitong Sabado, ika-25 ng Abril, 2026, sa UNP Gymnasium.

Ang programa ay may temang: ““𝙐𝙉𝙋 𝙉𝙎𝙏𝙋 𝙂𝙧𝙖𝙙𝙪𝙖𝙩𝙚𝙨: 𝙐𝙥𝙝𝙤𝙡𝙙𝙞𝙣𝙜 𝙎𝙚𝙧𝙫𝙞𝙘𝙚 𝙖𝙨 𝙁𝙤𝙪𝙣𝙙𝙖𝙩𝙞𝙤𝙣 𝙛𝙤𝙧 𝙇𝙚𝙖𝙙𝙚𝙧𝙨𝙝𝙞𝙥 𝙖𝙣𝙙 𝙏𝙧𝙖𝙣𝙨𝙛𝙤𝙧𝙢𝙖𝙩𝙞𝙫𝙚 𝘾𝙝𝙖𝙣𝙜𝙚.”

Taos-pusong binabati ng kapisanan ang lahat ng mga nagsipagtapos higit lalo ang mga kasapi ng KaGuMaGuFil, BSEd Filipino 1. Kabilang sa mga nagkamit ng parangal sa BSEd Filipino 1 ay sina Chris Lawrence Castillo (Gold Medalist), Marthina Danielle Adlao (Silver Medalist), at Rommel De Jesus (Bronze Medalist).

Nagbahagi naman ng isang inspirasyonal na mensahe si G. Rhon A. Arquelada, kung saan binigyang-diin niya ang mga katagang, "𝐊𝐮𝐧𝐠 𝐡𝐢𝐧𝐝𝐢 𝐚𝐤𝐨, 𝐬𝐢𝐧𝐨?"

Naging matagumpay ang pagtatapos na ito, bunga ng pagkakaisa, paglilingkod, at disiplina.

18/04/2026

𝐏𝐀𝐆𝐁𝐀𝐓𝐈 𝐁𝐒𝐄𝐝-𝐅𝐢𝐥𝐢𝐩𝐢𝐧𝐨 𝟒!
Matagumpay na isinagawa ang Research Congress ng College of Teacher Education noong Abril 13, 2026 na may temang “Transcending Learning Gaps Through Preservice Teacher Research” sa CTE, Room 303.

Pinangunahan ng mga mag-aaral ng BSEd Filipino ang Research Congress sa BSEd Filipino 4. Ang kaganapan ay nagsilbing oportunidad upang maipakita ang kanilang dedikasyon sa larangan ng edukasyon, at nagsilbing plataporma upang itampok ang mga makabuluhang pananaliksik na naglalayong tugunan ang mga agwat sa pagkatuto at higit pang paghahanda ng mga g**o sa hinaharap.

Bilang panimula, isinagawa ang isang panalangin sa pamamagitan ng audio-visual presentation upang humiling ng gabay mula sa Diyos para sa tagumpay ng buong programa. Sinundan ito ng pagawit sa Lupang Hinirang at UNP Hymn.

Sa kanyang pambungad na mensahe, binigyang-diin ni Dr. Juvie Lynne T. Almachar na ang mga mananaliksik ay hindi lamang tagapaghatid ng kaalaman kundi mga inspirasyon na nagbibigay ng lakas sa mga tagapakinig. Ang kanyang mensahe ay nagsilbing gabay na nagbigay ng lakas at motibasyon sa bawat kalahok upang magsikap at magtagumpay sa kanilang mga pananaliksik.

Samantala, isang mahalagang pahayag mula kay Dr. Nancy T. Ubilas ang tumatak sa isipan ng mga dumalo: “𝙃𝙞𝙣𝙙𝙞 𝙞𝙩𝙤 𝙩𝙖𝙜𝙞𝙨𝙖𝙣 𝙣𝙜 𝙩𝙖𝙡𝙞𝙣𝙤, 𝙗𝙖𝙜𝙠𝙪𝙨 𝙖𝙮 𝙥𝙧𝙚𝙨𝙚𝙣𝙩𝙖𝙨𝙮𝙤𝙣 𝙣𝙜 𝙩𝙖𝙜𝙪𝙢𝙥𝙖𝙮.” Ang paalala na ito ay nagbigay-diin na ang tunay na tagumpay ay hindi lamang nakabatay sa intelektwal na kakayahan, kundi sa mga sakripisyo, puyat, at luha na kaakibat ng proseso ng pananaliksik.

Ipinamalas ng mga mag-aaral ang malinaw at maayos na presentasyon ng kanilang mga pananaliksik. Ang mga tanong mula sa mga hurado na sina Gng. Cynthia V. Manligues, Gng. Crestele Mae Tolentino at Bb. Cristine Mae Quitoras, ay nagbigay ng pagkakataon upang higit pang maipaliwanag ang kanilang mga ideya at mapalawak ang kanilang pananaw.

Sa pagtatapos ng kaganapan, kinilala si Bb. Jaja Gina Fernandez bilang Outstanding Research Presenter sa kaniayang pananaliksik na “Emotion-Based Strategy: Pagpapaunlad sa Lebel ng Makrong Kasanayang Pagsasalita ng mga Mag-aaral sa Baitang 10.”. Isang parangal na nagbigay daan sa emosyonal na sandali ng pasasalamat at kagalakan.

Nasungkit naman nina G. Reynel Bista at Bb. Princess Frando ang ikalawang gantimpala sa kanilang pag-aaral na “Literature Circle: Isang Estratehiya sa Paglinang ng Pagbasa ng mga Mag-aaral.” Samantalang nakamit nina G. Kurt John Paul Cariño at Bb. Ashley Romarie Lactaotao ang ikatlong gantimpala sa kanilang pananaliksik na “Bisa ng Estratehiyang Hop to the Top sa Pagpapaunlad sa Komprehensyon sa Pagbasa ng mga Mag-aaral.”

Tinapos naman ni Dr. Novelyn T. Barcena ang programa sa pamamagitan ng pagbibigay ng papuri at pasasalamat sa lahat ng mananaliksik sa matagumpay na pagganap ng bawat isa. Nagtapos ang kaganapan sa isang masiglang sayawan na pinangunahan ng mga mag-aaral ng BSED-Filipino at ng kanilang mga g**o.

09/04/2026

Ngayong Abril 9, 2026, ginugunita ng sambayanang Pilipino ang ika-84 na Araw ng Kagitingan, isang mahalagang araw ng pag-alala sa kabayanihan ng mga sundalong Pilipino at Amerikano na lumaban sa Bataan noong Ikalawang Digmaang Pandaigdig. Ang araw na ito ay hindi lamang isang regular na holiday kundi isang makabuluhang pagkakataon upang sariwain ang sakripisyo at tapang ng mga bayani ng ating kasaysayan.

Ang Araw ng Kagitingan ay nakaugat sa pagbagsak ng Bataan noong Abril 9, 1942, na nagbunsod sa tinaguriang Bataan Death March. Libu-libong sundalo ang naglakad nang daan-daang kilometro sa gitna ng gutom, uhaw, at pang-aabuso. Sa kabila ng matinding hirap, nanatiling buhay ang diwa ng kagitingan at pagmamahal sa bayan.

03/04/2026

𝗞𝗮𝗮𝗿𝗮𝘄𝗮𝗻| Malugod naming binabati sa kanyang kaarawan si 𝗗𝗿. 𝗠𝗮 𝗧𝗲𝗿𝗲𝘀𝗮 𝗦𝘂𝘀𝗮𝗻 𝗟. 𝗠𝗮𝗻𝘇𝗮𝗻𝗼, 𝘿𝙚𝙠𝙖𝙣𝙖 𝙣𝙜 𝘾𝙤𝙡𝙡𝙚𝙜𝙚 𝙤𝙛 𝙏𝙚𝙖𝙘𝙝𝙚𝙧 𝙀𝙙𝙪𝙘𝙖𝙩𝙞𝙤𝙣. Nawa’y patuloy kayong pagpalain ng lakas, karunungan, at inspirasyon upang higit pang magabayan ang mga g**o, mag-aaral at ang susunod na henerasyon.

Sa kabila ng taimtim na paggunita ngayong Biyernes Santo, nawa’y maramdaman ninyo ang biyaya ng buhay at ang aming pasasalamat.

Muli, mula sa 𝗞𝗮𝗽𝗶𝘀𝗮𝗻𝗮𝗻 𝗻𝗴 𝗺𝗴𝗮 𝗚𝘂𝗿𝗼 𝗮𝘁 𝗺𝗴𝗮 𝗠𝗮𝗴𝗶𝗴𝗶𝗻𝗴 𝗚𝘂𝗿𝗼 𝘀𝗮 𝗙𝗶𝗹𝗶𝗽𝗶𝗻𝗼, malugod ka naming binabati sa iyong kaarawan, Ma’am Susan!✨💙🤍